عنوان الموضوع : قصة مها الناصر كذبة صدقها الجميع
مقدم من طرف منتديات الضمير العربي

السلام عليكم و رحمة الله وبركاته

الى جميع من صدق مها الناصر


هذه القصه على لسان صاحبتها

نقلتها لكم للعظه و العبره ...



قصتي غريبه واحداثها اغرب حدثت وقدرها الله عزوجل عليا قبل أن أخلق ...ولا اقول إلا اللهم لك الحمد كما ينبغي لجلال وجهك وعظيم سلطانك على كل حال
قصتي ماكتبتها ولا في اي منتدى وهذا أول منتدى أكتبها فيه ترددت كثير قبل اكتبها بس فكرت بكتابتها خير كثير وربما تكون عظة وعبره لكثير وربما اختارني الله عزوجل يحصل ليا كذا حتى اوقض كثير سبحان الله كل قضاء يقضيه الله عزوجل اكيد خير ....
قصتي لعبت فيه العاطفه دور كبير فأنا من الناس اللي اتأثر واتعاطف بسرعه وبدون تفكير.....
عموما راح تفهموا قصدي من خلال الاحداث اللي صارت ليا ومعليش طولت عليكم """"
البدايه الفعليه للقصه كنت في يوم اتابع شريط لقناة محافظة جدا لفت نظري لقب بنت لقبت نفسها ب (مها الناصر) و وحده ثانيه معاها بلقب (الباسقة) وثالثه بلقب (جئت كما أنا) كانت الباسقة و جئت يودعوا مهالناصر بحزن ويقولوا إذا سافرتي
للخارج لاتنسي مصحفك وبعض الكتب المفيده والثانيه تقولها بإذن الله عمليتك ببسيطه وترجعي بالسلامه.....فهمت بعد ما ارسلت مها الناصر لشريط وتطلب السماح من البنات انها حتسافر لعمليه بسبب حادث حصل لها فقدت فيه اخواتها وبقيت هي بكسور وتحتاج لعمليات وارسلت ابيات حزينه جدا اذكر بعض كلماتها تقول
أدنى الشفاء يا مها ؟ ام القبور تنادي
تأثروا كل بنات الشريط والكل ارسل يدعيلها ويصبرها
ودعتنا مها و ودعت صديقاتها جئت و الباسقة بكل حزن و ألم
وغابت مها عن الشريط وبغيابها غاب فكري معاها كان بالي مشغول عليها جدا..ودعيت الله عزوجل أن يشفيها ويلبسها لباس الصحة والعافية ويسهل عمليتها..
كنت أتمنى يطلع أي أحد ويطمنا عليها وكان كثير بنات يسألوا عنها ...بس ماكان فيه أي جواب .
أستمر غيابها تقريبن شهر..وفي يوم وأنا أتابع الشريط كعادتي ومع روتين الشريط المتكرر .. هذي تطلب خلطه لنفخ الخدود عشان عندهم زواج .. وهذي تحكي مشكلتها مع زوجها وتطلب من بنات الشريط مساعدتها و...... وانا اتابع رد هذي على هذيك فجأة أقرأ

( مها الناصر تقول ) :
أطوف بكسر الصدري التمس الشفاء
وحلقي ملوي وظهري أحدب
مشوهة معيبة يائسة .. أتشفى مها ؟
هيهات فالنجم أقرب .

اتفاجئت بالمره مها رجعت!!!

مشاعر مختلطه فرح برجوعها وحزن على الابيات الحزينه اللي كاتبتها ..
تفاعلوا كل بنات الشريط
اللي ترسلها تحمد الله على سلامتها
واللي تقولها مانسيتك ابدا من دعائي
وطلعوا صديقاتها 0(الباسقة و جئت كما أنا) سلموا وعبروا عن فرحهم برجوعها بطريقتهم
قالتلهم مها : عمليتي مانجحت وراح أظل طول عمري بكسوري
هدوها صديقاتها وذكروها بقدرت الله الشافي وماودعوها الى لقاء ثاني على الشريط الا بعد ما زرعوا الثقه بالله عزوجل في نفس مها
شكرتهم واستأذنتهم لانها متكدره شويا وخرجت من الشريط ...
وبعد ايام طلعت مها على الشريط وكانت تنادي على صديقاتها(الباسقة و جئت) بس ماكانوا يردوا عليها
فكانت ترسل ابيات حزينه جدا توصف معاناتها وشوقها الكبير لاخواتها (أروى و ليلى) وانها ترحب بالموت وتتمنى انها في القبور عندهم
تقطع قلبي عليها وقلت فقدت اخواتها وتعاني من اصابات وصديقاتها على الشريط مشغولين عنها وهي محتاجه لهم؟

قررت اخرج على الشريط و أواسيها
وفعلا سجلت لقب # صابرين # ودخلت الشريط
سلمت عليها وسألتها عن صحتها
طمنتني انها الآن بخير والحمدلله
قلتلها مانسيتك بدعائي حتى في الحرم
شكرتني ودعتلي وسألتني إذا كنت من مكه؟
جاوبتها لا انا من جده

وسولفنا ودردشنا دردشه خفيفه حسيت انها تسلت واتبسطت
كان اسلوبها قمه في الذوق والاخلاق كانت شاعره مبدعه كانت تحب تتكلم بالغة العربيه وكأنك قدام
استاذة عربي
كانت على رغم معاناتها تجاوب و تآخذ وتعطي معايا

