عنوان الموضوع : رواية لعبة الاقدار كامله روايات
مقدم من طرف منتديات الضمير العربي

.....الج الأول زء....
دخلت العنود للمطبخ عشان تتريق وحصلت امها لوحدها قاعده تتريق حبت امها على راسها:صباح الخير يمه
ام حمد:صباح النور حبيبتي ..
العنود:اجل يمه وينهم اخواني؟
ام حمد: يعني وينهم راقدين ماتعرفينهم اخوانك اللي قاعد ساهر على الانترنت ولا اللي قاعد يلعب بلاي ستايشون لين الساعه 7 الصبح..الا انتي وش عندك صاحية هالحزه؟
العنودوهي تصب لعمرها نسكافيه:لا يمه ولا شي بس انا مواعده هيفاء بالفيصلية عشان نشتري شوية اغراض ناقصتنا للسفرة.
ام حمد:للحين ماخلصتوا اغراضكم ماعد بقى شي على السفرة .
العنود:لا بس اشياء بسيطة مرة يعني انا ناقصني كذا ايشارب وهيفاء ناقصها بنطلون حق وحده من بدلاتها.
ام حمد:انزين لاحد يطول.
العنود:ان شااااااااااالله اي شي ثاني ؟
ام حمد:سلامتك بامانة الله.
قامت العنود لبست عبايتها واخذت شنطتها وطلعت وفي هذا الوقت هيفاء واقفه عند مدخل الفيصلية الرئيسي تنطر العنود ومتضايقه حدها وقاعده تسبها في نفسها وتقول:معليه فيها الخايسة بتشوف ايش بسوي فيها اقولها الساعه تسع ونص الحين الساعه صارت عشر واهي للحين ماجات،ماشافت الا العنود داخلة من البوابه قاعده ادورلها وعقبها طلعت تليفونها تبي تتصل على هيفاء الا وحدة فارصتها بايدها بقو قامت العنود تصرخ وهي صاره على اسنانها:آآآآآآآآآآي شفيك يالخبلة تفرصيني؟
هيفاء وهي تنوفخ من الزعل:يعني ماتدرين وش فيني...وش عندك متأخرة لهالحزه؟
العنود واهي تفرك مكان الفرصه:ياختي قمت متأخروبعدين كلها الا نص ساعه متأخره ...
هيفاء:ايه عادي عندك لانك مومثلي مافطرتي وميته من الجوع...
العنود:طيب كان دقيتي علي وانا اقولك افطري لغاية ماجي.
هيفاء:وانا ايش يعرفني انك بتتأخري كذا..
العنود:طيب ياحبيبتي ولا يهمك انا عازمتك على الفطور على حسابي ايش رايك؟
هيفاء واهي شاقه الحلق:صدق؟
العنود:ايه صدق...يله نروح..ها وين خاطرك تفطرين؟
هيفاء:عشانك تاخرت علي نصف ساعه بنفطر في ستار بوكس تعويض لي..
العنود وهي تكشر:اااااوه بس انا مااحب ستار بوكس ماعندهم شى غير الكروسون والكيك ...!
هيفاء وبنظرة تعجب...وش فيك انتي مب انتي اللي عازمتني.. وتفرضين علي وش اكل بس ..بس اكلي تبن..
العنود:ياسلام طراره وتشرط ..ياذكيه كنت ابي افطرك في مطعم لبناني يجنن ..عنده مقبلات ..فول وحمص وفاصوليا تاكلين اصابعك وراه..
هيفاء:أي اجل ..احسبك بتفطريني همبرغر مع الصبح ..
* * * * * * * * *
وهم قاعدين ياكلون في ساحة المطاعم ..جات هيفاء باكلها من المطعم ما خلت شى في خاطرها خمت اللي في المطعم كله ..لعانه في العنود وهي تطالعها بحمق ..العنود: لا مانتي بصاحيه..حشى بتاكلين هذا كله ..الله يقطع بليسك فشلتينا..
هيفاء: وش علي منهم انا ..والله يالعنود من زمان ماطلعت الفيصيليه وتمشيت..
العنود :والله ماحد قالك حابسه عمرك في البيت .. وتذاكرين كنه ماحد عنده ثانويه الا..انت كلهم يدرسون ويطلعون في الweek end !
هيفاء:بس يالعنود كان كل همي في ذاك الوقت اخذ اعلى نسبه ..عشان تقبلني كل الجامعات..على الاقل سجني جاب نتيجه خذيت اعلى نسبه..(98%)
العنود:اللي يسمعك يقول بتاخذين الدكتوراه
هيفاء:اجل..انا ناويه اخذ الدكتوراه والماجستيربعد..ليش اللي خذوها احسن مني .. العنود:بنشوف يادكتورة زمانك ..بكره اذا جاء حبيب القلب نسينا هالكلام كله .. ولهيت بالعيال..
هيفاء:لاعيوني.. مانخلق اللي يخليني انسى دراستي ومستقبلي ..بعدين انا اؤمن بمساواة الرجل والمرأه..
العنود : يالله يادكتوره تاخرنا وماشرينا شى..
(هيفاء بنت طموحه وتحب الدراسه طول عمرها مشتطه حق الامتحانات ,, واذانقصتها علامه ..شغلتها مناحه في البكي..والرومانسيه عندها معدومه ..ولا يهمها الطرف الاخر .. عكس العنود ..حبوبه ومرحه ماخذه الدنيا على هواها وتحب تقرا الروايات الرومانسيه اللي يشوفها يقول عنها مغروره بجمالها ..بس هيفاء ماتقل عنها خفة دم وشطانه ودلع..الاثنتين ماخذين حقهم في الدلع ثالث ومثلث.........)
يوم خلصت هيفاء من اغراضها قعدت تستنى العنود اللي مابينت ..قالت لها انها بتروح هارفي نيكولاس تشتري ايشاربات وبترجع ..يالله هالبنت بتجنني..
يوم التفتت لقت العنود في وجهها.. وينك طولت ..البنت وجهها معتفس
هيفاء:وش فيك العنود ..؟
العنود :هذا الاخ اللي وراي ..جنني ماخلاني اتسوق على راحتي.. يطاردني على كبر المجمع..هيفاء بنظرة استغراب هو وشلون شاف وجهك..(لانهم متغشين)
العنود:رفعت الغشوه عشان اشوف الشالات عدل الا هذا الاخ وراي يرقم ..
مارديت عليه قام يلحقني ..ماخلاني اتسوق على راحتي...
هيفاء :وينه,,وينه,,,خل اعلمه وشلون السنع ..
العنود :ياختي خليه ..وش عليك منه الحين بنروح البيت ..هههههههههههههه الحين من جدك وش بتقولين له ..
هيفاء:وش اقوله انت الثانيه ..ارويك سنع الله فيه..بالشبشب على راسه..
العنود:هههههههههههههههههههههه..يلا السواق عند الباب..
وهم في السيارة قاعدين يسولفون العنود طرا عليها شي
العنود:ايه..هيفاء تدرين من في لندن ؟
هيفاء:من؟
العنود:لا انتي حزري مين؟
هيفاء ونفذ صبرها:اووووووووف اخلصي علينا مب فاضيتلك مين؟
العنود:بيت عمي محمد هناك..
هيفاء:والله معناته الهنوف معهم..والله واحلوت السفرة..
العنود:تدرين والله ان احنا قاطعات ماكلمناها من زمان..
هيفاء:اسكتي لا تقولين حتى انا من زمان ماكلمتها...
العنود وهي تطالعها بخبث:اقولك احنا من طينة وحدة وانتي منتي مصدقة..
هيفاء وهي مصدومه :فال الله ولا فالك انتي تشبهيني....مستحيل
العنود وهي ترد بترفع:قصدك وش جاب القرد تاشرعلى هيفاء عند الغزال تاشر على عمرها...
هيفاء شهقت:انا القرد يالغوريلا...
العنود وهي كاتمة ضحكتها من شكل هيفاء:اذا خاطبك السفهاء قولوا سلاما:
هيفاء هنا عصبت :انا سفيها ....طييييييب ياعنييد ان ماوريتك ماأكون انا هيفاء.
العنود وهي ميتة من الضحك:هههههههههه ...امزززززح معك يالخبلة شفيك كذا ماخذتها جد؟

