عنوان الموضوع : يا أغلى من حياتي قصص
مقدم من طرف منتديات الضمير العربي

يا أغلى من حياتي


يا حي.. لأ عزيزتي رحاب..

أرجوك اصبري على قراية جوابي للآخر، اعتبريه آخر طلب لي.

عارف إنك مش طايقة مني ولا كلمة، والكلمة دي بالذات لا يمكن تكوني عايزة تسمعيها، وكمان ماليش الحق دلوقتي أقولهالك لأنك بقيتي ل"حد تاني". وكمان لأنها هاتفكرك بأجمل أيامنا لما كنا بنسمع أحلى أغنية لأم كلثوم وخصوصا "مقطعنا" زي ما كنا مسميينه "يا حياة قلبي.. يا أغلى من حياتي".

عارف إنك بتوصفيني بالخيانة وفي آخر لقاء لينا وصفتيني حرفيا ب"الندل". وطلبت مني تبرير للتخلي عنك والتضحية "بيك" على حد تعبيرك.

ولما بصيت للأرض وحنيت راسي علشان ماتشوفيش دموعي وماتشوفيش اللي عاوز أخبيه عنك -أعمل إيه ما إنت الوحيدة اللي بتقريني زي الكتاب المفتوح- صرخت في وشي "جبان.... جبان" وسبتيني ومشيت وبعدها بأسبوع قبلت العريس اللي كان متقدملك.

كنت عاوزة أقولك إيه وإنت جايه تقوليلي إنك خلاص مهدت لوالدك موضوعنا وإنه رحب بي لما قولتيله إني عاوز آجي أتقدملك، وحكيت له عن اللي بيننا. ماقدرتش أقولك غير الكلام اللي قعدت أحفظه من امبارح.. الكلام اللي يوضحلك أد إيه أنا ندل وجبان....إلخ..

رميتهولك وكنت عارف تأثيره عليك.. قلتلك كلام قبل ما "يجرحك" "قتلني".. قلتلك بالحرف: "ياه إنت صدقت ده كان مجرد وقت لطيف بنقضيه.. ليه تكبري الحكاية وتقولي لبابا"؟


كنت عاوزاني أقولك إيه؟ أقولك إني كان لازم أعمل كده وإني ضحيت ليك مش بيك، أقولك إيه؟ أشرحلك على طريقة الأفلام العربي اللي بتحبيها واللي باستسخفها إن ازاي الألم اللي كنت باعاني منه في جنبي ماطلعش الزايدة وإنه طلع "سرطان" أيوه... "سرطان" أقول لك كمان إن الدكتور كان صريح معايا وقال لي إنه في آخر مراحله، وإني في أواخر أيامي فعليا وإني بطل علشان مستحمل الألم ده وإني... وإني... بقية الكلام ماسمعتوش لأني ماكانش عندي وقت.. كنت بافكر أقول لك إيه..

في الأول قررت أقول لك الحقيقة لكن قدام معرفتي بيك قررت أحب "الأفلام العربي" واستخدمتها معاك وجابت نتيجة كويسة... كرهتيني... ومشيت في طريقك زي ما كنت عاوز... صدقيني ماكنتش ناوي أقول لك على الحقيقة لولا إني حسيت إني مش هاقدر أسيب الدنيا وإنت لسه زعلانة مني، روحي مش هاتقدر تحلق في "رحاب" السما قبل ما تصفحي عني.........

أشوف وشك على خير يا "رحاب".

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
مجهود كبير
يستحق التحيه والتقدير
شكرا على
الاعمال الجميله
ولك اطيب التمنيات بالنجاح <script async src="//pagead2.googlesyndication.com/pagead/js/adsbygoogle.js"></script> <!-- First and second Post --> <script> (adsbygoogle = window.adsbygoogle || []).push({}); </script>

والتوفيق الدائم
ولك تحياتى

__________________________________________________ __________

<h3>>>>> الرد الثاني :
شكرا لكم

__________________________________________________ __________

<h3>>>>> الرد الثالث :


__________________________________________________ __________

<h3>>>>> الرد الرابع :


__________________________________________________ __________

<h3>>>>> الرد الخامس :