خرجت من الشريط بعد ما ودعتها وانا اتمنى اشوفها باستمرار خرجت واسلوبها وجاذيبيتو يتردد في مخيلتي
مرت الأيام وكنت اشوفها تخرج على الشريط وكنت اخرج بعض الاحيان واسلم عليها
كانت (مها الناصر) متعرفه على بنات كثير واغلب بنات الشريط يحبوها ويدعولها
بس لاحظت شي غريب ماصرت اشوف صديقاتها المقربات لها جدا!!
كانت دايما تنادي عليهم ولا وحده ترد
ومره فتحت على القناه وشفت (الباسقة) على شريط تراسل عضوه ثانيه
(طلعت مها على الشريط وارسلت)
أهل الوفا لما الجفا
اليس لنا عذرا فيما مضى؟
.....هذا اللي اتذكروا من الابيات......
ولما ارسلت مها خرجت الباسقة من الشريط وارسلت انها غير متابعه
في هذي اللحظه دخلت أنا (لاني مشفقه جدا جدا جدا على حال مها)
وارسلت قلت : وضع مها مايتحمل زعل
مها تحتاج لصدق اخوه
وخرجت من الشريط
غابت مها عن الشريط بعد هذا الموقف وانشغلت عليها

كان في خدمه على الشريط انو بأمكان الكنترول يوصلك رساله من جوالك لجوال أي عضوه من غير مايظهر رقم أي احد ويظهر في الرسايل رقم شريط القناه
جهزت رسالتي لمها وطلبت من الكنترول يوصلها وفعلا وصلها وفرحت بالمره وفرحت اكثر برد مها عليا رحبت بي بكلمتها المعتاده(مرحبا أخيتي صابرين)
وقالت بسألك سؤلين إذا أذنتي لي
السؤال الاول كان:
ماذا تعرفي عن مها؟
جاوبتها اعرف عنك كل شي كتبتيه في الشريط

قالت طيب بسألك السؤال الثاني واتمنى تجاوبي بصراحه
( انتي متعرفه علي لانك (مشفقه علي؟)

يالله لما وصلني السؤال
حسيت بجد هذي الانسانه عندها عزة نفس قويه ماتسمحلها ولو كانت في اصعب الظروف انها تنزلها

جاوبتها وقلت

جاوبت مها على سؤالها وقلت :
مها انتي إنسانه نادره بطيبة قلبك واخلاقك
((ويكفي انك حافظه القرآن))
بعدين في اكثر من وحده على الشريط ترسل انها مريضه و و و ليش ماتعرفت عليهم زيك
مها انا احتاجك
انا اعيش بدون اصحاب

ردت : بس أنا مريضه؟
قلت : ربي قادر ان يشفيك في غمضة عين
ردت : انا اسمي مها عبد الكريم الناصر
عمري 22
اسكن في الرياض
درست الى ثاني الثانوي ولم اكمل الدراسه بسبب حادث
فقدت فيه ثمرة فؤادي ( أروى و ليلى)
قلت: اعرفك بنفسي انا...............
من جده
وعمري .....
يعني انا اختك الكبيره
ولو حابه تناديني ب( أروى) ناديني
المهم وصرت اراسلها على هذي الخدمه

***
وفي يوم ارسلتلي هذي الابيات

مها الناصر تقول :
أطوف بكسر الصدر التمس الشفا
وحلقي ملوي وصدري مشذب
مشوهة مكسورة معيبة
اتشفى مها؟ هيهات فالنجم اقرب
وكيف واسياخ الحديد بصدرها
وحلقي مفتوح وظهري احدب
يقولون لي : قال الاطباء: ابشري
علاجك سهل والكسور تطبب
فقلت لهم والقلب يعصره البكا
تبشرني بالصدق؟ ام انت تلعب
اعلل نفسي بالمنى تتبع المنى
وهل في سراب القفر ماء ومشرب
ظنون و اوهام سئمنا سماعها
تزيد فؤادي بالهموم وتلهب
اريد حياة مثل غيري سعيدة
فإن لم تكن فالموت خير واطيب .

بكيت وبكيت وبكيت لما قريت الرساله
وارسلتلها كلام كان مضمونو
ماراح اتخلى عنك يا مها ابدا
سرحت وانشل فكري من التفكير في ابياتها
واتخيل شكلها ومعاناتها
فكرت وفكرت
و وصلت لحل
حل واحد بس
حل واحد اقدر اساعدها فيه واقرب منها اكثر
كان حل صعب بس لو وصلت اقدر اتعرف على معاناتها ونتكلم بوضوح واساعدها واخفف ولوشي بسيط من معاناتها كنت احس بداخلي قدره اني انسي مها احزانها وموت اخواتها
خصوصا ان بعض الرسايل ماتوصلها من الكنترول بسبب الشبكه
غير تكلفة الرسايل
كان الحل
(((( ارسل رقمي لمها الناصر))))
بس كيف وممنوع ارسال الارقام عن طريق القناه؟؟
فكرت وغامرت
((((((((((((((((((((لأجل مها الناصر سويت المستحيل))))))))))))))))))))))

حصلت على رقم مها بطريقه عرفت هي من خلالها اني ابغى اتواصل معاها خارج الشريط ( طبعا ماراح اقول كيف عشان مايستخدمها اهل الشر
((وانتم لستم منهم ابدا ))
وارسلت رقمها واتذكر هذي اللحظات بتفاصيلها
كان يوم جمعه وضحتلي الرساله بعد الفجر وخرجت الرقم
كنت حطير من الفرحه واخواتي معايا
كنت اقول الحمدلله ذلحين اراسل مها وقت ما ابغى ورد سريع وبدون تكلفه
كنت احس وقتها بخوف وارتباك لدرجة ما قدرت امسك الجوال
خليت وحده من اخواتي تدق على الرقم
ودقت اختي ورفعت السماعه
سلمت اختي
وماكان في احد يرد
قالت : هذا جوال مها الناصر؟
ولا جواب..
فضطرت تقفل الخط
ودوبنا نقول اشبها ؟ لايكون غلطانين ببعض الارقام؟
الا صوت نغمة رساله فتحتها وكان مكتوب فيها ....