هيفاء:خلاص بتشوفين حتى لو تمزحين ماراح انساها لك..
العنودوهي تتلصق بهيفاء :يله عاد..انا عنوده حبيبتك تزعلين علي...يله.
هيفاء مخططه شي للعنود بس عشان تسكتها رضت
هيفاء:خلاص ..خلاص خلي منك هالتلصق رضينا ..اوكي؟
العنود بنظرة شك:بجد؟
هيفاء:ايه بجد..
العنود رضت وبعدت منها وضلوا يسولفون لغاية ماوصلت هيفاء لبيتها ورجعت للبيت.
..........................................
في نفس الوقت ببريطانيا فيه شاب سعودي من اكبر عوائل السعودية عمره 25 سنه واسمه فواز يدرس بجامعة السانت هيرست العسكرية ببريطانيا مافيه بنت جت لندن بالصيف الا وعاش معها قصة حب واذا خلص الصيف تخلص القصة معه، والبنات ماينلامون فية لان فواز ملفت للانتباه بالمرة لانه طويل وعريض وشعره اسود وعيونه بنية واللي محلية اكثر اهي القمزة اللي بخدة الايسر ..يعني باختصار هو جميل مب جميل الطلعه بس فيه رجولة طاغية...
كان قاعد بالمحاضرة لما اهتز جيبه فطلعه علشان يشوف مين اللي متصل الا اهي وحده من صديقاته وقام ابتسم بسخرية وصك التليفون بوجها ورده بجيبه،فهد صديقة انتبه للحركة اللي سواها فواز فاستغرب منه هالحركة فقام همسله علشان الدكتور ماينتبه:فواز وش عندك سكرت الجوال؟
فواز :هذي وحده ماتفهم اني ماعد ابي اسمع صوتها ولا اشوفها...
فهد:اها ..لايكون سارة البنت الكويتية..
فواز:ايه اهي.
فهد وهو يهز راسه:ياخي انت ماتخلي منك هالحركات؟
فواز وهو متنرفز من نفس الاسطوانه:انت ماتسكت من هالسالفه ياخي قلنالك حرررر...
الا الدكتور يكلمهم وهو زعلان:fahad….fawaz would you pleas be quit!
(فهد...فواز ممكن لو سمحتوا تسكتون)
فهد:sorry Dr
ردوا ينتبهون للمحاضرة
………………………………..
ياترى ايش ناطر البنات بلندن
وفواز هل بيتوب وبيخلي منه هالحركات ولا فيه شي راح يصير ويخليه يتغير
وفهد هذه الشخصية الجديدة بتتعرفون عليها بالجزء الجاي ان شالله.

ابي ردووووود ترفع الراااااس

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اوخص بيت عمها محمد بلندن


ونااااااااااااااسه

يعطيك العافيه خيتووووووووووو


انتظر الجزء الثاني

__________________________________________________ __________

>>>> الرد الثاني :
يعطيكي العافيه
وياليت فعلآ تكملينها حسب القوانين
ولاتهملينها مثل باقي العضوات

