عنوان الموضوع : رواية يا حظي فيك يوم اختاروك لي للكاتبة:ملاك’, رواية جميلة
مقدم من طرف منتديات الضمير العربي

البارت الاول

*
*
*

قبل ستة سنوات...بالشركة الضخمة الكبيرة التي يندهش كل من رآها ... لفخامة شكلها ولكبر حجمها دخل شخص بعمر الثلاثينات كان واضح من هيئته أنه متواضع وحالته المادية صعبه وكان ممسك بيديه طفله بملامح بريئة بيضاء وقصيرة الطول...دخل إلى الشركة وذهب إلى مكتب السكرتير...
...:لو سمحت ممكن تطلب من المدير اني اشوفه
...:اسف بس هو الحين مشغول
...:انا داري انه مشغول قول له حاتم ال... يبيك وصدقني بيترك كل شغله عشان يدخلني لاني ابيه بموضوع ضروري
... لاحظ السكرتير ملامح الشخص واصراره على الدخول فقرر محادثة المدير فتح التليفون:طال عمرك...يبيك واحد اسمه حاتم ال... بموضوع ضروري
سعد:دخله...
دخل الاب ممسك بإيدي ابنته فتح الباب بهدوء ودخل
سعد:تفضل اجلس..
حاتم:خليني ادخل بالموضوع من دون مقدمات (وبنبرة حزن)تذكر لما صدمت زوجتي من دون قصد وقلت لي اطلب الي ابيه عشان أسامحك
سعد الكبير بالعمر بالاربعينات نظر بحاتم بحزن:ايه الله يرحمها
حاتم:ابيك تاخذ بنتي وتعتبرها من بناتك
سعد بإبتسامة:انشاءالله يا حاتم ولا يهمك
حاتم نزل لمستوا بنته هديل وبإبتسامة ألم:هدوولتي يا بنتي روحي عند البابا سعد وانا بروح
هديل البالغة من العمر 12 سنة :طيب انت وين بتروح مابي اجلس معاه لحالي
حاتم بكذب:لا تخافي برجع لك
هديل ببكاء ودموع:باابااااا لا تروووووح
مسكها سسعد ومشي حاتم بسرعه
هديل بصراخ:باااااااابااااا اهى اهى لا تروووووووووووح
وبعد مرور ستة سنوات وبالقصر ابو خالد اولا نعرفكم بالعايلة
ابو خالد (سعد) انسان طييوب وحنون مراا على عياله وما يفرق بينهم العمر 49
ام خالد (بسمه) حنووونه على عيالها وطيوووبه حييل العمر 48
خالد انسان حااد الطباع ويحب المزح بس بحدود ووقت الجد يكون جد ومعضل شوي ووسيييم درجة اولى دايما البنات يطلبون رقمه هو ما يرقم بنات و لما يكون عصبي يكون انسان ثاني وكلمته تمشي وطويل القامة والعمر 25 كان يدرس براا بس حاليا يشتغل بأول سنة له بالشركة
فتون طييووووبة حيييل وذكية درجة اولى بالدراسة جميلة الشكل شعرها طويل بني غامق واقرب وحده لها هديل عمرها 18 بثالث ثانوي
هديل طيبة وجميلة الشكل وشعرها كيرلي بني مو فاتح مراا ولا غامق مراا متوسط ناعم وقصيرة وملامحها بريئة وعنييييدة و عيونها كثيفة الرموش وكحيلة وتتغطى عن خالد بالحجاب اذا جا وقت يتجمعون فيه العايلة تلبس لبس حجاب بوجود خالد ومن دونه لا وعمرها 18 بثالث ثانوي
**
أشرقت شمس الرياض بصباح جديد مليء بالحياوية والنشاط...بغرفة هديل كانت ترتب شعرها وربطته ذيل حصان ... ولبست العباية وحذاء تومس رمادي ومسكت شنطتها ونزلت تحت
هديل بصوت عالي:فتووووووون فتووون
فتون وهي تنزل الدرج:هاااا
هديل :يلا نطلع
فتون:انتظري باقي في وقت خليني افطر شوي
هديل:افطري بالمدرسة مابي اتأخر
فتون:هذا طبعك ما تحبين تفطرين بالبيت بس ليش وش عندك تبي تروحين بدري
هديل:لا ما عندي شيء بس خلينا من المبكرون على قولت عمر حسين ههههه
فتون:مالت عليك غصبن عنك بتنتظريني بروح افطر عالسريع وارجعلك
هديل وضعت الغطا بوجهها وركبت ورا السايق
فتون بسرعه ركض للسيارة:اووف انتي وينك توقعتك مشيتي عني
هديل:كنت بسويها بس خفت اخذ تهزيئة محترمة من الوالد
فتون:هههههه أيي خليك كذا شطورة تسمعي الكلام
**
خالد استيقظ من النوم على المنبه وفتح الجوال وشاف الساعه 7 ونص قام اخذ شور عالسريع ولبس الثوب وراح للتسريحة يعدل شكله بالشماغ وبعدها نزل تحت وراح لغرفة الطعام الواسعه تصميمها فرنسي فتح الكرسي واخذ قطعه من البان كيك واخذ الصوص ورش فوقها وبدأ يقطع بالشوكة وياكل بهدوء مع الشاي وبعدها ... اخذ منديل ومسح يده وفمه ومشي متوجه للسيارته تشارجر البيضا وتوجه لشغله... بالشركة وصل لمكتبه وجلس بالكرسي واتصل على السكرتير
خالد:جيب لي عرض شركة ال... الي كلمتني عنه امس
....:حاضريا طويل العمر
اغلق الهاتف ورجع لشغله
.**
بالمدرسة الاهلية الكبيرة الواااسعه بالفسحه كانوا يمشون هديل وفتون مع بعض كانوا يسولفون ويضحكون جاتهم بنت عم فتون أسماء
أسماء مدت يدها لفتون:اهلين فتون
فتون صافحتها:اهلا وسهلا
ومدت يدها هديل وصافحتها بقرف منها:فتون امم انا ابي اكلمك بموضوع ضروري اذا ممكن هديل ممكن تروحي لمكان ثاني (وناظرتها من فوق وتحت بغرور)
هديل ناظرتها بأنه ما يهمها شي وراحت لشلة بنات تسولف وياهم
فتون:نعم خير وش فيه
أسماء:انتي تعرفين اني احب خالد حااولي تقنعينه انه يكلمني لانك تعرفين اني زوجته المستقبليه
فتون بملل :بس الموضوع ما تأكد لانه ماما لسا ما سألت خالد لما تتخرجي بتسأله وانشاءالله يكون إختيار ماما لك كزوجة لخالد اختيار صحيح