( عفوا
هل انتي اخيتي صابرين) ؟

عاد لاتسألوا كيف حالنا في هذاك الوقت
الدنيا كلها صراخ من الفرحه
اللي تسجد سجود شكر
واللي تقول الحمدلله فكه من الشريط ومعاناتو
و والله كانت فرحه كبيره ماتوصف
عاد انا ما قدرت امسك الجوال
ردت عليها اختي وقالت
ايوه هذا جوال صابرين وانا اختها بس هي من الفرحه مو قادره تمسك الجوال وصفتلها فرحتنا
ردت مها : والله والله اني ابكي
والله ذكرتوني باخواتي والله كانكم اخرجتوني من
قبو مظلم

رديت عليها بعد السلام عبرتلها عن فرحتي بالوصول لها وقلتلها من اليوم ورايح بلاش دموع
انا واخواتي اخواتك
اعتبري ان افترقنا من زمان واليوم اجتمعا وللابد بإذن الله وماراح نفترق
وكلنا انا واخواتي نقلك بصوت واحد
( احنا اخواتك يا مها وماراح نتخلى عنك)
وعاد تخيلي اصواتنا بس لاتدققين
دعتلنا وقالت

(صابرين قد تستغربين من طريقة تواصلي معك ((سيكون بالرسايل فقط))
قلت ادري والله ومعذوره وآسفه اذا احرجتك باتصال اختي

0 ((احبتي في الله نسيت اقولكم ان مها
ماتتكلم عرفت من خلال اشعارها على الشريط
وقد تابعتها اختي على الشريط وحكت انها بعد الحادث رجعت تكمل الدراسه وكان صوتها مو واضح
تقول كنت اجاوب اذا كان في اختبار تحريري
بس في معلمه اشتكت للمديره علي انها ماتفهم صوتي اذا تكلمت... وبعد فتره فصلتها المديره))

وصارت احدث كثيره في اول يوم تواصلت فيه مع مها

(أحبتي في الله اسمحولي من ذلحين اكتب احادث صارت بيني وبين مها واعتذر عن جرئتي في كتابتها يمكن في اوقات تشوفوا انو ماكان لو داعي اكتبها..بس ابغاكم تحسو فيا وتعيشوا معايا في كل الاحداث فاعذروني
راح تعرفوا ايش السبب في النهايه بإذن الله)

اكمل احداث اول يوم
تراسلنا من بعد الفجر لحد تقريبا س 11
عرفتني مها الناصر على نفسها اكثر وعلى عدد افراد عائلتها قالت
انا اعيش مع امي وابي وشغالتنا (شريفه)
بعد فراق اخواتي(اروى وليلى) من اربع سنوات واشهر
وعندي اخ واحد اسمه (فهد) متزوج وعنده ولد (احمد) وبنت(اروى)
ابوي كفيف لكنه حافظ القرآن كامل
امي كثيرة السفر لديرتنا(المجمعه) وهي مسافره لها من اسبوع عشان زواج بنت خالتي(ريم)
تخيلي يا صابرين تاركتني على مرضي وحاجتي لها مع اب كفيف
وراميتني على شريفه هذي المرأة المسكينه وجايه من آخر الدنيا
وامي وجهها مو لي لبنات خالتي تروح توسع صدرها
معاهم... ايش تبغى ببنت شبه مشلوله شبه بكماء
وبزوج كفيف...لا وبعد مطاوعه
...واسيتها ودعيت لامها بالهدايه وسولفنا كثير
عرفتها بعائلتي بأسمائهم وبعدد اخواتي واخواني واعمارهم
وبأرقم جوالات اخواتي حتى المتزوجات

قالت صابرين اخواتك الغاليات ماعندهم مانع اتواصل معاهم؟ اقطع وحدتي بمراسلتهم؟
قلتلها اكيد عايدي وهما موصيني ارسلها لكي راسليهم في أي وقت تحبي
قلتلها مها انا احتاج صحبه صالحه تعيني واعينها على على طاعة الله عزوجل عشان نحس بالسعاده في الدنيا وفي الاخره بالسعاده الحقيقه (بدخول جنة النعيم الابدي)
وحكيتلها عن معاناتي مع الصاحبات
و عدتني تكون ليا نعم الاخت وقالت وماراح نفترق ابدا صح صابرين قلتلها اكيد مليون صح بإذن الله
وارسلت خاطره حزينه مضمونها ان بعض البشر يبحث عن الجمال واذا شافوا انسان ذهبت نظارتو وصفائه وتشوه اعتزلوه وهمشوه وتركوه في الدنيا وحيد
قلتلها : مها لو كان فيك تشوهات الدنيا والله ما اسيبك
انا مو من هذا الصنف ابدا