__________________________________________________ __________

>>>> الرد الثالث :
الله يعافيكم

الحين اكملهاااا بعيووووووووني

منووووووووووووورين

__________________________________________________ __________

>>>> الرد الرابع :
.....الج الثاني زء....
في المطار كانت العيلة كلها مجتمعه يعني والدة هيفاء ووالدها ونفس الشي مع العنود اللي كانت مرة متوترة من الرحلة لان بيني وبينكم عنود فيها خوف من الطيارة على كثر مايسافرون بس تخاف،وهيفاء كانت مخططه تخلي الرحلة جهنمية لعنود انتقام لذاك اليوم وهيفاء مب من النوع اللي ينسى،فلما اعلنوا بالمايك ان على كل الركاب المتوجهين للندن الحضور للبوابه رقم 32 عنود انقلب وجها الوان فتمسكت بامها خايفة
عنود:يمه قولي ثاني مرة ايش هو دعاء ركوب الطيارة.
ام حمد:عنود ماله دعوه هالخوف كله سمي بالرحمن.
العنود واهي متنرفزة من برود امها:يمه بنركب الطيارة وانتي لسه ماقلتيلي الدعاء....
ام حمد:سبحان الذي سخر لنا هذا وماكنا له مقرنين وانا الى ربنا لمنقلبون...حفظتيه ؟
العنود :اصلا انا حافظته بس الخوف خلاني انساه..
حمد اخوها قاعد يطالع امه والعنود اللي متمسكه فيها من الخوف يمشون قدامه فقام يبي يخوف العنود شوي.
حمد:يمه...مادريتي؟
ام حمد: لا مادريت ..
حمد:تعرفين ليه تاخرنا...؟
ام حمد:لا والله ليه؟
حمد بخبث:لان الطيارة كانت عطلانه فلما صلحوها نادونا..
العنود هنا التفت على حمد وهي مبققه عيونها :حمد بجد تتكلم؟
هيفاء فهمت حركة حمد فكملت معه:ايه صحيح كلام حمد انا كمان عرفت بس ماحبيت اخوفك.
حمد قمز لهيفاء على اللعبة اللي يلعبونها على العنود:اف نسيت انك تخافين من الطيارة... بس خلاص يالعنود انتي كبرتي على هذا الخوف ..وبعدين الطيارة خلاص صلحوها ..
هيفاء تبتسم بخبث:ايه كلش اللي يسمعك يقول الطيارة بطيح علينا..
العنود هنا ماستحملت فطقتها صيحة،وقعدت تقول انا مب راكبة الطيارة وشكلها كان يكسر الخاطر فحزن شكلها هيفاء فقامت قربت منها..
هيفاء:عنوده يالخبلة تبكين ...انا وحمد قاعدين نمزح معك الطيارة مافيها شي...
العنود وهي ترفع وجهها اللي صاير احمر:يالكذابه .. اللحين تكذبون علي عشان اركب الطيارة..
حمد وهو يضحك على اخته:هههههههههههه والله انك سخيفة وما عندك سالفة .. اقولك ترا احنا كنا نمزح معك ويله قومي و خلي منك هالحركات ..
العنود وهي اطالعهم الاثنين بحمق : صدق انكم اسخف ناس قد شفتهم بحياتي...والتفتت على هيفاء..وانتي لاتقعدين جمبي بالطيارة فاهمه؟
تركتهم العنود وركبت الطيارة وخلت مها اخت هيفاء تقعد جمبها بالطيارة.
وحمد قعد مع امه وابوها قعد مع خالها ومحمد المسكين قاعد جمب واحد اجنبي وهيفاء يوم شافت ان العنود من جدها ماتبيها راحت وقعدت جمب امها.
هيفاء..وهي قاعده في الطائره تذكر اللي صار قبل اسبوعين واللي غير مجرى حياتها ..كان ااخر شى توقعه..بس هذا نصيبها..كانه صارلها بالامس ..
(في ذاك اليوم اللي رجعت العنود وهيفاء فيه من السوق..كانت هيفاء قاعده على الماسنجر تكلم رفيقتها ..الا امها داخله عليها ..وجهها يعبر عن شى ..جلست على السرير مقابلتها
ام فهد:يما هيفاء..ابيك تسمعين كلامي زين وتركزين ولاتكلمين ليمن اخلص كلامي..
هيفاء:خير يما عسى ماشر روعتيني
ام فهد:خير يايمه مافي الا العافيه بس انت لا تستعجلين
هيفاء:تستعجلين وتركزين لا السالفه كبيره
ام فهد:امس بعد المغرب كانت عندنا خالتك لطيفه وكلمتني في موضوع يخصك
هيفاء:والله يالبى قلبها والله مشتاقه لها حيييل.. بعدين ليش ماقلت لي اجي اسلم عليها ..لحظه لحظه ..قلتي موضوع يخصني..اي موضوع ..؟
ام فهد وهي معصبة:خلصت .. خليني اتكلم ولا تقاطعيني..خالتك جات امس عشان تطلب يدك حق عيال اخوها منصور
هيفاءوبنظرة خوف :لا مستحيل اخذ تركي ..تركي لا ..لوتفضى الدنيا من الرجاجيل مااخذه
امها وقفت ومسكتها من كتوفها :من اللي قال انك بتاخذين تركي ..وش فيك نسيت نواف اخوه
هيفاء وبنظرة دهشه: نواف
امها :أي نواف..نواف اللي خطبك وقال انه يبيك من زمان بس استنى لين تخلصي الثانويه ..يقول انه حطاك في باله من يوم كنت صغار ,, ويتمنى اليوم االلي تكوني فيه مرته
هيفاء تطالع امها بنظره حزينه "يما بس انا توني صغيره على الزواج وقدامي مستقبل وطموحات في نفسي اسويها ..والزواج بيعطلها
ام فهد:لا بس ولا شى ..الولد بخير ونعمه ..ولا تنسين انه من عيال منصور الضاوي ..مستعد يخليك تدرسين في احسن الجامعات وبرع زي ماتمنيتي وكفايه النسب اللي بنستحقه من وراه ..كل بنت تتمنى تاخذ من عيال الضاوي..هذه فرصه وماحد يضيعها
هيفاء وهي حزينة: يمااا ..بس كذا انت تبعيني ..انا غير عن كل البنات ماتهمني الفلوس والجاه ..انا يهمني اخلاقه تفكيره شلون ..يما نواف مايناسبني
امها وبنظرة اندهاش:انا ابيعك!!انا ابيع الناس ولا ابيعك.. انت بنتي.. شمعةالبيت انا يا يما اتمنى اليوم اللي اشوفك فيه بسعاده في بيت رجلك ,,ونواف لو مااشوف انه يناسبك ماقلت لك اخذيه بعدين لاتنسين هذا ولد اختي
هيفاء:يما ,,بفكر بس بشرط ..انه ماراح املك عليه الحين بعد مااخلص ثاني سنه جامعه
بس انا قلت بفكر
امها وبابتسامه عريضه:استخيري يابنتي وفكري زين لاتستعجلين اخذي راحتك
هيفاء:ان شاء الله يما بفكر في الموضوع
امها وهي تطلع من الغرفه التفت لها:الا هيفاء..وش فيك خفت من طاري تركي ..لا تنسين انه بيصير حماك ولا زم تتعودين عليه
هيفاء وهي ترتجف : هاا أي ..تركي لا يما بس ماتخيلت يوم من الايام انه بياخذني ..وحتى انا ماابيه
ام فهد:ليش وش مسويلك عشان تاخذين منه هذا الموقف ..بالعكس تمنيت انه ياخذك ..بس النصيب..يلا ياحبيبتي ..بخليك تصبحين على خير
هيفاء:وانت من اهله يالغاليه
هيفاء اول ماطلعت امها من الغرفه طاحت على السرير من الرجفه اللي تسري في جسمها ..قعدت تطالع السقف يارب انا في كابوس ..انا مافكرت في الزواج واذا فكرت ..مب من عيال خالي منصور..(تركي...كل ماسمعت هالاسم كوابيس الماضي ترجع لي ..اوبالاحرى الذكريات الحلوه اللي انقلبت فوق حدروصارت ذكريات حزينه للحين من جروحها اعاني وغيرت كل الموازين واولها مشاعري ..تجاه تركي ..اللي تغيرت من مشاعرصداقه الى الكره..) ليش يارب ..ليش وش معنىنواف اخو تركي ..كل ماتذكرت وجه امي وفرحتها ارجع اغير راي ..لا لا تصيرين انانيه ..فكري في ابوي وامي..ااه تنهدت هيفاء.. في هالليله النوم ماقاربها قعدت تفكر في القرار.. اللي بغير مصير حياتها كله.. قامت هيفاء الظهر وهي تحس بثقل بجسمها وبتعب لانها مانامت الا كم ساعه حست انها مافيها حيل تنزل تحت ..الا سمعت الباب يطق عليها
هيفاء بصوت مبحوح :ادخل
الاوجه ابوها السموح يطل:صباح الخير يااحلى بنت في الدنيا.. (وفي يده صينية فطور
) وهي تطالعه بنظرة صدمه:يبا وش له متعب عمرك تجيب الفطور بنفسك ؟ كان خليت الخادمه تجيبه..ههههههههههههه تصدق ماتخيلت يوم من الايام اشوفك كذا
ابوها:هههههههههههه ليش مايليق علي اشيل صينيه..وش اسوي ماشوفت وجهك على الفطورالصبح ..قلت اجيبلك الفطوربنفسي.. فيها شى اذا اشتاق اب لبنته
هيفاء:ههههههههههه لا مافيها شى يالغالي ..بس ماراح اكل الا بشرط ..؟
بوفهد:وشوالشرط....؟
هيفاءوهي تضحك:انك تاكل معي ..لان الاكل معك يابوهيفاءيفتح النفس
بوفهد:بس هذا ..انت ماتطلبين ..انت تامرين امر..يلا يابنتي سمي بالرحمن واكلي
بدات هيفاء وابوها..ياكلون بصمت ..حست هيفاءفي نفسها ان ابوها يبي يكلمها عن موضوع امس بس مااعرف شلون يفاتحها .. الجو اللي بينهم كان مشحون بالمره
استنى ابو فهد لمى تخلص هيفاء من فطورها
ابو فهد :هاخلصت يابنيتي..(هيفاء هزت راسها موافقه)في العافيه يا بنيتي
هيفاء:الله يعافيك..هاا يبا جيتك هنا فيها شى ..شكلك تبي تقولي حاجه
ابوفهد:أي يبا ..على مااظن امك كلمتك امس ..عن نواف..ووجيت اليوم اشوف وش نويت عليه والصراحه ابي اريحك من هواجيسك..اللي تفكرين فيها
هيفاء:هواجيس ..اي هواجيس؟
ابوها:يابنتي انا على خبري فيك من يوم كنت صغيره وانت تفكرين في غيرك قبل نفسك ..وانا اعرف انك ناويه توافقين عليه عشان تفرحين امك .. بس انا جاي اقولك انه مهما كان قرارك احنا راضين فيه واذا رفضتيه راح تكملين دراستك وتاخذين الدكتوراه اللي وعدتيني فيها ..اما اذا وافقت عليه راح تفرحينا.. والله راح يوفقك معه ان شاء الله
هيفاء :مادري وش اقولك يبا انت كذا ريحتني من هم ثقيل
ابو فهد:لا تقولين شي..بس احذرك اذا بتوافقين عليه وافقي لاسباب تخصك انت مو عشانا ..احنا مانبغي الا سعادتك..يلا انا بخليك تفكرين على راحتك
هيفاء والعبرة خانقتها: يبه ..(ماقدرت تكمل اللي تبي تقوله فقامت وضمته
بو فهد منصدم:ههههههههههه..اللحين ابغيك تفكرين تروحين تبكين..اذا البكى هو الحل كان قلت لك ابكي من زمان.. بس امسحي دموعك لا تخليني ازعل عليك تدرين اني ماقدر عليها.. في هالليلة قررت هيفاء انها توافق بعد تفكير طويل لانها راح تظلم نواف اذا حكمت عليه من خلال اخوه..
* * * * * * * * * * * * * * * * * * * *

