عنوان الموضوع : قصتى بأسم (بس أنتظر يجي يوم وأمووووت) قصص
مقدم من طرف منتديات الضمير العربي

بسم الله الرحمن الرحيم



أنا بنت من المملكة العربية السعودية ومن ديرة معرررروفة


أكتب قصتى هذى ودموعى وسط خدي أتمنى تاخذونها عضة وعبرة



أبدا بقصتى....

يوم من الايام اختى شرت لاب توب علشانها بتدخل معهد حاسب فأنا من لقافتى دخلت على الدردشة كتابية

ويوم ورى يوووم لحد مادخلت لحد مادخلت دردشة صوووتية .... اكيد متحمسين وبتقولون انتى اللى جبتيها لنفسك

طبعا سولفت وضحك وتكلمت وقلت وما قلت واخر شي تعرفت على واحد وياليتنى ماتعرفت علية

بكل سهووولة سحب رقمى منى لأنة عجبنى وماتوقعت انة بيسوى اللى سواه

المهم... جلست اكلمة يوم وراى يوووم ولحد مادخلت الررروم مرة ثانية وقلت لهم انى تعرفت على واحد من عندكم وانة اسمة كذا وكذا وانة طيب ومدري كيف جلست امدحة انا...

واحد من الشباب قال لى انصحك اتركية لان كان فية وحدة قبل اسمها شموووخ طيحها لحد ماكسر شرفها هو وربعة

المهم قلت انا.. طيب شلون اتخلص منة....

قال ان صاحب الروم يعرفة اذا جاء صاحب الرووم قولى لة وهو يوقفة عند حدة...


أنتظرت صاحب الروم لحد ما جااء

أنا: السلام يا... شلونك تكفى انا بمشكلة وقالوا لى ان الولد اللى اكلمة يقرب لك وش اسوى

الولد: لا ماعليك خلاص انسي بس اهم شي لا تكلمينة

أنا: اكيد ماراح يسوى شي

الولد: لا ان شالله ماراح يسووى شي ماااعليك

المهم واانا بالرووم دق على واحد رقم غريب وانا مارديت
وبعدين ارسل رسالة قال
( كيفك ياغبية ردى انا بساااعدك لان الولد اللى تكلمينة نشر رقمك بالاستررراحة)

وانا خفت ورديت ودار بيننا الكلام

أحمد: السلام
أنا: وعليكم السلام
أحمد: انتى فلانة؟
انا: اية انا ليش؟!
احمد: انتبهى ترى اللى بيكلمك الولد هذاك بيفضحك وبنشر رقمك بين الاستراحات ويعلمك باسمك
أنا: كيفة اصلا كل شي قلتة لة كذب اتحداة يسوى شي....,,,
احمد:تبينى اخلصك منة؟
انا: والله ياليت ولك الاجر ان شالله
احمد:ابيك انتى تساعدينى وتسوين اللى اقولك
انا: ان شالله بس اهم شي تذلفة عنى
احمد: اول شي تعطينى شريحتك علشان اذا دق عليك ااعطى ولد عمى كنة اخوك واخرشة واخلية مايدق مرة ثانية ثانى شي اعطينى الاب توب حقك علشان احطلك برنامج علشان محد يخترق جهازك لان هو ير اقبك عن طريق الجهااااز..

انا: لاااااااااا ما اقدر اعطيك اياها خلاص احووول رقمى عليك اذا دق احولة عليك وانت اخرشة والاب توب مو لى اصلا حق اختى ما اقدر

احمد: لاااااااااااا ماينفع يدري انة محووول انتى بس اعطينى الشريحة وماعليك بنفس اليوم اعطيك اياه والا ب توووب لازم تعطينى اياة علشان انا اعرف برانامج اركبة لك وبنفس اليوم ارجعة لك مع الشريحة( بس الحمدلله ماعطيتة وهذا اللى مريحنى لانهم هم اكبر اصحاب سرقة عندنا فى المدينة )