بعدين سألتها عن صحباتها(جئت كما انا والباسقه)
ليش ماصروا يطلعوا على الشريط؟ انت تقصديهم بهذي الخاطره؟ انا عرفت انهم في الرياض ماجو زاروكي؟
قالت: جئت امرأة صالحه تواصلنا خارج الشريط
متزوجه ولديها3بنات ولد
كانت ترسل رسايل وسايط ونصيه وعظيه ونصح وتذكير
كانت ترسلي ابيات بمقطع صوتها
طلبت مني في يوم عنوان بيتي تزورني
(حذرتها من امي ولم تبالي)
اعطيتها العنون وفعلا جات
(( والله ما انسى هذيك العصريه والله لما دخلت جئت والله وقفت على رجلين وحسيت كأن اختي (اروى) دخلت علي
بكيت ومسحت دموعي بطرحتي
جلسنا ونظرات امي اكلتني واكلتها
تسألها أمي
من وين انتي؟
كيف عرفتي مها؟
أي شريط؟
والله كان واضح الارتباك على جئت
والله ربع ساعه وقامت من سوء معاملت امي حتى ماضيفتها
قامت جئت ودعتني وقبلت راسي وقالت (اوعدك بزياره ثانيه)
اقسم بالله كان عندي يقين انها آخر زياره
وفعلا من بعدها غيرت جئت رقمها وصرت انادي عليها في الشريط وماترد وحتى الباسقه صديقتنا اظن جئت خبرتها وزعلوا من معاملت امي واختفوا
قلتلها ايش ذنبك؟

وفي نفس اول يوم من تعارفنا ارسلت ليا مقطع صوت لبنت تقرأ سورة الرحمن تقول (هذا صوت اروى بنت اخوي)
وحلفتني قبل ماترسلو اننا نقول ماشاء الله لاقوة الابالله
قالت يمكن صوت البنت بالنسبه لكم جدا عايدي بس مابقيلنا الا اروى الصغيره

وقالت صابرين احكيلك قصتي انا واخواتي؟
وحكتلي القصه قالت: انا واخواتي كنا في مدرسة تحفيظ قرآن
ليلى(رحمها الله كانت في المتوسط حافظه نص القرآن
اما انا واروى قربنا نختم الحفظ

وفي يوم زارتنا عجوز وطلبت من امي اننا نسمعها تلاواتنا
قريت انا مقطع وليلى مقطع واروى مقطع
وبعد ماخلصنا قالت العجوز لامي:
والله يامنيره لو بناتك رجال كان صاروا أئمه للحرم

وبعدها بأيام صار لنا الحادث
وماتت حبيبتاي (أروى و ليلى)
وبقيت انا بأصاباتي
حسبي الله على هالعجوز
***حزنت بالمره قلتلها طيب ليش ماتآخذي اثرها؟ انتي مريضه بس بسبب عين يعني بإذن الله علاجك موجود
قالت كلمت امي ورافضه بشده

قلت طيب اعطيني رقم زوجة اخوكي اكلمها يمكن تقدر تقنع امك او اعطيني رقم امك
عصبت مها وقالت زوجة اخوي موب من عايلة الناصر.. وليش تبغي تكلمي امي تبغي تسوي مثل جئت ؟؟

*****احبتي في الله اقسم بالله قصتي مع مها متشعبه وطويله وصعب اكتب كل شي بس راح اكتب اهم الاحداث اللي صارت وكنت بتجنن بسببها***

ولله تعبت نفسيا من معانات مها وكنت احتسب الاجر بمراسلتي لها والله الشهر الأول كنا نتراسل من الفجر لحد الساعه 1 صباحا والله ماكان يفصل بيننا الا الصلاه والله اعطيتها وقتي وكل شي املكو لدرجة كنت باسيب دوامي عشانها

نسيت اهلي ونادر ما اجلس معاهم لان كل وقتي لمها حتى وزني نقص
لاني نادرما تذكر اني آكل لدرجة كنت احس بطعم مراره في فمي واذا تذكرت والله اراسلها وانا آكل
كنت تحكيلي معاناه ولا في حياتي سمعت زيها
كنت اقول لاخواتي مها تحتاج يمكن سنه وتتحسن نفسيتها
كانت تقولي مها اشتقت لاروى يا صابرين
والله اني احتفظ بكشكول لها فيه توقيعها وبعض عباراتها
واحتفظ بلبس ل ليلى

وتقول في ليله حلمت في اروى تقولي بصوتها :
متى تجين يا مها؟
استيقظت وبكيت حتى آلمني حلقي

اعرف انها مشتاقه الي مثل ما انا مشتاقه لها
صابرين كانت اروى تدافع عني في المدرسه وفي كل مكان
والله كل الناس عافوني بعد اروى
حتى صديقاتي اللي في المدرسه ولا اتصل واحد منهم
لا ادري كانت صداقتهم لي بمجرد اني اخت اروى ولما ذهبت ذهبوا
او في احد ( امي) صرفتهم عني
امي تحب تعزلني وتحبسني عن الناس
وحصل لها ماتريد
ولا ادري تفعل هذا لانها لاتحبني
وتمنت اني اموت على ان تبقى اروى وليلى
او ملت من مواعيدي وعمليات في المستشفيات لاني احرمها من سهراتها وزياراتها لخالتي وبناتها الجميلات؟؟؟؟؟
والله اتمنى ارى اروى واسمعها ماكتبت فيها من ابيات بسبب فقدها
والله اتخيل انها رجعت واضمها واتحسس وجهها واشم عطرها

******

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
حسسسسسسسسسسسسبي الله ونعم الوكيل

