عنوان الموضوع : روايه ودي اضمك لين تختلط انفاسي معاك.. فن الروايات
مقدم من طرف منتديات الضمير العربي

الكــــاتبه: رونــق الألمــاس


‏ ‏
قصه تحكي عن الشباب الي يسوون اشياء ومايحسبون ان وراهم بنات واخوات وامهات يمكن يجي يوم وكل هالأشياء الي يسوونها ف غيرهم تصير في اقرب الناس لهم ومثل مايقولون كما تدين تدان ...وتحكي عن سلبيات الألكترونيات الي منتشره فهالعالم ومخربه شبابنا وبناتنا بس المهم ان الأنسان مايضعف ولايجري ورا رغباته لأن طبع الأنسان طماع....
وهاذي اول روايه اكتبها.. وانشالله تعجبكم وماراح اطول عليكم اكثر..القصه عاطفيه رومانسيه هادفه وجريئه.. اخليكم مع القصه
...................................







كانت في غرفتها جالسه عالنت وطق طق بأصبعها على الابتوب و باين على ملامحها الملل تطلع من صفحه تدخل صفحه ثانيه تحاول تطلع من اكتئابها الي شوي ويقتلها دخلت ع المنسجر ولقت مسجات من صديقاتها قرتلها كم مسج وبعدها طلعت ملت منه ... رجعت ظهرها ورا واسندت راسها عالوساده وبعدها مددت جسمها عالسرير بطريقه ممله فكرت تطلع وتجلس مع امها وأخوانها بس تأففت في نفسها وقالت: اجلس مع مين مع امها الي بتزفها ع شغل البيت الي ماخلصته ولا أخوانها لصغار الي راح يصدعون راسها ولا أخوها محمد الي همه البنات والصياعه ولف الشوارع لأخر الليل حاولت تنام بس ماقدرت جلست تفكر بسوالف البنات وصديقاتها الي من لما يجلسون مع بعض كل وحده تقول عن سهرتها مع حبيبها بالأمس وايش قالها وايش قالت له وقصص الحب الي ماتخلص وعن الشباب الي داقين معهم علاقات..... فكرت معقوله الحب كذا مثل مايقولون عنه معقوله يجي يوم واصير مثلهم احب وانحب بس بسرعه طردت هالفكره من بالها لأنها خايفه.... عاداتنا وتقاليدنا بشكل عام تنظر للحب بأنه عيب وخاصتا للبنات
وهي في زحمة افكارها سمعت صوت يناديها افاقها وطرد افكارها الورديه: يمه ميثا تعالي ساعديني......
تأففت وقامت وطلعت لأمها الي لقتها واقفه تناديها من الطابق السفلي بتعب.... ميثا: هلا يمه ايش تبي مني
الأم: لا والله ايش بغيت؟! وانتي من جيتي من الجامعه وانتي بغرفتج لاتساعديني ولاتأخذين شوي من همومي
ميثا بملل: يمه والله تعبانه ومو قادره لشي ارحميني شوي
الأم: ليش شفتيني جالسه عليج ضرب وخناق كل يوم عشان تسكتيني.....ورجعت تكمل بهدوء: شوفي ميثا اعقلي وكوني مسوؤله شوي معي ف البيت انتي الكبيره من بعد أخوج محمد وانتي تدرين محمد مايعتمد عليه والبنت هاذي وضيفتها بيتها وانشالله عن قريب زوجج وعيالج
ميثا من سمعت سيرة الزواج والعيال تضايقت بس مابينت لأمها وسكتت شوي وبعدها قالت
ميثا: انزين يمه ايش الي تبيني اسويه
الأم: ايوا هذا بنتي الحلوه تربيتي واعرفج يلا حبيبتي روحي نظفي الصاله لأن الشغاله مريضه اليوم وبعطيها استراحه هاليومين عاد المسكينه تعبانه ولازم نرحمها شوي وبعدين روحي درسي اخوانك لصغار عمر وريناد
ميثا: طيب يمه....أوامر ثانيه
الأم: لا فديتج يمه اذا خلصتي شغل روحي ذاكري وانا بكمل الشغل الباقي
راحت ميثا خلصت شغلها ودرست أخوانها وذاكرت وبعد المذاكره على طول نامت من التعب وعدت هالليله على خير
.................................



