عنوان الموضوع : احبك كثر ماصوتك يخبلني وادمنته .. رواية سعوديه
مقدم من طرف منتديات الضمير العربي

هذي روايهـ عجبتني وحبيت تقروها معاااي ان شالله تعجبكم ..


السلام عليكم ورحمة الله وبركاته..
حبيت أنــزل أول روايــهــ لي ..
وان شالله أشووف تفااعل على قد تعبي بهالرواايه..
الروايه أجتمااعيه وفيها شوية جراءه أكثر ماتتكلم عن البنات ومغامراتهم أتمنى أن تنال أعجابكم ..
هذي الروايه جلست أكتب فيها لمدة سنتين وكاانت من أجمل أيامي تعبت فيها والحين نزلتها وأتمنى أن أي أحد ينقلها ماينسى يذكر اسمي ومااارااح أسامح اللي ينسبها لأحد غيري ..

روايهـ/أحبكـ كثر ماصوتكـ يخدرنيـ وأدمنتهـ..
للكاتبهـ/ياحظكـ أحبكـ فيـ خطاكـ..
أنا اللي لك زرع قلبه غرام وانبتت ورده
قطفها لك وقدمها هدية قلبه الموعود
ياليت أحساسك المرهف يمد الورد في يده
بحس ان الامل ينوي لدنيا فرحتي بيعود
تعال نعيش فرحتنا ونوقف للجفا ضده
حرام تعاند أحلامك وقلبك عني ترده
أجيلك بالوله وألقى طريقك بالجفا مسدود
اذا ضاقت بك الدنيا أنا عنتني بشده
واكيد اني على حبك تراني يالغلا محسود
تعال نعيش فرحتنا ونوقف للجفا ضده
ندور عالمن ثاني غدا مابيننا مفقود
وعدنا الحب بالفرحه ولاحدن وفى بوعده
ووعد الحر في قلبك وفي قلبي ترا موجود
أحبك كلمتن ظلت شفاهالحب من مده
نست حتى ابتسامتنا وضحكات العيون السود
عسى ربك يجمعنا وننسى الهم ونصده
نعيش أيامنا الحلوه بلا هجر وجفا وصدود
نبدأ بالشخصيااات
(ابو محمد)عبد الرجمن >>الجد الكبير متوفي من أربع سنوات متزوج (ام محمد)نهى وعندهم ثلاث أولاد (محمد-ابراهيم-سامي)وبنتين(ليلى-نوف)
1/ابو بدر (محمد) عمره 48 سنه متزوج (أمل) عمرها 45 سنه وعندهم :
1/بدر عمره 26(وسيم وطويل وعريض رزه موظف في شركة العايله) متزوج رشاء بنت عمه سااامي من سنه
2/ندى عمرها 23(الكل يمدح جمالها بيضاء نحيفه متوسطه الطول دكتورة أطفال)
3/باسل عمره 21 (نحيف طويل البنات متخبلات عليه أجتماعي كثير خفيف دم ثالث سنه بالجامعه)
4/أسيل عمرها 18(كل حرمه تتمنها الولدها جمالها لايوصف شعرها أسود حرير وطوله متوسط أجتماعيه وتدرس ثالث ثنوي)
5/عمر عمره 16( فيه شبه كبير من بدر ويدرس اول ثنوي)
6/شادن عمرها 14(نحيفه وطولها مناسب لجسمها حلوه بيضاء ثاني متوسط)
وساكنين عنده امه وأخته نوف عمرها 24(عيونها كبار وكحيله وهي ملكة جمال رشيقه وشعرها قصير )
2/أبو فهد (أبرهيم)عمره 47 سنه متزوج(ساره) عمرها 45 سنه وعندهم:
1/فهد عمره 25( وسيم لأخر حد نحيف وطويل أسمر عدساته عسلي وشعر كدش وموظف في الشركه)
2/نايف عمره 23(عريض وطويل أسمر وبصفه عامه حلو بس مو زي فهد مهندس))
3/ود عمرها 21(شبه نوف يعني حلوه ثالث سنه بالجامعه)
4/التوأم ترف و رهف أعمارهم 18 (يشبهوا بعض كثير شعورهم سودا وقصيره رشيقات ويدرسوا ثالث ثنوي)
5/غزل عمرها 14(تشبه فهد تدرس ثاني متوسط)
3/أبو فراس (سامي) عمره 46 متزوج(شيماء تطلع أخت ساره زوجة أبراهيم) 43 سنه وعندهم:
1/رشاء عمرها 24(قمحيه شفايفها وردي عيونها عسلي نحيفه وقصيره ) متزوجه بدر ولد عمها محمد وهي الحين حامل
2/فراس عمره20(ابيض وشفايفه ورديه شعره كدش حلو بصفه عامه ثاني سنه بالجامعه يدرس هندسه)
/3خالد عمره 18 ( أسمر حلو مره فلاوي ثالث ثنوي)
4/وائل عمره 16(نسخه من فراس ويدرس اول ثنوي)
4/أختهم (ليلى) عمرها 43 سنه متزوجه ولد خالتها (عادل يطلع أخو ساره وشيماء)أبو أحمد عمره 46 سنه وعندهم :
1/أحمد عمره 23(ابيض نحيف طويل رزه مهندس)
2/ريان عمره 20(متوسط في طوله وعرضه قمحي شعره ناعم فلاوي ثاني سنه بالجامعه يدرس علم نفس وكاشف الكل)
3/مي عمرها 18( بيضاء نحيفه متوسطه في طولها شعرها كدش حلوه كثير ثالث ثنوي)
4/نواف عمره 16(جسمه حلو شكله حلو شخصيته حلوه يعني حلو في حلو أول ثنوي)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،

