عنوان الموضوع : رواية واقعية يا الي تقولين العالم كبير تراه صغير والدليل اني قابلتك \ بقلمي روايات الخليج
مقدم من طرف منتديات الضمير العربي

رواية\ يا الي تقولين العالم كبير تراه صغير والدليل اني قابلتك \ بقلمي


السلام عليكم ورحمة الله وبركاته
شخباركم ....... ؟!!


رواية واقعية تقولين العالم كبير تراه صغير والدليل قابلتك بقلمي
الروايه هذي من احداث حقيقيه على فكره وصارت لناس اعرفها
راح احط كل اسبوع بارتين اذا قدرت


واتمنى من كل قلبي اشوف تفاعل عليها حتى ولو كان نقد
لاني ابني مهارتي على نقدكم واتعلم منه
ما ابي اطول عليكم اكثر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

البارت الاول

....... تبكي : لا تموووووووت تككككفففففى
ريم : استغفر الله العظيم مب صاحيه هالبنت
...... : ريم راح يموت شوفيييييي !!
ريم : شنو يموت ترا كله فلم وش فيك ؟؟؟!!
..... : ايييي بس لايموت احب هالممثل الحين وش بيخليني انتظر الجزء السادس منه
ريم : انتظري حالك من حال بنات العالم
...... : ماقدر ماقدر
ريم : قمر لا تصيرين زي المهابيل
قمر وعيونها كلها دموع : انتي بنت عم بالله ؟؟؟ المفروض تحزني معاي
ريم : وليه احزن ان شاء الله ؟
قمر : قومي انقلعي بس هذي غلطتي قلت لك تعالي نامي عندنا
ساره : ريم خليها هذي مادري وش منخلقه منه تشوف رومانسي
وتحب الرومانسيه بس ماتعتقد بالحب
قمر : ايي مافيه شي اسمه حب الحب كله بالكتب والافلام
ريم : ومين الي قال لك انه مافيه شي اسمه حب يا انسه قمر؟
قمر : محد قال لي بس انا اشوف بعيوني الي يتزوجون عن حب يتطلقون بعد كم سنه يعني مافيه شي اسمه حب غير حب الله والرسول عليه الصلاة والسلام وحب الاهل بس
ساره : شفتي قلت لك
ريم منصدمه ماتوقعت انه بنت عمها كذا
توقعت انها وحده تتحلم بالحب ورومانسيه كثير وانه عندها فارس احلام
تتحلم فيه كل ليله بس انصدمت انها عكس كل هذا

ام خالد : ساااااررررررة
راحت ساره تشوف امها الي اتناديها
ام خالد : ساره يمه شوفي لي اخوك خالد وينه فيه تأخر
ساره : يمه كنتي قلتي حق قمر مو كله انا الي اتصل عليه
ام خالد : انتي عارفه اني ما اعتمد على احد غيرك
ساره اسكتت شوي : طيب يما الحين اتصل
راحت ساره الغرفه مره ثانيه علشان تاخذ تلفونها وتتصل على اخوها خالد
قمر : وش كانت تبي ماما
ريم تضحك : ههههههههههههه ماما؟؟ انتي لمتى تظلين اتنادينها ماما
قمر عصبت : مو شغلك كيفي
ريم تبي تنرفزها وترفع ضغطها اكثر : لاتقولين لي انك اتنادين عمي بابا؟
قمر : بابا حبيبي و قلبي هو وه فديته بس
ريم : هههههههههه حتى عمي تنادينه بابا
قمر : سكتي بس سكتي
ريم : انتي سكتي
بدات قمر وريم اهواشهم مثل العاده بس حتى لو تهاوشوا يتهاوشون ويضحكون
بعدها على طول لانهم يعتبرون بعض خوات

خلوني اعرفكم على عائلة ابو خالد






ابو خالد : رجل غني ودايما يسافر بالشهر يمكن مرتين
وسافر انحاء العالم ومشغول بشركاته الي بالمملكه وخارج المملكه
عمره 51 سنه ويحب اعياله وبيته وزوجته
وخواته الاربعه مايحبون زوجته
ومايحبون قمر وراح تعرفون السبب بعدين
ابو خالد اخذ زوجته عن حب وتطلقوا من قبل بس رجعوا لبعض
ويدلع بنته قمر لدرجه اختها ساره تحس بالتفرقه بينهم

