عنوان الموضوع : لميت زول القلم ** قصيدة خليجي
مقدم من طرف منتديات الضمير العربي

قصيدة

لميت زول القلم

اليوم قافي تحلف غير يحكيني
واجبرني اسكب معه من علمي الخافي

لميت زول القلم والتف في يديني
و بدا صريره بدمعة حبر من قافي

احس روحك بروحي يانظر عيني
يا حب فيني تأصل ماله امشافي

والله انــــي عرفتك بس بيديني
وانا ببحر/ن غريق بدون مجدافي

سمعت صوتك يدندن في شراييني
وادمنت حضن/ ن وسعني يالغلا دافي

لا من قسى لي زماني وقام يكويني
صرتي لي برد وسلام وخير ميلافي

والبرد لا طال روحي وارعش يديني
كنتي لي اجمل دفا اكثر من الحافي

يمه فديتك بروحي يااجمل اسنيني
يا رحمة اللي خلقني و للملا كافي

امانة الله دخيلك لا تخليني
من غير زولك حياتي هم تنعافي

ياجعل يومي سبيق وتنقفل عيني
واتوسد الطين تحتي وفوقي الحافي

رفعت راسي ألم والحزن يشقيني
واوراقي اللي جمعت بدمعتي طافي

يوم المحتني وانا امسح وابعد يديني
وارسم لها ضحكتي يا حي ذا اللافي

استفسرتني عن اللي قام يشقيني
قلت اعذريني دخيلك مابي اخلافي

اشلون اكدر خفوقك باللذي فيني
والحرف مهما سكبته فيك ما يافي

أوراق الخريف

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح لسانك اوراق الخريف
قصيده رائعه وجميله
والمعنى رائع ووافي
تستحق التقييم

اعجبني:...


رفعت راسي ألم والحزن يشقيني

واوراقي اللي جمعت بدمعتي طافي

يوم المحتني وانا امسح وابعد يديني
وارسم لها ضحكتي يا حي ذا اللافي

__________________________________________________ __________

>>>> الرد الثاني :
صح لسانك
كلمات جميله أعجبتني لدرجه بدأت الحنها
نفس لحن لاتنشد القلب قلبي حيل كاويني
تقبلي مروري


تم الإرسال بواسطة iPod touch بإستخدام منتدى عبير

__________________________________________________ __________

>>>> الرد الثالث :

صح فكرك ونبضك ولسانك
يا صاحــبة الحــرف المتألق
و ملــكة القلم الذهــبي الرائع
( أوراق الخريف )
تحــية معطرة بالورد أهــديها إليك
كم يســعدني دوما ان اري هــذا النزف الرائع الجــميل
فاعجز عن الشـكر على كل ما تخـطه أناملك الذهـبيه
وما يتدفق من حبرك العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
دمتي بخير ودام نزف قلمك الراقي
تقبلي مروري
تستحقي خمس نجموم واكثر


__________________________________________________ __________

>>>> الرد الرابع :
كلمات رائعه وجميله وصح لسانك
ويعطيك الف عافيه تقبلي تحياتي وتقديري

__________________________________________________ __________

>>>> الرد الخامس :
[CENTER]


و بدا صريره بدمعة حبر من قافي
احس روحك بروحي يانظر عيني
يا حب فيني تأصل ماله امشافي
والله انــــي عرفتك بس بيديني






قصيده جميله جدا وابياات راائعه
احسااس فااق المعنى والتعبير
دائما مبدعه أختي أورااق الخريف
وأسم الله عليك وعلى فكرك ألأنيق
وداام مدااد قلمك في التميز وداام نبض قلبك
تسلم ألأياادي ويعطيك الف عاافيه

[/CENTER