عنوان الموضوع : تدرون وش أصدق من الدمعة على خد اليتيم للكاتبه صرخة وفا (كاملة) رواية رائعة
مقدم من طرف منتديات الضمير العربي

بسم الله الرحمن الرحيم ..



ضحكاات ..تمتزج ..ببكاء..
طفل يتيم..عااش اليتم ..بانوااعه ..لم يجد امامه ..من يرحم هذا اليتم ..
ضحكه ..في حفل الزفاف..وخلفها ..بالضبط..دمعه مقهوورهـ..
عندماا تعشق ..الانثى..وتدفن عشقها ..
عندما ..يعشق الرجل ..ويصاارع من اجل هذاا العشق..
عندماا..يتصاادم الحب مع العرف والتقااليد..
انكساار ..يطغى على ملااامح ..البشر..
كيف يجااهد المرء..ليخفى ..مدى مكر ..قلبه ومايحوويه ..

عااشقه ..تصدم..بيوم..حلمها..
وعاشق..يدمر يوم حلمه بنفسه..
عشق ممنوع..
وكره اجباري ..
والاهـــــــــــــــــــــم..دمـــــــــــــــــــ ـــعاااااااااات اليتاااااااااامــــــــــى..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
(وفياااات..تركت خلفها ضحايا..)
ــــــــــــــــــــــــــــــــــــــــــــــــــ ــــــــــــ



دمعة يتيم
دمعة يتيم انزلت
على خده بقهر
تحفرعلى وجهه حظه
باقي العمر

الغيمه
هلت
ومن المطر
ماملت
لكنها ..
مالحه
مثل السكين
جارحه
فيها كل أسى الأيام
الماضيه
فيها كل معاناة الأيام
الجايه
دمعة يتيم لامست خده
لكنها مالامست باقي
قلوب البشر
دمعة يتيم عبرت
عن حزنه
لكنها ما أعبرت
للضماير النايمه





دمعت يتيم ..
عليهم هانت
دمعة يتيم
ترجمة ظلم الأيــام
وباحت

يقولون
شنو يعني يتيم وبكــى..؟؟!!
شنو يعني...؟؟؟
مجرد دمعة
ساحت
وعلى خد طفل
نامت
ويمكن شوي عليه
ناحت..
لكن مومشكله..!!!!
أشوا..
على الأرض طاحت.!!!!
وأكيد من جمر خده ارتاحت..!!!








لا يــــــا بشر
هذي دمعة
قهر
اصفى من ماي
المطر
ملوحتها اعذب من ماي
النهر
شذاها اعطر من
الزهر
هذي دمعة يتيم..
ماهي دموع عشاق
بليل السهر
ولاهي دمعة من فارق حبيب
وقمر
لا يا بشر
هي دمعة يتيم شكى
ظيم الدهر
مل من جور الأيام
وقسوة البشر
لكنه مؤمن وارتضى
حكم القدر





الوقت عندكم ليل
وسهر
طلعات وسفر
زيارات أحباب وأهل
وهو..
يومه ليل وكدر
وباكر مجهول
مجهول الخبر


لا يابشر
بدمعه يعاند الألم
بدمعه يدعي الأمل
بدمعه كل معاني الحياة

ما مسحتو يا ناس دمعته
ولاعرفتو وشهي قصته
ماغير كلمة؛
ياحرام يتيم
يكسر الخاطر..!!!!

منو فيكم اخذ بيده..؟؟
منو فيكم بيوم اسعده...؟؟
منو فيكم ضمه على صدره
وبالخير أوعده..؟؟
ماغير يا حرااام يتيـــم
يكسر الخاطر



ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
قبل 17سنه..


دخلت عليه الغرفه واتجهت ..على سريرهـ ..
ام عبدالاله :زياااد ماما حبيبي قووم ..
زياد وبوزهـ شبرين جلس وهو يطالعها :نعــم..
ام عبد الاله تمسح على شعرهـ:شفييك ماما ..لييييه تسووي كذاا ..
زياد ودمعاته نزلوا على خدهـ:ماااامااا لاتتزوجييين ابوو عبدالاله ..الله يخلييك ..
ام عبدالاله حضنته :بس حبيبي شفييك لييه البكى اللحيين ..
زياد وهو غاايص باحضانها:ماما لاتتزوجيينه ..لاتتزوجيينه ..
ام عبدالاله رفعت راسه :ماما زيااد ..لييه طيييب..هذاا زي بابااا ..بيصير..
زياد طالعها :انا مااعندي بابا اصلا وهو كله يهااوشني ..لقلتله زي عبدالاله وريوف بابا..
ام عبدالاله تنهدت:انت تقوول له عموو ..طييب
زياد:طيييب لاتتزوجيينه ..
ام عبدالاله طالعت في ولدها ..الصغيير ..بنظراات ..مو عاارفه تفسرها ..هو يطلب فووق مااتتصوور..هي تبي ترجع لبوعبدالاله زوجها الاولي..وهذاا مناااها..باست راسه ..
ام عبدالاله:ناام ماما ..ويصيير خييير..
زياد مسك ايدها:قووولي وعد ماتتزوجينه ..
ام عبدالاله غصب عنها نطقت:وعد يماهـ مااتزوج ..
غطته باللحااف وقاامت سكرت النوور..
زياد:ماما..
لفت عليه وطالعته:نعم حبيبي ..
زياد:انا احبك..
وغفت عينه ..
زياد طفل يتيم الاب ..انولد ..وابووهـ ماات ..ابووهـ طبعا كان كبيير في السن ..وكان نفسه ..يشووفف ولد ...تزوج ..وحملت زوجته ..لكنه ماات قبل ماايفرح بالطفل..
وااارث عن ابوهـ خيير لايعد ولايحصى...وكله باسمه ..بس طبعا..المتصرف فيه عمه ..مطلق ..اللي يخااف الله في حلال ولد اخووهـ..اللي رااااح ..
اول العائلاات..
بوزياد"متوفي"
ام عبدالاله لديها
من عبدالله :_
عبدالاله 30 سنه ..,,,ريوف 25سنه..,,,الاء وعلاء17 سنه..,,,
من عبدالمحسن :_
زياد24سنه..,,,

