عنوان الموضوع : قصة انت عمري قصة جميلة
مقدم من طرف منتديات الضمير العربي
......ان عمري ت......
هذي رواية عن ثلاث بنات وهم صديقات مرره من الابتدائي واستمرت صداقتهم
وصارو مع بعض بنفس الكليه
صدفه بس مو بنفس الاقسام
الشخصيات :-
الجوري : 20سنه ثاني جامعه هي بنت مرره نعومه ودمعتها فعينها قسمها اداره اعمال جوري تحب ولد عمها فراس وكانو عماتها يقولون جوري لفراس وفراس لجوري
العنود : 20سنه ثاني جامعه قسمها صيدله بنت حبوبه بس فيها حركات عربجه شوي بس مو باين عليها لأن ستايلها كيوت
جود : 19سنه ثاني جامعه قسمها انجليزي
بنت جريئه وداجه لأن أمها مطلقه وبأغلب الأوقات مسافره
كان يوم الأربعاء كانت جود طالعه
للمملكة اتصلت عليها الجوري
جوري: هلا جي جي
جود: هلا والله فقدتك يالدوبااا
جوري: وه ياناس وأنتي أكثر كيفك
وأخبار أمك ....؟!
جود: أنا حمدالله وأمي مسافره وين ماادري بس أتوقع أنها بلبنان
جوري: أها طيب أنتي وينك فيه
جود: والله قاعده اهجول فالمملكه
جوري: أها طيب أنا بشوف يمكن اجيك هناك
جود: خلاص شوفي أمك ودقي علي
جوري: أوكي خلاص
جود: المهم أنا بدق على نودي وأقولها تجي يلا باي
جوري: أوك لا تتعشين الا اذا جينا
جود: أيه أكيد أصلا ما يحلا العشاء ألا معكم
قفلت جود من جوري
جود وهي تمشي لفت انتباها واحد ثقل وحلو لابس سكني أسود و قميص أبيض
فبيت جوري
جوري: يس أقنعت ماما
عبد العزيز: ليش
جوري: بطلع
عبد العزيز: وين طالعه أن شالله
جوري: بروح مع صديقتي جود والعنود وأنت اللي بتوديني
عبد العزيز: والسواق وين راح
جوري: مشغول أمي تبغاه يلله بلييز ودني
عبد العزيز: يسلام قررتي ولا خذيتي رايي ع العموم أنا ما أقدر أوديك لأني بروح مع اخوياي
رن جوال جوري
جوري: هلا
العنود : هلا والله
جوري: اسمعي ترا جود تقول تعالوا معي المملكه هي هناك لحالها
العنود: أها طيب أنا ما عندي شي خلاص بمرك مع السواق
جوري : لا تمريني الحين بشوف اخوي سعود بعدين برد عليك
العنود: خلاص يلا باي
جوري: باي
جوري: عبدالعزيز وين سعود ..؟!
عبدالعزيز: أتوقع انه طالع مع أخوياه
جوري: لا لا تقوله يالله تيب أنا من راح يوديني
عبدالعزيز: والله أنا ماادري
جوري: عبدالعزيز يلا الله يخليك ودني
عبدالعزيز: أنتي وين بتروحين ...؟!
جوري: بروح المملكه
عبدالعزيز: خلاص طيب يلا بوديك
جوري: يااااي ثانكس وربي انك أحلا اخو
عبدالعزيز: إيه وقت المصلحة لازم أصير أحلا اخو
وفي المملكه
جود: يالله تأخروا خليني اتصل عليهم أشوف وينهم فيه
العنود: هلا جي جي
جود: هلا نودي وينكم تأخرتو علي .؟
العنود: أنا هذاني بجي أن شاء الله إما
جوري ماادري عنها تقول بتشوف احد يجيبها
جود: يالله تيب خلاص الحين بتصل عليها أشوف وينها فيه
العنود: اووك يلا باي
جود: باي
عبدالعزيز وهو ينادي عند الدرج
جوري يلا تأخرت ترى والله أطلع وأخليك
جوري: لا لا بليز لا تروح هذاني جايه
عبدالعزيز: سنه اخلصي بستناك بالسيارة و إن مانزلتي راح أروح
وأخليك
جوري: يلا جيت
وتركب جوري السيارة إلا يرن جوالها
جوري: هلا والله
جود: وينك فيه حضرتك تأخرتي ...؟
جوري: هذاني والله بس جلست اقنع
عبدالعزيز أنو يجيبني إلا نودي وصلت ...؟!
جود: اتصلت عليها تقول أنها قريبه
جوري: خلاص أنا إن شاء الله شويات وأجي
جود: يلا استناكم باي
جوري: باي
عبدالعزيز: اجل بتروحين للمملكة
جوري: يب وليش مستحقرني ...؟!
عبدالعزيز: ههههه لا ماستحقرت بس يعني مع مين راح تروحين ..؟!
جوري: تذكر بنات الجيران العنود وجود.؟!
عبدالعزيز: لا والله ماأذكرهم
جوري: هذوليك أول يوم كنا ببيتنا إلي قبل هذا
عبدالعزيز: إيه إلي أتوقع جود أخوها الكبير اسمه محمد ..؟!
جوري: يب هذي العنود مو جود
عبدالعزيز: إلا أخباره محمد ..؟!
جوري: والله ماعليه إلا أقول ماعندك أي شريط نسمعه ..؟!
عبدالعزيز: إلا عندي وش تبين ...؟!
جوري: اممم عندك راشد
عبدالعزيز: لحظه خليني أدوره
وفي المملكه
جود: هلا نودي
العنود: أهلن جي جي إلا بسئلك أنتي وينك فيه ..؟!
جود: أنا عند ألكفي إلي بمملكه المراه
العنود: خلاص هذاني جايه
جود: يلا استنانك
جود : هلا وغلا نودي
العنود: أهلن
جود وهي تحضن العنود :ياي تغيرتي عن أول يالدوبااا
العنود: وأنتي أكثر والله كيفك وكيف أمك ...؟
جود: أنا بخير حمدالله حتى أمي بخير
العنود: دووم إن شاء الله
جود: أنتي كيفك وكيف أمك وأهلك .؟
العنود: أنا حمدالله بخير حتى أمي ترها تسلم عليك أنتي وجوري كثير
جود: ياحبنيلها الله يسلمها
العنود: جوري وينها ماووصلت للحين.؟
جود: لا ماووصلت
وفي السيارة
عبدالعزيز: جوري ترى وصلنا
جوري: لحظه خليني اتصل ع البنات أشوف وينهم
جود: هلا وينك فيه ..؟
جوري: هذاني أنتم وينكم فيه ...؟
جود: أنا ونودي عند ألكفي إلي بمملكه المراه
جوري: اووكي هذاني جايه يلا باي
جود: باي
عبدالعزيز: وينهم فيه ...؟
جوري: مملكه المراه
عبدالعزيز: خلاص طيب يلا تأمريني بشي قبل لا أروح ..؟
جوري: لا سلامتك
عبدالعزيز: الله يسلمك انتبهي ع نفسك
جوري: تيب يلا باي
جود: هذي جوري وصلت
العنود: يلا قومي خلينا نستنها
جود: يلا
جوري: هلا والله
جود: آهلين وحشتيني
جوري: وه وأنتي أكثر
العنود: هلا وغلا بجوري
جوري: هلا فيك كيفكم ..؟
العنود: حمدالله
جود: والله الحمدالله
جوري: دوومز
جود: يلا نتعشاء الحين ولا نتسوق بأول ...؟
جوري: والله أنتم ع راحتكم
جود: أقول يلا وش تبغون ..؟
العنود: عاتي أي شي
جود: تستهبلون أنتم أخلصوا علي
جوري: اجل خلاص خلونا نتسوق بعدين نتعشا
العنود: اوكيه خلونا ننزل
جود: يلا
العنود: يالله شوفوا هذا مرره ثقل
جود: إيه هذا أنا حاطه عيني عليه
جوري: غريبة مااخذتي رقمه ..؟!