الــــــبــــــــــــــــــــــارت الاولـــــــــــــــــــــــــ ...


محمد وابراهيم و سامي ساكنين في الرياااض اما ليلى ساكنه في الدمام


اليوم الكل متجمع في بيت ابو بدر علشان خطبة بنته ندى على ولد عمها فهد
راح ابو بدر علشان ياخذ رأي بنته دق باب غرفة ندى
ندى/ تفضل
ابو بدر/كيف حالك اليوم
ندى سلمت على راس أبوها
ندى/بخير يا أحلى أبو في الدنيا
ابو بدر/كل هذا لي
ندى/تستاهل أكثر
ابو بدر/ندى انتي كبرتي والبنت مصيرها تتزوج وتروح بيت زوجها واليوم عمك أبراهيم خطبك
لولده فهد وأنا قلت لهم لابد أخذ رايك شقلتي يابنيتي
ندى بأبتساامه /رايي من رايكم والي تشوفونه خير لي سووه
ابو بدر /ماراح نلقى أحسن من فهد لك يابنيتي لا في دينه ولا في وظيفته ومن غير كذا هو ولد عمك راح يحطك في عيونه
أبتسمت ندى وبارك لها ابوها وطلع يبشرهم
سمعت ندى صوت التهليلات من أمها وخلاتها وجدتها والكل فرحان لخطبة أحلى ثنائي
دخل ابو بدر عند الرجال
ابو فهد/بشر يابو بدر
ابو بدر/والله البنت ماراح تلقى أحسن من ولد عمها وهي موافقه الحمد لله
قام فهد سلم على راس أبوه واعمامه وهو طاير من الفرحه
قاموا اعيال عمه سلموا عليه وباركوا له
بدر/ من قدك يا فهد والله وصرت عريس
فهد بهمس/ابي اشوفها
بدر بنفس الهمس/مافيه شوفه الا في الملكه
ابو فهد/متى تبغى الملكه يابو بدر
فهد/الخميس الجاي
ابو فهد/أعقل يا فهد انا اكلم عمك مأكلمك انت
ابو بدر حب يلعب بأعصاب فهد/مولازم ملكه شرايك زواج على طول
نايف/اي والله أحسن ايش رايك يا بوي السنه الجايه نملك سوى علشان التكاليف تكون مره وحده
فهد/لاتتكلم انت انا ابغى الوحدي علشان الطله تكون لي
باسل/تكفى يا الطله عروسه انت
نايف/هههههههههه
ابو بدر/ايش فيكم عليه خلوا العريس يستانس وان شالله تكون الملكه بعد اسبوعين ايش رايك يا ابو فهد
ابو فهد/الي تشوفه خذوا المده الي تكفيكم
ابو بدر/الله يجزاك خير ياخوي
عند البنات
في غرفة ندى دق الباب
ندى/تفضل
اسيل/الف مبروك ندوشه
ندى /الله يبارك فيك وعقبالك
اسيل/ندى والله البيت مو حلو بدونك
ندى/حتى انا مومتصوره اني اتركم
دخلوا نوف ورشاء
نوف/مبروك ياعروسه
ندى/الله يبارك فيك
رشاء/مبروك
ندى/الله يبارك فيكم
رشاء/بتروحين وتخلينا
ندى/المره مالها الا بيت زوجها
اسيل تغمز/وين الي الحين ماتقدر تتركنا
ندى/وشبغى فيكم يكفيني فهد
نوف/والله ياحظك يافهد عندك حرمه مثل ندى تحبك
دخلت شادن وباست ندى
شادن /مبروك يا أحلى أخت
ندى /الله يبارك فيك حبيبتي
شادن/ندوشه ماما وخالاتي وجدتي يقولون لك انزلي
ندى/من عيوني الحين نازله
نزلوا البنات والكل بارك الـ ندى وفهد
.................................................. ..................................