ام خالد : تحب اعيالها وبنتها ساره كثييييييير اكثر من قمر
عمرها 49 سنه وخذت ابو خالد عن حب وهم ولد وبنت عم
لانها تحس انه ابو خالد مقصر مع ساره بسبب قمر
كانت ماتقصر مع ساره وكانت تهتم بساره اكثر من قمر

خالد : عمره 26 سنه ضابط شرطه وشخصيته شديده شوي
بس طيب وحنون على خواته وراسه يابس وعنيييييد
طويل ومعضل والسكسوكه والقفل محليته اكثر
ابيض بس بياضه البياض الحلو وماتزوج للحين
نواف : عمره 22 سنه يدرس طب ويبي يتزوج بنت
عمه الجوري بس امه قالت له ينتظر علشان تبي اتسوي عرس
نواف وعرس خالد بنفس اليوم
نواف معضل بس مو مثل اخوه جسمه عادي ويروح النادي
كل يوم والقفل محليته وشخصيته يحب اللعب والمزح

ساره : عمرها 20 سنه تدرس علم النفس
طويله وضعيفه وزنها تقريبا 53 وشعرها طويل لونه اسود بس كل مناسبه تروح
تصبغ شعرها وتغير لونه تبي تكون غير عن الكل
مغروره شوي وماتحب ابوها يسوي شي لقمر ومايسويه لها
وتغار من اختها قمر الي ماخذا كل انتباه ابوها منها

واخيرا قمر : عمرها 18 سنه تخرجت وبتتخص فنون
قمر اسم على مسمى ، بيضا وبياضها البياض الحلو
عيونها صغار وفمها صغير بس متفوخ ولونه مايل للاحمرار
وشعرها الاسود طويل لدرجه كل من شافه قال انها حاطه توصيله
بشعرها وخدودها ورديه من يوم انولدت
ضعيفه وزنها 50 وطولها 157 > قزمه xD
قمر مع جمالها وطيبتها وحنانها الا انها بارده وماتنزل دموعها
على شي غير الروايات والافلام
ولما تقرا قران تتاثر اكثر وتبكي


انكمل البارت

ساره تتصل على اخوها خالد
ساره : السلام عليكم
خالد : وعليكم السلام ، هلا سااره وش فيك متصله
ساره : امي تقول شوفي اخوك وينه فيه
خالد : قولي لها الحين راجع
ساره : ان شاء الله ، لا تتأخر ترا امي جالسه على اعصابها
خالد : ان شاء الله
سكرت ساره المكالمه والتفتت على قمر وريم
الي يتناقشون واهم ماسكين جهاز الايباد ويشوفون الفساتين بالانستغرام
ساره تصارخ عليهم : انتوا وشو ماتسكتون استغفر الله
قمر ببرود : هدي اعصابك لا تجيك الجلطه مايستاهل الموضوع ترا
ريم : يخرب بيت برودك
قمر مو فاهمه : ليه؟
ريم : ماعمري شفت مثل برودك خخخخخخ
قمر : هذا ماهو برود
ريم : اجل وشو ؟
قمر : هذي الحقيقه مو زينه الاعصاب وانا قلت لها علشان
لايصير فيها الضغط
ساره تنرفزت منهم وانزلت عند امها اتقول لها انه اخوها راجع
بالطريق