جود: أنا مااذب نفسي ع احد إلي يبغاني يجيني
العنود: وش عندهاا..؟!
جوري: من جد
جود: إيه إتريقو علي
العنود:هههههه ماعاش من يتريق ع جي جي
جوري: أ قول ماتلاحظون شي ..؟!
جود: لا ليش ..؟!
جوري: الناس كلهم يناظرونا
العنود: إيه والله جد وش عندهم
ألسكرتي: لو سمحتو
جود: هلا
ألسكرتي: خلاص أننا الحين بنقفل وما بقاء ألا أنتم
العنود: هاه قل قسم ..؟
جوري: يعني يكذب هو
ألسكرتي:هههههه
جود: خلاص مشكور الحين راح نطلع
ألسكرتي: أننا قفلنا كل البوابات مابقاء
إلا بوابه وحده
جوري: و إي بوابه هي المفتوحة ...؟
ألسكرتي: بوابه أربعه
العنود: اووكي خلاص يعطيك العافية أخوي
ألسكرتي : الله يعافيك
جوري: وأنا أقول ليش الناس تناظرنا
العنود: من جد كلهم متجهين لبوابات الخروج وإنا العكس
جود: يلا خلينا نروح للمطعم
العنود: اووكي يلا
جوري: وأنا من أروح معه ماقلت لعبدالعزيز يجي يأخذني
جود: مو مشكله تعالي معي
جوري: من معاك ..؟
جود: من معاي مامعي احد
جوري: خلاص اووكي
المهم طلعوا البنات من المملكه
جوري ركبت مع جود والعنود بالسواق بلحالها
جود: طيب وين تبون تتعشون..؟!!
جوري: والله إني ماادري اتصلي ع نودي وأسليها
العنود: هلا جود
جود: هلا نودي اسمعي أي مطعم نروح له ..؟!
العنود: والله إلي يريحكم أنا عاتي عندي
جود: أقول أنتم وياها يلا قرروا عشان نروح قبل لا تقفل كل المطاعم
جوري: وش رأيكم بي فراي ديز!!
جود: أيه وش رأيكم فيه ...؟!
لفراي ديز
جود: خلاص
وصلوا البنات للمطعم المهم جلسو و طلبوا لهم العشاء
جوري: يالله وربي أن الطلعة معكم تسوى الدنيا ومافيها
العنود: وه ياناس
جود: أقول ..!
العنود: قولي
جود: ليش ماتنامون عندي اليوم ..؟!
العنود: والله أنا يادلبو مااقدر بكره بيرجع محمد من شهر العسل
جوري: ماشاء الله بي رجع الحمدالله ع سلامته مقدم
جود: حمدالله ع سلامته
العنود: الله يسلمكم
جوري: عاد اليوم عبدالعزيز يسألني عن أخوك يقول سلميني عليه
العنود: يوصل من عنوني الثنتين
جوري: وه تسلم لي عنونس
جود: وأنتي ياجوري
جوري: والله ماادري أخاف أمي تعيي
جود: لا خالتي اقدر أقنعها
جوري: يلا خذي كلميها
جود: مو الحين الحين جاء العشاء اذا خلصت كلمتها
جوري: اووكي
خلصوا البنات العشاء
العنود: يالله والله من جد فله
جوري: من جد
العنود: يلا أنا راح امشي الحين تامروني بشي
جوري: سلامتك يادلبو
جود: سلامتك
العنود: الله يسلمكم
العنود: يلا باي نشوفكم ثاني مرره
جوري: إن شاء الله سلميني ع خالتي
جود: وأنا بعد
العنود: يوصل إن شاء الله
جوري: يالله خليني اتصل ع عبدالعزيز أو سعود
جود: أقول ريحينا أنتي بتروحين معي للبيت
جوري: لا خير ماقلت لماما
جود: كم رقم أمك بدق عليها
جوري: لا ياختي أخاف تهزئك
جود: لا مااراح تهزئني بس عطيني الرقم
جوري: خذي اتصلت عليها من جوالي
جود: هلا والله خالتي ام سعود
أم سعود: هلا والله جود
جود: هلا خالتي كيفك ..؟!
أم سعود: والله أنا الحمدالله أنتي وش أخبارك وأخبار أمك ..؟
جود: والله أنا الحمدالله حتى أمي تسلم عليك
أم سعود : الله يسلمها
جود: خالتي بطلبك طلب بس لا ترديني
أم سعود: أمري
جود: أبغاء جوري تنام عندي اليوم
أم سعود: والله إني ماادري بسأل أبوها
جود: خالتي بس اليوم الله يخليك ما عندي احد بالبيت
أم سعود: خلاص طيب خليها تنام بس بشرط
جود: يالبى قلبك ياخالتي أنا قايله انك مارح ترديني آمري
أم سعود: تجي بكره عشان أبوها مايعصب
جود: ابشري لو أجيبها لك الظهر بس تنام هاليوم
أم سعود: خلاص اجل
جود: مشكورة ياخالتي وأسفه اذا أزعجتك
أم سعود: العفوا ياحبيبتي لا إزعاج ولا شي
جود: يلا تأمريني بشي قبل لا اسكر
أم سعود: أبي سلامتكم وانتبهو في الطريق
جود: من عيوني يلا مع السلامة
أم سعود: في أمان الله
جوري: هاه وافقت ..؟!
جود: يب
جوري: اوماااا
جود: والله العظيم
جوري: أوه فله
جود: من جد
جوري: يلا خلينا نطلع
جود: يلا
طلعوا جود وجوري وركبو السيارة
جوري: أقول جود
جود: هلا
جوري:ياختي ماعندك شي نسمعه
جود: إلا وش تبين ..؟!
جوري:ماادري
وصلت العنود للبيت إلا تلقاء
أبوها جالس بالصالة بلحالها
دخلت العنود وحبت رأس أبوها
العنود: مسائك الله بالخير يايبه
أبو محمد: مسائك الله بالنور يابنتي
العنود: ليش جالس هنا بالحالك وين أمي عنك..؟!
أبو محمد: أمك بالغرفة نايمة
العنود: طيب ليش مانمت للحين ..؟
أبو محمد: ابد والله بس ماجاني النوم
العنود: يبه وش فيك فيك شي ..؟!