أسماء:كويس دام الامور ماشية تمام بباي
وراحت وانتبهت هديل لها ورجعت لفتون:هاذي البنت افففف اكرهااا مادري على ايش شايفه نفسها نفسي اعطيها بوكس تتأدب ولا لا بوكس قليلة بحقها
فتون:عاااد شنسوي لازم نتحملها تعرفين هي بنت عمي ولازم احترمها والله انا احترمها عشان ابوي وعمي ولا هي ما تستاهل الاحترام
هديل:المهم وش كانت تبي منك
فتون ما تبي تقولها عن خالد لانه هديل تحب خالد ومحد يدري بهالموضوع غير امها وهي وزجة عمها وبنت عمها وفتون ما خبرت هديل لانه ما تبيها تزعل:ولا شيء تعرفينها تكرهك وهي مصلحجية معي جالسه تسولف معي
هديل:افف منها الحمدالله والشكر يلا خلينا نروح الفصل رن الجرس
فتون:يلا
**
نعرفكم بعايلة العم محمد
ابو راكان (محمد) يدلع بنااااته بزيادة وما همه غير الشركة والفلوس العمر 50
ام راكان (افنان)ما تهتم لعيالها ابداا وكل تفكيرها بأخر موضة وزيارات مع حريم كل اسبوع العمر 47
راكان كل حياته بنات وطلعاات واستراحات وشرب وسييم الشكل معضل مراا كل مرة بالاسبوع يروح نادي رياضي برونزي البشرة بس مع كل هذا الا انه في طيبة محفورة بقلبه العمر 24
وئام فرفووووشة ودمها خفيف حييييل وبشرتها برونزي مثل اخوها العمر 20 بثاني جامعه مخطوبه من ولد تاجر معرووف بتعرفونه مع الاحداث وقفت دراسة من طلب من خطيبها
أسماء حقووودة على هديل لانها اجمل منها وخاايفه من هديل انها تاخذ خالد بما انهم بنفس البيت ساكنين وكل تفكيرها تتزوج خالد مو لانها تحبه لانه تحب الفلوس ولوسامة خالد بنت متوسطة الجمال بشرتها برونزي فيها شبه من اختها بس اختها اجمل منها العمر 18 بثالث ثانوي
**
بالقصر دخلوا هديل وفتون وكانت ام خالد تنزل من الدرج:هلا بالبنوتات يلا روحوا غيروا ملابسكم عشان الحين الغدا بيحطونه
فتون وهديل :انشاءالله
طلعوا لفوق بسرعه ودخلت هديل لغرفتها ولبست بنطلون سكيني اسود وفوقه بلوزه طويله حمرا والكم طويل وحجاب ابيض ولبست صندل مافيه كعب ونزلت تحت وشافتها فتون ونزلت معاها
فتون:وش هالكشخة يا هديل طالعه تجنني
هديل:انا اصلا دايما كشخة هههه
فتون:هههه ايه
دخل ابو خالد وخالد
ابو خالد:السلام عليكم...
الكل:وعليكم السلام ورحمة...
وبدأو ياكلوا وابو خالد يسولف مع ام خالد عن الشغل وخالد مفهي كانت عينه على هديل بس ما كان يفكر فيها كان تفكيره بشغله وهديل توقعته يناظرها استحت فحطت عينها بالصحن وتاكل بهدوء
ابوخالد:هديل كيفك وكيف المدرسة معاك
هديل رفعت عينها من الصحن:الحمدالله بخير يبا
ابوخالد:انتي الحين بأخر سنة لك بالمدرسة صح
هديل بإبتسامه:ايه
ابوخالد:ايه كنت بكلمك بموضوع مهم بس خلاص خليها لم تتخرجي ويصير خير
هديل:انشاءالله
فتون تسوي نفسها زعلانه:وانا ماني بنتك تسأل عني؟
ابوخالد ضحك من صوتها الطفولي:ههههه توني كنت بسألك بس انتي قاطعتيني كيف الدراسة معك
فتون بإبتسامه:تمام بخير
خالد قام :يلا استأذن تسلم يدك يالغالية جد الاكل حلوو
ام خالد:بالعافية عليك يا ولدي
**
خالد طلع لغرفته غير ملابسه ولبس تيشرت ابيض لاكوست وبنطلون جينزازرق وناظر نفسه بالمرايه وبعدها لبس نظاراته الشمسية وتوجه نازل من الدرج شاف بالغلط هديل من دون حجاب ولاول مرا يشوف شعرها الكيرلي كانت بالمطبخ تقطع الفواكه وكان باب المطبخ مفتوح كانت تضحك مع فتوون وتقطع تأمل وجهها البريئ وابتسم من غير شعور لملامحها وابتسامتها وتوجه مسرع لسيارته وراح لبيت عمه محمد اتصل على راكان
خالد:يلا انا برااا انتظرك
راكان طلع من بيته وركب جنب خالد
خالد:بدري
راكان:ترا ما طولت كلها دقيقة وحده
خالد:لا ساعه هههه
راكان:ايه بشرني عن اخر اخبارك
خالد:الحمدالله بخير وانت
راكان:ماشي الحال...ايه فهد عازمنا اليوم بالليل على استراحة فيها بنات بتجي
خالد:راكان كم مرا ااقولك خلي هالاشياء لنفسك وانا لا تكلمني فيها
راكان:مع اني اعرف جوابك بس قلت اجرب يمكن تغير رايك
خالد:لا لا تحاااول ... ايه ها وصلنا للمقهى يلا انزل
نزلوا وجلسوا بالطاولة كالعادة الي دايما يجلسون فيها مع الربع ويلعبون ورق
**
مر الاسبوع وباقي اسبوعين على الاختبارات النهائية وبنهاية الاسبوع الاول يوم الخميس ملكة وئام وخطيبها احمد
كانت الملكة عائلية لعائلة احمد ووئام القرايب القريبين فقط ببيت ابو محمد كانت وئام جالسه بغرفتها تمكيجها الكوفيرا والبنات حولها
هديل:مبرووك وئااامووو
وئام:الله يبارك فيك حبيبتي
فتون:مبروك وئام الله يتمم لك على خير
وئام:الله يبارك فيك حبيبتي تسلمووون بنااات
اسماء اخذت من راكان الكتاب عشان وئام توقع ودخلت لغرفة وئام واعطتها القلم
وئام:بسم الله (ووقعت واعطت الكتاب لاسماء والبنات صفقوا البنات وجوو ام احمد وام وئام سلمت عليهم )