انا: اكيييييد ترجع لى الشريحة وماتكذب. والاب توووب ان نت عطينى اسم البرنامج لان اخوووى عندة محل كمبيوترات واقولة يحطة..
احمد: والله ارجعة لك والله لا اعطينى انا الاب توب
انا: طيب ( انا اصلا سكتة لان مقدر اعطية اياه وهذا احسن شي سوووويتة)
احمد: وصفيلى بيتكم علشان اجى اخذة منك
انا: لااا يابابا ماراح اطلع لك راح ارميها من السطح لك
احمد: اوكى طيب
(والله ياناس انة غرررنى بكلمة وانا من النووع اى احد يقولى شي ويسحبنى امشي وررررررراة والله وانا افكر دموووعى على خدددددى)

وبعدين فكرت انى امسح الارقام اللى بالشريحة وبعدين دق الزفت

احمد: هاه وش صار عليك.؟
انا: خلاص بس اصبر امسح الارقام واعطيك اياة...
احمد:لاااااااااااااااااا ياغبية واذا دق على احد من اهلك وش معرفنى انا لاتمسحين شي انا اذا دقو اهلك ماراح ارررررد
انا:خلاص طيب يالله تعال خذها


جاء الفجر كل اهلى نايمين اروح انا اوصف لة البيت لحد ماجاء عند الباب

دق على

(طبعا انا لما عطيتة الشريحة صرت اكلم من جوال اختى علية لان الشريحة فاصلتها)

احمد: يالله ارميها انا عند الباب

انا: طيب يالله هذا انا رميتها وحطيتها فمنديل ولفيتها بقوة

احمد: هاة رميتيها

انا:ايوة رميتها والله

احمد: هذا انا بنزل ادورها

وبعدين نزل يدووورها

احمد: مافية شي وينها (كان معصب مرة وعصب على وكان كلامة مرة يخوووف مثل انك انتى كذابة ما فية شي وما اشوووف شي وينها ترى والله اطق عليكم الباب واقول لأخوانك انك تكلمينى )

انا: والله رميها دور زين والله رميتها انا طبعا قاعدة ابكى

بعدين جلس شوووى وبعدها لقاها

احمد: خلاص لقيتها خلاص اسكتى لاتبكين لقيتها

انا: انت مجررم كلامك يخووووف ليش ما ابكي

احمد: خلاص عااااد لقيتها وهذا انا اذا عصبت لازم اتحمس

انا:متى ترجعها لى

احمد: متى مااتبغين

انا: لاا وش رايك اليوم بليل ابيها طبعا

احمد: خلاص بنفس الوقت هذا اجيبها لك

(مضى اليوووم كلة بخير وستر )


انا: بعد صلاة العشاء ادق علية مقفل وادق على شريحتى مقفلة

لحد ماجاء الساعة 2 بليل فتح جوالة


انا: هاه وينك ليش مقفل جوووالك

احمد: كنت نايم

انا: عسى دق الولد عليك

احمد: اية دق وخليت ولد عمى يكلمةوهاوشة وقلت واللة لابلغ عليك الشررررطة اذا ما بعدت عن طريقها ( لان هو صديقة معة بالاستررراحة وخل ولد عمة يكلمة على قولتة)

انا: ان شالله يكوون اقتنع

احمد: اكيد لان انا هاوشتة وعصبت علية وسكر السماعة بوجهى

انا: اهااااا الحمدلله بس لاتنسى الصبح الساعة 6 تجيبها

احمد: ان شالله بس وش لي على كل اللى سويتة لك؟

انا: هاااااه مثل ايش يعنى وضح ؟؟؟!!!