تعريف للشخصيات ابطالنا

ابو محمد(عبدالله):45سنه عصبي يكثر من
طلعاته م البيت يرد متأخر ومتعب معاه ام محمد بعصبيته المبالغ فيها الي راح تعرفونها بعدين في احداث القصه
أم محمد(نور) عمرها:40سنه حرمه طيبه ومتفاهمه مع عيالها وزوجها
ميثا بطلتناا عمرها:18 سنه بالجامعه سنه أولى تخصص انجليزي حلوه ملامحها بريئه بيضه شعرها لنص الظهر صبغته بني مناسب بشرتها الصافيه عيونها واسعه عسليه نفس عيون امها طالعه عليها
محمد : 21سنه بالجامعه سنه رابعه حلو ومزيون طويل القامه شعره اسود مسمينه مطيح البنات بس عيبه لأن صايع مرره ومهمته يضحك عالبنات
عمر :14سنه بالصف التاسع الأعدادي شاطر بدراسته وخياله واسع وغير منطقي
ريناد : 9سنوات بالصف الثالث الأبتدأي كسوله شوي موتها تنقل الأخبار يعني فضايح.......

*******************************


في الكوفي شوب كانت هناك مجتمعه الشلة شباب الفاسقه الي منهم يشرب القهوه والي يعدل راسه بشيشه او زيجاره لين يحين موعد الفسق مالهم
وعلى هاللحظه يرن تلفون محمد يعلن عن اتصال

[ القلب سلملك آمره في حالتي وانتي ادرى .... يالي حنانك وطيبك ينحط عالجرح يبرا شفاف يانور عيني...... [ههههه بجد الباقي مو حافضته]

رد محمد وهو يبتسم ويتكلم بكل ثقه ورومنس: هلا بالقلب
: اهلين فيك روحي
محمد: فديتج اشتقتلج واااايد
: وانا بعد اشتقتلك حبيبي
محمد: شمسويه
: ما اسوي شي بس جالسه انتظر الوقت يمشي بسرعه علشاني متلهفه اشوفك لأني موت مشتاقتلك
محمد: فديتج وفديت دلعج انتي بجد شوقتيني فيج اكثر
: من جد
محمد: إيه والله ... بجد شو رايج نسبق الموعد ترا عادي اترك الشباب واجيج الحين طيران
: كذاب ماتسويها
محمد بحماس: ومين قال لا تخليني اتهور وبعد خمس دقايق تلقيني عند بيتكم
: لاااااااا لااااااااااا حبيبي اشفيك انت انجنيت
محمد بوله: جننتيني بصوتج ودلعج وولعج الزايد بجد انتي تذوبين
: هههههههههه لا مو لهالدرجه عااااد
محمد: لا لهدرجه واكثر
: طيب حبيبي انا بسكر الحين ولمن يجي الوقت بسويلك مسج ....اوكي
محمد: اوكي بس تذكري اني انتظرج على آحر من الجمر .... لاتتأخرين
: لا تحاتي ماراح اتأخر بيبي
محمد: يلا بااااااااااي حبيبتي
: يلاااااا بااااايات قلبي
سكر محمد وهو مرتاح ويبتسم لحاله وكأنه مو مصدق
اصحابه الي جالسين وياه جلسوا يضحكون عليه
رايان: حمود اشفيك تضحك لحالك
محمد بعدم انتباه لنفسه: ليش انا الحين اضحك
هزاع: ايه تضحك لحالك مو شايف نفسك من لمن سكرت من حبيبة قلبك
محمد بأستهزاء: هاذي مو حبيبة قلبي سمها (Game Over) لأن الليله بتنتهي صلاحيتها
اصحابه بقهر منه ناظروه بأستغراب بس رد عليه ريان وهو مو مستوعب: بس انت توك متعرف عليها ماصار لكم الا اسبوعين ونص من كلمتها
محمد بتعالي: اوكي انت تعرفني اخر مده عندي شهر والي ماتجي بالساهل اجيبها بالغصب وهاذي قد اخذت منها الي ابيه بس حسيتها دخلت مزاجي فقلت بعد اتسلى وياها الليله ومن بعدها بسويلها طاف
هزاع بأستغراب: بجد انت يوم عن يوم تصدمني بأفكارك الجهنميه
محمد بثقه: اعجبك
هزاع وهو يقوم وياخذ مفتاح سيارته وبوكه: طيب انا بخليكم بروح معاي
نا بخليكم بروح معاي موعد
رايان: اي موعد
محمد بأستفزاز: بعد مين انت مو عارف هزاع الرومنسي ... بس لمن يلقى كلام حلو على طول يعشق ...اكيد بتكون هذيك ام البراطيم الي مجننته فيها