ام راكان:يلا وئام روحي احمد ينتظرك بالمجلس الثاني الاول فيه الضيوف
وئام قامت مرتجفه وخايفه ونزلت تحت ووصلت للمجلس وما كان فيه احد دخلت وجلست وجاء احمد دخل ومجرد ما دخل نزلت عيونها بالارض احمد ابتسم لشكلها وراح جلس جنبها
احمد بإبتسامة:مبرووك حبيبتي
وئام وهي على نفس وضعيتها:الله يبارك فيك
احمد رفع راسها بيده:فديييت الي يستحون
وئام وجهها حمر من كلمته وما قالت شي وصارت عينها بعينه
احمد قرب وباس خدها ووئام وجههها صاار الواان
احمد:يالبى هالخدود الحمرا وبجدية:وئام خليك معاي على طبيعتك لا تستحين وبمزح:اذا انتي كذا اجل وش بتسوين بالزواج هههههه
احمد:اخباارك ؟
وئام:الحمدالله تمام وانت ؟
احمد:بخير بشوفتك يا حياتي
وئام استحت ومرت ثواني ساكتين
وئام قامت بتطلع مسكها من زندها ورجعها لمكانها:مافي طلعة حتى تعطيني بوسة
وئام:احممد الله يخليك ابي اطلع
احمد أشر على خده:لاا اعطيني بوسة
اعطته بوسه بخده عالسريع وركضت لغرفتها وعدلت نفسها
احمد:فدييتك يا وئام جد امي احسنت الاختيار
قام وراح للمجلس الرجال والكل يبارك له
عند وئام كانت غرفتها فاضية عدلت نفسها عند المرايه وبعدها راحت للمجلس الي فيه الحريم
سلمت عليهم وباركوا لها وجلست جنب هديل وفتون
هديل بخبث:وش صار بينكم
وئام فهمت قصدها واحمر وجهها:ولا شيء بس سألنني عن احوالي وبعدها قمت وجيت هنا
فتون بعدم تصديق:بس!!!
وئام:ايه بس هذا الي صار
هديل ابتسمت بمكر:ما صارت حركات نص كم بينكم اعترفي
وئام:خلاص اسكتوا وجعتو راسي وش هالقافه الي فيكم طيب بقولكم بعدين الحين مو رايقه لكم
فتون:كفووو يا هديل خليتيها تعترف ههههه
هديل:ههههه
أسماء بلقافه حشرت نفسها بين هديل واختها:وش صار وش تتكلمون فيه
وئام:ولا شيء
**
عدا اليوم على خير وبدأ الكل يذاكر للإمتحانات باليوم الي بعده بعد مرور ثلاثة اسابيع من المذاكرة والاختبارات انتهت يوم الاربعاء ودعوا بعض بوداع حار ورجعوا هديل وفتون من المدرسة ودخلوا القصر وكل وحده لغرفتها اخذت هديل شور عالسريع ولبست سكيني كحلي وبلوزة طويلة ميكي ماوس بيضا الكم مو مرااا طويل وسط ولبست حجاب اسود ولبست الصندل الي نفسه تلبسه كل يوم ونزلت بالدرج وراحت غرفة الطعام وشافت فتون موجودة وجلست جنبها
ام خالد:هاا وش سويتوا انشاءالله ما جبتوا العيد
فتون:لا الحمدالله كل الامور تماام
هديل:ايه الحمدالله
ام خالد:ايش فيكم ساكتين وكأنه مات احد
فتون:تعرفين يما اليوم اخر يوم بالمدرسة وودعنا البنات وبنشتاق لهم
هديل:ايه بيوحشووووني البنات مراا
دخلوا خالد وابوه وجلسوا طبعا بعد ما سلموا وبعد سواليف عن الشغل واسئلة ابو خالد للبنات كالعادة عن احوالهم
ابوخالد قام:هديل بعد ما تخلصي غدا تعالي لمكتبي ابيك بموضوع مهم
هديل قامت:انشاءالله
وراحت غسلت ايدها وتوجهت للمكتب ...
انتهى البارت