ــــــــــــــــــــــــــــــــــــــــــــــــــ ـــــــــــــــــــ
"بوحسن متزوج زوجتين طبعا"
بوحسن :دااامك فضلتي هالخاااايس ..علييناا ..ماااراااح تدخليين هالبيت ابدا فاااااااااااااااااااهمه..
حمده تصيح:يبه تكفى الله يخلييك ..لاتسووي كذاا انااا بنتك ..لاتعذبني اكثر من عذاابي ..
ام حسن :امشي..من قداامي يلاااهـ..خلي اللي بديتيه على عيااال عمك ينفعك براااا..
حمده..
طلعت تجر رجيلها جر ..ابوها وامها حطووها باصعب موقف بحييااتها ..ومحد رااح يدفع ثمن هالقرار..غيرها هي ..هي صح تززوجت ..وخذت ميكانيكي ..بس هالميكنيكي هو نفسه اخو زوج اختها ..بس الغلط اللي سوااهـ ودخووله السجن خلى اهلها ..يكرهوونه ..ويكرهوون اهله ..وطالبووها بالطلاااق لاكنها ..عنددها ولد منه ..دمرت حيياه اختها ..وتدمرت حياتها هي بعد..
جلست بالسياره ..وهي تشيل ولدها وتحطه على حضنها..
حمده:خلاااص امش اسامه..
بهذي السياره..صار الحاادث ..وتيتم محمد اللي ماله غيير شهريين ..مولووود ...خذاه عمه وربااهـ..
وحتى عمه مالحق يذوق حنانه لانه راح..
وجلس مع ولد عمه ابراهيم ..
ـــــــــــــــــ البيت الاول ــــــــــــــــــ
ركزووواا معااي ..عشاان مااتلخبطوون ..لانهم عايله وحده بس اخوان من اب..
الابناء..
(حسن -عصام-ناصر-خيريه-عنود-حمدهـ-فهد)..
حسن زوجته جمانه..ابنائهم :_
فراس 31سنه..،،،،تركي29سنه..،،،،رعد23سنه..،،،،رغد21سنه.. ،،،،
عصام مطلق واللحين زوجته سهير..ابنائه:_
انور29سنه..،،،،عبدالعزيز27سنه.،،،،سوسن25سنه..،،،،ع بدالله 24سنه ..،،،،امجد22سنه..،،،،وداد20سنه..،،،،
خيريه وزوجها متوفيان ابنائهم :_
ابراهيم29سنه..،،،،همس17سنه..،،،،
حمده وزوجها متوفيان ابنائهم:_
محمد17سنه..،،،،
ناصر زوجته شيماء ابنائهم:_
راكان25سنه..،،،،ريناد23سنه..،،،،ريماس20سنه..،،،،ري تال18سنه..،،،،
فهد مطلق ابنائه:_
من الاولى:
فيصل وخليل وعادل وجلال20سنه..،،،،
من الثانيه:
نوره 8سنين..
عنود مفقوده من 18سنه زوجها غازي ابنائهم:_
سعاد27سنه..،،،،غانم25سنه ..،،،،احمد23سنه..،،،،ريما18سنه..،،،،
ــــــــــــــــــــ ركزواا نفس مااقلت نكمل يلاااه ـــــــــــــــــــــــــــــــــــــــــــــــ
"يتيمات بشكل اخر.."

في نفس ذااك الوقت..
وقف السياره وهو حامل الطفله الرضيعه 5شهور مولوده..كاانت تصييح وهو يهديها ..لكن مافي فاايدهـ..
القرار اللي خذاه في انه يحطها عند اخته امينه..امينه العقيم اللي تزوجت ثم تطلقت لانها بحملها جاها نزيف واستاصلوا رحمها ..قرر يحط بنته اليتيمه الام عندها ..عشان يتفرغ لزوجته الجديدهـ ولزواجه ..ولسفرته ..لان هذا شرط زوجته يترك بنته لانها ماتبيها ..
والاب فعل المستحييل عشان ترضى عليه ماريا ولما جاء على بنته قرر حتى من غير ما يفكر ..فيها وبمصيرها..
نزل من السياره ..وهو حاملها ..
عبدالرحمن:يلاااهـ كومااااري نزل اغراضكم بسرعه..
ودخل وهي وراهـ حامله الاغراض..
امينه ساكنه في فله كبيره ..من ثلاث ادوار كاتبها ابوها بيضمنها بحياته قبل مايموت..
وصل للصاله ..وشافها ..جالسه ..تتقهوى لحالها ..
حست في احد دخل عليها ..رفعت راسها ..
امينه :هـــلاء..والله عبدالرحمن ..حياااك ..
عبدالرحمن دخل :الله يحييك امينه ..شلونك شخبباررك..
امينه مبتسمه :دامني اشوفك ياخوي اكييد بالف خيير..انت شخبااارك وشخبااار سارونه ..حبيبه عمتها ..
عبدالرحمن :الحمد لله بخير الله يسلمك ..نسال عنك ..
هنا دخلت كوماري ومعها الاغراض..
عبدالرحمن:احم ..امينه ..بطلبك طلب ..
امينه :اطلب ياخوي امر عيوني لك ..
عبدالرحمن:امينه انتي عاارفه اني بسافر وانا مو دايما جالس ومستقر بمكان واحد ..والسبب شغلي ..امينه انا ابي اخلي ساره بنتي عندك..
امينه بفرحه:هذي الساعه المباركه ياخوووي وانا من قبل قايله لك لماا تسافر ..هاتها عندي وانا بحطها بعيوني الغااالي..
عبدالرحمن:لااااء..امينه موكذاا..انا قصدي..بخليها عندك على طول ...
امينه طالعته:لييه؟؟؟!!..شصااير عبدالرحمن..
عبدالرحمن:انامتزووج..وووووو...
امينه اختصرت عليه الطريق:وزوجتك ماتبي ساره صح..
عبدالرحمن طالعها وسكت..
امينه :عبدالرحمن ..ساره بعيوني لاتحااتي ..اناا من يومهاا ومن اول ماجاات واناا عادتها بنتي واكثر ..انت روح لاتحاتي ..
وقامت لعنده خذت الطفله ..
عبدالرحمن:وهذي كومااري خدامه جايبها عشان تخدم ساره و..