هزاع بحمق: ام البراطيم اشرف منك صح هي تكلمني بس للحين انا كملت معها ثمانية شهور ومو قادر اقنعها تطلع وياااي بموعد واليوم من بعد اصرار رضت بس موعد من بعيد لبعيد وفي مكان عام مو مثلك كل يوم لك بنت
محمد بحمق: هيييي انت اشفيك؟... الحين تخانقني علشان وحده ماتسوى
هزاع بحده: لا تقول ماتسوى الي معاك هي الي ماتسوى ولا مابترضى تلعب فيها مثل الكره وهي راضيه
محمد رجع لنبرة الأستهزاء: شسوي اذا كنت مزيون ولساني مثلي ينقط عسل واطيحهم بسرعه
هزاع يتجاهله: بااااااي انا بروح للموعد احسن لي هالجو خانقني
راح هزاع عنهم ورجع محمد على كرسيه و هو يبتسم بشيطانيه
رايان فهم هالأبتسامه مالته المعهوده: شو فيك ايش وراك تبتسم
محمد بعدم اهتمام: ماشي سلامتك

*******************************


اليوم الثاني بالجامعه دخلت ميثا الكلاس وهي تجر رجولها جر من كثر مافيها النوم والكسل جلست جنب صديقاتها ريم وناديه وسلمت عليهم وهي تحط كتبها عالطاوله وبعدها جلسوا يسولفون على مايدخل الدكتور المحاضره...دخل الدكتور وسكتوا الطلاب وجلس يشرح لهم الدرس اما ميثا من البدايه استمعت للدرس ولكن بعدين ماعد حست بنفسها وغفت شوي ريم وناديه مانتبهوا لها وهي ماشالله ناسيه الكلاس ونايمه بكل عمق ...
ولكن ماطولت هالقيلوله الا ويطيح راسها عالطاوله بقوووه
كل الي بالكلاس جلس يضحك عليها لمن شافها
ميثا من الفجعه لمن دق راسها عالطاوله فتحت عيونها على وسعها وتعدلت بجلستها وهي خجلانه بداخلها من الي صار
الدكتور: ميثا اذا ودج تنامين طلعي برا ماله داعي تسوين لنا هالشوشره بالكلاس
ميثا استحت تمنت الأرض تنشق وتبلعها من الخجل: اوكي دكتور انا آسفه
رجع الدكتور يكمل شرحه و ما اهتم لها اما ميثا فجلست تفتح عيونها بالغصب باقي شوي وعروق عيونها تنقطع فيها النوم وماقدره تتحكم بعيونها تفتحها

*******************************


بالبيت عند بو محمد وام محمد يتخانقون بسبب تأخير بو محمد وجيته عالبيت الصباح..
بو محمد وهو يصارخ: لاتزعجيني يانور بروحي تعبان ومتضايق تجين انتي وتكملينها علي ودي ارتاح لو سمحتي سكري الباب خليني انام
ام محمد: انا الي الحين ازعجك صدقني مافي مره بتتحملك مثلي ولا كأنه معاي زوج يجي متأخر بنصاص الليالي ويجي الفجر وانا بروحي احمل مسوؤلية البيت فوق راسي بالله عليك انت ايش دورك فالبيت لا عيال تسأل عنهم ولا زوجه تهتم فيها والحين تجيني تقول سكري الباب بنام....وكملت بصراخ: وين كنت امس باليل وليش متأخر وجاي عالساعه6 الصبح انا الغبيه الي اجلس احاتيك وانتظرك
ابو محمد بعصبيه: بس جننتيني وخلصيني عاااد وسكري الباب هذ الموال سمعته وااايد وصرت حافظه من كثر ماتعيدينه بس بس تعبت...ودخل في فراشه ونام"
ام محمد انقهرت من هالوضع وطلعت من الغرفه وهي تتمتم في نفسها ( الله يفكني من العيشه الي ماتنطاق )

**********************


Sent from my SM-N9005 using منتدى عبير mobile app

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
راح انتظر ردودكم واذا شفت اقبال عليها راح اكملها ...