احمد: ابيك تكلمينى واصير حبيبك ( وطبعا من الكلام الحلو لحد ما اقنعنى)

انا: ان شالله ولايهمك بس انا من النوع الللى ما اطلع اهلى مشددين على مرررررة

احمد: لا معليك مار اح نطلع بس اسمع صوووتك دايم

انا: انشالله

احمد : يالله الحين بناااام

انا : اوكى بس لاتنسى ولاتقفل جوووالك اوكى

احمد: خلاص اوكى

(طبعاا انا ماارتحت قلت يمكن يكذب ويبغى ياخذ الشريحة اما انا اذا قالوا اهلى وين جوالك بسوى نفسي انى بطلع للسوق وكنها ضاعت بس للأسف)

انا بالررروم: قلت لواحد منهم وانا طبعا ار تاح لة لان كلامة يريح قلت لة انى اعطيتة الشريحة
وقااااااام عصب على قال انتى ماتتوبي لازم تطحين بمشكلة علشان تتوبي قلت انا لاااااا وش اسوى ازعجنى وهو فعلا ازعجنى وصدقت كلامة وانةة الفجر راح يرجع الشريحة

قالك اتشوفى ماراح يرجعها

انا: طيب وش اقووول لاهلى تكفى ساااااااعدنى الله يخليك

قال: قولى ضاعت قولى انسرق منى قولى اي شي

وجاء ولد عم اللى كنت اكلمة اللى هوز صاحب الرووم

انا: (كان اسمة عبدالله) عبدالله تكفى وش اسوووى قلى

عبدالله: اذا ما رجعها قولى لاهلك انها انسرقت احسن ليش تعطينة انا ماقلت لك لاتردين علية ولاتكلمينة

انا: عبدالله طيب الحل الحين وش اسوى

عبدالله:طيب هو شافك ؟

انا: لا ماشافنى

عبدالله: وشلون اعطيتية الشريحة؟!!

انا: رميتة لة من السطح؟؟؟

عبدالله اشوى احسبة شافك قلت يمكن صووورك..

انا: لا ماعليك ماطلعت لة المشكلة انة يبي الاب توووب حقى ياعبدالله وش اسوووى

عبدالله: شفتى ما قلت لك انه يبي الاب توب حقك نفس مشكلة البنت شمممووخ قالها كذا وبعدين فضحها

انا: طيب عبدالله والله خوفتنى وش اقولة

عبدالله: قولى لة احطة لك بكرا عند اقرب محل واقولك وبعدين اذا اعطاك شريحتك قفليها والا اكسريها مرة وحدة احسن لك

انا: صح كلامك.. اكسرة ( بس انا ماكسرتها لان هذى الشريحة شريحتى العامة كل صديقاتى واهلى يعرفونها بس حولتها على موجووود

__________________________________________________ ____________________________

جت الساعة 5ونص ودقيت علية بس الحمدلله ماقفل جوووالة

انا: هاة وينك ؟؟..

احمد: يالله تبين اجيبة لك

انا: ايوة جببها

احمد: والاب توب متى


انا: بكرا ان شالله احطة لك عند اقرب محل

احمد: اكييييييد

انا: اية ان شالله بس جيب الشريحة الحين

احمد: يالله ببرميها لك بعلبة حلاو علشان تاصلنى بسرعة

انا: اوكى يالله


(وفعلا جابها ولد الكلب)

وصرت اكلمة واشكرة لى ماسواة لى وبعدها قفلت الجووووال

انا: عبدالله خلاص كسرت الشريحة

عبدالله: خلاص انسي

انا: المشكلة خايفة يدق على احد من اهلى ؟

عبدالله: والله هذي مشكلتك محد قالك اعطية الشريحة حليها بنفسك

انا: اشوووووووف الله يستر


__________________________________________________ _____________

جلس كم يووم يدق على رقم اختى لان انا كنت اول اكلمة فيها

وما نرد علية واختى تهاوووووشنى وانا بس انكر اقول ما اعررفة


وصارررر فترة يدق على امى وامى طبعا ترد


الوالدة: الووووو

احمد: السلام

الوالدة وعليكم السلام من معى

احمد: سحر موجووودة( لان انا قلت اسمى سحر وكل معلمواتى كلها قلتة لة كذب ماعدى بيتنا وامى تدرى انى احب اسم سحررررر)

الوالدة: لا غلطان

احمد: الا هذا رقمها

الوالدة : بعدين تذكرت انها انا لا ياويلدى غلطااان

احمد: طيب مع السلامة

وسكرتها امى


بععدين رحت الررررروم وقلت لعبدالله انة يدق على امى انا خايفة انة يدق على اخوووانى ابتلش فيهم بعد