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
البارت السادس

راح فهد للمطبخ طلع كوبين والكوب الثاني حط حبة تخليها انسانة ثانية وتخليها تسوي اشياء غلط ومو بوعيها توجه للمكتب وجلس بالطاولة واعطاها العصيربإبتسامة خبث:تفصلي
اخذتها منه وبدأت تشرب شوي شوي وقامت وقام معها فهد وإبتسامة خبث كبيرة بوجهو قربت منه وبدأ بنزع ملابسها ودخلها غرفة نوم واتسدحت فوق السرير وهو جا فوقها و.........
**
بعمارة فخمة بشقة مفروشة شكلها راقي وكل من مر بخارج العمارة التفت ليرى شكل العمارة لشدة فخامتها ملفته للإنتباه...جالسه بالصالة بالكنبة وجالسه تقطع فواكه بالسكين وتتفرج على التلفزيون جاء احمد من وراها وغمض عيونها وقال برومانسية:انااا ميين
وئام بإبتسامة:اممم احمد اكييد
احمد نزع يده عنها واعطاها بوسة بخدها:يا زيييين اسمي على لسانك
وئام بإبتسامة:تسلم حبيبي
وئام حست نفسها بتستفرغ راحت للحمام (وانتو بكرامة)واستفرغت وغسلت بالمويه وطلعت وهي ماسكة بطنها
احمد بخوف قام وراح عندها:وئام وشفيك
وئام شالت يدها عن بطنها:ما فيني شيء اظن انه لاعت كبدي وأستفرغت
احمد بشك:اكييد بس انا حاس انه فيك شيء وهاذي مو اول مراا تصير معك البسي عباتك انا بالسيارة
وئام كانت بترد بس احمد ما عطاها مجال لبست عباتها وراحت للسيارة جنبه وتوجهو للمستشفى ودخلت وئام على طبيبة نسائية وسوت التحاليل وطلعت
الدكتورة:انشاءالله بس نص ساعة او ساعة بالكثير وتطلع التحاليل
وئام:اوكي الحين اقدر اطلع
الدكتورة:لا يفضل انك تنتظري
وئام:يس زوجي براا ينتظر
الدكتور:طيب الحين بدخله
الدكتور قامت وطلعت براا الغرفة وشافت شخص يروح ويجي وقالت له:انت احمد ال... زوج وئام ال....
احمد بخوف:ايه وشفيها وئام
الدكتورة:مافيها الا كل خير تفضل ادخل معي
اتبعها احمد للغرفة ومرت نص ساعة والصمت مستولي المكان جات الممرضة ومعها اوراق التحاليل اخذتها الدكتور وفتحتها وابتسمت:انتي حامل مبرووك
وئام ما استوعبت:جدددد يا دكتورة اكييد تمزحي
احمد نط من الفرحة ووئام وقفت احمد ضمها:مبرووك حبيبتي بتصيري ام وانا بصير اب يا سلاااااام
وئام تبكي من الفرحة ابعدت عنه وهي منحرجة من الدكتورة:الله يبارك فيك
وطلعوا لشقتهم..
**
بلندن بالليل الساعة 8 بغرفة هديل كانت تلبس جاكيتها والشوز ولفت الحجاب على وجهها وفتحت الباب بهدوء ومشيت شوي شوي وطلعت براا بالحديقة البيت وكان فيه مراجيح وراحت وجلست على وحده فيهم..
عند خالد متفاجأ من ظهور ندى المفاجئ وجالس بغرفته يفكر وبعدها قام وتوجه لغرفة هديل وفتح الباب بهدوء...وعينه تدور بكل الغرفة وبعدها نزل تحت بسرعه ودخل المطبخ وما شافها موجودة وراح الصالة وبرضوا مو موجودة خاف عليها وطلع براا شافها معطيه ظهرها له وهي تلعب بالمراجيح ابتسم لشكلها الطفولي وتوجه لها وجلس بالمرجيحة الي جنبها هديل ما اتفاجأت لوجوده ولا اهتمت ولا كأنه موجود
خالد ببرود:وش جالسه تسوين بهالوقت المتأخر
هديل ناظرت فيه ببرود:اشم هوا ربي..نسيت اسألك متى راجعين للرياض
خالد:المفروض نهاية هالاسبوع بس انا حجزت بعد يومين
هديل:غريبه ليش
خالد:لاني مو طايق هالبلد فيها اشياء تضايقني وتذكرني بالماضي
هديل:اظن اذا ما غلطت انك كنت تدرس هنا
خالد:ايه
قاطعهم صوت جوال خالد السكرتير:هلا طال عمرك عرفنا مين المجهول الي ارسلك رسالة
خالد قام وبعد عن هديل:مين!!
السكرتير:فهد ال....
خالد:ابيك ترسل بودي قارد تدورونه واذا لقيتوه احبسوه بغرفة
السكرتير:حاضر يا طويل العمر شيء ثاني
خالد:لا مع السلامة
هديل استغربت من بعده عنه وملامح وجهو المنقلبة للعصبية ابعدت نظرها عنه لما جاء بيجلس قامت
خالد:وين رايحة
هديل بسخرية:رايحة للمريخ وش رايك يعني بروح انام
كانت بتبعد عنه بس خالد مسكها من كتفها وببرود:بس كلامي ما خلص معاك
هديل بنظرات تحدي:وش عندك ليكون بتتكلم عن موضوع شرفي
خالد يبادلها بنظرات التحدي قربها وفجأة حظنها و غمض عينه وهو ساكت هديل مستغربة وقلبها يدق بقوة انصدمت من حركته وكانت بتقول شيء بس قاطعها:اصصص
وجاء شخص فتح باب الحديقة وهو ماسك المسدس بإيده و......
بمكان قريب منهم بالشقة من الطبقة المخملية الراقية....بالصالة تشوف فلم وتفكر بخالد خايفه ولد عمها يسويلوا شي جاتها صديقتها
رحاب:ندى ندى ردي علي
ندى انتبهت لها:هاا
رحاب:خلاص لا تفكري فيه صار وانتهى
ندى:بس خااايفه عليه خاايفه فيصل يسويله شيء
رحاب بإطمنان:لا انشاءالله ما بيسوي شيء
ندى:رحااب انا تعبتك معاي هذا وانتي حامل مابي اكون ثفل عليك اكثر من كذا بدبر نفسي
رحاب:أي تعب الله يهديك انا عايشه لحالي وانتي ونستيني بجيتك معاي اوعديني ما تعيدي هالكلام
رحاب زوجها مات بحادث قبل سنة وهي الحين حامل بالشهور الاخيرة
ندى ابتسمت:وعد
**
بالرياض