اختكم رونق الالماس

Sent from my SM-N9005 using منتدى عبير mobile app

__________________________________________________ __________

>>>> الرد الثاني :
نروح لمحمد الي من دخل الجامعه وهو جالس يناظر البنات ويغازل ولما كان داخل الكلاس تذكر مها صديقته الي تواعد معاها انه يلتقي فيها في قاعه الجامعه الي يسمونها قاعة العشاق لأنها دايما خاليه والي يحب ينفرد بها مع حبيبته يروح لها
فراح وغير طريقه وهو يرسل مسج
(صباحو "......
مهوي حبيبتي انا نتظرج فالقاعه لاتتأخرين علي لأني موت مشتاقلج ياعسل )
مها وهي جالسه تنتظر محاضرتها عالساعه 8 جاها مسج فتحته ولما قرت المسج طارت من الفرحه وهي تقول لصديقتها اسماء
مها: انا الحين بروح واذا تأخرت عالمحاضره اتصلي او ارسليلي مسج
اسماء استغربت منها: هييي انتي وين رايحه باقي عالمحاضره نص ساعه بس
مها بعدم اهتمام: عادي حبيبتي ماراح اتأخر
اسماء بفضول: طيب لوين بتروحين
مها وهو رايحه عنها: بروح اشوف حبيبي محمد
محمد يبيني شوي
اسماء بنصح: مها انا هالمحمد مو داخل مزاجي بس ايش اقولج اذا انتي راضيه لنفسج تحبين "مغازلجي الجامعه.... بكيفج
مها:اسمائو ألزمي حدودج هالمغازلجي الي مو عاجبج .. حبيبي وانا ادري انه يحبني وانا احبه و الحين بلا متأخريني عن اذنج باروح له مشتاقتله موت.
راحت مها للقاعه واول مادخلت على طول استقبلها محمد بالأحضان ..خذها بحضنه وهو يدفن راسه ع حجابها: اشتقتلج مهوي
مها بنرفزه: لا تقول مهوي كذا حاف قول حبيبتي
محمد بأبتسامه: فديتج حبيبتي آمري تدللي...
مها ابتسمت بحب وهي تناظره بخجل وماردت: .................
محمد وهو يبعد عنها شوي وياخذ شيلتها وينزلها من على راسها ومن ثم رفع ايده وطيح المشبك الي براسها ... ولما اخذه طاح شعرها الأسود البراق بكتوفها بتسلسل
محمد بشوق اخذ شوي من شعرها في ايده وهو يشمه بنهم: آااه اشتقت اللآعبه هالشهر
مها كانت تناظره بحب: انا بعد اشتقت لك حياتي
محمد وهو يبعدها مره ثانيه ويرجع شعرها لورا ويحطه ورا اذانها ويرجع يلمها لحضنه أكثر وكأنه بيخنقها وانفاسه صارت تلفحها بحراره على رقبتها...
هنا مها استسلمت لاحضانه وبعد لحظة شوق طويله قالت بخوف: حبيبي انت شكلك راح تأخرني على محاضرتي محمد قرب منها يلصق فيها اكثر: لا خلينا كذا احسن
مها بدلع: بس المحاضرات راح تفوتنا حمودي
محمد بعدم إهتمام: خليها تتفوت حبي لاتخربين لحظتنا الحلوه
ومع هاللحظات سمعوا صوت تلفون .... انتبهت مها بسرعه وهي تقول بتوتر: هذا جوالي اكيد اسماء المتصله محمد منزعج: تركيها تولي وخلي عنج المحاضرات حتى انا معاي محاضره وعلشانج ضحيت وانتي الحين لازم تضحين حبيبتي علشان حبيبج
مها بتوتر: والله انك رايق حمودي خليها مره ثانيه حبيبي انا الحين مضطره اخليك ولو انك ماتهون علي
ونزلت نفسها شوي واخذت شيلتها من على الأرض وتحجبت زين وراحت قصدها بتطلع___ بس محمد كان اسرع ومسك يدها قبل لاتطلع وهو يأشر عالخد: لاحبيبتي بالأول وين بوستي..
مها عالسريع باسته على خده وعطته ظهرها بتمشي
بس محمد حب يتدلع عليها: ماتكفيني عالخد كان ودي فيها على شفاتي بس هالمره بعفيج عنها وبخليها سماح علشانج مستعجله بس المره الجايه ماراح اسامحج منها
مها وهي طالعه عطته نظرة حب وقالتله:أحبك وانا اقدر على زعلك.... وعطته بوسه عالهوا وراحت....
اما محمد بقى واقف وهو يرسم ابتسامه عريضه خبيثه تدل على انه يخطط ويفكر بشي خبيث في باله....