امينه :افاا ياعبدالرحمن وهالبيت اللي كله خدم جايب خدامتك خلها معك ساره اللحين ملزومه مني ...
عبدالرحمن حط بطاقه:وهذا كرت البنك ياامينه كل شهر بحط لساره مبلغ فيه عشان تصرفيين عليها منه ..
امينه :عبدالرحمن شفييك ساره بعيوني ومااارااح يقصرها شئ..
عبدالرحمن حب راسها:الله يعطييك على قد نيتك يااختي..
ومشى مسرع وخذا كومااري معااهـ..
وهذه اول طفله تصل لاحضان امينه ..
__ساره بنت عبدالرحمن ـــــــــــــــــــ
بعد خمس سنين من اللي حصل ..
كانوا بالسياره مع بعض الاب وابنه وبنته ..وزوجته..ومعهم اخوه وعياله ..
نايف+الجوهره=منصور10سنين-وجدان5سنين..
سلمان+فوزيه=امل7سنين-غاده5سنين..


سلمان:نايف امينه مهييب ملزومه من بنت عبدالرحمن بصراااحه حرااام علييه..
نايف:واحنا نتكلم من الصبح شنقول..اصلا حيم ولاسائل عن بنته هالست سنين اللي راحت ولامره شافها..
سلمان:اناا ناااوي اكلمه خصوصا انه جااي عشان يحضر زواج صاحبه بعد كم يوم..
نايف:الله يهديه والله كاسره خاطري هالبنت تيتمت وهي عادها صغيرهـ الام متوفيه ..والاب مايسال..
سلمان:الله يعيين..
*يبــــــــــــــــــــــااااااااااهـ..انتــــــــ ــــــــبه..
لكنه ماقدر يتجاوز الشاحنه ..اللي خشت السياره تحتها وتحولت لقطع في غضون دقائق..
في المستشفى..
توفى كلا الابوان ومنصور..وهاانت ياانايف يتمت اطفالك..
لم يتبقى سوى..
(امل-غاده-وجدان)..
خرجواا من المستشفى وايد..امينه محتضنتهم ..كانت تصيحهم وتصيح اخوانها اللي راحواا بغمضه عين ..
ركبتهم السيارهـ..
امينه:آسف..ودي بناات بيت مااال اناا..
آسف:ان شاء الله ماما..
ومشت السيارهـ..
جلست على الكرسي ورفعت الجوال..
امينه:الو..السلاام عليكم ..عبدالرحمن البقا براسك ..سلمان ونايف وحريمهم عطووك عمرهـ..بحادث اليوم العصر..تعااال انت واخوانك للمستشفى..عشان تخلصون الاجراءت..
بعد ثلااث ايام ..
امينه وقفت:اييه البناات بيبقوون عندي...انتواا كل وااحد لاهي بشغله ..انا ماعندي شئ..
عثمان:بس يا امينه هذا صعب علييك ..خصوصا..انه عندك بنت عبدالرحمن..
عبدالرحمن هنا تكلم:اذا على بنتي..انا باخذها ..
امينه :لاااء..محد من البناات بيتحرك من بيتي..
سحر:طب ياامينه عطيني ثنتين وانتي خذي ثنتين..على الاقل خففي من الضغط علييك..
امينه :انتواا ..شفيكم وكان البنات سلعه رخيصه جالسيين تشاوروون عليها ..اسمعوني ياخوني صحيح ..انا اصغركم ..ويمكن انكم تقولون اني مو قدالمسئوليه بس تراا اناا مستعده لهالشئ ..اناا مو ممكن اجييب عياال ..خلوهم عندي..بعديين بييتي على قولتكم انه البيت العود..انه مكان جمعتكم ..خلااص متى ماحبيتواا تشوفونهم تعاالوا هناا ..
بوفراس:خلااص ..بس تراا مصرفهم علي ياامينه ..
امينه:اللي يريحك ياخوي ..
وقف عثمان:يلاااهـ سحر تبيني اوصلك على بيتك ..
سحر :اييه ..اذا ماعليك ..امر ...
ووقفوا وطلعواا ..
عبدالرحمن :اناا رااح امشي ..امينه ..
امينه :بتمشي ياعبدالرحمن ..
عبدالرححمن:اييه تبيين شئ..امينه محتاجه شئ لايردك ..الا لسانك..
امينه :عبدالرحمن انت مااشفت بنتك سارهـ..لك ست سنين ..والحين بترووح حتى من غيير ماتشوفها ..
عبدالرحمن :اللحيين خليها نايمه ..بكره انا بمرك الصباح وبشوفها اللحين مو فاضي..
وخرج عبدالرحمن ..تاركا وراء الباب طفله ..كانت تستمع لهذا الحديث..تستمع لابيها وهو يرفض رئيتها ..كانت متشوقها لان تراااهـ..لتحضنه مثل جمانه ..وامل ..مثل هند ووجدان..لكن كل هذا الشوق تبخر بقلب سارهـ..