أبو محمد: لا أبد مافيني ألا الخير
العنود: متاكد يا يبه بس وجهك مررا صاير اصفر
أبو محمد: وش أصفره لا ابد أنتي
تبالغين
العنود: لا يا يبه وربي ما أبالغ تدري وشلون قوم يلا خلني اوديك المستشفى
أبو محمد: وش مستشفى لا أنا الحمدالله مافيني إلا الخير
العنود: خلاص اجل بروح لغرفتي أغير ملابسي وأنزل لك
أبوم محمد: خلاص بستناك
العنود وهي ترقى الدرج : والله إني متأكدة أن فيه شي خليني أقنعه إنه يروح المستشفى
السواق: الووو
العنود: جهز السياره الحين
السواق: أوكي
العنود: يلا باي
غيرت ملابسها العنود ونزلت عند أبوها
أبوم محمد: من كنتي تكلمين فوق..؟!
العنود: لاه مااكلم احد يبه تكفى خلنا نروح للمستشفى وربي شكلك مايطمن
أبو محمد: وش تهلوسين له من صباح الله أنا بخير حمدالله مافيني شي
العنود: داريه يايبه بس خلنا نروح نتأكد
أبو محمد: لاه ابد ماني رايح
العنود: يلا يايبه لا تصير كذا أنا داريه إن مافيك شي بس نروح نتأكد
إلا يقطع كلامهم صوت الجرس يرن
أبو محمد: من ذا إلي جاي الحين..؟!
العنود: دقيقه بروح افتح
أبو محمد: وش تفتحينه افرضي انه حرامي أقول بروح أنا افتح
يفتح الباب أبوم محمد إلا يتفاجئ
انه السواق
أبو محمد: وش جابك هالحزه ..؟!
السواق : بابا هدا مدام عنود اتصل على أنا قول تعال الحين
أبو محمد: عنود أنتي متصلة على السواق يجي
العنود: ايه يايبه
أبوم محمد : وين بتروحين له .؟!
العنود: يؤؤ يايبه بنروح لمستشفى
أبو محمد بعصبيه: أنا ماقلت لك إني
مافيني شي هاه
العنود: وربي داريه يايبه بس وجهك طالع اصفر وشفايفك طالعه بيضاء خلنا نروح نطمن عليك
أبو محمد: ماني رايح
العنود: يبه صل على النبي وقم معي
أبو محمد: عليه الصلاة والسلام
العنود: يلا خلنا نروح
وتركب عنود وأبو محمد للسيارة
وفي بيت جود
جود: هاه وش رأيك ننزل للبي سمنت
ونشوف لنا فلم أنا عندي فلم مررا خطير
جوري: يلا خلنا نروح
جود: وش أول شي خلنا نروح للمطبخ
جوري: ليش ..؟!
جود: نجيب لنا شي نشربه
جود: يلا
وفي المستشفى جالسه العنود تستني الدكتور
ويطلع الدكتور
العنود: طمني يادكتور أبوي وش فيه .؟!
الدكتور: والله إنا الحين مانقدر نقول لك شي بس نستنى التحليل يطلع وان شالله يصير خير
العنود: طيب متى بيطلع التحليل..؟!! الدكتور : بعد يومين
العنود: خلاص اوكيه طيب
الدكتور: احنا عطيناه مغذي وخلوه يرتاح
العنود: مشكور يادكتور ماقصرت
الدكتور: ولو هذا وجبنا
طلعت العنود مع أبوها من المستشفى في السيارة
أبو محمد:العنود
العنود: سم يبه
أبو محمد: وش قال لك الدكتور ..؟!
العنود: تونا يايبه بتطلع التحاليل بعد يومين بس يقول لازم تستريح ولا تروح للدوام
أبومحمد: شلون يعني ماداوم
العنود: معليش يايبه اظغط على نفسك يومين بس وبعدين بكره إن شاء الله بيرجع محمد
أبو محمد: يصير خير إن شاء الله و
الله يرجعه بالسلامه
الساعة عشر الصبح دق جوال عنود
العنود يووووه من ذا اللي داق الحين
العنود : الوووو
محمد : هلا
العنود : أهلين
محمد : عنود وش فيك للحين ما قمتي
العنود: لا والله للحين ما قمت ليه انت وينك فيه ..؟!
محمد : أنا جاي بالطريق
العنود : الحين الساعة كم..؟
محمد : الحين الساعة عشر
العنود : خلاص بقوم الحين
محمد: طيب يلله باي
العنود : باي
راحت العنود تاخذ شور
فبيت جود
جود وجوري
فبيت جود جوري وجود سهرانين
جود: وش رايك نروح نفطر فستاربكس
جوري: اوكي يللا ما عندي مشكله
جود: يلله الكوفي قريب مررره من البيت
جوري: طيب وين جوالي؟؟!
جود: شوفيه وراي
راحوا لبسوا عباياتهم طبعا جود الله الله بالغطى دقت جود ع السواق
جود:الووه يلله شغل السياره بسرعه
السواق: أوكي
طلعوا من البيت
جوري : والله مت من الجوع
جود : ايه والله من جد أقولك وش رايك نروح نفطر بمول
جوري : لا نروح فرع احلى
جود : خلاص اوكي
إلا سيارة شباب وراهم
جوري: يمه جود خايفه يحدونا
جود:اقول ماعليك
ومن شباك جوري يحدهم ويضحك
جود: ياشين وجه
جوري: من جد احمد تعدى هالسيارة
ودخلو الكفي وجود على طولت شالت الطرحه وقعدت ع الطاوله والكوفي عام دخل أبو بدر بالصدفه جود ما شافته لف ابو بدر وشافها انصدم دق على طول على ام بدر
ابوبدر :بنتك هايته وانتي ما تدرين عنها
ام بدر:انت ابوها انت المسئول عنها
أبو بدر: لاه انت ابوها اول موقفتني بالمحاكم وعشان تطالبين بحضانتها والحين انا ابوها صدق انك وحده مايعتمد عليك وقفل السماعه بوجه ام بدر
جوري: جود وش تبين ..؟!
جود: عطيني المنيو ولا اقولك خلاص ابغى موكا شوكلاته
طلبت جوري الكوفي وقعدت تستناه يخلص
جود:جوري والله خايفه هذا يشبه ابوي يلله خلينا نطلع
جوري:أيه نسيت اقولك عبد العزيز اتصل علي ويقول انها باطريق
جود: ليه
جوري: امي بالبيت لحالها
جود:اوك يلله جيبي الكوفي
خذت جوري الطلب وقعدو يفطرون جاء عبدالعزيز وخذا جوري وراحت
أبو جود راح سحب جود من يدها
جود:يبه!!!!
ابو جود:انتي خلاص بتجيني معي البيت
جود:لا يبه ما أبي وسحبها بالغصب ركبها السيارة أبو بدر: بدر بيجيب اغراضك
وقعدت تصيح لين ما وصلو البيت
نزلت من السياره
بدر: جود غريبه جايه
جود سفهت بدر وراحت غرفتها
بدر راح ورا جود ودخل عليها بغرفتها جود: بدر بليز اطلع
بدر ما رد على جود وقعد ع السرير
بدر: وش فيك جود..؟!
ما ردت قعدت شوي وهو يسألها نفس السؤال فجئه قعدت تصيح ضمها بدر<بدر اخو جود من ابوها كانت عايشه معه قبل لا تخذها امها وكان متوصل معه بعد ما خذتها أمها عمره 23سنه
وهو ضامها تصيح
بدر: وش فيك جود قولي لي وش صاير ..؟!