[الله يهديك يامحمد]




نروح لميثا من خلصت كل محاضراتها واتصلت عالسواق وبعدها جلست تسولف مع ريم وناديه صديقاتها على مايجي السواق ...وبعد لحظات جاء السواق وراحت البيت واول ماوصلت سلمت على ابوها وامها وقالتلهم لاينتظرونها عالغدا لأن ودها تنام وماتبا تاكل شي.....طلعت ميثا غرفتها وغيرت ملابسها ودخلت تأخذ شور سريع وتوضت وصلت الظهر وعلى طول راحت لسريرها ورمت نفسها عليه ونامت...
.............................


العصر قامت ميثا وغسلت وجهها وتوضت وصلت العصر وبعدها نزلت لقت الصاله خاليه دخلت المطبخ سوت لنفسها سندويشه خفيفه يعني جبنة مرتديلا وشويه خيار وكاتشب ومعها عصير برتقال وجلست عالطاوله تأكل ولما خلصت من الأكل طلعت للصاله وفتحت التيفي تتسلى شوي قبل لا تطلع وتذاكر ....فراحت للطاوله علشان تاخذ الريموت كنترول ولما جات بتأخذ الريموت لفت عالطاوله وتفــــأجات بأن ورقة محطوطه عالطاوله مكتوب عليها(يمه ميثا انا واخوانج لصغار رحنا السوق ويمكن نتأخر شوي لاتخافين اذا تأخرنا)
وقفت مقهوره كيف يروحون ويخلوني وحدي بالبيت
وهي بالموت مستحمله هالملل الي تعيشه كل يوم وبعد كملوها اليوم عليها وتركوها لوحدها بالبيت...