بنصف الليل استيقظت من النوم بفزع لترى نفسها بشكل يصعب وصفه اخذت الغطاء ووجدت ملابسها بالارض وبسرعه ارتدتها وكانت ستذهب لكن اوقفها صوت فهد...
انتهى البارت

__________________________________________________ __________

>>>> الرد الثاني :
البارت الثالث - الجزء الاول

*
*
*
*
*
اشرقت الرياض صباح كان صباح اجازة واقترب زواج وئام واحمد وزواجهم نهاية هذا الاسبوع بالقصر ابو خالد بغرفة هديل حطت مكياج خفيف ولبست بلوزة نص كم عليها صورة ارنب ولون البلوزة بنفسجي وبننطلون اسود وتركت شعرها الكيرلي منسدل ومفرود ونزلت لتحت وكانت تمشي وهي تناقز مثل الارنب وشافتها فتون
فتون:ههههههههه وشفيك صايرة مثل الارنب هههههه
هديل:الحريييه حاااسه اني حره ههههه
فتون:ايه والله لاحظت صرتي حرة لانك زوجة خالد
هديل تضايقت لما جابت سيرة خالد والتفتت لها انا بروح الحديقة بتمشى تجين معاي
فتون:لا وئاام الخبلة تبي تقولي الساالفه الي صارت بينها وبين احمد توها تذكرت بروح اكلمها ورارجعلك
هديل:اوكي
وراحت للحديقة تتمشى ودخل خالد وشافها جالسه هناك بعيده عنه اول مراا يشوفها بهالمنظر اقترب منها وقال ببرود:اشووفك صايرة ناطة بكل مكان بالبيت
هديل التفتت له وبحدة:ايه بكيفيي عندك مشكلة ولا لا تقول عشان صرت زوجتك وتبيني استأذن وين ما اروح بالبيت
خالد:ايه استأذني عندك مشكلة
هديل:ايه عندي مشكلة ليش تتدخل فيني دامك ما تبيني زوجة لك
خالد تذكر كلام امس وابتسم بسخرية:أعتقد انه كلام امس مأثر عليك
هديل:انت شخص مغرور مدري على ايش شايف نفسك
خالد جلس جنبها بالحديقه وضغط على يدها بقوة:انتبهي لكلامك احسن لك
هديل تحاول تسحب يدها بس و مانعها:اااااي اترك يدي اتركهاااا
خالد تركها:على فكرة جيت اقولك بإنه زواجنا بعد اسبوعين جهزي نفسك
هديل ناظرته بكره وحقد:بس اسبوعين ما تكفيني
خالد قام من الكرسي:الا تكفيك وغصبن عنك فاهمة
وراح متوجه لغرفته
هديل:مالت عليه حسبي الله ونعم الوكيل
**
ببيت ام محمد المتواضع بغرفة وئام
وئام:احمد لازم اسكر امي لو شافتني اكلمك بتسحب جوالي
احمد:ليش انا زوجك
وئام:بس زواجنا قرييب ما يصير تكلمني عشان تشتاق لي على قولت ماما
احمد:طيب حبيبتي انتبهي لروحك مع السلامة
وئام:سي يو
**
اسماء اتصلت على نفس الشخص
...:هلا اسووم
اسماء:نفذت الي قلتلك عليه
....:ايه سويت كل شيء بس متى أي يوم بالضبط ننفذ الخطة
أسماء:قرييب لما يجي يوم زواجهم بنفس اليوم تسوي الخطة فهمت
....:ايه ادري بس متى
أسماء:بعد اسبوعين
...:ابشري باللي تبينه باااي حيااتي
اسماء:باااي
اغلقت الجوال (بتشوفين شي ما شفتيه بحياتك يا هديلووه والله ما اخليك تتهني بحياتك طول ما انا عايشة )
**
بنصف الليل في مكان اشخاص يتبعون الشهوات ... بالاستراحة كانوا في حفلة واصوات المووسيقى ورقص البنات واالشباب كان بينهم راكان بس ما كان معهم كان جالس بزاوية بعيدة شوي جالس يدخن جاته بنت تتميع بمشيتها...
...:راكان وشفييك جالس لحالك هنا
راكان:ما فيني شيء بس مابي اسمع الموسيقى لانها تصدع راسي
....:طيب تجي معاي بالغرفة
راكان يلعب بالسيجارة بأصابعه:لا مابي ولا بعد اليوم اسوي هالاشياء
....:بسم الله عليك وشفيك تغيرت امس قايلي انك تبي تجي معاي وش صار
راكان:ما صار شيء بس مالي نفس مابي غير اجلس لحالي ومابي احد حولي
...:طيب حبيبي لو فيك شيء قولي
راكان:انا مو حبيبك و(بسخرية)تعرفين الزبالة
البنت بغباء:ايه وشفيها
راكان:انتي ابشع واوصخ منها
البنت عصبت وبعدت عنه
قام راكان وتوجه لسيارته وتوجه لبيته
**
بغرفة الطعام الكل يتعشى وبعدها قاموا الكل الا خالد وهديل وهديل كانت بتقوم
خالد:اجلسي ابي اقولك شيء
هديل بملل:نعم خيير وش تبي
خالد بحدة:عدلي اسلوبك لا اعطيك كف
هديل لا ما بعدله
وقامت من الطاولة وكانت بتطلع من الغرفة بس خالد مسكها بيدينه ولصقها بالجدار وانفاسه صارت تختلط مع انفاسها :هدييييييل لو ما عدلتي اسلوبك بوريك شيء ما شفتيه بحياتك
هديل خافت من قربه لها بس ما بينت:خالد بعد عني
خالد:واذا ما بعدت وش بتسوي
هديل تحاول تفك يدها منه بس ما نفع وبعدها خالد بعد عنها وتركها وراح لغرفته
هديل:سخيييييييف
قامت تركض بسرعه لغرفة فتون
هديل:ليه رحتي وتركتيني
فتون:اااا.... الصراحة خالد أشر لي بعيونه عشان بيكلمك بموضوع
هديل:حتى ولو المفروض تنتظريني
فتون بفضول:وش صار
هديل:ولا شيء
**
مر اسبوع وبنهاية هذا الاسبوع يوم الخميس زواج وئام واحمد بغرفة المكياج
فتون:ريلااكس يا وام ريلاااكس استرخي اتطمني كل شيء بخير
وئام:بس والله خاايفه
هديل:مافي شيء يخووف هي زفة عادية كلها خطوات وتوصلي للكوشة وابتسمي وانتي تمشي
اسماء جات مسرعه:وئام ماما تقول يلا الحين انزفي
فتون وهديل طلعوا للقاعه وانحطت موسيقى ومشيت عليها وئام حتى وصلت للكوشة وهي مبتسمة
فتون وهديل:الف الصلاة والسلام عليك يا حبيب الله محمد كلللللويش
وبعدها طلبو منهم يتغطون عشان العريس بيدخل
احمد دخل ومشية عادية مو زفة ووقفت وئام وباس راسها ولفوا لجهة التصوير مبتسمين ووئام متوترة وقلبها يدق بقوووة من الخوف والتوتر ومسك ايدها احمد وانزفوا ودخلوا الغرفة الفندق
احمد بجراءة:حبيبتي تسمحيلي اليوم ألمسك
وئام استحت لدرجة ما تكلمت وبعدها نطقت بصعوبة:لا حموود بعدين لما نسافر الحين مابي
احمد:براحتك
وراحت اخذت شور ولبست قميص نوم وردي فاتح طويل من اكمام وحطت راسها عالمخدة ونامت واحمد ابتسم على شكلها وانسدح بالسرير واخذها لحضنه ونام ...
**
بالقاعة الزواج
فتون:اممم هدييل
هديل التفتت عليها:هلا
فتون:السيارة ما تكفي لانه خالتي وبنتها بيجون معنا فأنتي كلمت خالد عشان يجي ياخذك
هديل:ايييش مابي اركب وياااه لحالي تجين معاي او تروحين وياه وانا مع سيارتنا
فتون:بس هو زوجك مو غريب عليك
فتون اخذت حبه من وردات الحفل ومدتها لهديل:خذيها واعطيها لخالد صدقيني بيفرح
هديل:ههههههههاي خخالد بيفرح هههههه لا لا قوووية صراااحة انتي الي اعطي له انا مستحييل