في حي راقي في الرياض على بعد شارعين من شارع العليا فيلا لفتت انتباه الناس بجمال تصاميمها للي كان علىشكل تصميم هندي..كان بيت منصور الضاوي من اكبر التجار في الخليج وسمعته اللي تهز السوق هز..الفيلا تكون من ثلاث طوابق ..في الطابق الارضي كانت العمه لطيفه تكلم ام فهد بالتلفون
العمه لطيفه :صددددق الله يبشرك بالخير والله انه هذا احلى خبر سمعته
ام فهد :والله انه هذه الساعه المباركه اللي ناسبناكم فيها
العمه لطيفه:خل اروح ابشر نواف بيطير من الفرحه
الا باب الصاله ينفتح ويدخل نواف وهو تعبان من الشغل
العمه لطيفه ماسكه السماعه:الطيب عند ذكره.. تعال ياولدي ابشرك
نواف مستغرب:بو وشو عمتي؟
العمه وبفرحه واضحه:هيفاء وافقت عليك ولدي
نواف مازال مومصدق اللي يسمعه:هيفااء وافقت..انافي حلم ولا في علم
مدت له بسماعة التلفون :وهذه خالتك ام فهد على الخط كلمها باركلها
كان نواف متحمس خذا السماعه:هلا خالتي ام فهد
ام فهد:هلا بولدي نواف ..مبروك مبروك..يولدي..تستاهل
ضحك نواف:الله يبارك بعمرك ياخالتي..وش اخباركم..ان شاء الله طيبين
ام فهد بخبث :وش اخبارنا ولا وش اخبار هيفاء ..عالعموم احنا بخير
نواف:هههههههه بالعون سؤالي عنكم عامة مااقصد فيه حد.. بس مادامك جبت طاريها وش اخبار الغاليه .. ام فهد:ههههههه من الحين غالييه..ماانت بهين يانواف
نواف:والله ياخالتي غلاها بقلبي ماتغير..الاخالتي اذا ماعندك مانع اكلمها ابارك لها
ام فهد حست بارتباك:ها..اي هيفاء بنتي طالعه لبيت عمتها اذا ردت بخليها تكلمك يلا حبيبي ما اطول عليك سلم على عمتك لطيفه ومع السلامه
نواف حس بخيبة امل :الله يسلمك نشوفك على خير
ام فهد حست براحه انها ماكلمها لان هيفاء من يوم وافقت وهي ساكته ماتكلم تمشى مثل الميته حست انها ظلمتها بس ماحد جبرها تاخذه..الله يهديها.. وتقتنع.. سكر فهد السماعه وهو مكتئب
وعمته تطالع فيه.. رفعت راسها له:وش فيك ياولدي اختبصت
نواف بهدوء :لاولاشى كنت ابي اكلم هيفاءبس طلعت مب موجوده
العمه لطيفه وفيها ابتسامه:لاحق عليها ان شاء الله الا ماكلمنا اخوك تركي نقول له
نواف وهوسرحان:أي لازم نقوله خبر مثل هذا لازم يعرفه
العمه لطيفه:بس اناكل ماكلمته مايمسك الخط شكله مسافر بلاد بعيده
نواف باهتمام:متى اخر مره كلمتيه
عمته وهي تفكر:اخر مره قالي انه في اليابان عنده صفقه بعدين بيروح لندن عنده اجازه هناك
نواف :اجل شكله عاده في اليابان لان الخطوط صعبه من هنا لهناك
ونواف بينه وبين نفسه يقول وهو يبتسم ابتسامة خبث :وينك ياخوي تسمع هالخبرية.....