واصبح لدى امينه الان اربع بنات..وهي اللي ماتجيب عيال..
ــــــــــــــــــ ساره بنت عبدالرحمن ــــــــــــــــــــــــــــــــ
ـــــــــــــــــامل بنت سلمان ــــــــــــــــــــــــــــــــ
ـــــــــــــــ غادهبنت سلمان ــــــــــــــــــــــــــــــــ
ــــــــــــــوجدان بنت نايف ـــــــــــــــــــــــــــــــــــــــ

بعد اياام ..
سحر ودمعتها على طرف:تطلقني ياجمال..
جمال طالعها:سحر اذا لوسمحتي..ممكن تتفضليين ..براا..خلاااص النفس عاافت ..
سحر:وبنتك كذاا ...حتى ماافكرت فيها ..على الاقل عشانها ..
جمال صرخ:ســــــــــــــــــــــحــــــــــــــــــــــ ـر..
سحر وقفت بغضب:اصلا انا من زماان ابي هالشئ ..وانا اللي ابي افتك منك ..
وقامت سحر تلم اغراضها .
وبعدها خذت بنتها واتجهت لبيت امينه ..اختها..
وبعد 9شهور تقدم لها ...واحد ..تزوجت وراحت مع زوجها لكنها تركت وراها طفله اخرى في احضان اختها امينه ..
تركت الطفله الخااامسه ..

ـــــــــــــــــــــ سميه بنت جمال ـــــــــــــــــــــــ

ـــــــــــــــــــــــــــــــ البيت الثاني ـــــــــــــــــــــــــــــــــ
الابناء..
(عبدالرحمن-سلمان-نايف-عثمان-سحر-امينه)
عبدالرحمن +زوجته ماريا ابنائه:_
ساره18سنه..،،،،ياسر17سنه..،،،،
سلما وزوجته متوفين ابنائه:_
امل19سنه..،،،،غاده17سنه..،،،،
نايف وزوجته متوفين ابنته:_
وجدان17سنه..،،،،
عثمان +زوجته سهى ابنائهم:_
احمد24سنه..،،،،هند17سنه..،،،،
سحر متزوجه وعندها بنت من طليقها :_
سميه18سنه..،،،،
ــــــــــــــــــــــــــــــــــــــــــــــــــ ــــــــــــــــــــــــــــــ
والان سنبداء بفصوول هذه الروايه ..

والبقيه غداباذن الله

__________________________________________________ __________

>>>> الرد الثاني :
بداية حلو موفقه اختي
بس ياليت تكبري الخط
وان شاء الله اكون من متابعينك ياعسل
يعطيك العافيه وربي يسعدك...

__________________________________________________ __________

>>>> الرد الثالث :
البارت الاولـ...

ما مداك بس تموت يابوي ممداك
الا وجا يهدي لعمري الهزيـمـه
وما بين غبنه ذاك وجروح هذاك
وفراق كلي منه روحي سقـيمـه
وهذا انا يابوي من بعد فرقاك
تذكار كنت وصار اسمي يتيمه






"مفااااجااءت"


آآآعتيقيني ...
ي الجــــروووح
المؤجعة....!!



ــــــــــــــــــــــــــــــــــــــــــــــــــ
يوم السبت الساعه 7صباحا الساعه ترن وترن وترن ...
خبطها بيده..
وجلس وهو يثااوب يله الله يعيين مشوار جديد..للبحث عن عمل ..
التفت لمحمد..اللي ناايم..
ابراهيم :مـــــــــــــــــــــــــــــــــحمـــــــــــــ ـــد..
محمد نقز:هــــــــــــــــــــــاااااااااهـ..
ابراهيم وقف:يلاااااه قوووم الوقت تاخر ومارحت المدرسه لاانت ولاهميس..
محمد طالع في ابراهيم:حنا مقرريين اليوم نغييب ..
ورجع راسه ..
ابراهيم حذف عليه المخدهـ:لاوالله احلف باذن من ان شاء الله...
محمدمسك المخدهـ:ابراهيم الله يخليك من بدت الدراسه ولا يووم غبنا ..طول وقتنا ..دراسه ..
ابراهيم :طب على الاقل عطوني خبر مو انت وياها تقررون وانا مدري ..
محمد:ياااخي زوجتي وكيفي..
ابراهيم خزهـ:اقووووول قلناا زوجتك مو تخليها كسلاااانه ..
محمد:ان شاء الله تامر على شئ ثاني..
ابراهيم:ابد سلاامتك ..قوم انت وياها من بدري مو طوول وقتكم نووم..فااهم ..
محمد وهو يرجع للنوم:طيييب..
قام ابراهيم ودخل الحمام طالع بوجهه بالمرايه..يبي لي احلق وجلس يحلق دقنه..وبعدها طلع وسحب ملفاته..وعلى مهنه بحثه الشبه يوميه عن عمل ..
ابراهيم:_
شااب ..ترعرع في الفقر ..عااش عند جاار لهم ..يوم كان صغيير هو مع اخته وولد عمه ..بس يوم صار عمره 18 دخل الجامعه ..وطلعوا سكنوا بشقه ..واشتغل ..واللحيين هو مهندس ..بس ووين الوظيفه ..
محمد:_
يتيم الاب والام ..تربى في احضان ابرااهييم..وعااش معاااهـ..يدرس باخر سنه بالثانويه ..مملك على همس بنت عمه ..مع انه مشااعره تتجاهها لاتتعدى الاخوهـ..بس كان هالشئ بطلب من ابراهيم..
همس:_
هي ايضا يتيمه تقريبا عايشت نفس ظروف محمد..تحبه وتعشقه بجنوون بس مااتطلع هالشئ كاتمته بقلبها ..مااتتعدل وااجد ويمكن مااتعرف لهالشئ الا ناادر..لانهاا..ماتطلع لحد غيير حموود وابراهيم..
ــــــــــــــــــــــــــــــــــــــــــــــــــ ـــــــــــــــ
في المدرسه ..الحصه الخامسه..
ريما:يلاا ريتااال ..خلصينا نبي نروح للفصل ..
ريتال:ريما شووي بس..هذي اللفه..
ريما:بسرعه ..قبل لايدق الجرس..
ريتال:طييييب..امشي قدامي..
واتجهواا للفصل ..ودخلواا..
المعلمه :هــــاااهـ..وين كتبكم ..
ريتال:استاذهـ..انا اللي خذت كتابي تقول ...انها رجعته بس انا مدري..
ريما:وانا استأذنت ..
المعلمه عارفه انهم كذابين:دخلوا..دخلوا..
دخلوا ثنتينهم..
ريما:بس رتوله..
ريتال:هاااهـ..
ريما:تجين بيتنا اليوم ..
ريتال:اليوم سبت شفيك..ابوي ماراح يوافق انتي تعاالي..
ريما:لا بعد انتي خليها بكرهـ...محد بيوصلني...اليوم كلهم طالعيين ..