الفجر قامت قمر اتصلي صلاة الفجر وصحت البيت كله
معاها علشان الصلاة
ابو خالد واعياله راحوا المسجد
وام خالد وساره وريم وقمر بعد الصلاة
كل وحده راحت غرفتها
ولانه ريم سهرانه عند قمر ف كانوا ينامون بغرفة قمر الواسعه
قمر مانامت اقعدت تقرا اشعار بالانستغرام
حساب قمر خاص ماكانت تقبل اضافات اي احد يحط صوره
بالانستغرام لانها تعتقد انهم
ناس خفيفه وماتحب هالنوعيه من الناس
اقبلت اضافة كم شخص بعد ما اقبلت الاضافات نزلت
صورة واكتبت ابيات شعر فيها من تأليفها
كانت كتاباتها تعجب الكل وكانت تحصل لايكات عليها
بس لأنها ماتقبل اي احد وحسابها خاص ف كانت اللايكات توصل
على الاكثر 86 لايك
بعدها راحت تقرا روايه من روايات ويليام شكسبير الي عندها
كانت عندها مكتبه كبيرة من روايات عبير وروايات حق كتاب انجليز
وروايات النت
كانت تكتبها بدفاتر علشان تظل عندها نسخه خاصه لها
وماتكون في النت
ريم صحت من نومها بعد ساعه وشافت قمر تبكي
ريم خافت : قمر وش فيك ؟؟
قمر : ماتوقعت هالنهايه
ريم : كش زين انا قلت فيك شي
قمر راحت جهة ريم وعطتها روايه انطونيو وكليوباترا
وقالت لها تقراها ريم وهي تقرا نامت
قمر اضحكت على خبال بنت عمها : هههههههههههه
قمر انزلت الساعه 7 الصبح للمطبخ
اتجهز فطور حق اهلها
وساره انزلت وشافت قمر تسوي الفطور ومخليه الشغالات جالسات
ساره : هذي مو شغلتك ياقمر
قمر : عادي مافيها شي لو سويت الفطور تعالي ساعديني
ساره : تعرفين اني ماحب ادخل المطبخ واطبخ
قمر اتطالعها وهي رافعه حواجبها : وليه ان شاء الله ، بعدين
بتضطرين تدخلين المطبخ علشان زوجك
ساره : خير ان شاء الله ، الله يكثر خير المطاعم
قمر : هههههههههه مسكين
ساره : ليه مسكين ؟؟؟؟
قمر : ترا الرجال يحبون اكل البيت دير بالك بس
ساره : من وشو ؟
قمر : دير بالك لا يطلقك او يتكلم عنك عند اهلك او اهله
ماهي بحلوه بحقك بعدين
ساره عصبت : وانتي وش دخلك ها!!!
قمر برود : انا حذرتك وبس الباقي عليك
ساره معصبه : انتي مو من حقك تتكلمين اصلا
قمربرود اكثر من قبل شوي : من حقي اتكلم علشان لايصير لك
شي تندمين عليه وعلشان ابري ذمتي عند ربي
ماتبين نصيحتي دخليها من اذن وطلعيها من الاذن الثانيه
ساره انقهرت وراحت غرفتها معصبه وهي تتحلف بقمر
وقمر كملت الفطور
ادخلت عليها ريم : صباح الخير قمورتي
قمر تضحك : صباح الفل والياسمين ريومتي هههههههه
اشوي ادخلت ام خالد عليهم المطبخ
ام خالد : قمر وش تسوين خلي الشغالات يسون الفطور
ولاتلعبين
قمر : افا يا ماما يعني لما اسوي لكم الفطور العب ؟
تراني مو بزر كبرت خلاص
ام خالد : قومي طلعي خلصينا بس
قمر : اصلا خلصت بس باقي يحطونه على الطاوله

انزلت العائله تتفطر كلها
ابو خالد : فطور اليوم حلو مين الي سوته
قمر كانت بتتكلم
ساره : انا سويته يبا عسى اعجبك
ابو خالد بفرح : والله واكبرت بنتي وبدأت تدخل المطبخ
ريم اتطالع قمر وام خالد اتطالع ساره منصدمه من الي سوته بنتها ساره
قمر مبتسمه وساكته تتفطرعادي >> قلت لكم البنت بارده *^*
ريم منصدمه مو للدرجه هذي قمر بارده
ريم تفكر : متى راح تتغيرين وتبعدين هالبرود الي فيك ياقمر
خالد : ريم وش اخبار الكليه ؟ اقبلوك ؟
ريم انحرجت : هاه اي
خالد : مبروك اي كليه؟؟
ريم ووجهه احمر : احياء
خالد يبتسم : ما شاء الله موفقه
نواف دخل بالموضوع : الجوري وش اخبارها
ام خالد : استح ياولد عيب
ريم تضحك : ههههههههههههه عادي خالتي ، الجوري بخير الحمدلله
نواف : ياعساه دوووووم يارب
ام خالد : اسكت ياولد
ابوخالد : نواف استح
نواف : اووووف بس مادري متى بيريحني خالد ويتزوج
علشان اتزوج حبيبتي الجوري
خالد : عن اذنكم انا رايح الدوام
ام خالد وابو خالد : الله حافظك
قام خالد وباس راس امه وابوه وطلع دوامه
قمر : انت ليه ماتسكت ان شاء الله كنت خليته يتفطر وبعدين
تكلم
ريم تضايقت بس ماتبين تفكر : خالد ....