__________________________________________________ __________

>>>> الرد الخامس :
الج الثالث زء
بمطار هيثرو كانوا العايلة الكريمة توها واصله وحمد قاعد يدق عل فهد ولد خاله يشوف وينه لانه مواعدهم ياخذهم من المطار التفت على اخته يبي يشوف وش حالها الا وقام ابتسم باستهزاء من شكلها الدرامي هز راسه وراح قعد عند الكافية ينطر فهد.
هيفاء وهي قاعدة قرب العنود وتهويها من كثر ماهي مصفرة ..المسكينة داخت عليهم بالطيارة و كل دقيقه رايحه الحمام وراده في الاخير هيفاء حنت عليها وقعدت جمبها..
العنود تلتفت على هيفاء بتعب :ها السيارة جت ولا لسه؟
هيفاء تناظر صوب حمد وحصلته يشرب كابتشينو ردت للعنود:لا شكلنا مطولين اشوف حمد قاعد بالكافية...
العنود: يالله تصدقين اول مرة ادوخ من الطيارة كذا...
هيفاء تضحك وهي تتذكر شكل العنود: هههههههههههه...بس لو تشوفين شكلك كان متي من الضحك...خسارة ياريت كان عندي كاميرا كان صورتك...ههههههه..
العنود وهي تطالعها بنص عين:تتمسخرين حضرتك...اقول اسكتي لا اعطيك كف الحين.
لحظات الا فهد امبين من بين الناس ياشر على محمد قام محمد وفز من مكانه عشان يسلم على فهد:هلا هلا والله بمحمد...
محمد:هلا فهد..شخبارك؟
فهد :والله الحمدالله..الا الاهل وينهم ؟
محمد يأشر على مكان ما قاعدين:هناك عند الكراسي...
قام فهد راح لهم واول ماشافته هيفاء طيران بحضنه وفهد يضحك على شكل اخته اول مرة تطلع مشاعرها كذا ولا دايم مناقر معه..
هيفاء:هلا والله بحبيب قلبي فهد..والله لك وحشه..
فهد بأستغراب:هلا فيك ...وبعدين ايش هذا الكلام علينا هالحكي ياهيووووف..
هيفاء وهي تكشر بوجهه:انا الغبية اللي اعبر..والا انت مو وجه كلام حلو...
فهد وهو عيونه على امه:اقول قومي خليني اروح اسلم على الغالية وخر هيفاء وراح حب راسه امه وايدها وهي قعدت تصيح من شافته
ام فهدوهي تمثل الزعل :اقول وخر عني توك تحس ان عندك ام ..اعنبوك يالظالم ماتكلمني الا مره بالاسبوع والزيارات من سنه لسنه
فهد وهو يضحك :يما الله يهداك هو علي كيفي ..الدراسه هنا صعبه حتى في الاجازه لازم ندرس ..واذا على المكالمات السكن محددين يوم واحد في الا سبوع نكلم فيه الاهل
ام فهد ودموعها سيلان على خدها :بس انا امك اوله عليك وابي اسمع صوتك
فهد بابتسامه:من يلومك يالغاليه ...اقطع لسان اللي يلومك ..هههههههههه الله يهديك بس ..
بعدها فهد قام وسلم على ابوه وعمته وزوجها وقام يتلفت يدور على حمد وسأل ابو حمد:اجل ابو حمد وينه ولدك...لايكون ماجا معكم؟
الا واحد يرد عليه من وراه:مب على كيفك مااجي.. ياحبيبي هذي لندن ماتفوت..
ضحك فهد والتفت على ولد عمته:هلا والله بالغالي..
حمد:الله يحيك ها يابو عبدالعزيز.. اشوفك نسيتني ولا كنه عندك ولد عمه لا الو ولاشي..
فهد:والله ياحمد انت اعرف بحال الجامعه..
حمد:معذور ..معذور ياولد خالي..
فهدالتفت عليهم وقالهم يالله خلونا نمشي وخذاهم من المطار الى الشقه.. وهم في طريق من المطار رن تلفون هيفاء ومكتوب على الشاشه (توام روحي ) هيفاء وهي مستانسه :هلا والله حبيبي وش اخبارك .. نواف:بخير ياعمري من سمعت صوتك وانابخير ..هابشريني وصلتواحبي
هيفاء : أي الحمدالله وصلنا والاهل يسلمون عليك
نواف:الله يسلمهم الا من استقبلكم في المطار
هيفاء باستغراب: وش فيك نسيت فهد اخوي يدرس في لندن
نواف :اهاا وين يدرس اخوك .. هيفاء:يدرس في جامعة سانت هيرست العسكريه
نواف متعجب :اوف اوف مب هين اخوك هذا يدرس في احسن جامعه عسكريه
هيفاء بفخر: أي وش علبالك ..بعدين جايب نسبه تقبله احسن الجامعات اللي يتمناها
نواف: غريبه اخوك هذا يوم احنا صغار مايلعب ..بدوي كل سوالفه عن البر ودايما يروح مع عمانه المزايين .. (المزايين: مسابقة لاحلى ناقة)
هيفاء :ههههههههههههه في هذه معك حق ..انت مادريت بسالفته مع الانجليز ..تصور كان معلق في غرفته في السكن صور الطيور والأبل والحباري ..وش سوى رفيقه في الغرفه طلب ينقلونه غرفه ثانيه نواف:ليش؟؟
هيفاء :هههههههههه يحسب اخوي مجنون عشانه معلق صور حيونات غريبه عليه
نواف وهويضحك :هههههههه في هذه ماراح الومه اخوك مب صاحي ..
هيفاء:يلا حبيبي تامر على شى قربنا نوصل من الشقه ..
نواف:احرصي على نفسك ويلا بامان الله حبيبتي ..
هيفاء: في حفظه ورعاته يالغالي..
العنود وهي تطالع هيفاء بخبث:يالغالي مرة وحده...متى صار هذا؟
هيفاء وهي تتكلم من جدها :تصدقين يالعنود اول كنت اتهرب من مكالماته ولا عطيته فرصة لكن الحين لما عرفته طلع غير بالمره...
العنود وهي تمعن بهيفاء وتحس انها مانست الموقف اللي صار مع تركي :هيفاء لساتك مانسيت اللي صار..
هيفاء وهي تناظر العنود:شلون تبيني انسى ..ماقدر انسى ولو ايش يصير ماقدر... هيفاء فتحت دريشة السياره عشان تشم شويةهوا ..كان الجو يجنن والهوا يلعب بشعرها وتساقطت خصلات على وجهها الملائكى كان شكلها روعه مثل الرسمه هيفاء كانت سرحانه تذكر اللي غير مشاعرها تجاه نواف كانت بعد خطوبتها تهرب من مكالماته..لين اضطرت تواجه الامر الواقع وتكلمه ..وياليتها ماكلمته ..كان كلامه معها حلو ويفهمها من غير ماتتكلم خلا قلبها يميل له غصب بعدها شوي شوي تعودت عليه اذا مر يوم وماكلمها تشتاق له بس للاسف ماعصفتها مشاعر الحب اللي تسمعها بالافلام قلبها ما يضرب بقوه اذا سمعت صوته بس يمكن عشانها ماتشوفه.. في السياره الاولى كانت فيها عمتهاو اهلها..والسياره الثانيه يسوقه فهد اخوها مااجرها لهم وكانت العنود معاهم ولما التفتت لها هيفاء حصلتها في سابع نومه بعد الدوخه اللي حاشتها ..وصلوا عمتهم اول لشقتها بعدين راحوا لشقتهم لقوا وجه باسم تعود يستقبلهم كان هذا بواب عمارتهم الايطالي مارشيلو : hello senior salman hello mom بعدين فتح يدينه عشان يضم مها اختها ooh suniorita come here and give marsheloo a hug.. مها اختها مدت ايدينهاتقاطعه مخترعه : no marshelo im now a big girl you cant huge me.. مارشيلو:you always well be my little girl