ريتال:_
فتاهـ هاديه الملامح ..تحب اللعب والفرفشه تجيها حالات تصييير لعينه ..وشرسه ..احيانا لاتطاااق ..وتقط كلااام ..كبييير وماتثمنه ..
ريما:_
رائعه كل شئ فيها صغيير شفايفها ..خشمها ..عيونها ..وجهها ..وقزمه ..بس مع ذاااالك فيها جاااذبيه كبيرهـ...وخااصه للي يشووف طوول شعرهااا ..عندها زمام في خشمها ..تحب شئ اسمه راكان ..لها سنه ونص تقريبا..حبته في ليله عرسه ..
ــــــــــــــــــــــــــــــــــــــــ

متربع ..بالصااله ..ويلعب معاها ..اونو..مستااانس عليها وعلى حركااتها ..رفع راسه لها..ينتظرها تحط ورقتها ..وهي تحك بشعرها ..عضت شفايفها ..ثم طالعته..
هند:جسوور ..شراايك تطلب لنا اليووم من المطعم ..انااا ماااالي خلق اطبخ..
جاسر نزل نظره عنها :ان شاء الله رااح نطلب بس العبي اذاا سمحتي ..تراا من جد ..تااخرتي وااجد ..
هند حطت ورقتها :طييب ..لعبت ..
ورجعت عيونها على الورقه ..
وهو رجع يناظر فيها ..مسكت لها شعره من شعرتها ..وجلست تلعب فيها ..ثم طالعته ..
هند:شفيك..العب..
جاسر تنهد:اممم ..طيب..
حط ورقته ..ورفع عيونه عليها ..شافها تطالعه :شفييك ..؟؟لعبي..
هند رمت الاوراق:انااا ملييت ماابي العب..
ووقفت ..بتمشي..
وهو رفع بصره لها وجلس يطالع في جسمها ..ياااااهـ عليها جسم يذبح ..يااناااااس..هالخصر ..اللي يدووخ ..
انتبه لها تطالعه نزل عيوونه ..ولم الاوراق :هند ..شوفي اي مطعم تبين تااكليين ..
جلست على الكنبه وطالعته :مو مهم ..شوف انت اللي يعجبك ..واطلب لنا منه ..اناااا مو في بااالي شئ ..
جاسروقف ورااح للتلفوون وطلب لهم ..بيتزاا ..وبيبسي..وبعدها رااح جلس عند التلفزيوون..معهاااا..
هند كانت تتفرج على مسلسل خليجي..وكاانت مندمجه مررهـ معاااهـ لدرجه انها ...كانت جالسه وتهز رجيلها ..وتقرض اظاافرها ..
جاسر قام وجلس جمبها وهو يستنشق عبير عطرها الراائع :هند ..
هند توترت من قرب منها شيبي ويين اتفااقنا..اللي قبل يوومييين شيبي..
لفت عليه وهي تقووي قلبها:همم ..
جاسر مااحس بنفسه الا وهو يحضنهاويبوسها بقووهـ:هند اناااا..
هند هنا دفته عنها وصرخت:جــــــــاااااااااسر..
جاسر ظل يطالعها متالم ..
هند وقفت وهي تمسح على كتفها:كم مـــررررهـ بنتكلم في هذاا الموووضوع هااااااااااهـ..قلت لك ياااولد الناااس لاتلمسني..لاتلمسني..
ومشت بخطووات سريعه ..متجهه لغرفتها ..وسككرت الباب..وقفلته ..اسندت نفسها ..على الباب وصااحت ..ساامحني ياااجااسر..ساامحني..ساامحني..اناا اعرفك ..تحبني..وتعزني..وتقدرني..
بس مااااقدر وربي ماااااقدر..
جاسر سند نفسه ..على الكنبه ..متندم ..على اللي سوااهـ فيها ..هو عاارف ..انه اتفااقه ويااها بليله العرس اللي امس..اتفااق فااشل وانه ماايقدر يقاااوم ..جماال هاللي قداامه ..لانها الوحيده من بين كل البناات حبها وعشقها بجنون ..ليته مااتفق معها هالاتفااق ليته..مااقرر هالقراار الفااااشل..
هو اصلا قرره عشانها اهي ..عشاااان بس تهدي ليله العرس لانها كانت منهااارهـ..مع انه تزوجها وطوول فتره خطوبتهم كاااانواا يحبوون بعض وبجنوون بعد..
لااام نفسه على ابعادها نفسها ..لانه لو هو شخص ..عدل مااسوت معه هالشئ..اي اكييد شايفه علي شئ..من سواااليف قبل..
يااربي يااجاااسر اصبر ..اصبر على البنت ..اصبر..اكييد بس خووف ورهبه من هالشئ..
"جاسر وهند ..بطلااان ..من ابطاال الرواايه ..قبل يوماان كاان زفافهما.."
جاسر:_
شاب ككل الشباب خطب بنت جيرانهم ..اللي يحبها ..وقرر زواجها منها ..وتزوج ...لكن صدمته في يووم العرس بصد حطم فؤاده ودمررهـ كليا..وهو كل اللي في باله ..انهاا خاايفه من الحيااهـ الجديدهـ..
هند:_
من وهي صغيره عااشت على حب جااسر..وكبرت عليه...خطبها ووافقت ..وبيوووم العرس سوت اللي هي سوته ..
هنا السؤال ..
ليه يااترى يااهند كل هالشئ؟؟والرفض؟؟معقوله خوووف؟؟