ولكنها طنشت واخذت الريموت وجلست تغير من قناة لي قناة وهي طفشانه وبعد ماملت شافت ساعتها لقتها (30:‎ pm ‎5) العصر‎ ‎فملت ورجعت الريموت عالطاوله وسكرت التيفي وقررت انها تصعد وتنهي وظايفها الدراسيه ولمن خلصت جلست شوي وسمعت صوت الآذن يأذن فراحت بسرعه وتوضت وصلت المغرب وبعد ماصلت راحت لغرفة محمد تقومه لاقت الغرفه ظلمه ومسكر الأنوار و نايم ولا هو حاس بالدنيا....
دخلت عليه وجلست تقومه وهو ولا داري وبعد صراخ قطع احبالها الصوتيه قام محمد وصلى المغرب وهي دخلت غرفتها وهي تتأفف ورمت نفسها بقووه على السرير فكرت انها تجلس عالنت شوي وتقتل هالملل........
وشوي وراودتها افكار شيطانيه انها تدخل الشات مثل مايقولون البنات انه حماس وتضحكين عالشباب شوي وتتسلين.... يعني الفكره راقت لها وقالت ادخل اكسر الملل شوي واطلع فراحت ودخلت عالشات وسمت نفسها "رونق" وهي جالسه تقرا الألقاب تفكر تختار احد تدردش وياه ألا وتجيها دعوه من( love me) فكرت شوي وبعد تفكير سوت قبول وهي متردده بخاطرها وعلى زحمة افكارها جاها مسج:
(هلا وغلا شخبارج ياعسل) رددت بعد تردد كبير وخوف...
رونق:اهلين شخبارك انت
love me:انا بخير ‏..يارونق على فكره لقبج حلو
رونق : مشكور .. من ذوقك
love me:كم عمرج وبعدج تدرسين ولا لا
رونق:عمري 18سنه وادرس بالجامعه سنه اولى_وانت كم عمرك؟
lov‏e me:العمر كله انشالله‏‏_‏_انا عمري 20سنه وادرس بالجامعه سنه ثالثه
رونق:العمر كله...اوكي ممكن تغير سيرة الدراسه لأني طفشت منها
love me:ههههههههههههاي..شكلج ماتحبين الدراسه ابدا
رونق: اكرهها موت
love me:‏ طيب الله يعينج عليها ‏
رونق: ههههه ويعينك انت بعد
love me:اوكي شو الألوان الي تحبينها؟ ‏
رونق: احب الأسود والأزرق والوردي والبنفسجي
love me:بصراحه ذوقنا متقارب لأني انا بعد احب كل الألوان الي قلتيها الا الوردي بداله بني
ميثا تحمست معاه جذبها حديثه .....
رونق: وشو المواهب الي عندك
love me:موهبتي حرق الاعصاب ‏ والسباحه واحب اشخبط شوي وارسم بس لأسف ماأعرف وااايد
ميثا تبتسم لمن قال اشخبط .....
رونق : بصراحه مثل ماقلت تشبهني بالذوق انا احب الرسم بس انا بعد مثلك مو واايد فيه اما السباحه احبها بس ما اعرف اسبح(>_<)
love me:عادي انا اعلمج..هههههههههههاي
رونق:؟؟؟؟؟؟؟؟؟ لاتعليق
love me:اشفيج زعلتي ولا شو بجد انا امزح مثل ماقلتلج احب المرح
رونق: لا عادي ..؟
love me: كم اخوان لج ...يحب يكسر الصمت بينهم‏
رونق:انا معاي اربعه اخوان وانا الترتيب الثاني بينهم وانت
love me:‏ انا الترتيب الثالث وراي ثلاث بنات وولد
رونق:اهاا الله يحميكم انشالله..
love me:تصدقين رونق احس اني وكأني اعرفج من زمان
بس ابا اسألك قد جربتي الحب من قبل وآسف اذا احرجتج
رونق: لاااا عادي والحب لا بعدي ماجربته بس اسمع عنه حلو.... وانت جربته؟
love me:لا ماجربته بس احس ان قريب ‏ بجربه
رونق :هههههههاي ليش حاط عينك على وحده
love me:‏ لا بس احس كذا ‏
رونق: ياعيني على الحاسه السادسه..هههه
love me:فديتج وانشالله انتي بعد تحسين ‏ فيه قريب ‏
استغربت ميثا لما شافت "فديتج" معقوله من الحين ....
بس طنشت واستمرت وياه حست انه دخل قلبها بسرعه وارتاحت له...وفهالوقت سمعت صوت امها واخوانها يدخلوا البيت فأرسلت له.... (الحين انا بطلع وعالساعه 12برجعلك اوك)
وعلى طول سوت خروج وطلعت مانتظرت تشوف جوابه
..............................