وخليت وحدة من الروم الله يوفقها ان شالله تكلمة كنها اختى

وفعلا اعطيتها الرقم وفاتحة المايك خلتنا نسمع

البنت: السلام انت احمد

احمد: اية من معى

البنت: انا اخت سحر ليش تبي تسوى كذا مو حرررام عليك اختى جت عندى فى البيت وتبكى ومدري كيف قعدت حوالى ساعة وهى تقنعة انة مايدق لان اهلى شكوا فينى وحررررمونى الجوال وهو يسأل البنت يقول لانها هي تركتنى فجاءة قالت البنت ايوة لان امى شكت فيها وخذت الجوال منها وصار ما معها جوال وهى الحين عندى نايمة لانها تبكى مرررررررررررة وخليتها ترتاح وهى اعطتنى رقمك وقالت قولى لة انى احبة ومدرى كيف بس ان اهلى خذو الجوال منى يعنى ما اقدر اكلمك خلاص
وهو احتمال اقتنع واحتمال ماقتنع


وبعد فترة كنى راجعين من بيت خووووالى طبعا السالفة هذى كانت برمضاااان 1429 اول رمضااان او ثانى يعنى حولها المهم الولد الزفت هذا واحنا راكبين السيارة دق على اخوووى وحنا نمشي فى الطريق والكل هادئ بالسيارة انا تذكرت صوووتة نفس الصوووت اللى كنت اول اكلمة الا احمد وهو يتكلم واخوى بس ساكت لحد ماوصلنا للبيت نزلنا ورحت انا (الله يكرمكم ويعزكم) لدورة المياااة على طووول كلمت البنت وقلت لها انتى بالرررروم قالت ايووة قلت قولى عبدالله انة الزفت هذا كلم اخوووى وش اسووى انا قال بس انكررررى قولى ما اعرررفة

المهم طلعت من دووورة المياة الا اخوووى بوجهى اعطانى كف وقال طلعى الجولاات اللى معاكي والشرايح واعطينى الاب توب قلت بس معاى رقمى هذا وانا صادقة والله لانه اهو االولد كذب على اخوووى لانة الحمدلله مو ماسك على ولاشي الا الشريحة وبيتنا وارقامنا قاعد يطلع من عقلة سوالف لاخوى واخوى مالومة اكيد بيستفز ويعصب لان انا كنت بنزل راس اهلى بالارض وشرفى راح يضيع الممهم قعد يضربنى وقال طلعى الشررررررررايح قلت والله ما معاى الا رقمى هذا وخذا جوالى وكسرة والشريحة كسرها كسرة كسرة وخذا الاب تووووب منى

المهم....

دق اخووى على اختى ويبكى ويقووول ان الولد ازعجنى واخوى طبعا متزوج وكبير ويقول اخوى ان الولد يقول معاى صور اختك وانى شفتها ودخلت فيتكم وانا والله العلى العضيم اللى رفع سبع سموات انى حتى الصووور والله ماعندى بس اللهم صورة الجواز وامى مخبيتها بس والشي الثانى اللى يقول انى دخل بيتنا والله انى انا رميت الشريحة علية من السطح مو من الباب هذا دليل انة مو ماسك على شي ومنقهر وخلص رمضان وجاء العيد يعنى تخيلوا اخووى ماجاء شاف امى وابوى برمضان ابد والسبة انا لانى فالبيت ولانة يقول والله لو اجى اذبحها يقصدنى انا وجاء العيد ورحنا تجمعنا فبيت عمامى وشفت اخوووى وسلمت علية وصار يسولف معانا ومعى انا وانا مستغربة تفاجاءت قلت لزوجتة وهى مثل اختى طبعا وتخاف على اكثر من خواتها قلت وش فية اخوووى قالت انى انا تكلمت علية وقلت لة معقولة تشك فى اختك وهى من ترية ايديكم المهم اخوى اقتنع ان الولد مو ماسك على شي وصح نسيت اقولكم ان الولد يرسل لى تهديد عن طريق الاب توووب وانا امسحها بس الجهااز مايمسح يحفظ