ــــــــــــــــــــــــــــــــــــــــــــــــــ ـــــــــــــــــــــــ
ريماس:ريناد يلاا قوليلي وش السالفه اللي قلتي بتقولينها لي..
ريناد وهي تجلس وضرب فخذها:السالفه ياطويله العمر..ان حبيب القلب جاي بعدكم يوم ويمكن الليله مايندرى..
ريماس:ومن حبيب القلب ياست الكل ..هـااهـ..
ريناد وبإبتسامه خبث:علينا..
ريماس بابتسامه استغراب:طب وضحي اكثر..مافهمت وربي..
ريناد:مسكين ولد عمي خطيب الغفله خطيبته متنحه..
ريماس:شنو..متنحه بعد انتي ومن قال ان في احد خاطبني..
ريناد مستغربه:وليه ماقالوا لك ان عبدالله خاطبك..من يوم الصدمه اللي جمعتكم العـــام..
ريماس وعلى وجهها علااماااات استفهـــاام؟؟؟؟
رينا:وبعد ابوي اعطى موافقته..
ريماس ابوي وافق ..ابوي اللي له اسبوعين مايكلمته عشانه معاقبني لاني صرخت على راكان دلوعه..
ريناد وهي طالعه من المطبخ:اقوول بلااا دلع بزران ..الكل عرف انكم لبعض خلاااااص..
ريمااس جلست على الارض ودمعتها بطرف رمشها ..
ريماس:انا اخذ عبدالله ..اناا ..


ريناد:_
فتااهـ همها الحيااه تكووون حلووه وبس..خطبوها وااجد بس رفضت ..ماتبي الا اللي يدخل مزااجهااا ..ومحد عاجبها من الشباب..وكله الشباب عندها متخلفين ..
ريماس:_
هاديه ..ومااتحب تسووي شوشرهـ اذا فلت السانها فلت ..تكره عبدالله .. ماتوقعت ولا وااحد في الميه انه يكوون يبيها او حتى يفكر فيها..جمالها صااااارخ جدا..
ــــــــــــــــــــــــــــــــــــــــ

الظهر قصر بوفراس..
حطت راسها بدلع ..على رجل ابوها تبي تقهر اخوهاا..
رغد:من الحره اللي ماكله قليبك..
رعد:اي مررررهـ واللي يرحم والديك ..
رغد:احسن منك واحلى عنك..
رعد:اتحداااااااااااك..
بوفراس:رعد خلاااص خل اختك بحالها ..
رعد:كنت متاكد بتوقف بصفها مو حبيبه قلبك..وعمرك..
رغد تمد لسانها:اممممم ..حرهـ..حرهـ..
رعد:شفت شفت..قو باسها علينا ...حنى اللي تطيح براسنا السالفه ..
بوفراس:شرايكم ثنينكم تسكتوون ..تعبتوني ..
تركي وهو داخل :السلاام عليكم ..
ردوا عليه السلام..
بوفراس:وينه اخوك ..مااشوفه ..وياااااك..
تركي:جااالس يكلم برااا ..
رغدبعد ماتعدلت عدلت شعرها ..
رغد:شتبوون عشاكم ..
رعد:ولييه عسى مو انتي اللي بتسوينه ...
رغد ترومش:يـــاس ..هو في حدا غيري ..
تركي:عزه الله بكره عزاناا..
رغد:يـــــــــــبــــــااااااهـ..شوف عياالك ..
رعد:ههههههههههههه..هذا وهو توهـ..داخل سوا فيك كذاا..بعدين احد يفكر بالعشاء..وتونا ماتغدينا ..
بوفراس:تركي..رعد..خلاااص ويله روحوا كل واحد يغيير لبسه عشان تاكلون ..ونادوا امكم..
رعد:انا برووح ابد وبنام..مابي غداء لااحد يصحيني..
وطلع فوق..
لحقه صوت بو فراس:رعــــــد..الغداء لاتتاخر عليه وهالكلاام ماينعاد فاااهم..الغداء..كلنا موجودين فيه..
رعد:يـبه..
بوفراس:توكل ولا تتاخر..
صعد رعد على فوق ..هنا دخل فراس..
وجلس جمب ابووهـ..
فراس:يـــبه..الحمدلله العمارتين انباعواا ..وبنفس السعر..اللي تبيه ..
بوفراس:الحمدلله ..
فراس:بكرهـ بتداوم ..ولاء..
بوفراس:اكييد بكره لازم اجي الشركه..
تركي طالع ابوهـ:يبه انت للحين تعبان ..ارتااح على الاقل اسبوع..
بوفراس:الحمدلله ..انا الحيين ..بخيير..ومافيني..شئ..

__________________________________________________ __________

>>>> الرد الرابع :
رواية مره حلوووه
بنتظـآر ياعسل
يعطيك العافيه وربي يسعدك..

__________________________________________________ __________

>>>> الرد الخامس :
حسن"بوفراس":_
رجل ملياردير له اربع من الابناء فراس-تركي-رعد-رغد..مستقر بحياته مع زوجته وعياله ..نادر مايظهر مشاعره حتى لعياله..

فراس:_
هذا كبيير اخواانه متزووج ..وحده من معارفهم ..وهي ببيت اهلها ..مو صلاااح وياها بالرغم من حبها الشديد له..دائما متعاالي وراافع خشمه..

تركي:_
إنسااان عااااااادي ..جدا مهندس وشاعر بنفس الوقت ..يحب الرومانسيه ..بس للأسف كل هذا وماله حبيبه..محد يرد له طلب مو لشئ بس لانه راكد ..وهادي ..ونادرا مايغلس على اي احد..ماعدااا اخته رغد..