فتون:مالت عليك وعلى وجهك الشرهة مو عليك الشرهة على اللي يفكر يساعدك
جاء خالد وسيارة السواق قدامه
طلعوا البنات من القاعه
وهديل بتقهر خالد راحت سيارة السواق وركبت وراه خالد انقهر من حركتها طلع من السيارة وفتح الباب ومسكها من كتفها وقومها ودخلها جنبه
هديل:ليه انشاءالله ماخذني
خالد:انا كم مرا اقولك انو لازم نثبت للعالم انو احنا مع بعض
هديل بسخرية:ههههههه مع بعض اجل
خالد بحدة:احذرك للمرة الاخيرة لو استهزأتي او قلتي كلمة خلتني اتنرفز بتشوفي شي مو طييب
هديل خافت من صوته الي يدل بإنه معصب وممكن يضرب من دون ما يحس فألتزمت الصمت طول الطريق وخالد حس بأنتصار فأبتسم من غير شعور وهديل ما لاحظت ابتسامته ولا اهتمت غير الطريق من بيته لمكان ثاني هنا هديل خاافت
هديل:خاالد وين رايحين
خالد:اممم بعدين تعرفي
هديل خاييفه وطول الطريق ساكتين وصلو للبحر
خالد أشر بأصبعه للبحر:شفتي هالبحر
هديل تناظره وكل علامات التعجب بوجهها
خالد:هذا المكان لما اكون متضايق اروح له
هديل بسخرية غير مباشرة:واااو شيء حلوووو
خالد فهمها انها تستهزأ بس طنش عشان ما تنفجر اعصابه
خالد:تبين ننزل
هديل:لا ظلاام وحر ورطوبة خلينا بالسيارة احسن
خالد بإبتسامة:اوكيه براحتك
هديل(اول مرا يكون حنون وعفوي ياليته كذا دايما )
خالد:هدييل هديل
هديل كانت مفهية:هاا
خالد:وين رحتي
هديل:بعالمي الخاص
خالد بضحكة من قلب:ههههه أي عالم الله يهديك
وبعدها شغل السيارة وتوجهو للبيت وبعد ما قفل السيارة نزلت وركض لغرفتها باقي اسبوع على زواجهم وبهالاسبوع فتون وهديل رايحين من سوق الى سوق عشان الاغراض الزواج وبعد مرور اسبوع من التعب جاء يوم المنتظر والزواج بيكون ببيت ابو خالد لانه كبير ووسيع ومناسب بالغرفة ملاك الكبيرة الواسعه فيها الكوفيرات يسوون شعر لفتون وملاك واسماء مو معاهم مع ام خالد وام محمد بكوفيرا خارجية ووئام مسافرة بشهر العسل
فتون وهي ماسكة الجوال تقرأ مسج من الواتس اب والتفتت لهديل:هديل وئام تسلم عليييك وتقووول مبروك علييك والله يسعدك
هديل بمزح:قوليلها ببيفوتك اليووم خليها تندم لانها ما جات ههههه لا امزح امزح
فتون:هههه بعد ايش خلاص ارسلت
هديل:يالدووبه ليه ترسليلها
فتون:هههه هي تدري انك تمزحي لا تشيلي هم
هديل:ايه الحمدالله
وبعد ما خلصت من المكياج والتسريحة لبست الفستان كان ماسك من فوق ومنفوش من تحت طبعا لونه ابيض وتاج فوق راسها ملفوف عليه الطرحه البيضا وطلعوا الكوفيرات بعد ما خلصوا
فتون:وااااو شكلك جماااااااال وتحفففه يا هديل والله صاااايره اميرة من الاميرات
هديل ابتسمت:يحق لي مين قدي ههههه
جوو المصورات واخذت فتون صورة مع هديل
فتون:هديل يلا انا طاالعه للمجلس االي فوق خليك هنا عشان خالد بيجي يتصور معاك
وجا خالد ناظر في هديل بنظرات طوييله بإعجاب بشكلها وفجأة صار عادي وكأنه مو مهتم لشكلها وقرب واقف جنبها طبعا في فرق بالطووول هدييل قصيرة وخالد طوييل وبدأت المصورة تطلب منهم حركات خالد ما يبي يخلي هديل تحس انه يبي يسوي هالحركات فا يسوي نفسه مجبور وهو من داخله سعيييد مرااا باللي يصير وبعد تصوير لمدة نص ساعة جات فتون لهم عشان تخبرهم ينزفوا الحين وأغلقوا كل الانوار وخلو لمبه عند كوشة ولمبة وهم يمشووو تمشي معهم وأسماء مبتسمة ابتسامة غريبة حتى فتون مستغربة بس ما اهتمت
جلست هديل عالكوشة وبعدها خالد وبعدها همس بأذنها:كلميني بأذني عشان يحسبونا نقول كلام غزل وما يشكوا فينا
هديل:وش اقول
خالد:أي شيء يخطر ببالك
هديل جات ببالها فكرة وابتسمت للناس وقالت بأذنه:تدري انك سخييف
خالد:وتدرين انك تافهة
جات ام خالد:مبروووك ولدي منه المال ومنكم العيال
خالد باس رااس امه:الله يبارك فيك
وجات هديل باست راس ام خالد
ام خالد:بوخالد يبيكم قداام القاعة ينتظركم براا
طلعوا وكان ابو خالد برا ولمن شافهم باس راسه خالد وباست راسه هديل
ابو خالد:مبروووك يا بنتي ويا ولدي الله يسهل عليكم طريقكم وتوصلوا بالسلامة
خالد بإستغراب:ليش بنسافر
ابو خالد:ايه وخذوا هاذي التذاكر للندن يلا رحلة سعيدة مع السلامة
خالد:بس ... ما اعطا له مجال يتكلم لانه راح ركبوا ورا السواق ووصلوا المطار وشافوا الشنط مجهزة من فتون جهزتها سوتها مفاجأة هي وابوخالد ونزلوا من السيارة وهديل ساكته تمشي وهي ساكته
ركبوا الطيارة بصمت وهديل جلست جهة النافذة وخالد جنبها اقلعت الطيارة وبدأت ترتفع عن الارض حتى صارت متوازنة فوق وجابوا الاكل لهم ووصلوا للندن ونزلوا الركاب من الطائرة وكان خالد ماسك يده بهديل وكل ما تسحبها يرجع يمسكها وما يبي يتكلم عشان ما ينفضح قدام العالم ووصلوا للبيت الخاص بأبوخالد بلندن اننبهرت هديل بالمنظر كان رااقي مرااا تصميم تحفه كان المكان مثل المتحف تصميمه وااضح من هيئته انه للناس الاثرياء دخلت وهي تتأمل الحديقه الوااسعه والنافورة والمويه الي تترشرش لفوق وتنزل لتحت كان منظر خيالي وممتع التأمل فيه وجوو خدامات بيريطانيات رئيستهم سورية
لانا:اهلا وسهلا استاز خالد كيفك ومين هالحلوة الي معك
خالد ابتسم لها بأدب:الحمدالله بخير وهاذي زوجتي
لانا:اوووه اختياارك صحيح يا استاز مراا حللووووه زووجتك
خالد:تسلمي لانا اطلبي لنا من المطبخ فطور
لانه جاء الصباح لما وصلو
هديل راحت لفوق وخالد لحقها:انتظري انتظرري لويين رايحة حضرة جنابك
هديل:لأي غرفة بعيدة عنك
خالد:تعالي الحقيني
مشي وراح لغرفة متوسطة الحجم وفيها سرير لشخص واحد وشكلها رااقي والوانها هاادية:هاذي غرفتك
هديل دخلت ودخلت شنطتها الكبيرة والصغيرة معها وكان خالد بيدخل الا قفلت الباب بوجهوو
خالد:هي انتي ما خلص كلامي معك
هديل ما ردت عليه سفهته وجلست ترتب ملابسها بالدولاب
وتوجه خالد لغرفته وفتح جواله الي كان مقفل وشاف رقم غريب فتح الرسالة
خالد انتبه ترا هديل تخونك كانت على علاقة بشاب وعندي صورها معه وكانت تنام معاه و###### ####
خالد انصدم وعينه تبقق بالشاشة وارسل:مين انت
دقيقة ورد:فاعل خير
وخالد كان فاااير دمه عالاخر ومعصب وجهووو احمر من العصبية و.....
انتهى الجزء الاول