هذاا وين بيروح من ربي


جزيتي خيرا ع هذا النقل الرااائع

__________________________________________________ __________

<h3>>>>> الرد الثاني :
معادلة حسابيه
مها + برجنيل
= - (نوم)
- (نوم)= سهر 36ساعه
36ساعة سهر = مها الناصر
النتيجه/ مها الناصر = (مخلوق ليلي)
*****
(اطايب مها الناصر)
علك (ام حديجان)
آيسكريم (وشيع)
بسكويت(طحيمر)
عصير(طنيقر) قليل الدسم
التوقيع
الشيفه مها الناصر
****
9/10/1428(بعد 3 ايام موعد عملية شد الاسياخ
توكلي على الله وحده
القبور تنادي((راسمه صورة القبر))
بكيت دم على هذي الرساله الناس في عيد ومها في عالم ثاني
حزن يزلزل مهجتي وفؤادي
والدمع اغرق مفرشي ووسادي
وبكاء خائفة اقض مضاجعي
حرمت به عيني لذيذ رقادي
وخطاي ترجف مثلما رجفت خطا
من سيق نحو وفاته بقياد
وكظبية وقعت بفخ قانص
وحمامه تخشى اذى الصياد
واسير حرب او ثقوه سلاسلا
رفعوا عليه السيف في الاصفاد
وكأنني عمياء تطلب دربها
حيراء في أعلى شفير الوادي
فإذا زللت فبين أحضان الردى
أنسى وأطوى مثلما السجاد
وإذا بقيت بقيت غير سوية
مأسورة للحزن والأنكاد
ضاقت بي الدنيا وضاع تبسمي
اذا قيل لي (قد قرروا ميعادي)
عملية قد كنت اكره ذكرها
واليوم اكره ذكرها
واليوم يحدو بي اليها حادي
أواه من فزع يؤرقني ومن
جزع يفت جوانح الاكباد
أواه من قلق وزفرة آيس
من كل مخلوق سوى الخالق الجواد
أواه من شوق الى (اروى) فقد
طال الفراق وقد مللت بعادي
أواه من شوق الى (ليلى) وفي
بسماتها فرحي كذاك ودادي
لم انس خفة ظلها وحديثها
ولطافة بمزاجها المعتادي
فرح القلوب وبهجة لمجالس
من غير شحناء ولا احقاد
قد كنت غافلة اعلل بالمنى
نفسي وافرح ان اتى عوادي
بجوار والدنا يؤانسني بما
يحكيه من قصص عن الاجداد
واخي يحيط بنا بنظرة مشفق
كرما يقدمنا على الاولاد
حتى تحدد موعدي فكانما
رميت (مها)بصواعق وشداد
عملية جاءت بغير مشورة
فالله يعلم موردي و وفادي
وسالت نفسي اذا خلوت بغرفتي
ادنا الشفاء ؟ ام القبور تنادي؟
امها تسير على الطريق بصيرة؟
ام انها تهوى بسفح لوادي؟
اطريقها ذا موصل لمرادها؟
ام انها تمشي بغير مراد؟
لما رايت طبيب قسم جراحة
خلت النهار ملحفا بسواد
وتخيلت نفسي انطراحي بينهم
مابين تخدير وبين ضماد
وتخيلت نفسي مشارطهم وقد
عبث بصدري مثل ذئب عادي
وتخيلت نفسي ذهاب صفائه
فاكاد اخنق من بكا متمادي
وتخيلت نفسي الشتاء وبرده
فاخافه وطول بي ارعادي
وتخيلت نفسي شماتة حاقد
وسعادة الاعداء والحساد
وتخيلت نفسي وداع احبتي
(اروى) فداها طارفي والازواد
ياسابغ الانعام يارب الورى
يامرجع الصلحاء والعباد
انت الذي يشفي ويكفي عبده
فلقد جعلتك مقصدي وعمادي
كن لي اذا تكدر خاطري
من لي سواك اذا بليت انادي؟

**** هذي جزء بسيط من اشعارها ما قدرت اكتب اكثر) كلها احزان في احزان احس بأكتئاب ذا قريتها
ختمة دفترها بهذا الكلام...
هذه القصائد التي استطعت نقلها في هذا الدفتر لتكون لذكرى
ولم اقدر نقل اكثر من ذلك لان الوقت ضاق علي واحتاج الى ان ارتب اغراضي وحاجياتي لانني سابيت الليله في المستشفى
وان شاء الله ارسل دفتر ثاني (ان بقي في العمر بقية) احبكم في الله جميعا
*****
وانا ارسلتلها هدايا من السوق متفرقه وارسلتلها(من اغراضي الشخصيه)
بلوزتين ليا وتنوره سلسلتي عطري شباصه
******
رجعت مها بعد شهر
وشكرتها وشكرتني على الهدايا

وفي يوم وانا اراسلها جيت ادق عليه لقيت الخط مشغول استغربت كيف ومها ماعندها صاحبت وكيف وهي ماتتكلم؟
بعد ما سالتها ردت بكل برود
( هذا واحد من الشباب مزعجني من شهر)
قلتلها وليش رفعتي الخط؟
قالت والله مااطلع ولاحتى نفس بس اسمع ايش يقول
قلت ليش يسمعك اغنيه؟
قالت لا
يقولي انا اموت فيك
انتي حلوه ومن هذا الكلام
عصبت عليها وقلت ليش اصلا تفتحي الخط