رعد:_
شخص حبوووب جدا..يحب الفرفشه والونااسه ..صديقه الصدووق سلطان..يحب يطلع الطلعات الكشته وكذاا ..يحب له وحدهـ امها لبنانيه وعايشه بلبنان..بنعرفها بوقتها..

رغد:_
على نياتها ..وبريئه الكل عندها تثق فيه تموت بشئ اسمه امجد على الرغم من ثراء ابوها والخدم ..الا انها ماترضى حد يخدمها او تاكل من ايدهم ..من علمتها مرت عمها الطبخ ..يعني من 6سنين...

ــــــــــــــــــــــــــــــــــــــــــــ/



جالسه بغرفتها تحضر بعض الاوراق وهي تعدل طاحت بيدها..ورقه تخص سارهـ..طالعتها ثم تنهدت وهي تتذكر الحوار اللي دار بالتلفون بينها وبين اخوها عبدالرحمن...
عبدالرحمن:اميينه خلاااص قلت لك بنتي وكيفي ازوجها اللي ابي ..
امينه وهي تصيح:عبدالرحمن كذا تزوجها ..من غيير ماتستشيرناا حراام علييك والله حرااام ..البنت لودرت بتنجلط ..حراام علييك..
عبدالرحمن:اووووهـ...امينه مو اني حطيت بنتي عندك تتحكمين فيها خلاااص..
امينه:ليييه..تووك تتذكر ان عندك بنت حراام علييك حراام ...
عبدالرحمن:على العموم ..انا ارسلت لك عقد الزواج علميها بطريقتك السنه الجاييه رجلها بيجي..
امينه:حسبي الله عليييك..حسبي الله علييك..
وسكرت السماعه..
مسحت دمعتها اللي فرت ..ووقفت دست هذي الورقه...مووقتها اللحين تغلق البنت ..
طلعت من غرفتها ..وشافت البنات بجناحها يذاكرون ..
امينه :هااااهـ يابنااات خلصتواا ولاااء..
وجدان:والله ياماما امينه تعبنا عطينا فرصه شوي بس اروح اشوف نتيجه المباره واجي,,
امينه تكتفت:حلفي انسه وجدان والمذاكره متى تخلص..
وجدان تاشر:بس ثواني..
امينه :طالعي الكتااب,,
لفت على ساره ..كانت ماسكه الكتاب وتلعب بشعرها ومبيين انها مو مع الكتاب مرررهـ
جلست جمبها ..
امينه :ساروونه شفيها ..
ساره طالعت ماما امينه :مافيني ماما امينه ...اذاكر..
امينه :عينك بعين ماما امينه ..
ساره منزله راسها :ماما امينه ..
حطت راسها بحضنها وهمست باذنها:ماتبين تعلمين ماما امينه شفييك..
ساره:ماما امينه اذا حسييت اني محتااجه اقولك بقوول ..
ابتسمت لها ولفت على البنات ..عارفتهم لو ماتجلس على راسهم كان مااذاكرواا ابد..
امينه :سميه كلمتي امك..
سميه:دقيت عليها بس ماردت علي ..ماما امينه ..
امينه :معليه دقي عليهها مرره ثاانيه ..
ينطق الباب ..
امينه :تفضل...
دخلت الخادمه وقالت لهم انه الغداء جهز..
امينه :يلااااهـ ..قوموااا تغدواا ..
قامواا كلهم ..طلعواا ..وبقت ساره على حالها..
امينه:ساره ماماهـ..قومي تغدي..
ساره:ماما امينه انا مابي اكل ممكن تخليني اروح انااام احس اني تعباانه شوي ..
امينه :اي حبيبتي روحي..
طلعت ساره وراا البنات لكن مو على غرفه الطعام على غرفه النووم ..
....
ماما امينه:_
امراءه طلقت وعمرها 17سنه ..والسبب استئصلوا رحمها بعد النزيف اللي جاها وبعدموت ولدها..عاشت في بيتها اللي سجله ابوها باسمها ..وكانه حاس باللي بيصيير معها ..حنوونه ..حيييييييل ..مديره مدرسه ..39سنه ..
ساره:_
فتاه جميله بكل المقااييس شعرها قاصته فراوله ناعمه تحب الترتيب وهي راعيه المكيااج بالبيت ..كارهه لوالدها..
وجدان:_
ملامحها هاديه ..هي ضحكه البيت ..وشعرها مايطول قاصته ولد..دائما عاديه ماتركز وااجد على شكلها صديقتها الصدوقه هند بنت عمها عثمان..
غاده:_
عايشه حياتها ومحد ضابطها غيير امينه تونس حالها بحالها ..لو بغواا اي حاجه هي اللي تقنع لانها حناااانه ..
امل :_
شخصيه حبوبه ..وحنونه تعشق شئ اسمه افلاام هنديه..ومومخليه فلم هندي الا شايفته ..سمرهـ..جمالهاا صاررخ ..رومنسيه حدهاا..
سميه:
نسخه ساره الثانيه ..بالتصرفات والميول ..ملياانه شووي وهذا اللي معقدها ..بشرتها بيضاء خدودها حمراء شعرها طوويل تحب ابووها بشكل غيير طبيعي ..وطبعا هي دلوعته..
.......
على الغداء..
ساره:مااامااا امينه ..ماااامااا امينه ..
امينه وقفت خايفه:بسم الله الرحمن الرحيم شفييك حبيبتي..
ساره وهي تلهث وقفت بنص الغرفه..
امينه :ساره شفييك خبصتي قلبي..
ساره وهي تاشر على الباب:جااء براااا..
امينه جلستها وقاامت تشوف خاافت من يكووون هذا اللي جااء ببراا..
اول ماطلعت للصاله شافت اخوها عبدالرحمن مع زوجته ماريا وولدهم ياسر ..
امينه بصدمه:عبدالرحمن..