Sent from my SM-N9005 using منتدى عبير mobile app

__________________________________________________ __________

>>>> الرد الثالث :
جمييييييييييييييلة يعطيك العافية وانتظرك

__________________________________________________ __________

>>>> الرد الرابع :
تسلمين حبيبتي ردك افرحني واعطاني دافع اكمل الروايه لعييييونك

Sent from my SM-N9005 using منتدى عبير mobile app

__________________________________________________ __________

>>>> الرد الخامس :
طلعت ميثا وشافت امها واخوانها محملين بالأكياس
ميثا بقهر: هلا يمه
ام محمد وهي منشغله بلأغراض: اهلين حبيبتي شخبارج؟
ميثا بقهر: مو بخير... والله مو حاله هاذي طالعين وتاركيني لحالي بين هالطواف
ام محمد: ميثا نحنا اضطرينا نروح للسوق وقلت اخذ اخوانج لصغار وتركت عندج أخوج محمد
ميثا بأستهزاء: محمد ..... محمد ليش بعدكم تحسبون وجوده الي طول وقته طالع ولا هامه شي
وعلى هاللحظه نزل محمد وهو كاشخ وشكله طالع: هلا يمه من وين جايين انتي وهالسنافر لصغار
نظروا فيه ريناد وعمر بنص عين
ريناد بعصبيه: انت ايش تقول عنا شوف وجهك وبعدين تكلم,,
انقهر محمد منها ورد: انا ووجهي هااا..يالدبه انا الحمدلله مزيون واجنن والدليل انهم مسميني مطيح البنات مو انتي وشكلج وكأنج صحن بسبوسه بدون ملامح
عمر بحده وببراءة الاطفال: انا ازين منك بس متواضع وماحب اتباهي مثلك انت وشكلك وكأنك بلاك بيري
وعلشان يقهرونه دقوا ايدينهم ببعض وهم يضحكون: هههههههههههههههههههههههههههههههههههههاي
ضحك محمد بأستعباط: شوفوا مين ينكت الفيلسوف عمر راعي الخيال الواسع مسكين مصدق نفسك انك احلى مني عادي حبيبي عادي خلها من ضمن خيالاتك الواسعه
عمر مقهور من غروره: اكيد احسن منك ... افكر لمن اصير بعمرك اروح للفضاء وطموحاتي كبيره مو مثلك اركض ورا البنات وكأني حمار
محمد بأنتصار: حبيبي لاتزعل مشكلتي مو انا اركض وراهم هم الي يركضون وراي لأسف حبيبي انت غلطان في تحليلك
وراح لأمه وباس راسها: يلا يمه تأمرين بشي انا طالع
الأم: لا مابي الا سلامتك الله يحفظك ويهديك ياوليدي بس حاول لاتتأخر
محمد: يمه بجد ما اقدر اوعدج.... ونزل راسه يناظر الساعه وشاف ان الساعه صارت تسع ونص وكمل بسرعه: يلا يمه انا الحين بروح الشباب ينتظروني
وطلع... وهو طالع رفع ايده وضرب راس ميثا بخفه وهو يقول: انتي مره ثانيه لاتقوميني صدعتيني والله مهو بصوت هذا...جرس
ميثا وهي تصد عنه: بـــــــاااااااااااايخ
ووخرت عنه وراحت مع امها يشوفون الأغراض ويرتبونها...ولما خلصوا ام محمد راحت تنام وعمر ووريناد ناموا قبلها والأب والأبن كلهم طالعين برا البيت....
طلعت ميثا متلهفه للابتوب علشان تتواصل مع قيصر الي شاغل بالها من بعد ماوقفت مسجات منه......
طلعت وجلست عاللابتوب وفتحته بكل لهفه وكانت الساعه وقتها (am 11:55‎‏) ورسلت مسج (اهلين فاضي)
رد لها قيصر بكل لهفه: نعم فاضي واذا مو فاضي افضي لك
رونق:اوووه ايش هالرواقه شكله المزاج فل عندك
love me:اكيد ..‏ تصدقين ياميثا مع اني ادخل الشات علشان اقهر الملل بس ما احس نفسي ارتاح بالعكس الا اتملل اكثر لأني احس اكثر البنات يحبون استغلال الشباب لا أكثر
رونق بأستعباط: آهااااا تبي توضحلي انكم انتوا الشباب بريئين ... والعكس صحيح انتوا تلعبون عالبنات وتأخذون الي تبونه ومن بعدها تتركونا
love me:قيصر بخبث شو هو الي نبيه الي ‏ تقولين عنه
ميثا انحرجت حست نفسها غبيه
رونق: امممممممم ايش تقصد؟
love me:أكيد فاهمتني انتي ذكيه ياميثا ‏
رونق: لااااااااا بجد ماحزرت ..... حبيبي انت غلطان انا مو من هالنوع الي فبالك.....قالت هالجمله بغرور وما لاحظت انها قالت حبيبي ‏
love me:عيدي الي قلتيه ماسمعتج زين ‏
رونق: شو اعيد انت فاهمني زين بس لا تستعبط...قيصر لا تخليني اغير نظرتي عنك لأني للحين اشوفك غير
love me:لا ميثا ما اقصد شي بس راقت لي كلمة حبيبي منج
رونق انحرجت: بس انا اقصد بها مزاح ياعبيط
love me:هههههههاي حلوه منج بس عادي بعديها لج هالمره
رونق استحت: ليش تحرجني
love me:فديت احراجج ههههههههاي ‏
رونق: تبي تقهرني ..... لاااا حرره على قلبك مانحرجت..
وبعدها جلسوا يسولفون لين الساعه 3 الفجر ومن بعدها نامت ميثا وهي مرتاحه تحس ان قلبها بدأ يدق وينبئها بأن شي راح يجتاح قلبها واحساسها قريبا وقبل لاتنام ماكا قيصر يطلع من بالها .. هالأنسان الذي بدأ يسيطر على افكارها وخيالها بسرعه
.............................



