عنوان الموضوع : ((قصة واقعية))حصلت لي مع شايب كان يشر لي بالطريق قصة رائعة
مقدم من طرف منتديات الضمير العربي

السلام عليكم ورحمة الله وبركاته
هذي قصة واقعية حصلت لي وانا رايح للرياض قبل سنة المهم كان ذاك الوقت كنت رايح عندي شغلة بالرياض كنت امشي تقريبا 160 كيلو من الدمام الى الرياض المهم لما بقى على الرياض تقريبا 200 كيلو شفت رجال شايب يشر لي على الطريق وكان وقت الصيف وللمعلومية انا ترى من الناس اللى مايوقف لاي احد مهما كان بس هالمرة كان حظي زفت مررررة المهم كسر خاطري هالشايب وقلت ليش مااوقف وارجع له عالاقل اكسب فيه ثواب خصوصا في هالجو الحار ولما رجعت له قلت هلا ياعم امر وين تبي اوصلك المهم قاعد يشر بيده مايتكلم قلت انا بيني وبين نفسي هالشايب شكله اخرص مايتكلم المهم قلت تفضل اركب انا رايح للرياض وبنزلك للمكان اللي تبيه والغريبه ان وحده من عيونه بيضاء مررررررة كانت تلصف من اشعة الشمس والثانية سودة طبيعيه وانا بصراحه في البدايه شكيت في امره من عينه البيضه وقلت يمكن عينه خلقه كذا المهم الشايب قبل لا يركب السيارة كان يوزع علي بوسات وهذا اللي خلاني اشك انه مو صاحي المهم قلت تسلم ياعم بس اركب علشان حرارة الشمس وركب الشايب وليته ماركب وليتني ماوقفت له من الاساس... المهم ان الشايب ماركب قدام معاي ركب ورى رغن اني اصريت عليه انه يركب قدام بس هو اشر بيده بمعنى لا لا لا لا وهذا اللي خلاني اشك اكثر واكثر وعقبها مشيت ولما بقى على الرياض تقريبا 170 كيلو سمعت صوت غريب وشفته عن طريق مراية السيارة الامامية ماسك بيده مسباح الحجر فيه كبير وغريب ولما رفعت المرايا على وجهه تخيلو عينه البيضاء صارت حمراء وكانت تناظرني وعينه الثانيه اللي هي السودة كانت تناظر المسباح وقال لي اشفيك تناظرني ليش ماتناظر قدامك لاتسوي فينا حادث ترى انا ماني بايع نفسي مثلك وراي عيال ينتظروني انا وقتها قلبي طب في بطني وعرفت ان هالشايب مو طبيعي شكله جن مو انس وقلت له غريبه ياعم اشلون قبل دقايق لما وقفت عندك وسالتك مارديت علي ليش مارديت علي كنت احسبك اخرص في البدايه .. المهم ياشباب تخيلو وش كان رده رده خلاني اخاف خوف عمري ماخفته بحياتي كان رده يقول انا متعمد اني مااتكلم لما كنت برى السيارة قلت ليش متعمد قال لاني لو تكلمت راح تنحاش عني واجلس لحالي قلت اشلون مافهمت قال لان صوتي وانا برى يخرع بس اذا دخلت السيارة يصير طبيعي لاني وانا بالسيارة اخذ شوية من صوتك انا في هاللحظه سميت قريت المعوذات باعلى صوتي وانا اطالع قدام للطريق وانا باعلى صوتي اسمي واقرى المعوذات وكنت اسمع صوت غريب خلفي يقول لا لا لا يابوك لا يابوك وراي عيال ينتظروني انا جايب لهم هدايه لا لا تكفى وانا ماابالي لكلامه وظليت اقرى المعوذات لين وصلت وسط مدينه الرياض وقفت عند فندق بودل وفتحت باب السيارة الخلفي لقيت كراسي السيارة الخلفيه كلها مااااااااااء وسميت وقريت المعوذات ورحت للفندق ونمت 4 ساعات ورحت للمغسلة علشان يغسلون السيارة كلها من داخل ومن برى ولما خلصت السيارة رحت خلصت شغلي ورجعت للفندق ونمت 7 ساعات وعقبها رجعت للدمام....

وهذا كل القصه واتمنى انها تحوز على اعجابكم ..

<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
تسلمين يابنت القبايل
ومشكورة على مروووووووورك

__________________________________________________ __________

<h3>>>>> الرد الثاني :
اكيد مايحتاج عقب هالمرة توبه ومشكور على مروووووورك وله وشوق

__________________________________________________ __________

<h3>>>>> الرد الثالث :
كل قصصك تخووف ليش بس ابي اعرف

انتبه على حالك ياقلبووو ربي يحفظك من كل شر قوول (( امين ))


__________________________________________________ __________

<h3>>>>> الرد الرابع :
امين امين مشكورة يامفحطه بعربية بندة على مرورك وتسلمين ياقلبو

__________________________________________________ __________

<h3>>>>> الرد الخامس :
انتبه لنفسك الدنيا ما لها امان

ومشكوووور