عبدالرحمن:هلااء امينه ..منهي هاللي انحااشت من قدامنا كذاا..
امينه باسى:هذي بنتك ..
عبدالرحمن تجااهل كل شئ:ومافي حمدلله على سلااامتك..
عند البنات..كانت ساره متعلقه في سميه خاايفه ..من توااجد ابووهاا بالسعوديه..ابوها اللي ولا مررهـ سال عنها ..ولامره سمعت صوته الا بذااك اليوم المشئوم ..ابوها اللي من سنين مااشاافته ..وهو حتى ماايعرف صورتها..يمكن حتى نسى ان عنده بنت اسمها سارهـ..
وجدان:سوووير..شفيييك لاتخرعييننا كذاا ..شاللي صااير ..من اللي جااء..
ساره:ابووي..
كلهم انصدمواا ..وطالعواا فيها خاايفيين ..حييل عليها ..كان وجهها اصفر ..وترجف ..هي من صحت الصبح وهي حاسه بيصير شئ..وهذا خوفها ...تترجم بشوفه ابوها ..
وجدان:بنااات تعاالوا شوفواا ..
غاده:شنو صااير..
ساره ماكانت قادره تمشي ..فضلت جالسه ..والبنات راحوا يشوفون ..
عبدالرحمن :لييه فيها شئ لما اجي اخذ بنتي ..
امينه :تاخذهااا على ويين ان شاء الله..
عبدالرحمن :حلوه هذي امينه اظن انا ابوها ..
امينه:ماقلت شئ واظن انك انت نفسك الي رفضتها يومها صغييرهـ ..ورفضت تشوفها وتسال عنها ..واللحيين بعد 18سنه ..جاااي..
عبدالرحمن:اييه جااي بعد 18سنه فيها شئ..
امينه طالعته وتنهدت:عبدالرحمن تعاال دااخل اكلمك ..
ومسكته وهو يقول:ماافي احد غريب عشان تسوين كذاا..
سكرت باب المكتب ولفت عليه:انت شنووو مااتحس ياعبدالرحمن ..ماتحس بنتك خايفه منك تدري ولا لاء..طول عمرها خايفه من هاليوم المشئوم..مو كفاايه راميها وماتدري عنها ..جااي تبي تاخذها عند مرت اب..مو كفايه مزوجها وااحد الله اعلم عن خبايا هالزواج ..حراام علييك..
عبدالرحمن تكتف:امينه ..عن التدخل بحياتي الخاصه مع عيالي..انا حطيتها عندك واللحين خلاااص مشكوره ابي اخذها معاااي..بعدين انا زوجتها لولد خالها..
امينه جلست:وبهالسهوله من غيير مقدماااات بتاخذها وين تبي توديها هاااهـ..قولي وين تبي توديها ..
عبدالرحمن:انا استقريت هناا ..وعايش هنا خلاااص يعني مالها لزمه ..جلستها هناا ..بيت ابوها ..يضفها وبعدين هي بعد سنه بتروح بيتت رجلها يعني تبيني اخليها هنا وانا هنااك ..بتكوون بعيده عني..
امينه :ماشاء الله ..اللحيين بتكون بعيده عنك و18 سنه اللي راحت وين ..هااهـ..
عبدالرحمن:امينه ..عن كثر الحكي ..وناديها لي ساعه من جلست هناا ولاافتكرت تسلم علي..
امينه :لييه انت افتكرت قبل 12سنه يوم جييت وجلست ثلاث اياام..حتى مافكرت تسلم عليهاا ..
عبدالرحمن:امـــــــــــينـــه,,
امينه وقفت وهي تحبس غصتها:لي طلب عندك ياعبدالرحمن الاختباراات ماباقي عليها غير 3اسابيع ..لاتخبرها بسالفه زواجها طلبتك ياعبدالرحمن...
عبدالرحمن:اصلا من قال اني بقوول لها ..اللحيين الولد السنه الجااييه بيجي من لندن يعني لقربت جيته خبرتها ..
امينه:تعاال معاااي..
طلعواا من المكتب..ومروا من الصاله باتجااهـ غرفه الطعاام ..امينه دخلت عليهم ..كانواا ملتميين على سارهـ..اللي ترجف خايفه..
عبدالرحمن :السلاام عليكم ..
كلهم طالعوا في عبدالرحمن خايفيين..
امينه:ساره تعالي سلمي على ابووك ..جااي يشوفك ..
ساره طالعته ثم لفت وجهها للجهه الثانيه ,,
وكانها تقول ماابيك ..عايفتك ..كارهتك..
عبدالرحمن تقدم منها ..بداخله عارف انه اخطئ يوم خلااها ..وهي صغيرره..بداخله عارف كل اللي يسويه ..خطاء لكن..يسيطر عليه شئ ثاني مو مخلييه يركز باللي يسويه ...تسيطر عليه مااريا بافكارها ..
البنات باشاره من ماما امينه ..طلعواا وظل عبدالرحمن مع ساره ..تقدم وجلس جمبها ..لف وجهها له ..
عبدالرحمن:كذا الوحده تستقبل ابوها..
نزلت يده من وجهها...
عبدالرحمن:على العموم انا جااي اخذك معااي بتروحين معانا ..انا وخالتك ماريا واخوك ياسر..
ساره وقفت:ومن قالك بجي معك..
عبدالرحمن طالعها:ولييه ماتجيين معي انا بوك واولى من الغريب..
ساره بضحكه ساخره:غريب..ومن الغريب ان شاء الله ..لاتكوون ماما امينه ..محد غريب غييرك انت..
ومشت مسرعه وطلعت من الغرفه ..وبسرعه على غرفتها فوق..

عبدالرحمن :_
اب لكن غيير الاباء..اب يحب بنته بس بطريقه غيير..حب تملك بكيفه يمشيها وبكيفه يسووي اللي يبي..زوجها ..لشخص عشاان بس الفلوووس....راجع عشان يزوجها ويرووح[