جاء يوم من الاس=يام بعد العيدج بيومين اخوى باع الاب توب على ولد خالى ولا فرمتة لان اخوى مايحسب فية شي وانا اصلا قلت لاخوى انة واحد مزعجنى ومراقبنى بالاب توووب وانة مخترق الجهاز ويرسل تهديدات وطبعا انا ماخذة صووور بنات للمسنجر وفية صور وهند ونووور وصووور شباب واولاد اخوووانى وخووواتى كلهم فية المهم باعة اخوووى ولد خالى راح للاستراحة وشاف التهديد والصووور وراح على طووول لبيت خالتى اللى اصغر من امى بس السانها اكبر من امى خخخخ المهم دقت حخالتى على بيتنا وقالت وين .... بعدين جيت اكلمها انا وبعدين قالت من اللى كان مهددك وكاتب ا اسمك كامل ومن لة الصور البنات اللى جالسات اكيد من عمامك قلت لاتفرحون اخوى يدري بالتهديد وانا صرت اكلمها وانا ابكى لان ماعندى جراءة اعرف ارد الا وانا ابكى المهم كلمت اختى اخوووى وقالت ليش تبيع الاب توب على فلان ولا فرمته قال انا قلت لفلان انة يفرمتة المهم رجع ولد خالى الاب توب لخوووى ولحد الحين مدرى شو سوى اخوى فية اعتقد كسرة والحين خوالى مايتكلمون معى معتبريننى غريبة ولا يخلون بناتهم يجلسووون معاااى وعلى فكرة عمرى انا 19 سنة اكيد بكوون مراهقة والشيطان يلعب راااااسي والى يومكم هذا الجمعة 16 ذو القعدة الولد يدق على جوال امى

تكفوون ادعوا معاى ان الله لا يوفقهم وانهم ان شالله يشوفونها بخواتهم واعز انسان على قلوبهم وان الله يفضح سرهم ويكشف خيبتهم ودى انا اكلم الهيئة واقول لهم السالفة بس خااايفة ماعندى ثقة بنفسي وعلى فكرة الولد اللى اسمة احمد مو احمد اسمة عبدالعزيز وساكن فى حايل بحاارة عمار اتمنى اللى يعرفة يوصلة الدعوة جعل العمى ان شالله اشوفة فية وجعلة مايتهنى بشبابة وبسكتة وسرطان ربي يعطية تكفووون ادعوا معاااى انا كتبت قصتى علشان تدعوون معاى يمكن ربي يستجيب دعواتكم وانا ندمانة للحين وحرمت اعيدها مرة وانا للحين خايفة من شي بس مدري لانهم يقولون عن طريق تحديد المكان يعرفون كل شي عنك وفعلا هو جاب كل المعلومات صحيحة عنى بس انا انكرت والله يستر مدري وش عندة الحين يدق

تقبلوا تحياااتى MISS GAILR

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
قلبي مشكوووره على القصه

واتصلي عالهيئه لاني كثير اسمع عن قصص مثل قصتك

واكبر منها (مثل مقابلات وصور )

زالبنات يلجأون للهيئه وتساعدهم

بس اتصلي عليهم وقوليلهم عن الموضووع كامل

واطلبي منهم الستر وان شاء الله يساعدوووك

والله يعينك ويفرج همك...

__________________________________________________ __________

<h3>>>>> الرد الثاني :
يالله الله يكون في عووونك حبيبتي

ويفك همك

ويفرج عليك

__________________________________________________ __________

<h3>>>>> الرد الثالث :
اللهم امين

جزاكم خير

تكفووون اللى يقرا البرسالة يدعى عليهم تكفوووووووووووووون

والله يكون بعون الجميع

__________________________________________________ __________

<h3>>>>> الرد الرابع :
لاحول ولاقوة الابالله
الله يعينك و يفرج همك

__________________________________________________ __________

<h3>>>>> الرد الخامس :
اللهم اميييييييييييييييييين والجميع ان شالله