خلوني اعرفكم بـ ريم

ريم : بمثل عمر قمر تقريبا بينهم 4 شهور بس
طويله شوي وضعيفه وسمره شوي وشعرها قصير اسود
مرحه وحبوبه وتحب قمر وهي اتحب خالد بس ماتكلمت
لحد وماقالت حتى لقمر

انكمل البارت

بمنطقه ثانيه وبالتحديد بقسم الشرطة
...... : وش معنى هذا !!!!!!!!!
الشرطي : حضرت الضابط احنا انصدمنا مثلك بس هذي مسكناها
وهي لابسه ثوب ومتلثمه وهي تسوق
..... : الكلام الي اسمعه صحيح؟؟؟
........ : ........................................
....... عصب : قلت لك تكلمي !!!!
محمد : فيصل هدي اعصابك شوي
فيصل : شوفي يابنت الناس هذي ورقة القلم كتبي لي اسم و رقم ابوك
واسمك الكامل وعمرك وعنوانك
البنت خافت من فيصل وخافت لو عرف ابوها بيذبحها
فيصل شاف انها خايفه : دام انك خايفه ليه تسوين كذا من الاساس؟؟
البنت ترجف
فيصل : تفضلي الورقة والقلم
بدأت البنت تكتب الي طلبه منها وهي تبكي ودموعها تنزل
اربع اربع
فيصل مستغرب كيف تسويها وهي تخاف كذا
وبعد دقايق اخذ الورقه منها وقرا اسمها
فيصل : اسمك منال؟؟
منال : اي ياحضرت الضابط
فيصل : كتبي لي رقم واحد من اخوانك
منال استغربت : ليه ؟؟
فيصل : اخاف يصير بالوالد شي من ورا مصيبتك على الاقل
اخوك بيشدد عليك وبيعلمك كيف تسوينها مره ثانيه
منال عصبت و ودها تذبح فيصل خذت القلم منه
وبدأت تكتب وهي تدعي على فيصل وتسبه في قلبها لانه راح
يخلي اخوانها يذبحونها مع انها خايفه
لدرجه اتحس قلبها طاح في بطنها
فيصل اخذ منها الورقه وشاف الرقم وسالها عن اسم اخوها
منال بكره : جاسم
مسك فيصل التلفون واتصل على اخوها
فيصل : السلام عليكم معاي الاخ جاسم؟
جاسم : وعليكم السلام اي نعم انا جاسم وش بغيت اخوي؟
فيصل : معاك الضابط فيصل من قسم الشرطه لو سمحت
نبغاك عندنا
جاسم انصدم : وليه ؟؟؟؟!!
فيصل : السالفه ماتنقال بالتلفون ياليت تجي وتشوف بنفسك
جاسم خاف : ان شاء الله بس اي قسم؟
فيصل : قسم .........
جاسم : مسافة طريق ان شاء الله

فيصل : مع السلامه
جاسم : مع السلامه
سكروا الاثنين من المكالمه ومنال قلبها بدا يعورها من الي قاعد
يصير
وفيصل طالعها بنظرة خلتها تكره نفسها
فيصل : واضح من اسلوب اخوك انه رجال زين الله يسامحك
يا انك وطيتي راسه
الله لا يبلانا بس
بعد نص ساعه بمكتب فيصل
فيصل : استغفر الله العظيم
محمد : وش فيك ؟
فيصل : ياخي مادري وش يحسون البنات فيه
محمد يضحك عارف وش يفكر فيه صاحبه : هههههههههههههه
فيصل : والله جد ياخي السواقه مو من زينها علشان تسوي كل هذا
عشانها
محمد : انشهد
فيصل : هذي اول واخر مره اشوفك هنا
ثاني مره راح ادخلك النظاره فاهمه؟؟!!!!!
منال تنرفزت منه : هييييييييييي انت ، بس لانك ضابط شايف نفسك
فيصل عصب : احترمي نفسك يابنت الناس
لا يجيك شي مايعجبك فوق شينك قواة عينك !!!
منال خافت من فيصل : مو انت الي اتهددني !!
شوي ولا يدخل جاسم الي انصدم من انه اخته بالمخفر
جاسم : حضرت الضابط وش معنى كل هذا؟
فيصل : شوف وانا اخوك ، اختك لقيناها اتسوق وهي لابسه ثوب
ومتلثمه
جاسم انصدم وطالع اخته منصدم : !!!!!!!
فيصل : ياليت اتأجل اي شي في البيت الحين بس محتاجينك اتوقع
على التعهد هذا انت وهي علشان تقدر اتطلعها
جاسم قام وضرب منال ومنال بدأت تصارخ وتبكي
فيصل قام وبعد جاسم من منال
فيصل : لو سمحت اخوي السوالف هذي ياليت اتكون بينكم في البيت
مو في مكتبي
جاسم يحاول يهدئ نفسه : ان شاء الله
فيصل : اذا سمحت وقع هنا
جاسم وقع على الاوراق هو ومنال ومنال تبكي وتتحلف بـ فيصل
وهم بيطلعون
منال : والله لا اوريك يافيصل مو انا الي انهان كذا
فيصل يحاول مايعصب : روحي بيتكم والي يعافيك ماني ناقصك
جاسم يسحب اخته ويطلع
فيصل جلس على كرسي مكتبه
محمد : الله لا يبلانا بس
فيصل : اي والله
فيصل مسك تلفونه ايفون فايف وفتح الانستغرام
شوي شاف حساب شد انتباها
محمد : وش فيك اتطالع التلفون كذا
فيصل : ولا شي بس اعجبني شي
محمد : ورني ابي اشوف
فيصل : انقلع بس هههههههههههههههه
محمد : افا هذا وانا اخوك
فيصل : اخوي بس ماراح اوريك خخخخخ
رجع فيصل يطالع الفون ودخل على الحساب
كان الحساب حساب قمر
كان يقلب في حسابها وشاف حسابه كله اشعار وصور
ابيات اشعار وكلام وبوح وكانت تحط رسماتها
وكانت منعجبه باشعار عنتره بن شداد ف معظم الي في حسابها من اشعاره
فيصل يفكر : هالبنت حسابها فيه تناغض اشعار حب وبعدين تنكر انه فيه شي اسمه حب
اعطيها بلوك احسن ...... ولا اقول خل اشوف شنو
اخرتها معاها
محمد : امش خلنا انروح البيت بس
فيصل : يلا امش
فيصل ومحمد ارجعوا بيتهم