(لان خلودمن يومها صغيره وهي دلوعة مارشيلودايما يلعبها والحين بعد سنه كبرت) التفت مارشيلو على هيفاء وهو يضحك:hello suniorita how are you I see you still beautiful. هيفاء وهي تضحك im fine thank you ابوها :marshelo can you give me the keys مارشيلو برعب :what keys ser? ابوها بعصبيه:the key s of my apartment?marshello what happen to you.. مارشيلو..كان منصدم :but I thought the key with fahad ser ابوها:what..? مارشيلو:yes sure. because the Boland family left and didn’t give me any thing. التفت فهد لابوه :لا يبا ماحد عطاني شى ابوفهد :marshelo they cheat on me we don’t have the key مارشيلو وجهه حزين :im sorry ser (ابو فهد مااجر شقته لعائله بولنديه وكل صيف ياخذ الشقه منهم عشان يصيفون فيها..وهالمره خذوا المفتاح معهم..)
ام فهد والخوف بادي على وجهها :وش بنسوي الحين يابو فهد .؟
ابو فهد بتفكير:مافي الا نقعد باوتيل لين نلاقي شقه ناجرها او لين يحلها الله
هيفاء وهي تحس بخيبة امل :بس شقتنا هذه حرام تروح علينا
ابوفهد:ماراح اسكت عليهم راح ابلغ عليهم الشرطه
ابو فهد طلع الموبايل من جيبه وكلم نسيبه ابو حمد
ابو فهد متضايق :مرحبا بو حمد
ابو حمد:هلا هلا سلمان هاا بشرني عسى وصلتوا الشقه ولقيتوها نظيفه
ابو فهد:أي شقه ياخالد مافي شقه ,,غشونا البولندين وخذوا مفاتيح الشقه..
ابو حمد:لا حول ولا قوة الا بالله ..طيب والحل الحين مافيه مفتاح ثاني...
ابوفهد:لا والله ياخوي مافيه ..لكن الحين فهد يتصل على الاوتيل يشفلنا حجز لين مانحصلنا شقة ناجرها..
ابو حمد وهو متضايق:وش هالكلام يابو فهد تروح تسكن في فندق وشقتي موجودة..
ابو فهد:والله ماتقصر يابو حمد.. بس بعد مانبغي نثقل عليك..
ابو حمد يقاطعه:لا والله ماتسكن الا عندنا ..هذا انا حلفت وخلاص انتهى الموضوع...
ابو فهد سكر من ابو حمد وراح بلغ العايلة فانتقلو جميعا لشقة ابو حمد الواقعة في منطقة مايفير..ومحد مستانس من هالفكرة اكثر شي الا ثنتين وانتوا تعرفون مين....
***********
قامت العنود من النوم وكلها نشاط ومستعدة لأول يوم لها بلندن التفتت لهيفاء لقتها رايحة بسابع نومه قعدت تضحك وهي تتذكر سهرتهم امس والله انهم مخابيل ولا فيه احد يقعد على السطح ويقعد يغني بانصاص الليالي...هزت راسها وقامت عشان تاخذ شاور وتستعد علشان الطلعة..ولما رجعت لقت هيفاء لساتها نايمة فراحت عشان تقومها...
عنود وهي تهزها:هيووووف يالله قومي...هيوووف
هيفاء وهي تئن :قومي عني خليني انام...
عنود وهي متنرفزة:هيووف قومي عاد لاتسيرين سخيفة ..عاد ليمن تقومين وتخلصين يبيلك ساعه...يالله قوووووووووووومي.
قامت هيفاء وهي تأفف:اوووووووف قمت خلاص ....ارتحتي..
عنود وهي تبتسم:ايه ارتحت يالله اجهزي ولحد يتأخر علي ابي اروح سلفردج..
هيفاء وهي تبقق عينها:سلفردج ..وع..طيب خليها هارودز..
العنود وهي تطالعها بنص عيون :انا قلت سلفردج يعني سلفردج..
هيفاء :طيب امرنا لله سلفردج..سلفردج..
قامت هيفاء للحمام وعنود نزلت عشان تتفطر،شقتهم عبارة عن طابقين تحتوي على اربع غرف وصالة وغرفة طعام ومطبخ 3 حمامات وتتميز الشقة بلونها الابيض..نزلت وحصلت العايلة مجتمعين ومخلصين فطورهم ماعدا اثنين وهم حمد وفهد..
ام حمد:قمتي يمه..
عنود:ايه يمه..فيه فطور؟
ام حمد:ايه على الطاولة حبيبتي..
ام فهد: اجل هيفاء وينها ؟
عنود:الحين بتجي..
راحت العنود تتفطر وبعد شوي الا هيفاء داخلة عليها ولابسة نظارة شمسية العنود استغربت هالشي..
العنود:هيفاء شفيك لابسة نظارة ؟
هيفاء وهي مبرطمه:عيوني متنفخه..
فسخت النظارة عشان توريها العنود ولما شافتها العنود ماستحملت شكلها فقعدت تضحك عليها..
هيفاء وهي تطالعها زعلانه وتعطيها نظرة نارية:تضحكين يالخايسة..
العنود وهي ترد عليها بسخرية:والله ماحد خايس الا انتي وبعدين لاتعطيني هالنظرة اخاف عيونك اتنفخ زيادة..ههههههههه
هيفاء وهي تقلدها:"اخاف عيونك اتنفخ زيادة..ههههههه" بس جاب عاد ويله اخلصي علينا خلينا نروح..
قاموا البنات اخذوا اغراضهم ومصروفهم وطلعوا اخذوا تاكسي وراحو لسلفردج ولما دخلوا دخلوا من بوابة المكياج مكان العنود المفضل قامت العنود تحوس فيه وتشوف المكياج اللي يناسبها وتشترية ..هيفاء زهقت من كثر ماهي تمشي وراها .
هيفاء:اسمعي العنود انا بروح قسم الشناط اذا خلصتي دقي علي اوكي؟
العنود:اوكي..ايه ولا تنسين ترى انا عازمة الهنوف على الغدا اليوم..
هيفاء:اوكي..باي
رجعت العنود للمكياج تشوف وتجرب وتشتري ماخلت شي بخاطرها
................
فواز اللي كان واقف عند بوابة سلفردج الرئيسية وقاعد يدق على فهد وهو مايرد عليه،ارتفع ضغطه صايرله ساعه وهو ينطره ولا جا شكل الاخو نساه ونام،طيب انا ايش اللي موقفني هنا خلني ادخل داخل احسن لما دخل عدا قسم العطور وقعد يمشي الا لقا نفسه في قسم المكياج وكان يمشي رايح للدرج الكهربائي لما الفتت نظره وحده قاعده تجرب مكياج وتناظر نفسها بالمنظره وكانت لابسه بنطلون جينز وفوقه فستان بربري قصير وايشارب بربري فراح عشان يقط عليها الرقم عل وعسى تتقبله..