"البــــــــارت الثــــــــــاني"


في غرفة محمد جالس وداق حنك بالتلفون مع مها الي من بين صديقاته هي الأقرب
محمد يهمس: حبيبتي لا تحاولين ماراح اخليج انا من امس وانت فبالي وفيني اتقرب منج اكثر
مها: لا محمد بجد انا ما ارتاح لما اتقرب منك ضميري يأنبني وساعات ما اقدر انام
محمد: فديتج بس انا حبيبج ومافيها شي اذا ضحيتي شوي من أجل حبيبج عمري
مها: انا احبك والله احبك بس اعذرني ماقدر اعطيك هالشي
محمد: طيب بكرا في الجامعه نتفاهم على هالموضوع بس فيني اقولج طلب ثاني بس لاترديني
مها: شو ... آمر حياتي
محمد بخبث: ابيج تعدلين مزاجي بالجوال بجد ضايق وابي اقتل ضيقي بشي
مها بأستغراب: ضايق وتبي تقتل ضيقك بهالشي
محمد: إيه بصراحه انتي عندج قدره تنسيني ضيقي ونفس الشي مشتاق وااايد .. ذيك اللحظه بعدها فبالي
مها بخجل: محمددد
محمد: عيونه
مها: بس لا عاااد تحرجني
محمد بهيام: فديت الي يستحون انا(^_^)



*******************************



في غرفة ميثا وهي نايمه كانت تآن وتبكي دون شعور وهي نايمه: اممممم لااااااااا لا يامحمد لا انا خايفه ارجوك لا تاخذني له ساعدني لا تريمني بالنار بأيدك
لالااااااااااااااااااااااااااااااااا
لا لاااااااااااااااااااااااااا
................................


عالساعه (am 3:15) عند محمد ومها بعدهم سهرانين يتكلمون بالجوال
مها: لا حمودي الوقت متأخر وبكرا ورانا جامعه
محمد: عادي ماراح ننام نعوض اذا جينا من الدوام او مانروح عادي يوم واحد مايأثر
مها: لاااا حبيبي ماقدر
محمد بحمق: مها انتي اشفيج خلاص باي بجد سديتي نفسي
مها تتراجع: لا حبيبي خلاص لك الي بغيته لا تزعل بكرا بسوي طاف للجامعه وانت بعد طوف معاي
محمد بأرتياح: فديتج هاذي مايبيلها حكي شي اكيد بطوف
مها بدلع: فديتك
محمد: يلا خلينا بموضوعنا...حبيبتي وش لابسه الحين؟
مها بدلع: لا ماراح اقولك
محمد يتدلع عليها: طيب انا زعلت بسكر
مها بسرعه: خلص خلص بقولك
محمد: فديتها حبيبتي ادري فيها ماترضى على زعلي
مها بحب: وانا من لي غيرك قلبي
محمد بمرح: خلاص خلاص لاتضيعين الموضوع قوليلي بسرعه
مها بخجل: شي اكيد بلبس قميص نوم
محمد: وشو لونه
مها بأستغراب: وايش دخل هذا بهذا
محمد: انا عندي يفرق
مها بأبتسامه ممزوجه بحرج: يايمه منك عيييار
.............................



Sent from my SM-N9005 using منتدى عبير mobile app