__________________________________________________ __________

>>>> الرد الثالث :
البارت الثالث – الجزء الثاني

وخالد كان فااااير دمه عالاخر ومعصب وجهوو احمر من العصبية وركض لغرفة هديل ودق الباب بأقوى ما عنده لدرجة هديل خافت تناظ الباب من الخوف
خالد بعصبية:افتحيييي البااااب افتحييييييي
هديل وهي ترتجف خايفه من صوته الي كأنه وحش مفترس بياكلها وقربت وهي ترتجف وهي تفتح الباب بالمفتاح فتحته وخالد فتحه بقوة ومسكها بشعرها بقوة:تخووونينييي يا هديييل تخووني زوجك
هديل خااايفه ترتجف من شكله اول مرة تشوفه كذا ومن زود الخووف مو عارفه تقول شي او تنطق كلمة تدافع فيها عن نفسها كأنه لسانها انربط وخالد رماها بقوة عالسرير وطلع وقفل الباب عليها :ااااااااااااه الله لا يساااااااااااامحك يا خالد اكررررررهك اااااااااه ماااااااااما ليش رحتي وتركتيني ليش رووووحتي ااااااااه باباااااا انا حااسه فيك انت ما مت متأكده انت عاااايش
ويمر عليها شريط الذكريات لما ابوها تركها عند سعد وراح عنها
وتصيح وتصرخ وتكسر الابجورة بالجدار وتشاهق وتصرخ حتى فتحت الشنطة واخذت قارورة موية وبنادول ونامت ...
**
عند خالد يحاول يتصل بالرقم المجهول ما يرد عليه واتصل على سكرتيره بالشركة
....:تفضل طال عمرك
خالد بهدوء:ابيك تسجل رقم عندك وتدور مين يكون صاحب هالرقم وتجيب لي اسمه كامل
...:حاضر تفضل وش الرقم
خالد:#####0569
واغلق جواله ورماه بالسرير (انت منت متأكد يا خالد من انها فعلا بنت او لا لا تظلمها لا تظلمها)حس بتأنيب الضمير بس ما حس بالندم لانه يشوف انه من حقه اذا عرف عن كلام مثل كذا عنها يضربها ويسوي الي يبي فيها قرر يتأكد بنفسه بس بكرة تكون هدأت اندق باب غرفته
خالد:تفضل
لانا وهي ماسكه التبسي فيه الصينية الفول مع الخبز والشطة:تفضل استاز
خالد:امم لانا انا الحين مو مشتهي خلي بوقت ثاني
لانا:ليش اكلي مو طيب
خالد:لا لا بس راح الجووع
لانا:اوككي براحتك بس ازا بدك شيء اتصل فيني طيب والمدام
خالد:انشاءالله لا حتى هي ما تبي
لانا:اهاا طيب يلا استأذن
طلعت بأدب مع الاكل للمطبخ..
**
بمملكتنا السعودية ببمنزل العم محمد بنصف الليل بغرفة أسماء الكئيبة...كانت تنتظر اتصالا من فهد الشخص الي كلمته لتنفيذ خطتها الخبيثة مرت ثواني قليلة...حتى وجدت شاشة الجوال منورة بإسم فهد اجابت بسرعه ومن دون مقدمات:هلا فهد هاا بشر وش صار
فهد:كل شيء ماشي تمام وخالد عرف عن زوجته انها خاينة ايه كان مصر اني ارد وش اقوله
أسماء :ارسله الصور هديل الي ركبتها
فهد:اوكي حبيبتي يلا ببااي
أسماء:بااي
**
وبنفس الوقت بإستراحة جالس بزاويته ويتفنن بالعب بالسيجارات جا عنده تركي صاحب الاستراحة
تركي اخذ من السيجارة:خلاص خلاص كم حبه اخذت وشفيك متغير كذا
راكان:ابد ما فيني شيء بس احس بالذنب
تركي بإستغراب:تحس بالذنب!!! شيء غرييب
راكان:ايه ابوي لاهي بأشغاله ما يهتم فينا وامي نفس الشيء والحمدالله وئام تزوجت وماهي انسانه خبيثة كويسة بس خايف على مصير أسماء ومصيري انا
تركي:طيب وش تفكر تسوي
راكان:ولا شيء مخي فااضي
تركي ربت بكتف راكان بخفه وقام متجه للغرفة الي فيها البنات:عيش حياتك على طبيعتك
راكان قام وطلع من الاستراحة وضغط زر المفتاح اشتغلت وفتح الباب ووضع المفتاح عالسيارة وراح متوجه لمكان بعيد يفكر مع نفسه حتى يرجع خالد من السفر
**
باالقصر جالسه فتون تتابع فلم كوميدي وكل دقيقة تضحك مع الفلم وبعدها طفشت واغلقت التفلزيون...وتوجهت للمسبح الي في الجهة الثانية من القصر وجلست قدامه تتأمل المنظر ورن جوالها (وئام يتصل بك ) ردت بإبتسامة:يا هلا بالعروسة كيف اوربا معاكي
وئام:الحمدالله وانتي كيف الجو البري عندكم ؟
فتون:جووو بري هههه لا جهنم استغفر الله
وئام:طيب وشفيك كأنك مالك خلق لاحد وصايرة وحييدة
فتون:ايه صح كلامك جد انتي اكثر وحده تفهمني من بعد هديل سافرت مع خالد وانا وحيييدة
وئام:عندي مفاجأة لكي
فتون تحب المفاجأت وبفضوول:وش هي
وئام:بعد يومين راجعه
فتون نطت:وناااااسه وناااسه والله حيييل اشتقت لك يالدوبه
وئام:وانا بعد كثيير مشتاقه لك يلا بقفل احمد يناديني
فتون:طيب يلا باااي
وئام:بااي
**
اشرقت الشمس الرياض يوم مشمس حاار لكن بلندن معتدل خالد قام من النوم وتوضا وصلا وراح يفتح الباب لهديل يشوف وضعها كانت نايمة مثل الملاك البريئ بس لاحظ انه وجهها مصفر قرب ومسك وجهها شافوا حاار ضربها خفيف بوجهها عشان تصحى ما صحيت ولبسها حجاب وجزمة بسرعه وهو كان لابس بس كان ناقصه حزمة لبسها بسرعه وشالها بيدينه الاثنين ودخلها ورا بالسيارة ورجع قداام وتوجه للمستشفى...
انتهى الجزء الثاني من البارت الثالث

__________________________________________________ __________

>>>> الرد الرابع :
البارت الرابع

فرنسا- باريس
بالفندق بغرفة وئام واحمد ..كانت وئام ترتب الاغراض واحمد يساعدها
احمد:وئام الشنط كلها كاملة اتأكدي مافي شيء نناقص
وئام:ايه كل شيء ماشي تمام
احمد:اجل يلا نروح المطار
**
بمكان بعيد ومهجور كان هناك شخص عمره بنهاية الاربعين عايش بشقة صغيرة عايش على قد حاله ... هيأته تدل على انه فقير كان مريض بمرض لا علاج له عرضوا الاطباء عليه العلاج لكنه رفض... اتت زوجته اليه ومعها كوب ماء شرب منه رجفه وبعدها لم يكمل ليس لانه تشبع من الماء بل حتى يكفي لاهل البيت الماء اتت طفلة صغيرة ابنته جاءت مبتسمة له
وبصوت طفولي ناعم:بابا متى بيروح المرض انت كل يوم تعبان
والزوجة تحاول ان تبين لابنتها ان والدها سيتعافى ويرجع طبيعي كانت تدمع عينها كل ما رأت زوجها بهذا الحال ...
**

