عنوان الموضوع : قصة من أولها لاخرها كذب بكذب قصة حب
مقدم من طرف منتديات الضمير العربي

كان يا ما كان في قديم الزمان هالملك بدو اجوز بنته الاميره وكان شرطها للعريس انه اجيب قصه كلها كزب من اول حرف لاخر حرف وصل الخبر للشباب اللي بسن الجيزه ومين اللي يصحله هاي الاميره مو حايالله0
وفي الموعد تجمع العرسان والملك جاب الوزراء اللي عنده وبلشوا العرسان افوتوا واحد ورى التاني 0 فات اول واحد قال السلام عليكم قله الملك والحارين وعليكم السلام ومع السلامي قلهم يا عمي ما حكيت قصتي لسا قالو سلام عليكم اشي صح واحنا ما بدنا شي صح بدنا كل شي كزب ما الك عنا نصيب مع السلامه 0 طلع ولاقى التاني فايت عالباب قاله اوعى اتقول السلام عليكم 0
فات التاني قال يا جماعة الخير قالوله مع السلامه اكيد احنا جمعةخير وبدنا انجوز هالبنت ولا شو شايفنا جمعة شر يعني ؟ مع السلامه ما الك نصيب

فات التالت اطلع فيهم من فوق نازل وقال قبل ابوي يتجوز امي بتلات سنين كان عنا ديك وفي يوم باض بيضه وصارت هالبيضه تكبر وتكبر وما شفناها والا في يوم فقست صوص وصار هالصوص يكبر ويكبر حتى صار قد الجمل فكرنا انه لازم نستغله فصرنا ننقل عليه الزرع مره والحجار مره ومع الوقت اندبر ( يعني انجرح ظهره والتهب ) وبلشنا انداوي فيه وفي مره من المرات دهنا ظهره زيت نخل وما شفنا والا هالنخله طالعه بظهره وصارت تكبر وتكبر وصارت تحمل وما حد يعرف يوصل للثمر من كثر ما هو عالي وصرنا نظرب عليها احجار احنا واولاد الحاره تا نعرف نوكل الثمر ومع كثر لحجار على ظهره فكرنا انه نستغلها شو اعملنا ؟

اطلعنا على ظهره وسنسلنا الحجار على الداير وصار ظهره مثل البستان لكبير والتراب اللي كان على الحجار نزل على ظهر الديك فصرنا كل موسم نزرع على ظهره شغله وفي احدى المرات زرعنا ظهره سمسم ولما حان وقت القطف جمعنا هالسمسمات وعدناهن حبه حبه وبعد ما نزلناهن القيناهن ناقصات حبه
ارجعنا على ظهر الديك اندور عليها والا هي قاعده بتكبر وبتكبر وصارت ميخده ثلثين ظهره صرت انا واخوتي انشد بحبة السمسم وما في فايده مو قادرين انحركها وبعديها طليت ورى حبة السمسم والا في نمله بتشد فيها صرت انا واخوتي انشد والنمله اتشد وما فينا نوخدها منها 0 ومن الزعل والحمق سحبت هالخنجر عن وسطي وغرزته بحبة السمسم وقام يتفجر منها نهر اطحينيه ومن يوميها يا جماعه اكتشفوا الطحينيه 0 وهاي قصتي وصارت الاميره حصتي قام الملك وسلم عليه وباركله واعطاه بنته وعاشوا في ثبات ونبات وخلفوا صبيان وبنات

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
ارجو الرد على القصة . <script async src="//pagead2.googlesyndication.com/pagead/js/adsbygoogle.js"></script> <!-- First and second Post --> <script> (adsbygoogle = window.adsbygoogle || []).push({}); </script>

وارسال مقترحاتكم و اراءكم.

__________________________________________________ __________

<h3>>>>> الرد الثاني :
ههههههههه

مشكورة يا سوسو على القصة الروعةو الخيال

تحياتي .....

__________________________________________________ __________

<h3>>>>> الرد الثالث :
ههههههههههههههههههههههههه
روعة

__________________________________________________ __________

<h3>>>>> الرد الرابع :
هههههه
يسلموووو

__________________________________________________ __________

<h3>>>>> الرد الخامس :
هههههههههههه
يستاااهل هالامييره بس ياخوفي يستغل
هالاسلووووب بعد زواااجه منها (اسلووب الكذب)
يسعدك ربي