من البكره في بيت ابو بدر كان الكل متجمع حول الطاوله للفطور ما عدا الجده نهى
ابو بدر/ وين أمي يا اسماء
ام بدر/شكلها نايمه ماصحت
شادن/أروح اصحيها بابا
ابو بدر/فيك خير يا بنيتي روحي شوفي جدتك
شادن /ان شاءالله بابا
راحت شادن غرفة جدتها دقت الباب مره وثنتين لكن ماسمعت رد خافت على جدتها
فتحت الباب لقتها متمدده على السرير
شادن/جده قومي الساعه عشر
نهى/......................
شادن/فيك شي جده تحسين بشي
نهى/..........................
خافت شادن ونادت أبوها
وبعد ساعه كان الكل متجمع في المستشفى
نوف ميته خوف على أمها وكانت مكونه أمطار غزيره من الدموع
شيماء وترف ومي يحاولون يهدونها
اسماء و ساره وشيماء والبنات خايفين كثير على جدتهم
طلع الدكتور من غرفة نهى***
ابو بدر /بشر يا دكتور كيف الوالده
الدكتور/الوالده مافيها الى كل خير
ابو فراس/ايش الي كان فيها؟
الدكتور/كان عندها هبوط في السكر
ابو فراس/ايش سببه؟
الدكتور/هذا شي طبعي يصيب اي مريض باالسكر
ابو فهد/الله يبشرك با الخير
راح ابو فراس يبشر الحريم وقال لهم ان امه راح تجلس للعصر علشان ينتظرون المغذيه تخلص
ويطمنون عليها وليلى جاات من الدمام وجلست عند امها اما الباقي تجمعوا في بيت ابو بدر

.................................................. ........................

الشباب كانوا في مجلس الرجال والبنات في الصاله
جلسوا البنات يسولفون دق جوال نوف
نوف/الو
باسل/هلا شخبارك

