عنوان الموضوع : شاب اعجبته بنت عمرها9سنين
مقدم من طرف منتديات الضمير العربي

السلام عليكم ورحمة الله وبركاته
وبعد

كان ياماكان في سالف العصر والأوان
في يوم مشرق
سافرنا لإحدى المناطق الرائعة
وأردنا الذهاب في رحلة الى النفود وما
أدراك مالنفود ذهب خالص ذو حبيبات ناعمة الملمس
كانت رحلة جميلة وأحداثها أجمل


فقد أخذنا معنا شاي النعناع ذو الرائحة الذكية والقهوة والشاي >>للوالد ياحبه للشاي أدمن عليه
وساندويتشات مشكل >>ماتحبه عشان كذا ماكلت منه
وعصائر وفرشة كبيرة لنجلس عليها ومناديل >>ياكثر مناديلهم
وشيبسات وكيندر >>لازم
وأشياء عديدة >>مالكم بالطويلة خخخ
وحينما وصلنا لهذا المكان الرائع
أخذنا ننزل الأغراض>>عفش أمة لاإله الا الله أحب أنزل بس لارجعنا ياكرهي لتجميع الأشياء كل شوي أتحجج وأقول تونا خل نقعد شوي >>تأجل عشان الأغراض
ولم نتأخر في وضع أغراضنا العزيزة والثمينة>>حيل ثمينة خخخ


وماإن إنتهينا حتى تسابقنا أنا والبنات >>طبعا كنت أنا السبيقة وكنا بدون عبايات لأننا داخل النفود ومافي أحد حولنا وركض وركض
ثم وصلنا للطعوس ولم نتسلق الا أكبر طعس>>من القرادة
واتفقنا نتسابق من يصعد القمة أولا..:

وأنا في المقدمة الى أن بدأت نبضات قلبي تزيييد في الخفقان وتزيد وتزيد الى أن أحسست بأن نفسي سينقطع
وجلست قليلا لأرتاح وأكمل وما إن نظرت خلفي>> الا هذي نورة وراي وش جابها الجنية كانت بعيدة الحين تسبقني
ومن خوفي أن تأخذ المركز الأول أخذت أجري وأتسلق الطعس الكبير الذي أحسه لن ينتهي>>يالليل ابو تريكـ يشششر بعد ماهو أي تريكـ
إلا وهي قادمة مدرعمة وكلها إصرار >>ماإنت بهينة ياهالنوروه
وأمسكت برجلي وأخذت تسحبها وبدأت أتزحلق وأقول لها>>أفلتي رجلي يالدبا وأضحك أفلتي رجلي وأضحكـ لا غش غش مايصير وأتنفس بقوة أتركيني
إلا أن تركتني >>لكن ماهو لله دعست على البنزين وفررر "رقت"تسلقت أكثر مني وصارت قدامي هي ووجهها الغشاشة وأنا بين إني أسحب أكسسسجين أو إني أريح وتسبقني
وطبعا انا متحمسه إخترت أسبقها وآخذ بثاري وأطيحها خخخخ
ومشيت ومشيت وأخذت أسرع في الجري وهي تنظر خلفها بين الفترة والأخرى
وأخيرا>>أمسكت بها خخخخ وأنا أعطيها ذاك الشلوت خخخ لا أمزح سحبتها سحبه ماهي بصاحية وخليتها وراي وهي تقول لا لا وتضحكـ وأنا قدامها وحنا بنص الطريق قال إبراهيم حنان أمانة وقفي
نورة هين والله أحس إني بأرجع وحنا ميتين ضحك عليه المسكين كان توه ماكل ساندويتش وعصير +ركض ماهو طبيعي=غثيان وصداع ونعاس بالعينين ودوران البؤبؤ
طبعا نورة خافت عليه ووقفت ه الا وانا واصلة القمــة خخخ وهي تنزل
وأنا أنزل نزلة وماهي أي نزلة
صرت أسوي إستعراضات مرة أتزحلق ومرة أتدربا والرمل كله بجيوب البلوزة وعلى وجهي ماأنسى هالموقف
ومرة أركض من فوق لتحت وانا مسرعة الا وآخذ لي كم خبطة مع فلقة هديــة
وأنا أقوم ولا كأن شي صار>>عشان هيبتي قدام نورة وابراهيم ومهاماتتوب خخخ