جود: ما ابي ابي ارجع للبيت
بدر: هذا بيتك
قعد يراضيها
دخل ابو بدر: وقف بدر وجود واقفه ورا بدر خايفه من ابوها
ابو بدر: خالد ولد عمك خطبك وانا وعطيتهم كلمه
طلع ابو بدر قعدت جود تصيح
جود:اكره اكره ما احبه
بدر: جود خالد يحبك
جود:ما أبيه اكره
بدر:خلاص أبوي ما راح يغير كلامه خالد أحسن من غيره
جود:طيب أنا ما أبي أتزوج
بدر: خلاص جود
نزل بدر مستعجل سمع ابوه يقول العرس بعد شهرين ويملك عليها بعد اسبوعين
ابو بدر بعصبيه: ورح قالها انه ملكتهابعد اسبوعين ولا عندي كلام ثاني وراح بدر لجود يهديها
بدر بصوت خفيف: يالله الحين كيف بقولها عن موضوع الملكه الله يهديك بس يا يبه
بيت العنود
وصل محمد لبست العنود سكيني ازرق وتي شيرت ابيض وشعره
خلتيه كيرلي وراحت للتسريحه بسرعه حطت كحل ازرق ومسكره وتعطرت وعلى طول على الدرج وقفت حطت يدها على خصرها
العنود: اه يالخاين وصلت ولا رقيت تسلم علي
محمد: توني داخل يابنت الحلال
العنود: ايه اشوا وحمدالله على السلامه
محمد: الله يسلمك والله إني فقدتك يالبطه أنتي وهرجك الزايد
العنود: أنا هرجي زايد طيب أنا اوريك خلك تقول سولفي معي
محمد: لالا ماني قايل عندي زوجتي مليه راسي بالسوالف
العنود: الا على طاريها وينها بتحمد له على السلامه
محمد: والله هي ماجت عند اهلها
العنود: اها المهم بتتغداء معنا صح
محمد: لا بروح اخذ زوجتي
العنود: اقول بس يلا تغداء معنا من زمان عنك يلا بليز
محمد:ههههه خلاص طيب
محمد: غريبه يبه ماداومت اليوم عسى ماشر ..؟!
ابو محمد: لاه بس عشانك بتجي قلت مالله داعي اني اروح
العنود: امم محمد تعال شوي فوق ابيك
محمد: مافي احد غريب عادي قولي وش تبغين هنا
العنود: يالله اقولك تعال
محمد: خلاص روحي وانا وراك
رقت عنود للغرفتها ودخل محمد ورآها
محمد: عنود عسى ماشر فيه شي ..؟!
العنود: ايه ابوي امس تعب علينا وديته للمستشفى وسو له تحاليل
محمد: وش فيه وليش ماقلتو لي ..؟!
العنود: ان شاء الله مافيه الا العافيه والتحليل توها ماطلعت بتطلع بكرا ولا حبت اذايقك خصوصا انك بشهر العسل
محمد: بس ولو هذا ابوي اهم من شهر العسل
العنود: خلاص المهم أني علمتك
فجئه يسمع محمد والعنود صوت امهم تصارخ
العنود: وش فيها امي ..؟!
محمد: وانا وش دراني امشي
نزلت عنود ومحمد يركضون
العنود: خير يمه وش فيك
ام محمد وهي تصيح : ابوكم
محمد: وش فيه ابوي ..؟!
ام محمد: طاح علي ماادري وش فيه
محمد يلا بسرعه خلينا ناخذه على المستشفى
العنود: يلا استناني بروح اجيب عبايتي
ولبست عنود وهي مستعجلة يمه انتي اجلسي بالبيت ماله داعي تروحين أنتي تبعانه ماانتي متحمله
ام محمد وهي تقاطع عنود: لاه بروح
العنود: يمه تعوذي إبليس وخلاص يمه انا قلت بطمنك وطلعت عنود وصكت الباب
محمد: يلا بسرعه
العنود: يلا جيت
وطوالي على المستشفى
بيت جود
جود نزلت لابوها تبغاء تقنعه انها ماتبغى ولد عمها
جود: يبه تكفى ماابغاء اتزوج
ابو بدر: بعد الي شفته اليوم تبيني مااستر عليك خليه ياخذك يمكن يستر عليك
جود وهي تصيح : يبه الله يخليك يابيه
ماابيه ماابيه
ويدخل بدر
بدر: خلاص ييبه الزواج مو غصب
ابو بدر: انت مالك دخل
جود: يبه الزواج مو غصب وموب وانت وينك عني من اول توك تسال عني توك تدري ان عندك بنت قام ابو بدر وهو معصب
بدر: جود خلاص روحي لغرفتك
راحت جود تركض وهي تصيح مو مصدقه إلي يصير لها
وفي المستشفى
العنود: ياربي وش هالمصيبه
محمد: عنود خلاص تعوذي من الشيطان
العنود: اعوذ بالله اووف والله اني خايفه على ابوي
ويقاطع كلام عنود دخلت الدكتور
محمد: هاه دكتوري طمني على ابوي وش فيه ..؟!
الدكتور: والله ابوك فيه ...الجلطه
ولازم يصير تحت مراقبتنا
وطاحت عنود ع الكرسي : لاه مااني مصدقه ابوي فيه جلطه
الدكتور: هذا إلي كاتبه ربك
محمد:طيب متى نشوفه
الدكتور: والله الحين ماانقدر بس بعد
ساعه يمكن نقدر انخليك
محمد: مشكور يادكتور
الدكتور:العفوا ماسوينا شي إلا الواجب
العنود وهي تصيح ياربيه وش راح اقول ميد امي
محمد: انتي الحين لا تقولين لها شي خليني ندخل على ابوي بأول بعدين كلمي امي
الدكتور: لو سمحت ممكن شوي ..؟!
محمد: خير يادكتور..؟!
الدكتور: أنت وش تصير له ..؟!
محمد: ولده ليش فيه شي
الدكتور: ابوك قد طاح عليكم قبل ..؟!
محمد: لا والله هذي اول مره
الدكتور: ولا قد قالكم انه تعبان
محمد: لا وش صاير يادكتور تراك اقلقتني
الدكتور: لاه بس الواضح ان ابوك كان من زمان يعاني من جلطه
محمد: كيف ومن متى
الدكتور: احمد ربك انا الحقنا عليه قبل لا يروح منكم
محمد: حمدالله
وفي بيت جوري
جوري: يالله وش ذا الطفش حتى المسن يطفش خليني انزل بس بالصاله
ونزلت جوري الا تلقاء اخوها عبدالعزيز قاعد يتفرج على التلفزيون
عبدالعزيز: أووه وش عندك قايمه مب من عوايدك
جوري: الشكوى لله اقول وش اخر اخبارك
عبدالعزيز: والله الحمدالله إلا انبسطتي امس ..؟!
جوري: أيه مررا فله
عبدالعزيز: اهم شي انك انبسطتي
جوري: اقولك وين سعود ماشفته من امس
عبدالعزيز: تلقينه نايم
جوري: يؤؤ هذا حياته كله نوم إلا أنت وش مقومك هالوقت ..؟!
عبدالعزيز: الله يزعجها أمك هي القومتني خلتني اروح اجيك أنتي وذا الوجه
جوري: ماشاء الله مسوي طالع منها ترها امك استح على وجهك
وتدخل ام عبدالعزيز
أم عبدالعزيز: وش فيها امك ..؟!