قالت ارسل رساله وقال هذا جوال احمد قلت لا هذا جوال ناس والظاهر عرف اني بنت خاصه يدق وما ارد فهددني يوزع رقمي ع الشله فرفعت الخط
ويرسلي رسايل والله لها تاثير خصوصا انها من ولد
ووووووووووووووووو سالفه طويله اتعب وانا اكتبها
بس الاهم فيها قلتلها حولي رقمك عليا ودقي ع الرقم وخلي واحد من اخواني يوقفو عند حدو
قالت لا شكرا
اخويا المتنح
حي ما مات مع السلامه بنام

*****

(والله جابتلي النفسيه)

واتذكر قالتلي صابرين كنت باضعف يوم وارسل لشباب صورتي
والله يقول بس صوريلي رجلك
قالت ارسليلى انا صورتك
ارسلتها على طول اثرت فيا
كانت مدنيه راسها مو باين ملامح وجهها
شعرها طاير ولابسه قميص زي الحريم الكبار
قلتلها ليش ترسليها لشباب يامها؟ والله يضحكوا عليك وراح ينشروا صورتك بالنت ويتكلموا عنك في النت ويشوفها اخوك وتضربك امك(على فكره اكتبوا في قوقل قصة مها الناصر واقروا ايش تكلموا البنات عليها والله تقول شافها اخوي او يمكن احد من بنات قريبنا خبرت امي وخلت اخويا يفتح النت ويشوف لقى اسمي وابياتي واسماء اخواتي جا وجر شعري وضربني كفوف وجا ت امي وضربتني بلي الغاز على مرضي ماعندهم رحمه جا ابوي الرحيم وهاوشهم)
قالت صابرين الشباب يرسلولي صور خليعه
و كنت باخلي واحد منهم يجي البيت
بكيت كاني مجنونه ودقيت على شيخ
صارت احداث كثيره
قلتلها الغي الوسايط
قالت انا مشتركه بخدمه لشيوخ تسليني وتخفف علي
المهم وفي النهايه وعدتني انها ماراح تفتحها
وبعدها ارسلتي كلام اقسم بالله اعماني
(وخلتني ارسل صورتي)
علاقت على صورتي بكلام ولافي الدنيا سمعت زيو
وبعد اشهر 0(ارسلتلها صوره ثانيه ليا)
كانت ترسل صورها بس (احس الصور التقطت على غفله يعني مره سادحه و مره تطالع فوق مره مو واضحه) تقولي الشغاله تصورني
استمرت علاقتي بها 11 شهر
وقرب شهر رمضان(قلتلها مها ماراح اراسلك في رمضان كل يوم ..عشان نستغل رمضان راح اراسلك كل جمعه اطمن عليك ..زعلت وقالت وانا اروح لمين؟
المهم خلتني اراسلها في رمضان
****
الت لي بتسافر في 19 رمضان لتشيك عشان تسوي علاج طبيعي لضمور رجولها اليسرى
وكانت تضاعف رسايلها(قبل السفر)

*** رحت عمره في رمضان ودعيتلها
وانا كنت قدام بيت الله الحرام
حسيت اني فقت من اشياء كثيره فكرت في حالي مع مها
اقسم بالله بكيت بدون شعور وانا اطوف بالكعبه قلت
ياااااارب انا عطيت هذي الانسانه كل شي وما ادري مين تكون يارب انت تعلم من هي
وانا لااعلم وانت علام الغيب)))
والله دعيت من قلبي
تدروا ايش فجر هذا الدعاء وحسيت ان مها
لغز وانسانه غامضه؟
لاني سالت مها عن اسم المستشفى اللي تراجع فيه واخذت الرقم من السنترال
ودقيت على المستشفى بدون ماتدري
وسالت عن المريضه مها الناصر وعن مواعيدها
طبعا عندي اسمها كامل
رد عليا الموظف بكلمه وحده
(((( ما عندنا أي مريضه بهذا الاسم)))
قلت الا هي تتعالج عندكم وعندها عملية شد اسياخ في شهر 11
قال والله يا اختي ماعندنا احد مسجل بهذا الاسم
!!!!!!!!!!!!!!!!

****
بعد العمره والله بس 4 ايام بس
طلبتها تصورلي غرفتها وجلست تصور التسريحه وترسل وتصور مشايتها وترسل(لما كانت ترسل صور بيتهم ماتصور نفسها مع اغراضها
واذا ارسلت صور لها بس ترسل وجهها وتقص من تحت فمها تقول (عشان ماتشوفي الصمم في حلقي شكله مقزز واخاف تكرهيني)
وانا اتفرج على صورة مشايتها كانت من حديد (تعرفوا الحديد يعكس الصوره اقصد زي المرايا تبان صورتك فيه)لاحظت صورتها معكوسه في المشايا بس كن ملامح شخص بس ماهي واضحه
كبرت الصوره وسويت تباين

(((((((((((حسبي الله ونعم الكيل
مها رجاااااااااااااااااااااااااااااااااااااااااااااااا اااااااااال
اقسم بالله طلعت صورة شخص لابس ثوب وملامحو مو واضحه
كان معاه لحيه وكل ماسويت تباين وغمقت الصوره تبان اللحيه اكثر))
لا تسالوا عن حالي
قمت ارسلت رساله قلت
انت مين او انتي مين؟
ليش لما اطلبك اكلم امك او زوجة اخوك ترفضي؟
ليش لما دقيت على المستشفى اسالهم عنك يقولوا مافي احد عندهم مسجل بهذا الاسم
وارسلت صورة المشايا وصورتو الي انعكست بعد القص والتعديل قلت انت رجال وهذي صورتك انعكست في المشايا
قال ايش هذي الصوره؟ اظنها صورة ذيل حصان؟
والله انك لطفيه جدا ياصابرين
وبالمناسبه انا مااحرص على صحبة وحده مضطربه مثلك
انا متواصله مع غدا اجمل والمنصفه والكنتروله عبوقه
روحي اساليهم عني عشان تعرفي انك استعجلتي في اتهامك
واحب اقولك لوكنت استغلاليه كان نزلت انشوده من انشوداتك على صورك وارسلتها على جوال اخوك(المطوع)
لاتخافين ما راح اسويها
انتي مسكينه يا صابرين
انا بعبع ما اصلح لك خلاص؟