واذ بنا نرجع إلى مقرنا ونجلس نتقهوى نعناع>>تموت عليه
وفي وقت المغرب وسرعة مضي الوقت طلب مني والدي إحضار البندقية"الساكتون"والشوزن
وقال لي حنان روحي جيبي الساكتون وعلبة بيبسي او أي علبة فاضية ابي اغلبك اليوم
وأنا أترك كاستي ولا كملتها من الحماس خخخ قلت أبشر
وأذهب وأحضر البندقية وأضع قارورة فارغة تبعد عن مكان جلوس والدي مسافة بعيدة نوعا ما
وأعطيت والدي البندقية ووضع الفشقــة وضغط على زر الأمان
والكل في سكوت تاااام
وصـــــوب نحو الهدف لكنها لم تصبه على الرغم من انه رامي بارع فقد جائت الرصاصة بجانبها
وجاء دوري وقلت:>>يلا دوري ياأبو الشبــاب >>وكأنها واثقة بترميها
وأنا أمسكها وأقف على ركبتي وأغمض عين وأفتح عين والكل في هدوؤ وأصوب الا وتصوب الهدف وتنفجر القارورة
وأنا أقول يسسسس يس خخخخ>>استانست تتذكر تحدي أبوها
ومرة جيراننا تأشر لي بيدها برافو خخخ
والله شي تحس بشعووور حلو لماتكون قد التحدي
وياشين خيبة الأمل
والوالد ماشاءالله سويتيها بنت أبوها ونعم والله خخخ>>رفع معنويات على مستوى
المهم ماحسينا بالوقت الا وظلمت علينا وصارت الساعة 7 وجمعنا أغراضنا وركبنا
وكنا مستانسين وتعبانيين من الركض

ونمشي ونمشي
ونمشي





ونمشي




ونمشي






ونمشي







الا وغرزنا وشوفو أنواع الجمل الحزينة والمخيفة
ولحالنا ياسلاااااااااااام كملت
وننزل ومامعنا أحد وابراهيم والعيال صغار كلهم
ونجلس بمقربة من السيارة المخيبة للآمال
ومع تنسيم الكفرات والحوسة
لم يفيد الأمر وندفع معه >>أشكالنا تضحك والوالد كل شوي يعشق ويفر الكفر وأنا أقوله شوي شوي ولاتخلي الكفر يدور ومافي فايدة وإنغرز أكثر لين مالت السيارة على جنبها الأيسر وكأنها حاطة يدها على جنبها وتقول:يلا شوفوا لي صرفة ترى إمتليت تراب>>صدق ماعندها سالفة حنا وين وهي وين خخخ
ونحفر ونحفر ونحط حجر قدام الكفر وماكووو فايدة
لين قالت نورة مافي الا 999ولا بنندفن هنا لاجت عاصفة ونصير هياكل عظمية خخخخخ
كانت تمزح وفجأة قالت الا ليه ماندق جد؟؟
ودقت بدون الوالد يدري عشانه كل ماقلنا له جيب أحد يساعدنا يقول لا بتطلع ان شاءالله>>متفائل حيييييييييييييييييييييل

وحنا قاعدين مغرزين من 8 ل10 ونص بليل ياسلام على التفائل
تدرون ليه متفائل؟لأنه ماسك هالدراكسون ورجله على هالبنزين وعننننننن وعننننننننننننننن وحنا اللي نتعب خخخ<<أكيد بيصير متفائل يحق له لأنه ماحس بالتعب مثلنا

المهم ومالكم بالطوالة:
دقينا على 999وقلنا لهم اننا مغرزين ونبي دورية تجينا قال طيب وين بالضبط قلنا ماندري بس اننا قريب من الشارع العام بالنفود>>يعني انها عرفت توصف

كم تبعد :ماندري وين أبوكم قلنا راح مشيا على الاقدام خخخخ يدور منقذ

شمال ولا جنوب قلت له ترى مانعرف بالاتجاهات قال طيب بتجيكم دورية ولاشفتوها دقوا على امن الطرق قلنا طيب..