عبدالعزيز: هاه لا ابد مافيك شي
أم عبدالعزيز: كني سمعتكم تتكلموني عني
جوري: يمه ترى عزوز يقول
عبدالعزيز وهو يغمز لجوري
جوري: وش فيك تغمز
عبدالعزيز: هاه لا ابد مافي شي
بس دخل بعيني شي
جوري: اجل دخل بعينك شي هاه
عبدالعزيز: إيه يالله عن أذنكم بروح أنام
جوري: بدينا بالتهرب
عبدالعزيز: أنتي كلي تبن
جوري: ههههههههه
أم عبدالعزيز: إلا وش اخبار جود والعنود
جوري: والله ماعليهم وتراهم يسلمون عليك
أم عبدالعزيز: الله يسلمهم
رقت جوري لغرفتها على دخلت سعود دقت جود على جوري
جوري : هلا جود
سعود يوم سمع طاري جود قعد يتسمع
جود وهي تصيح : جوري الحقيني ما رح تصدقين اللي صار لي
جوري : جود أهدي وش فيك
جود : يوم طلعتي من الكوفي الرجال اللي أنا مشبهته فأبوي صار هو
جوري : جود اسكتي وتكلمي وش سوى لك
جود : سحبني من يدي وخذاني معاه البيت
جوري : يووه وبعدين وش قالك
جود : تخيلي قال ان عمي خطبي لولده
جوري : وافقتي
جود : هو خلا لي فرصه أوافق ولا ارفض أبوي عطا عمي كلمه وقاله انه موافق وأنا اكره ولد عمي وما أبيه
جوري : طيب أنتي وش دراك يمكن تكونين سعيده معه
جود : مستحيل
جوري : طيب هو يحبك ولا مغصوب عليك زي ما أنتي مغصوبه عليه
جود : بدر قالي انه يحبني وهو متزوجني بارادته وانا احس اني ما رح اصير مبسوطه معاه
جوري : لا تحطين فبالك هالشي واذا كان يحبك اكيد رح يسعدك
جود : جوري بدر جاء لازم اسكر الحين
جوري : أوكي باي
جود : باي
دخل سعود
سعود : بقولك شي يخص جود
جوري : خير وش فيها جود
سعود : أنا أحب جود
جوري : انصدمت سعود خير أنت تستهبل
سعود : جوري هذي مواضيع ما فيها استهبال
جوري : من متى وأنت تحبها ومتى شفتها
سعود : مره جيت آخذك وشفتها حبيتها ومن كلامك عنها
جوري : سعود أنساها وأنا باعتبر
أني ماسمعت لأن الحين البنت بتصير على ذمة رجال
سعود : لا ما رح أنساها وأنا عارف أنها مغصوبه عليه وأنا عندي استعداد الحين أروح أخطبها
جوري : خلا ص الحين هي مو بكيفها توافق ولا لا
سعود : خلاص بحاول أنساها لأن ما بيدي شي أسويه
جوري : أحسن لك
فالسياره العنود ومحمد
محمد : يقول الدكتور بعد يومين يطلع أبوي وبهاذي اليومين ممنوعه الزياره
العنود : أنا كل اللي شايله همه أمي وكيف بنقولها
محمد : بنقولها وأمرنا لله
وصلو البيت دخلو جت أم محمد
أم محمد : ابوك وينه
محمد: والله ماجئ بيتنوم يومين ومنعو الزياره
أم محمد :طيب وش صار فيه
محمد: ما فيه شي
مرت يومين راحو محمد والعنود جابو ابوهم
بعد مرور اسبوعين
بيت جود
بدر:جوووود وينك
بدر:مبروك اليوم ملكتك
جود:لاما نسيت بدر بليز ما أبي
بدر:والله مو بيدي روحي البسي وقولي لخالد
بدر: استعجلي تراهم جو
نزلت جود وهي ماسكه بدردخلت ودخل بدر قام خالد سلم ع جود
ابوبدر: يلله نخليكم لحالكم
جود: خالد انت ولد عمي اليوم الملكه بس قبل لاتملك علي ابي اقولك انا ما ابيك تكفا خلني
خالد: وانا احبك وابيك وهذا اللي يهمني بتتعودين علي هالايام اذا كلمتيني لبسها الطقم بعد ما جا اببوها واخوها وعمانها رقت جود تصيح ناداها ابوها وقال زوجك يبيك شوي
دخلت معه المجلس
جود:وش تبي ارتحت وانت متزوج وحده مغصوبه عليك
خالدابتسم ومسك يدها وقال اليوم الليل بدق عليك وهذا رقمي خزنيه جت بتطلع مسكها وباسها وطلعت وهي تصيح
خالد : جود حياتي ترى ماله داعي الصياح أنا الحين زوجك والمسؤول عنك واذا على أنك مغصوبه علي رح تتعودين واذا ما تعودتي
اليوم بتتعودين بكره
جود : ما رح اتعود اذا زواجي مو بارادتي
خالد : المهم براحتك
طلعت جود وهي راقيه لغرفتها صادفها بدر وهي مسرعه مسك يدها
بدر : جود خلاص ما يمديك تسوين شي
صاحت جود بقوه وضمته
جود : ما أبيه ليش محد حاس فيني
بدر: وأنا وين رحت
زينت جود مكياجها ونزلت لعماتها أول ما نزلت قاموا يرحبون فيها
هلا والله بالعروس وهي مب طايقه كلمة عروس
راحوا عماتها الساعه 3 و نص الفجر
دق جوالها
جود : آلووو
خالد : هلا
جود : نعم أخوي وش تبغى
خالد : ما عرفتيني
جود : لا والله مين
خالد : أفااا فيه وحده ما تعرف زوجها
فهذي اللحظه جود ودها تقفل فوجهه بس خلاص معد تقدر
جود : نعم وش تبغى
خالد : والله ما أبي شي بس داق أسولف مثل ما قلت لك عشان تتعودين علي قبل الزواج
جود : ايه
خالد : وش فيك تكلميني من دون نفس
جود : هذا أسلوبي وش لون تبيني أكلمك
خالد : والله شكلك تعبانه اليوم ملكتك وأكيد تبين ترتاحين
جود : أيه والله أبي أرتاح لأني أحس أني مرهقه
خالد : يلا أخليك ترتاحين باي يا قلبي
جود : باي
يا ثقل دمه ويا كرهي له أنا ما تصورت فيوم أني أصير زوجته الله يعيني بس هذا اللي كاتبه ربي وما فيه اعتراض
فبيت أبو عبد العزيز
دق جوال سعود وهو قاعد مع جوري
سعود: هلا والله
أبو فراس: آهلين سعود
سعود: هلا عمي وش الإخبار
أبو فراس: والله يا ولدي أخبارنا ما تسر
سعود: عمي وش فيك
أبو فراس: والله فراس جاه حادث و الدكتور يقول احتمال انه فقد الذاكرة
سعود: خلاص إنا الحين جايكم بس وين المستشفى ...؟!
أبو فراس: وصف لسعود المستشفى
وسكر سعود
جوري : من اللي بالمستشفى ..؟!
