عنوان الموضوع : لا يا عيني قصيدة رائعة
مقدم من طرف منتديات الضمير العربي

لا يا عيني ما عاد لك بالليل مرقاد
دام النظر يا عين اصبح قليل
يا عين هي الدمع على بنت الاجواد
هليه يا عين على بنت الحلاحيل
بنت شيخ اصيل يكرم الضيف بالزاد
واليا نصاله المنكوب صار مثل الصقيل
ظبيه غيداء ما هزها نسناس البراد
تضحك وترسم بالثرى فراش المقيل
وتسوق الابل لا هاضت عاليات النواد
وتدعي ربها بأول واخر الليل
لانها شيخه ماتعرف الذل والانكاد
تصفق موج البحر بيدها يصبح شليل
ذكرها الطيب شايع في انحاء البلاد
وعلى مر السنين شوفها يشفي الغليل
لا قالت يا ابو فيصل قلت من ناد
قالت انا قلت لبيه يالجمال الاصيل
لبيه امري وعيونك لي هي المراد
قالت لا تغيب ترا غيبتك تزيد العليل
قلت ابشري يالهنوف قاهره الاحقاد
على خشمي وامرك انفذه ولابه تأجيل
وانتهاء محور نقاشي بوقت الهجاد
وابتداء موضوع الضمضمه والتقابيل
ضميتها والاياد اصبحت بالاياد
وكنيتها كنة الابو لابنه ودمعه يسيل
وشاهدتها تبتسم وتو نور القمر باد
واعطيتها الشفه وعطتني شيء مستحيل
وجريت صوتي لبى عيونك يا سعاد
يا سعد قلبي في لقاك يا ركابه الخيل
اليا منت انتيهنا ورحتي للديار البعاد
سلمي على ربعك هم قروم رياجيل
يا بنت ذيابه ما همهم ليل وسواد
ما همهم غير الدله وهزت فناجيل
في الليل اشراس لا غد لهم غاد
وفي الصبح اعزاز لاجالهم حليل
سلمي وقولي للشيخ ابن فهاد
ما ياصل غيرك الجبل لانك طويل
يا ابن فهاد وانت اخذ العلم الوكاد
ما يحب الفلوس غير منهو البخيل
وانت مدتك تشهد لها كل الاولاد
في العيد مدتك مالها من مثيل
تونس اليتمان والاطفال المهاد
وتضحك الشيبه والطفل النحيل
غيرك شهد لك واوثق الاشهاد
على الكرم والجود والخلق النبيل
ويدك يوم البعث تشهد عند رب العباد
انها ما حاولت تاخذ الشيء الرذيل
بعد هذا اختمها بصلاه على الجواد
النبي الهاشمي صلوا على هاك الخليل
عد وبل السحاب وعد همال الرعاد
وعد صوت البروق اللي تهد الحيل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعطيك العافيه

__________________________________________________ __________

>>>> الرد الثاني :
صح السان الي كاتبها
ولاهنت يااخوي مسعود

__________________________________________________ __________

>>>> الرد الثالث :
صح بدنك انا اللي كاتبها يالغاليه

__________________________________________________ __________

>>>> الرد الرابع :
صح لسانك وعلا شانك

حاولت اقتباس بيتين لكن كلها رووعه

ماشاء الله عليك احساس وشاعر رائع

يعطيك العافيه وننتظر المزيد منك

تحياتي وتقديري

__________________________________________________ __________

>>>> الرد الخامس :
ماشاءالله عليك ي الشاعر
بحق ابياتك تستحق المتابعه
صح لسانك وسامحني عالرد ال
متواضع..
ودي لك