وبعد ربع ساعة واذ هي مارة
وندق مشغوووول مشغول

وندق ويمسك الخط قلنا مرت بس خطكم كان مشغول قال خلاص بأخليه يرجع وأخيرا واذ به جاء مع إشارة المرور اللي فوقه
ومعه الوالد ويسحبون السيارة الا وسيارة الشرطة تغرز معنا ههههههههههه

وياإنه مشهد قاتكم صرااااحة...وين أمليتو تحب تعلق وتضحك خخخ

كان يبيلها صورة وتجي الدورية الثانية وحنا نتخيل انه كل شوي تجي وحدة وتصف على جنب وتغرز مع خواتها خخخخ

ويدق الجوال الو/ الو:ها اختي جتكم الدورية؟إي بس غرزت وهو يضحك وقلنا مشكور جاء ثاني وبيطلعهم
وفعلا طلعوا بإعجوبة >>وسيارتنا تنفض نفسها من الغبار وتقول يوووه مابغيتوا تطلعوني

وحنا نطلع بحمد الله
والشرطي ورانا ونمش وهو للحين ورانا إلا وطراااااااااااخ
وش تتوقعووون هالمرة؟


الكفر بنشر ياسلااااااام كملت
وحنا ننزل ونبعد عن الدورية وسيارتنا بعيد عشان ناخذ راحتنا وحنا نقعد ونتقهوى >>قلنا شكلنا مطولين
لا ونغني:ياليل خبرني عن أمــــــــــر المعانـــاة خخخ >>معاناة معاناة بكل معنى الكلمة..

الا ويجينا ابراهيم ويقول: الشرطي متربع عند الكفر ويقول وش هالبلشة ياعم>>حنا متنا ضحك هههههههههههههههه
تخيلت شكله كأنه قاعد يطبخ الكفر وهو متربع ولا يقطع سلطــة اما متربع خخخخ شكله يدري ان سالفتنا مطولة

ويصلحونه ونحرك مرة أخرى



وهالمرة ضيعنا ههههههههه
والله جد رحنا البنشر ونبي نرجع قال الوالد وين نروح حنان يمين ولا يسار منين جينا >>يخبرها ذاكرتها قوية ماشاءالله
قلت له يمين يمين بكل ثقة خخخخ


الا ونمشي وندخل على بيوت ويقول وين الشارع قلت هاه احم كح كح قلت سيدااااا
قال وين شكلنا ضيعنا قلت :إي كنت أبي نتمشى شوي ولا الطريق يسار >>تبي ترقعها وتطلع روحها فاهمه وانها ماغلطت خخخخخخ

وحنا نرجع ويقول الساعة وحده وتنكتين طيب ياحنان دواكي عندي خخخ
ماتكلمت ولا كلمة من الفشششلة خخخ لين وصلنا الفندق ولله الحمد والمنة

وتعشينا وخلصنا ولا جاني النوم وقعدت أكتب لكم القصة الين الساعة 6 هههههه>>من حبي لكم من يوم التغريز قلت لازم انزل قصتي مع انواع العذاب


ودمتم بكل الحب الذي بالدنيا
ودمتم لي أحبتي
دوما وأبدا

وتوتة توته وخلصت الحدوتة...

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
استمتعت بقراتها

واتمنى لكم الرحله الجايه تكون سعيييييده لاتغرز ولا بنشر ولا تضيعون

__________________________________________________ __________

<h3>>>>> الرد الثاني :
ينقل للانسب

__________________________________________________ __________

<h3>>>>> الرد الثالث :
يسلمووووووووووووووووو الرد

والدخول

ودي

__________________________________________________ __________

<h3>>>>> الرد الرابع :
صرحه جربتوا انواع التعذيب
يسلمووووووووو عالقصه

__________________________________________________ __________

<h3>>>>> الرد الخامس :
مشكوره عاشقه على الموضوع الاكثر من رائع
تقبلي مروري