نزل سعود رأسه : فراس بالمستشفى جاله حادث ويقول عمي أن فراس فقد الذاكرة
جوري رقت غرفتها وهي تصيح وقفلت باب غرفتها ورقا ورآها سعود سعود: جوري افتحي الباب
جوري ما ردت ع سعود راح سعود وهو نازل لقا عبد العزيز
عبدالعزيز:سعود وش فيك
سعود: وخر وخر عني الحين بعدين أقولك
عبد العزيز: وش الي بعدين تقولي أقولك تكلم
سعود: يووه أنت ما تفهم أقولك مستعجل
عبد العزيز خلا سعود ورقا فوق لغرفته
بيت جود
جود: اوف طفشت من البيت ابي اطلع بدر وش رايك تطلعني
بدر: والله اليوم انا مواعد العيال ومالي خلق اطلع
جود: كل يوم تشوف العيال طلعني
بدر : خلاص والله انا مو فاضي بكره يسير خير
طلع بدر من البيت وهومستعجل
الساعه 10 الليل دق جوال جود
جود : هلا خالد
خالد : أهلييين هلا والله غريبه عرفتيني
جود : .......
خالد : كيفك
جود : الحمد لله تمام
خالد : دوم يا رب
جود : وش تبي غريبه داق
خالد : والله أني كنت طفشان قلت خلني ادق اتسلى
جود : ليش أنا لعبه تتسلى فيني
خالد : لا يا حياتي مو قصدي
جود: أجل وش قصدك
خالد : ما اقصد شي
جود : ع العموم تبي شي لأني الحين مو فاضيه
خالد : وأنتي متى تفضين عشان أكلمك
جود : أنا كل وقتي مشغوله
خالد : تكفين عاد وش مشغوله فيه لا جامعه ولا شغل ولا شي والحين انا بالاجازه وانتي الحين ما رح تطلعين وش عندك مشغوله اجل بتسوين كبسه
جود : والله عاد ما عليك أنا وش مشغوله فيه أذا انا قلت اني مشغوله معناته مشغوله ما رح اكذب
خالد: واذا قلت لك اني بجي اليوم
جود : وش تجي تسوي الحين البيت ما فيه احد ابوي واخوي طالعين وما فيه الا انا بالبيت
خالد : عادي اجي مو عيب ولا حرام
جود : اذا صار اخوي وابوي بالبيت ذيك الساعه تجي
خالد : أوك براحتك بس ترى لي زيارة ثانيه أوك
جود : أيه أن شالله بس عطني خبر
خالد : ليه أنا المفروض أجي بأي وقت
جود : خلاص فيها حلال يلله باي
خالد : باي
بعد مرور شهر
فبيت جود يوم زواجها
جود : بدر الحين بروح المشغل توديني ولا أروح مع السواق
بدر : لا روحي مع السواق لأني الحين مره مشغول
جود : طيب دق عليه خله يطلع
بدر : طيب
طلعت جود من البيت وركبت السيارة وهي مو فرحانة زي ما كل عروس تفرح بعرسها وصلت المشغل
جود : أهلين
العامله : أهلين
جود : أنا حاجزه عندكم بسوي شعر ومكياج
العامله : أنتي مدام جود
جود : أيه
العامله : يلله تعالي
جود : طيب بس لحظه بسوي تليفون
العامله : طيب مدام
جود دقت على العنود
جود : هلا عنود
العنود : أهليين رحتي المشغل
جود : ايه الحين انا بالمشغل بس أنتي تدرين جوري بتجي ولا لا
العنود : الا بتجي قبل شوي كلمتها
جود : أيه أشوا بس لا تتأخرون
العنود : أيه أن شالله مارح نتأخر
جود : يلله طيب انا الحين بسكر بروح اسوي مكياجي
العنود : يلله اجل باي
جود : باي
فبيت جوري كانت حالة جوري النفسيه مترديه مره وما كان لها نفس أنها تروح عرس جود
راحت جوري تلبس لبست فستان نيلي توب كان شكله مره روعه والعنود لبست فستان أسود مفتوح من عند الصدر وظهرها كله طالع
وصلوا جوري والعنود القاعه
دخلو عند جود
العنود وجوري : جود شكلك مرا خيال
جود : تسلمون بس انا للحين ما ابيه وما كان ودي اتزوج بهالطريقه
العنود : خلاص ماله داعي الكلام ما ينفع والحين يلله اطلعي الحين بتنزفين
جود : يووه وربي اني خايفه
العنود : اقول اطلعي وبلا استهبال
وطلعت جود وانزفت وكانت زفتها مرره روعة زفتها كانت هديه من صديقاتها جوري والعنود
طلعت جود من زواجها وبالعرس جت حرمه عجوز للعنود
العجوز : أهلين
العنود : هلا والله يا خاله
العجوز : يا بنيتي غطي ظهرك ترا الناس ما ترحم لو عطوك عين
العنود : أيه أن شالله تسلمين يا خاله
جوري راحت عند العنود
جوري : عنود عنود
العنود : وش فيك
جوري : وش تبي منك العجوز اللي تو كانت واقفه معك
العنود : جايه تخطبني
جوري : والله
العنود : لا والله استهبل جايه تنصحني تقول غطي ظهرك ومن هالكلام
جوري : أييه
جوري: وش صار ع جود
العنود: مدري بس بكره بدق عليها وبشوف وش صار عليها لانها كانت مرتبكه مررره وخايفه
الساعه اربع الفجر
طلعور جوري وعنود من العرس
ورجعو ونامووو على طول
فابيت جود
خالد: جود يلله قومي
جود: الساعه كم
خالد: الساعه أربع العصر
جود: تونا شوي بنام
خالد: يلله عشان نروح نتغدى
جود: خلاص خلاص بقوم
خالد: لا ترجعين تنامين بروح واستناك بالصاله
جود قامت من النوم ودخلت الحمام
جود: اوف وش ذا الحال
طلعت ولبست
جود: خلصت
خالد: اخيرما بغيتي
جود: طيب بجيب عبايتي وانت شغل السياره
طلعوا من البيت
خالد: وين نتغدى بأي مطعم
جود: أي شي كيفك
خالد: وش رايك بتوني روماس
جود:يلا عادي
راحوا جود وخالد المطعم
طلبوا الآكل
خالد:ليه ساكتة
جود:انا ما اتكلم وأنا آكل
خالد: طيب وين تبينا نروح اذا خلصنا
جود: كيفك
خالد: تبينا نروح نتمشاء
جود: كيفك اللي تبيه
خالد: انتي كل شي كيفك
جود: وش تبيني اقول
خالد: وين تبينا نروح
جود: نروح لمول
خالد: طيب أي مول
جود: مدري
خالد: طيب نروح للمملكه
جود:صراحه ابي ارجع البيت لاني راسي مصدع ونطلع نتمشى الليل
خالد:خلاص بس الليل نطلع
جود: طيب انت خلصت اكل ولا لا
خالد: انا خلصت
دفعو الحساب وطلعو وهم بالسياره
خالد: جود انتي تزوجتيني مغصوبه صح
جود: ليه تسال هالسؤال
خالد:انتي كنتي تبين واحد وانغصبتي
علي
جود: انا ما كنت افكر اني اتزوج ولا تفكر بهالشي
خالد: انتي لحد الحين ماتبيني
جود: خلاص لا تسال
خالد: انا لازم اعرف
جود: أنا قلت لك من قبل أني ما أبيك وأنت تدري عن هالشي
خالد : ........