لاعاد ترسلين
والله انك مسكينه

*****
صدمه نفسيه بكا بهستيريا
ابدا ماخطر في بالي
لا مو معقوله مها رجال؟
وريت الصوره اخواتي كثير منهم يقول لي
ابدا مو واضحه
صح عاكسه المشايا شي
بس ابدا مو واضح
بعد يومين ارسلت مها رسالة وسايط
قالت لو في فرصه اعبر عن شعوري باقول
عتبانه ومشتاقه وبافقدك
ماهمني تصدقني في شي بعد تكذيبك لي
(( واجر رجلي كاني
شيخ احدب) >مو فاكره الشعر بس هذا معناه
وقالت ادعيلي اختي انا احتاج دعائك
وكتبت كل الايات عن الدعاء

... طبعا ما رديت عليها
صار تفكيري مشتت
وباتجنن تفكير
ماادري فعلا ظلمتها والشيطان خلى هذي الصوره تظهر ليا خصوصا ان اخواتي يقولوا مو واضحه
تعبت نفسيا كنت ادعي ان الله يوضحلي اكثر
فكرت و وصلت لهذا الحل
بعد3 او 4 اشهر
اشتريت شريحه وارسلت على رقم مها شعر عن الشوق وقلت بعدو هذا الكلام
(حبيبي مشتاقه لك هذا جوال بنت خالتي ما اقدرت اصبر) أحبك بجنون
قام دق عليا
ارسلت : مو الحين حبيبي بعد 2 الاهل كلهم مجتمعين عندي
ارسل 4 رسايل كلها كلام حب وقلة حيا

(((لحد ذلحين لسا ما تأكدت مها مين تكون)))
ارسلت وقلت آسفين غلطانا بالرقم
ارسل ممكن نتراسل شوي؟
قلت عندك وسايط حلوه؟
قال وقسم عندي وسايط ساخنه بس اخاف تزعلين منها
قلت ارسل اشوف
قال ايش اسمك عشان اكتبو على الوسايط؟
قلت شهد
تدرون ايش ارسل؟
والله ارسل صورة ناس عراه
ومقاطع فيديو بفضل الله مافتحتها لان كان واضح من الكلام انها مقاطع خليعه
قفلت الجوال ولا تسالوا عن حالي
بعد ماهديت فتحت الجوال
حول شحن ب 100 وقال هذي هدية تعارفنا
ودق
فتحت الخط وسمعت صوتوا
تدروا كان مين
والله اخو مها
اخوها اللي كان يمثل انو اخوها
قفلت بوجهو
رجع ارسل ليش ماتسولفي معي؟
قلت بصراحه انا استحي مره
ايش رايك ارسلك مقطع صوت ليا بس انت ارسل صوتك قبلي
قال ابشري
( والله كنت احسو ذيب بشري وحش جائع)
وارسل مقطوع صوتو وهذا نص كلامو

( هلا شهد مسا الخير اعجبني مره مره كلامك خاصه كلمت(حبيبي) يعني لها تأثير وتقرب القلوب اكثر من بعض ما ادري مازلتي الى الآن خائفه ومنحرجه وخجوله؟
ترى انا ما اعض
مركب تقويم بدون اسنان
لك فضل علي لانك قبلتي الشحن
ولك فضل اكبر واكبر واكبر انك قبلتي تعارفنا
يمكن عندك تصور ان بعض الشباب اسغلالي او جشع نوع ما؟
انا بعيد عن هذا النوع واوعدك ماتشوفين مني الا كل خير
وانا في المختبر تحت التجارب
هذا صوتي اتمنى تسمعيني صوتك مع السلامه يا حياتي
((والله كنت بنهار واعترف اني انا صابرين لكن استغفرت ودعيت الله المجيب وربط على قلبي)

سبتو وصار يدق ويرسل ولا ارد عليه
يقول انت حياتي
انت طفلتي المدللة
اقسم بالله انك حياتي
اقسم بالله انك اغلى من اهلي
اقسم بالله حبيتك
اقسم بالله افديك بروحي وووووو
( ازيد قهر ونفسيتي تتدمر اكثر لما اشوف يرسل نفس الكلام اللي كان يرسلو ليا)
تخيلوا كل شي كذب في كذب وتمثيل
قصة مرضو تمثيل
موت اخواتو تمثيل
حتى ((جئت كما أنا)) هو نفسو تذكروا لما طلعت على الشريط وتقول زرت مها وطردتني امها ..هو نفسو ((الباسقه)) لانو نفس اسلوبو ونفس اشعارو بس كان يبغى يلفت نظر البنات
وووووكلها تأليف وكذب كذب والاكبر مصيبه يتطلع رجال
(دعيت عليه لحد ما ارتحت)