خلوني اعرفكم على عائلة ابو فيصل

ابو فيصل : غني وعنده الملايين وشركاته عالميه ومعروفه
عمره 57 سنه ، طيب وحنون كثييييييير على اعياله وبناته
يحب يروح البر بالشتاء وعندهم مزرعه يروحون لها بالصيف

ام فيصل : مراه طيبه وحبوبه عمرها 51 سنه
مع انه زوجها غني وحاط الشغالات لهم الا انها ماترضى انه
شغاله تطبخ وتهتم بالبيت اكثر منها
اتحب ولدها فيصل كثيييييييير وتتمنى انه يتزوج وتشوف عرسه

فيصل : اكبر اخوانه عمره 27 سنه ضابط شرطه مايحب الي يعانده
وطيب وماعمره رفض شي لخواته معضل وجسمه حلو وشعره اسود
قصير مايحب الشعر الطويل ورسمت القفل اتخليه وسيييم وله ضحكه
حلوه اتخلي الي يسمعها يبتسم لا شعوريا ، حب من قبل وحده
بس تزوجت واحد غيره ماتبيه > باختصار كانت تلعب عليه

محمد : عمره 25 سنه يدرس هندسه كمبيوتر يبي ياخذ شهادة الدكتوراه في هالتخصص
يشبه فيصل بس فيصل احلى منه طيب وحنون ومرح لابعد درجه

فهد : عمره 22 سنه هادئ بس لما يفصل يصير نشبه مايخلي
احد ويمزح كثير مو معضل كثير جسمه عادي ويقول يبي يخلي شعره
طويل بس فيصل مو راضي يروح يقصه له واهو نايم ، يدرس تربيه العاب

التوأم شهد و اميره : عمرهم 18 سنه شهد اكبر من اميره بدقائق
شهد شعرها يوصل لنهاية ظهرها ولونه اسود وعيونها عسليه
تخصصت بـ كلية تربيه انجليزي
واميره شعرها قصير لونه اسود وعيونها سوداء وتحب اتربي
الحيوانات بس شهد تكره هالشي علشان كذا اميره تخصصت احياء



وهذا البارت الاول
اتمنى اشوف تفاعل من الاعضاء لانه والله
محتاجه رايكم فيها علشان اكملها وهي قصه حقيقيه
ومادري اذا طريقة كتابتي صح او لا

__________________________________________________ __________

>>>> الرد الثاني :
جميييييييييلة بس النهاية حزينة ولا ؟!

__________________________________________________ __________

>>>> الرد الثالث :
وااو روووعه كملي
سلمت أناملك يا عسل
يعطيك العافيه وربي يسعدك..

__________________________________________________ __________

>>>> الرد الرابع :


__________________________________________________ __________

>>>> الرد الخامس :