وصلو البيت نزلو دخلت جود ولبست ملابس النوم
خالد: بتنامين ؟؟؟
جود: ايه ليه تبي شي
خالد: لا بس أبي نقعد ع التلفزيون لاني شاري فلم وابي ناظره مع بعض
جود: والله انا دايخه انت ناضره اليوم وأنا بناظره بكره
خالد: لا مو لازم خلاص انا بناظره بكره معك
جود: انت وين بتقعد الحين
خالد: بالغرفه
جود:بتنام؟
خالد:لا بناظر التلفزيون
جود راحت ودقت ع العنود
جود: هلاوالله
العنود:اهلين كيفك
جود:تمام
العنود:مستانسه
جود: عادي
العنود:وين خالد
جود: بالصاله
العنود:ليه ما قعدتي معه
جود: طفشت بنام والليل بنروح للمول
العنود:اقعدي مع اول يوم استحي على دمك
جود: اوف
خالد: جوووود جووود جووود
جود: استني خالد يناديني
جود: نعم وش تبي
خالد: هماك بتنامين
جود: لا بس صديقتي دقت علي وتبيني ضروري
خالد : أها
خالد: المهم ابي اناضر الفلم اليوم معك
جود: أوك نسهر عليه الليل
خالد : طيب
فبيت الجوري
جوري : هلا عبدالعزيز كيفك؟
عبدالعزيز: والله تمام من زمان عنك
جوري: وش فيك مستانس
عبدالعزيز: ما تدرين اني الشهر الجاي بسافر
جوري: امانه ليه ما قلت لي
عبدالعزيز: اليوم عطوني تذكرتين لايطاليا
جوري: بشتاق لك بس لمين التذكره الثانيه
عبدالعزيز:انا جايك عشان هذاالموضوع
عبد العزيز : جوري انا ابي اتزوج
جوري: طيب
عبد العزيز: ابي اتزجها قبل لا اسافر جوري: انا عندي وحده هي صديقتي
هي خلوقه وحلوه وانا اعرفها من زمان وانت تسوي الملكه والعرس بيوم واحد واذا رجعتو تسوي زواره بدال العرس
عبدالعزيز: متى بتكلمينها
جوري: اليوم بعزمها وبشاورها
عبدالعزيز: خلاص تراني ما اتعوض وثوقي هههه
جوري عطني جوالي
دقت جوري ع العنود
جوري: هلا وغلا
عنود: اهلين كيفك
جوري: اليوم تعالي لي عندي لك موضوع ضروري
عنود: خلاص اجي اليوم كلمتني جود
وهي مو مبسوطه الليل بتروح تتمشى هي وياه
بس نادها خالد وصكت
جوري: وربي بنفقدها بس بتجي لنا وبتادبه
عنود: لا هذا شكله قدر عليها تبين شي لاني طولت عليك بايو
جوري: لا سلامتك باي
فا بيت جود
خالد: بروح اجيب لي كوفي مدمها نايمه
خالد راح وقامت جود وحطت مكياج خفيف ولبست
جود: خالد خالد وينه غريبه
جود دقت ع خالد
خالد: هلا جود مساء الخير
جود:خالد لا تردني
خالد: ليه وش تبين
جود: عشانك مو بالبيت بروح لصديقتي بليز
خالد:اانا ماراح اتأخر بجيب كوفي وبجي بس اذا تبين روحي ونأجل الطلعه
جود: لاخلاص مو لازم اذا انت بترجع
خالد: خلاص دقايق واكون عندك
رجع خالد ودخل غير ملابسه وطلع اما جود كانت لابسه ومخلصه
فالسياره
خالد: متى بتروحين لاهلك
جود: أنا كنت ماخذه راحتي بدون امي وابوي ومشاكلهم وعرفت اربي نفسي بدونهم فجأه يجي ياخذني عشان ما اهز سمعته وزوجني .......
خالد : ليش وش كنتي بتقولين
جود : لا ما كنت بقول شي
خالد : أهاا
جود : انت تبي تروح له روح اما انا ما رح اروح
خالد : انا ما قلت اني ابي اروح له كنت اسالك سؤال بس
جود : وانا جاوبتك
وصلو المول ونزل خالد وجود
في بيت جوري
رن الجرس
عبد العزيز راح يفتح الباب وعنود متلثمه ناضرت عنود عبدالعزيز وسلمت
عنود: هلا والله
عبدالعزيز:..........؟!
عنود: وين جوري؟
عبدالعزيز:........؟<<الولد خااااااااق
عنود: وين جوري ؟
عبدالعزيز: جوري ف ف ف فووق عنود مرت من جنب عبدالعزيز ودخلت الصاله
وشالة اللثمه عبدالعزيز ع طول الشباك وشافها وعجبته وخق عندها
دخلت جوري وعبدالعزيز راح خاف انو جوري تشوفه
عنود:تو شفت اخوك عبدالعزيز ومدري وش فيه
جوري: انا عزمتك عشان هالموضوع
عنود عبدالعزيز الشهر الجاي بيسافر
عنود: طيب انا وش دخلني
جوري:انت الاساس
عنود: وش المطلوب مني انا والله ما راح اقصر اذا اقدر
جوري: عبدالعزيز بيطلب يدك وانا ابي اعرف انتي موافقه ولا لا فكري ع راحتك بس قولي لي بدري لانو عبدالعزيز بيسافر
عنود:....... صراحه انا
جوري: ما تبين عبدالعزيز
عنود:انا احبه وماوفقه استناكم تزورونا
جوري: احنا بنخطبك الاسبوع الجاي وبيشوفك بعد الخطبه بسبوع وعلى ما تجهزين اغراضك
مرت الايام لين يوم المللكه والعرس
بالعرس جت وملكو وشافها وبنفس يوم العرس كان العرس مرره نايس وجوري مبسووووطه
انزفت عنود وراحت البيت
جوري: كيف الزواج معك وكيف خالد
جود: صراحه انا ارتحت لخالد ومبسوطه
جوري: انا ادري انك حبيتيه بس انتي عنيده وراسك يابس
ابتسمت جود وراحت
رجعو البيت باليل طبعا بكره سفر عنود و عبدالعزيز
ولازم انهم يرحون يودعونهم
جود: خالد بكره الساعه 10 الصباح بتسافر عنود ولازم اودعها واروح للمطار
خالد: بكره لا
جود: هذي صديقتي ولازم اروح
خالد:انا قلت لا ما تفهمين
جود: خالد من جدك تتكلم
خالد: ايه من جدي لاتروحين بكره عندي دوام وانا ما يمديني اقوم بنفسي
والساعه 11 دوامي
خالد: انا بروح انام
جود قعدت بالصاله وهي تصيح
ودقت ع جوري
جود وهي تصيح : هلا جوري
جوري: وش فيك
جود: بكره ما راح اودع عنود وما راح اشوفها الا بعدين وخالد يقول لا تروحين
جوري: غريبه وش عنده
بها اللحضة خالد جاء وقعد يسمع الكلام اللي بينهم
جود: اكرهه وربي اني ما توقعت انو خالد يرفض انا حبيته بس ما ابيه هذي عنود تافه
دخل خالد
جود صكت السماعه وقفت وعيونها حمرا
خالد:مين كنتي تكلمين
جود : صديقتي
خالد:وليش تكلمينها بها الوقت
جود: وش تبيني اسوي تبيني ما اكلم صديقاتي بعد
جود ناضرت خالد ومرت من جنبه ودخلت الغرفه غسلت وجهها طلعت من الحمام وقعدت ع الكنب