ارسلت للكنترولات في القناه ومديني طانش
ارسل لوحده واقول انتبهوا مها رجال وعندها صور بنات و و و
تقول الكنتروله لاحول ولا قوة الابالله>ادري لاحول ولاقوة الابالله بس تصرفي حطي حظر على لقبها اوعديني تسوي شي حتى انا متورطه صوري ومقاطع صوتي عندو
والله تستهبل تقول وش صاير؟ ارسلها كل هذا الكلام وتقول وش صاير؟؟؟
والكنتروله الثانيه اقلها مها رجال خذي هذا رقمي دقي عليا والله عندي كلام مهم عن مها
تقول ممنوع ياقلبي اتواصل معك خارج الشريط

(سبتهم حسابهم على الله وبنات الشريط اللي جالس يجرهم لخارج الشريط في ذمتهم)

اتصلت بالشيخ الفاضل عبدالعزيز الفوزان
اسأل الله ان يدخله الجنة بغير حساب
ماكان في يدو شي يسويه بس
هداني.. والله عاملني زي بنتو وقال كلمه كانت على قلبي زي المويه البارده في عز الحر
قال لاتخافي لن يؤذيك بشيء ودعاء الله ان يحفظني
جزاه الله خير
****
بعد اسبوع او اقل ارسلت مها على رقمي الثاني اللي كنت فيه بشخصية شهد
ارسلت سب وشتم
اقبح واقذر كلام ارسلو ليا واتهمتني بشرفي
والله انها راحت الحمام ((اكرمكم الله وشرفكم واعتذر عن ذكر هذا الموقف لكن حسو فيا)

والله صورتلي البلاعه والقذاره فيها وقالت هذي هديه لكي ياشهد
والله دخل على الاستديو حق جوالي واخذ كل اللي في الاستديو تقريبا.. اشوف الصور والمقاطع تتحدد قدام عيوني وتنحذف(الحمدلله مقطع صوتو وصورو كلها في ذاكره ثانيه)
والله ارسل صوره حقيقيه لحرمه مدعوسه تحت سياره
وصور ناس مشوهين
حسيت انه عرف اني صابرين وجالس يهددني عشت في رعب وخوف

كنت اتخيل صورة الحرمه كثير ولا اقدر انام
كنت احسبو ينتقم مني لان كشفتو ومعايا مقطع صوت ليه
غير صورو اللي داخل البيت
كنت في خوف مايوصف خصوصا انو يعرف بيتنا
وكنت اوسوس انو حاط كاميرا فيديو في بيتنا وجالس يشوفنا.....


ماقدرت ا تحمل لازم اقطع الشك باليقين
بعد يمكن شهر عشت فيه في عذاب و وسوسه
ارسلت برقمي الاصلي صابرين
تخيلوا من فتره طويله ما راسلتها كنت خايفه مره بس كان لازم اتاكد عرفت اني انا شهد او لا
وهذا اللي صار....
كيف حالك مها ممكن اكلمك في موضوع؟
ماردت
استنيت
بعدين ردت قالت
هلا صابرين آسفه كنت في مجلس حريم....
انقهرت ولا قدرت اتحمل على طول ارسلتلها
مقطع صوتو
والسب والصوره اللي في الحمام
قال:
انت كنتي شهد؟
اجل تستاهلين كل ماجاك
قلت
لا ما استاهل يا مجرم يلي ماتخاف الله
سنه معيشني على كذب واحزان وتمثيل
وشفت صورتي وانا والله ما خرج الا بعبايتي على راسي وبقفازي وشرابي خليتني اكشف عليك ومقاطع صوتي عندك حسبي الله ونعم الوكيل فيك
انت مريض نفسي؟ عندك انفصام في الشخصيه؟
انت ايش قصتك؟
كيف قدرت تكتب اشعار عن مرضك وانت مافيك شي؟ وليش جيت هذي القناه؟
ماعندك ضمير؟ ماحزنت بيوم على الكلام اللي اواسيك فيه؟
تعبتني ومرضتني نفسيا الله لا يسامحك
ودعيت عليا ان الله يبتليه بنفس المرض اللي كان يمثل انو فيه
قال :
انا متزوج (((واعيش خواء عاطفي)))

ولو كنت مرتاح في حياتي ماشفتيني مقابل الشريط
تكفين لا تدعين علي انا اخاف من الدعاء
وصورك ومقاطعك اقسم بالله مسحتها وتبت من ذلك
ارجوك سامحيني
قلت وملابسي وين وديتها؟
قال جلست عندي لايام حتى كنت اوقف السياره خارج البيت والله تصدقت بها للجمعية الخيريه باسم فاعلة خير
قلت انت اللي جيت عندنا؟
قال نعم انا اللي جيت
طلب مني السماح واني ما ادعي عليه
قلت : الله يسامحك اذا (((بطلت من التمثيل بشخصية مها او غيرها)))
قال انت صالحه ومن اسره صالحه
رزقك الله سعادة الدنيا والآخره



غفرالله لي ولك....................................


القصة نقلتها كما قرأتها
واسأل الله لي ولكم العفو و العافيه ..

__________________________________________________ __________

<h3>>>>> الرد الثالث :
عطيك الف عافيه مزون على النقل الجميل
ولازم الواحد يا خذ الحذر من الاشياء هذي

__________________________________________________ __________

<h3>>>>> الرد الرابع :
وآلله آنصدمت ..
آلصرآحة شكيت فيهآ من آول آلقصة لآنهآ يوم قآلت حق صآبرين آحبج و هآلسوآلف فشكيت آنهآ ولد

تسلميييين مزون ع آلقصة ...
روعة مؤت ... ,

__________________________________________________ __________

<h3>>>>> الرد الخامس :
شكرا لك مزون على هالقصه الحلوة

لي عودة لإتمامها ^^