العنود وهي تجرب حمره وردية تناسب لون بشرتها البيضا وتطالع نفسها بالمنظرة حست انا احد قاعد يطالعها التفتت تشوف مين وتطيح عينها بعين فواز اللي اول ماشاف وجهها اهتز بدنه..يالله معقوله يكون فيه بنات بهالجمال الطبيعي للحين
ماكانت حاطه مكياج كثير مثل باقي البنات بس حلوه فقام عطاها وحده من ابتساماته الشهيرة وهو متأكد انها بتتأثر فيها وقالها: والله حلوه ولو شتسوين..؟
هنا العنود اتبدل وجهها من ذهول الى البرود والاحتقار عطته نظرة احتقار وصدت منه ومشت وهي قلبها مثل قرع الطبول..
هو انصدم من موقفها وتبدل وجهها الى الاحتقار مافي بنت قد سوت معه كذا من قبل.. هناهو ماستحمل فقام وقط عليها كلمة قبل لاتبتعد كثير:وش حاسبه نفسك من زينك عاد...
العنود وهي لازالت تمشي: صدق انك ولد شوارع وماتربيت..
فواز ماستحمل اللي قالته مو مصدق ان احد يقول له هالكلام فقام طلع من القسم وراح للقهوة المغربية بالطابق الاخير وطلبله قهوه وهو مقهورمنها وفجاءة انتبه لشي :انا شلون سكت لها ..شلون خليتها تكلمني كذا..يمكن لانها اول وحده ماعطته وجه.بس معليه بوريها بنت الذين..ماكون فواز العالي ان ماسنعتها..
في نفس الوقت هيفاء كانت تتبضع لما جات العنود ووجها معتفس هيفاء حست ان العنود مب طبيعية فخلت الشنطة اللي كانت بيدها وراحت لها ..
هيفاء:العنود عسا ماشر اشفيك؟؟
العنود:ماشي بس انا خلصت انتي تبين شي ولا خلينا نروح..
هيفاء حاسه انه في شي :ايه خلصت يله نمشي..
طلعوا من سلفردج وعبروا الشارع وهم قاعدين يمشون قامت هيفاء اقترحت انهم يتغدون بالمطعم الايطالي spegati house الموجود باكسفورد بما انهم مغرمين اكل ايطالي
العنود وافقت معاها وهي للحين متوترة من اللي صار لها هو صحيح كان حلو بس هذا مب سبب انها تحس بخوف هذي مب اول مرة تتعرض لموقف زي كذا بس دقات قلبها خوفتها.
انتبهت هيفاء لسرحان العنود واستغربت منها توها اليوم كانت مستانسه و تجنن..وصلوا المطعم واطلبوا المنيو..قامت العنود ودقت على الهنوف...
الهنوف:الو!
العنود:يامررررررررحبا والله بهالصوت..
الهنوف اعرفتها:عنيييييييييييد ..اهليين شلونك يالقاطعه..افا اهون عليك كذا تقطعيني لا مو بس انتي وبعد الخايسة بنت خالك..
العنود:السموحه يابنت العم..وبعد انتي تدرين الظروف..
الهنوف:ها متى بتجون لندن والله واحشيني...
العنود وهي تضحك:ههههههههه..طيب تبين تشوفينا
الهنوف:اكيد...وفجاءه شهقت:لا تقولين انتوا بلندن؟
العنود:ههههههه..صح
الهنوف وهي مرة مستانسه:اجل قوليلي وينكم عشان اجيكم؟
العنود احنا بسبغاتي هاوس اللي باكسفورد ..بس ها لاحد يتأخر ترى مرة جوعانين..
الهنوف:دقايييييييييق وبكون عندكم..
بعد ماسكرت منها قامت هيفاء وسألت العنود:العنود ممكن تجاوبين على سؤالي بصراحة..
العنود وهي مستغربة سؤال هيفاء: ايه أكيد ممكن..
هيفاء:أنتي صار ليك شي بسلفردج..
العنود توترت:ايه..
هيفاء : طيب ايش اللي صار..؟
العنود نزلت عينها: واحد جا وغازلني..
هيفاء ارتاحت:طيب ليش متضايقة كذا..مالت عليك إنا قلت أكيد السالفة كبيرة..
العنود:لا ياهيفاء السالفة عادية بس بصراحة مادري ليه خفت منه وبعدين أنتي ماشفتيه..
هيفاء بسخرية:اكيييييييييد شيين.
العنود:أي شين أنتي الثانية إلا قولي يجنن..في حياتي ماقد شفت واحد مثله بس مادري ليه خفت منه حسيت انه بيسويلي شي .ولا عقب ماصديته فشلني الله يفشله تدرين وش قالي.
هيفاء:وش قال
العنود:قالي"وش حاسبة نفسك من زينك عاد"
هنا هيفاء قعدت تضحك على العنود وهي تتخيل الموقف العنود زعلت:ضحكتي من سرك بلا انشالله..وش عندك تضحكين.
هيفاء:لأني متأكدة أن وجهك صارزي الطماطه لما قللك هالكلام..هههههههههههههه
في هاللحظه وصلت هنوف للمطعم وهي طالعه مرررررره كشخه البنات على طول قاموا يسلمون عليها هيفاء ضمتها بقوووو:اشتقتلك يالخااااااااايسة..
هنوف وهي تمثل انها مختنقه:اوه ..خنقتيني..اتركيني بمووووت..
هيفاء بعد ماتركتها :يله نرجع ولا ترى بيحسبونا طلعنا
لما قعدوا وطلبت هنوف بيتزا قامت العنود وسألتها:هنوف خبرينا عنك..وش مسوية وش اخبارك..وش مسوية بالجامعة...؟
هنوف وهي تضحك:ههههههه بل بل كل هذا اسئلة..واحده واحده..اولا انا كويسة ثانيا انا خلاص التحقت بجامعة بجدة..والسنة الجاية بابتدي دراسة فيها..
العنود وهيفاء ناظروها بحيرة لان الهنوف معهم بالجامعه وساكنه بالرياض ايش اللي بيخليها تروح لجدة..
هيفاء:ايش قصدك مافهمنا عليكي..
الهنوف ووجهها صاير احمر من الخجل :يعني..انا..مادري شلون اقولكم...
العنود وهي مبققه عيونها من اللي طرا ببالها: لاتقولين انك انخطبتي؟؟؟
الهنوف ارفعت راسعها تطالع العنود باستغراب:وانتي وشدراك..
هيفاء سدت فمها بايدها والعنود مندهشة والثنتين في نفس الوقت فرحانين عشانها
هيفاء: ياحليلك ياهنوف والله وصرتي مره وبتتزوجين..مبروك..من بتاخذين.
هنوف:الله يباركلك عقبالكم..باخذ سعود ولد خالتي جواهر اللي ساكنين بجده
العنود : يحليلكم كلكم بتعرسون وبتخلوني بروحي..
هنا جا دور الهنوف عشان تنصدم:هيفاء بتعرس..
هيفاء:ههههههههههه..ايه..عندك مانع؟
هنوف: مبروك يالخايسة لا والله ماعندي مانع،بس منهو هذا صاحب الحظ السعيد؟
العنود اللي ردت:نواف الضاوي..ولد خالتها.
هنوف وهي تقمز لهيفاء:مب هينه والله سمعت انه يجنن..بس يقولون اخوه الثاني احلى..امممم ماتذكر ايش اسمه..
هيفاء ردت بصوت كئيب: اسمه تركي.
الهنوف:ايه تركي ..