نوف/بكامل قواي العقليه والفكريه والجسديه
باسل/الحمدلله
نوف/شخبارك انت
باسل/بكامل قواي العقليه والفكريه والجسديه
نوف/بهذي السرعه حفظت
باسل/طالع عليك
نوف/انت لا ماظن
باسل/هذي مجرد مجامله ولاأنا واحد ومفيش مني تاني
نوف/ومن متى انقلبت مصري يا حظرت الباشا
باسل/خليك من الفلسفه وتعالي في المجلس خسرتيني وما بينا الا خطوتين
نوف/وليه أجيكم؟
باسل/تعالي وتعرفي
نوف/ok
باسل/باي
نوف/بيات
دخلت نوف المجلس وسلمت على الكل والكل تحمد لها بسلامة امها
نايف/نوف احنا بنسوي حفله لسلامة جدتي
نوف/ايه فكره حلوه حتى ترف أقترحت الفكره علينا
عمر/يعني الافكار متشابهه
نوف/بس مافيه وقت
بدر/اذا قمنا من الحين معانا وقت
نوف/وأحنا ايش مطلوب منا؟
ريان/احنا بنقوم بكل شي راح نطلع الكنبات في الحديقه ونحجز المقبلات والعشاء والحلى
والمشروبات وراح نهتم بالأضاءه يعني من ألى علينا أنتوا كل الي نبغاه منكم تنفذون طلباتنا
نوف/اها طيب انتم لاتلفون ولا تدورون قولوا من البدايه تبغون تتخدمون بنا
خالد/معاش مين يتخدم بكم بس ريان قصده الخدمات البسيطه مثل المويه والعصيرات
باسل/ولا تنسون نبغاكم تصورون الحديقه بعد ما نخلص
نوف/مدام كذا ok
فهد/يالله نوف قومي قولي لهم بس ندى قولي لها لاتعب نفسها ولا تسوي ولا شي
نوف/بدري عليك لسى حتى ما ملكتوا وقمت توصي عليها
بدر/وحتى رشاء ما اوصيك عليها
نوف/وانا مافيه أحد يوصي عليه
نواف/أذا انخطبتي تلقين مين يوصي عليك
فراس/تامرين أمر الحين اكلم رشاء أقول لها يوفرون لك جميع وسائل الراحه
نوف/يابعد عمري يا فراس انت أكثر واحد أعزك وما احد يخطب لك غيري
احمد/ليت أنا الي تكلمت
نوف/ماراح اخطب الا الفراس وانتم يالله قوموا على شغلكم
راحت نوف والشباب قاموا
00000000000000000000000000000000000000000000000
عند البنات الكل قام وتحمسوا وعلى العصر كانوا الشباب مخلصين كل شي
البنات لبسوا الطرح وطلعوا عند الشباب
بدر/أسيل روحي جيبي مويه وهاتي الكميرا معاك
أسيل/ok
ترف/أنا طالعه معك اسيل
أسيل/أنتي روحي هاتي الكميرا وانا بجيب المويه
طلعت ترف فوق راحت غرفة أسيل دورت الكميرا مالقتهاونزلت تسأل أسيل
ترف/أسيل وينها مالقيتها
أسيل/ايوه صح أخرمره كانت مع باسل روحي دوريها في غرفته
ترف/لا روحي أنتي الحين يدخل عليه
أسيل/لا ماظن لأنه منسجم مع أحمد
ترف/انا بروح بس ياويلك لو يشوفني أفتش في غرفته
أسيل/عادي أخوي رومانسي لأبعد حد يسوي معك فلم هندي
ترف/وانا رومانسيه بعد
أسيل/ يالله روحي
طلعت ترف فتحت الغرفه وشغلت ألأنوار فتحت درج الكمودينه مالقتها لكن لفت أنتباهها
دفتر لون أبيض مغلف بقماش شامواه وفيه قلوب حمراء


انتهى البارت

توقعاتعكم ؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
طيب وين باقي الردود؟

__________________________________________________ __________

>>>> الرد الثاني :
عزيزتي
انت منزله اليوم روايه قبل هذي
متى تكملينها ؟

ارجو منك التقيد بالقوانين واكمال الروايات حسب القوانين

https://v.3bir.net/128316/

__________________________________________________ __________

>>>> الرد الثالث :
بس رواية لمى بشقة شباب منقولة وهذي مو منقوله

__________________________________________________ __________

>>>> الرد الرابع :
طيب عزيزتي
يعني هذي الروايه لك
زين متابعينك استمري
موفقه

__________________________________________________ __________

>>>> الرد الخامس :
الله يوفقك واعذريني لاني ما قريت شروط الروايات