ودخل خالد قعد ولع خالد التلفزيون وقعد يناظر
جود: خالد عطني سبب انك ما راح تخليني اروح
خالد ما رد وجود تعيد نفس السؤال
جود عصبت
وراحت نامت الساعه 9الصباح
خالد: جود جود قومي البسي الساعه 9 ما يمديك تخلصين قومي قومي
جود: كمل نومتك ما راح اروح خلاص مو لازم
خالد: امس فاتحه لي موال وما خليتيني انام والحين تقولين مو لازم
جود : طيب خلاص قمت
فبيت عبد العزيز
عبد العزيز:نمتي زين امس
عنود: ايه احلى نومه بحياتي
لبسو وعنود مجهزه اغراضها
طلعو من البيت وراحو وكلهم يستنونهم
بيودعونهم ام عبدالعزيز وابوه وام عنود ابوها ومحمد وجوري وسعود وخالد وجود توهم جايين سلمووو عليهم وسعود من اول ما جاء وهو يناضر جود
سعود يقول بنفسه: خساره والله ان خالد ما يستاهلها
وخالد يناظر سعود وهو معصب
الطياره تاخرت شوي لانو كان فيها عطل وبياخرون الرحله
جود راحت تسال البنات وش يبون من الكوفي وسعود يسأل الرجال راحو سعود وجود وكان عبدالعزيز يسولف مع خالد وخالد يبي يقوم بس عشان عبد العزيز
راحو تاخرو شوي كان زحمه ع الكوفي رجعو وافطرو وخالد معصب ويناضر جود وسعود وسعود يناضر جود قعدو شوي وقعدت عنود تصيح وجوري تصيح وجود تصيح وكل وحده تسكت الثانيه راحو لانو الطياره بتقلع ويوم جو بيروحون سلمت جود ع الجوري والباقي وسلمت ع سعود وطلعو وخالد معصب ركبو السياره
جود: ثانكس خالد لانك خليتني اروح
واسف اذا زعلت مني امس خالد ساكت طول الطريق ولعت جود المسجل حطت شريط شيرين حبيت
وصلو البيت ودخلو دخلت جود وهي مبسووطه دخل خالد
خالد: خلاص انبسطتي
جود: وش فيك معصب فيه احد ضايقك هناك
خالد: ايه انتي
جود: انا ليه وش سويت
خالد: جود انا كل شي عندي عادي الا الخيانه
جود وهي مبتسمه:أي خيانه أيييه سعود قصدك صح
خالد: جود تبيني اطلقك روحي بيت اهلك وفكري بالكلام اللي اقوله
جود:لاما ابيك تطلقي انا لو ادري ان روحتي للكوفي بتضايقك ما رحت
وبعدين هو جاء بعدي
من اول ما جينا وانت تناضرني انا ما غلطت ليه انت تشك فيني الثقه معدومه
خالد: اكيد لا
جود:انا ما كذب
جود: خالد يلله الدوام يلله روح يلله الحين بكلم سعودهههههه
خالد:يلله بروح سوي مكرونه مشتهيها
جود:روح لاتتاخر بعد
طلع خالد
فبيت جوري
جوري: اليوم انت تافه وحركتك
تافهه
سعود: وش سويت ماسويت شي
جوري: اليوم أكلت البنت بعيونك ماخليتها بحالها
سعود:مشكلته اذا هو يشك فيها بعدين انا ماقدرت اشيل عيني من عليها وليش ما زوجتوني جود
جوري: بس خلاص هي متزوجه
سعود: عادي يطلقها
جوري: أنت هالايام صاير تافه واكثر من تافه والحين ممكن تطلع براا لاني بنام قايمه من الصبح وانت بعد رح نم وفكر بكلامي وفكر باسلوبك
طلع سعود من الغرفه وهو يفكر بكلام جوري دخل سعود غرفته وانسدح ع السرير
سعود : والله صادقه جوري الحين انا ما ادري وش سواخالد لجود يمكن عصب عليها أنا اليوم تصرفي كان طفولي وماله داعي اني اقعد اناظرها بقول لجوري تعتذر لي منها
بالطيارة
عنود:حبيبي
عبدالعزيز:هلا وش فيك
عنود:راسي مصدع
عبدالعزيز: استني اجيب لك بندول
مرت المضيفه
عبدالعزيز:اكس كيوز مي آي وونت بندول
المضيفه :بندول يس
راحت المضيفه وجابت بندول
عبدالعزيز:ثانك يو بليز قف مي ووتر
جابت المضيفه المويه
عنود:يسلمو حياتي
عبدالعزيز: ولواخاف عليك
مرت ساعات وصلو وهم تعبانين وراحو الفندق وخذو شور ونامووو
فبيت خالد وجود
خالد: جود نبي ولد
جود: وش جاب الموضوع على بالك
خالد:أنا من زمان أبي أفاتحك بالموضوع بس ما لقيت فرصه
جود: والله مو بيدي انا بروح الدكتوره وبشوف وش المشكله
اذن العشاء وقامو وراحت جود المستشفى واكتشفت أنها ما تجيب
عيال
جود: ...
الدكتوره : الا اذا خذيتي العلاج
جود: أنا مستعده آخذ أي علاج
رجعت البيت وهي زعلانه
خالد: وش فيك
جود: ما اجيب عيال الا اذا عالجت
خالد: فيه علاج عادي بس لا تصيحين لان دمعتك غاليه علي ..
بايطاليا عند عنود وعبدالعزيز
عنود فصخت العبايه وكشخت وراحوا يتعشون
مرررررت سنه ونص
اليوم موعد رجوع عبدالعزيز وعنود
بس رجعو ومعهم ليث عمره 6شهور
وقابلهم بالمطار كل العائله بس معهم خطيب جوري فراس وسوت جود حفله عشانها تعالجت والحين حملت
وصارت ما تقدر على فراق خالد
ومرت الايام
جوري : فراس ادب فهد يطق حلا
جوري جابت توأم ولد وبنت
(( فهد )) & (( حلا ))
وعنود توفى أبوها بعد ما رجعوا بأسبوع
وجود جابت بنت سمتها
(( لين ))
وسعود تزوج وحب زوجته وخلا جود بحال سبيلها
أتمنى أنا تنال اعجابكم
تحيات : قروب البطايق
[/SIZE][/SIZE][/SIZE]
<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
مشكوووووووووووووووووره على القصه مرررررررررررره نايس <script async src="//pagead2.googlesyndication.com/pagead/js/adsbygoogle.js"></script> <!-- First and second Post --> <script> (adsbygoogle = window.adsbygoogle || []).push({}); </script>
__________________________________________________ __________
<h3>>>>> الرد الثاني :
نورتي صفحتي يالغلا
__________________________________________________ __________
<h3>>>>> الرد الثالث :
__________________________________________________ __________
<h3>>>>> الرد الرابع :
مشكوووووورره
ع القصه الحلووووووه
__________________________________________________ __________
<h3>>>>> الرد الخامس :
مكانها بالقصص
رد مع اقتباس