الهنوف بذكرها لتركي افتحت لهيفاء جروح دفينه بقلبها وماضي تبغي تنساه قعدت تتذكر لما كانت من 3 سنين مضت شلون كانت دايما ببيت عمها.. وشلون كانت اهي وتركي كانت هيفاء ماتشك خيط بابرة الا بشور تركي وهو نفس الشي.. لكن هو اللي هدم كل شي بينهم ..العنود انتبهت لسرحان هيفاء فعرفت انها تفكر بتركي فقامت تدخلها بسوالفهم عشان تنسيها..
.....................................
فواز: الو؟
فهد:هلا فواز ..
فواز:والله وزين انك تذكرت اسمي.
فهد: والله نسيت يافواز وبعدين تدري ان اهلي وصلوا البارحة وخبرك عاد طقيتها سهرة انا وحمد ولد خالي ولا قمت اليوم الا متأخر.
فواز:انزين..انزين اخلص علينا وش تبي..
فهد: بسأل وينك عشان نجيك انا وحمد..
فوازببرود: ومن قلك اني ابي اجتمع معك..
فهد وهو متنرفز: شوف عاد تراك زودتها قلنالك اسفيين..
فواز: طيب..طيب..اف والله اني متضايق حدي ومالي خلق لهواشك..
فهد استغرب من فواز: فواز شفيك عسى ماشر؟
فواز:لا والله مافيني شي ..تدري شلون خل نتقابل بقهوة جوري..
فهد:خلاص احنا خمس دقايق وبنكون عندك..
سكر فواز من فهد وقعد يفكر بالبنت اللي شافها بسلفردج بصراحه جذبته ومايدري ليش اول ماشافها حس بشي يهز كيانه هذي اول مره يحس بهالشي ..وقام بعد هالافكار من راسه وش هالكلام انا انجذب لهالاشكال وبعدين وش ابي فيها وانا الف من يتمانني..وعشان يبعد هالافكار قام واتصل بسارة...
سارة وهي ترد بدلع:ياهلا والله بهالرررررقم..
فوازوهو يضحك:ههههههه..عاد بس بالرقم وانا لاء؟
سارة:لا بس انا قصدي بصاحب هالرقم..
فواز:شلونك حبيبتي؟
سارة وبنبرة عتاب بصوتها:زعلانه عليك..
فواز:ليه..انا مارضى على زعلك ترى..
سارة:انا زعلانه عليك لاني كل مادق عليك ياتسكر التليفون بويهي او تقفل التليفون...
فواز:لاني ياحياتي كنت مشغول والله..لكن حقك علي..
سارة:طيب عشان ارضى ابيك تطلع معاي للهايد بارك..
فواز:اسف حبيبتي ماقدر هالاسبوع مثل ماقلتلك مشغول..
سارة واهي شوي بتصيح:فواااااز..انت شفيك متغير علي جذيه؟
فواز :انا مو متغير ولا شي بس ربعي توهم واصلين اليوم مايصير اروح واخليهم.
ساره:فواااااااااااااااز..
فواز:عيوووووووون فواز..
سارة استخبلت لما قلها كذا: فواز احبك واموت فيك..
فواز:وانا بعد..انزين حبيبتي اخليك الحين عشان الربع اوصلوا الحين..
سارة:اوكي حبيبي..باااااي
فواز سكر وهي يضحك في سره صدق ان البنات ينلعب بعقولهم بكلمة حلوة..رفع راسه الا فهد جاي قام وقعد بالكرسي اللي بجمب فواز وكانوا قاعدين بطاولة برا فأشر فواز للجرسون باستكانة شاي..
فواز وهو يطالع فهد بأستغراب:اجل حمد وينه..ولا لايكون نسيته هو بعد الثاني..
فهد طالع فواز بسخرية:لا والله موتني من الضحك..حمد راح سلفردج وبيجي بعدين.
فواز:بعد حسبالي نسيته..
فهد:لا والله صدق طلع الاخ يعرف ينكت بعد..خل منك هالسوالف وقولي انت شفيك..
فواز وهو يطالع الشارع:مافيني الا العافية..
فهد:علينا هالكلام الا فيك شي..ياخي انا عاجنك وخابزك..
فواز:مافيني شي بس متضايق ..
فهد:طيب متضايق من ايش؟
فواز:الله وكيلك شفتلك ذيك البنت اللي تاخذ العقل وجيت بقط عليها الرقم الا الاخت قامت تطالعني باحتقار من راسي لساسي ..ياخي اظاهر ماتعرف من اكون..
فهد قعد يضحك على فواز:هههههههههههه..قوية اول مرة وحده تسوي فيك كذا وبعدين تلاقيها بنت ناس متربية ماعندها هالحركات..
فواز وهو يفكر:بسوي فيها اللي مايتسوى ..وبتشوف
فهد وهو خايف من تهديد فواز:ياخي تعوذ من بليس البنت مب راعية هالحركات وش تبي منها..
فواز مارد عليه..واللي براسه بيسويه
.............................
البنات خلصوا اكل وقاموا بعد مادفعوا الحساب الهنوف راحت لانها مواعده امها تروح معها للموعد..اما العنود وهيفاء طلعوا رايحين مشي لمكان التكاسي الموجود قدام سلفردج وفي طريقهم لازم يعدون على مقهى جوري وهم مارين هيفاء شافت اخوها فهد وفواز كان معطي ظهره للبنات ،فهد اول ماشاف البنات ابتسم وقام عشان يسلم عليهم.
فهد :اهلين..ها وين كنتوا؟
هيفاء:كنا بسلفردج نتسوق بعدين رحنا لسبجاتي هاوس نتغدى.
فواز لما انتبه انا فهد يكلم بنات قام والتفت يبي يعرف مين يكلم اول مالتفت طاحت عينه على العنود اللي ماكانت منتبه له لانها كانت تطالع البنت اللي تلعب مع ابوها عالشارع الثاني..
فهد: كل هذي اغرااااااااااض حشا خميتي السوق كله اجل وش خليتي لآخر السفرة..
التفت على العنود اللي كانت ماسكة كيس صغير:شوفي اللي احسن منك ماشترت الا حاجة قليله.
العنود التفتت عليه وهي تضحك:ههههههههه حرام عليك يافهد ..والله هيفاء شارية اشياء ضرورية..
فهد:ياحليلك يالعنود طول عمرك محامي دفاع لهالنسرة..
هيفاء:انا نسرة يافهييييييد هين عند امي..
العنود حست ان فيه احد يطالعها التفتت وتصادمت مع فواز اللي كان يطالعها بسخرية قامت علطول ونزلت عينها ووجها صار احمر من الخجل فهد انتبه ان فواز لسه قاعد :خلاص اجل اشوفكم بعدين..
هيفاء:يالله باااااااااااااي.
قاموا وراحوا راجعين للشقة بعد ماخذوا تاكسي الا العنود تقول حق هيفاء:هيفاء شفتي اللي مع فهد اخوك؟
هيفاء:ايه يهبببببببببببببل ..وش رايك فيه؟
العنود:يالخبله هذا اهو اللي قلتلك عنه انه غازلني..
هيفاء وهي مبققه عيونها:هذا اهو..والله ومنت بهين يافهد مرافقلك ملك جمال لاااا وعينه زايغه..
العنود وهي تضرب هيفاء على راسها:صدق انك سخيفه وماعندك سالفه ..والله انا مب خايفه الا انه يقول لفهد اخوك على اللي صار..
هيفاء وهي ماسكه راسها:لا ماظن يقوله.
العنود:وانتي وش دراك؟
هيفاء وهي تهز كتوفها:اعرف وبس...
تموا البنات ساكتين لغاية ماوصلوا الشقة..وهناك بانتظارهم مفاجاءة..
....................