بالاستراحة ذهب راكان الى هناك كالعادة ليدخن بزوايته المعتادة جاءت اليه فتاة تبكي بكاء يقطع القلب فأستغرب راكان
.....:راكاان اسمعني بقول شيء مهم
راكان:قولي أسمعك
......:انا حامل منك
راكان وكأن ماء بارد انكب بوجهو وبحدة:انتي نصاابه اكييد نصاااابه كذاااابه
.....وبصوت بكاء:لا يا راكان انا ما اكذب انت الشخص الوحيد الي لمستني
راكان ببرود:مافي شيء يثبت
البنت تتكلم وشهقاتها تتعالى اكثر فأكثر:وديني المتسشفى وسوي فحص ال d n a عشان تتأكد انه هذا ولدك
راكان:لا تبيني انفضح قدام الناس
البنت:طيب قولي بسوي الي تبيه بس صدقني انه الي ببطني ولد
راكان قرب منها ومسكها بكتفها بقوة:لا ماني مصدقك كيف تبيني اصدق وحده خانت اهلها وشرفها
البنت تبكي بحرقة دم:راكان احلف لك بالله انه هذا ولدك
راكان تركها وطلع معصب لسيارته كان يقود بجنوووون بسرعه رهيبه دخلت سرعته ال210 بعدها هدا السرعة ووقف بطرف الطريق وكان يضغط بوري بجنوون
**
بلندن – بالمستشفى
كان ينتظر برا يروح ويجي حتى جا الدكتور>>>هم بيتكلمون انجليزي بس الترجمة بالعربية الفصحى
خالد:ماذا حدث يا دكتور هل هي بخير؟
الدكتور:نعم بخير أغمى عليها لان ضغطها انخفض لانها لم تأكل شيئا
خالد:والحل يا دكتور
الدكتور:يجب ان تهتم بأكلها للطعام لكن لا تقلق هي بخير
خالد:جيد هل استطيح الدخول إليها
الدكتور:نعم تفضل..
دخل وشاف شكلها البريئ اقترب منها وبهدوء رجع شعرها على ورا لانه كان مغطي وجهها وضبط الحجاب لانه كان مكشوف شوي من شعرها ...
وكان فيه كرسي جنب السرير جلس فيه
**
ببيت العم محمد بغرفة أسماء تحديدا...اتصل عليها فهد وردت
أسماء:هااا سويت الي قلت عليه
فهد:اممم اذا قلت ايه فأنا اكذب
أسماء:طيب لييش
فهد:لكل شيء مقابل تبيني ارسله الصور لازم يكون فيه مقابل
أسماء:وش المقابل الي تبيه
فهد:أشوفك
أسماء:وليش يعني
فهد:انتي قلتي انك تكرهي هديل وتبي تخربي حياتها أظن انه ماله علاقة اكيد بإنك تبي خالد
أسماء بكذب عشان ينفذ خطتها:ايه
فهد:وانا حبيبك صح كلامي ولا غلط
أسماء بكذب:صح
فهد:داام كذا ابي اشوفك
أسماء:اوكي بس بمكان عام
فهد:لا تبين الهيئة يمسكونا خلينا نشوف بعض بإستراحة
أسماء:هااا انت منجدك
فهد:ايه واذا ما جيتي مو بس ما بنفذ الخطة راح اعترف لخالد بكل شيء سويتيه
أسماء بعصبية:حقييييييير كلببببب
فهد:هههههههههه خلصتي سبك وافقتي على العرض ولا لا
أسماء:بس مافي شيء يثبت اني كلمتك
فهد:تحسبيني غبي ترا مسجل صوتك من اول محادثة بيننا
أسماء خافت:طيب انت بس بتشوفني ما بتسوي فيني شيء صح
فهد:ايه يا حبيبتي ما بسوي شيء يلا اخذي العنوان########
أسماء:اوكي يلا باي
فهد:بااايات قلبووو
**
بلندن بمكان بعيد بحديقة تملأها الزهور والورود...فتحت جوالها واتصلت على اول رقم عندها وهو الرقم الوحيد بعد 4 اتصالات رد
خالد:هلا مين معاي
...:لا صوت مجرد انفاس فقط
خالد:الوووو في احد
... بلعت ريقها وأردفت:ااا...خا..لد
خالد:نعم مين
...:لا رد
خالد عصب:الووووووووو مين معااي
... واخيرا نطقت بصعوبه:م..موو للازم تعرف...اناا أش ..تقت ..لك حييل وحبيت..أسمع..صو..تك
خالد:مين انتي ومن وين تعرفيني
... أغلقت الجوال وكانت تبكي وتبكي بإنهيار تام تمنت يعود بها الزمن حتى تصلح أخطائها مع خالد
انتهى البارت

__________________________________________________ __________

>>>> الرد الخامس :
البارت الخامس
استيقظت من النوم والقت نظرة كاملة على الغرفة ووجدت خالد نائم على الكرسي بجانبها اعتدلت بجلستها ونزعت الغطاء عنها وصارت تمشي بخطوات هادئة حتى لا يسمع خالد صوت خطواتها بالمشي ذهبت إلى الحمام غسلت وجهها وبعدها كانت ستفتح الباب لم تنتبه للشخص خلفها الذي يراقبها بصمت واغلق الباب قبل ان تفتحه التفتت وراءها
خالد:وشفيك كنتي بتهربي لوين انشاءالله
هديل بنظرات تحدي:لجهنم انشاءالله مالك علاقة فيني
خالد بسخرية:هههه ضحكتيني وانا مابي اضحك يلا امشي قدامي على البيت
هديل التزمت الصمت ومشيت وهو وراها وشافت حديقة قريبة من بيتهم بحكم انه المستشفى قريب من البيت راحوا مشي تأملت بالمنظر لثواني وبعدها غيرت نظرها للبيت
كانت هناك امرأة تراقب خالد من بعيد بهذه الحديقة وخالد انتبه لها واستغرب وملامح وجهها ليست غريبة عنه توقع انه شبه عليها ودخل بمجرد ما دخلت هديل للبيت
خالد:هديل
سفهته وجات بتحط رجلها عالدرج بتطلع فوق مسكها من كتفها:لما اكلمك تردي علي فاهمة
هديل:لا مو فاهمة علمني (وبعصبيه)خلاص خلاص مليت من هالعيشة كل شوي تشكك فيني انت انت كيف تقول عني خاااينة طيب خلينا نفترض اني خنتك مو قلت اني مو زوجتك انك تزوجتني غصب
خالد اعطاها كف رجعها لورا طاحت بالدرج قامت وكانت بتبكي بس مسكت نفسها عشان ما تبين له انها ضعيفة وخاايفه ركضت جري لغرفتها وكانت بتقفل الباب بس ما لقت مفاتيح الغرفة فأغلقت الباب بقوة وجلست تبكي
خالد انصدم من حركته بس برضوا ما ندم لانه هي فرضت نفسها انها خاينته وشاف انه من حقه يضربها اخذ جكيته لانه الجو بدأ يبرد وطلع لبرا يشم هوا بنفس الحديقة ووجد نفس البنت تراقبه وتراقب تحركاته راح عندها وواضح من ملامحها انها سعودية فقال:عفواا! لو سمحتي انتي مضيعة بوجهي شيء
.... :لا
خالد انتبه لملامحها بدااا مو غريبة وقال:ندى
ندى انقلبت ملامحها الهادية الى ملامح حزن وقالت:ايه ندى رجعت لك يا خالد
خالد بهدوء وسط استغرابه:ليه تركتيني يا ندى بأخر سنة بالجامعة
ندى بدأت الدموع تنزل:والله غصب عني والله انا...
قاطعها بنبرة تحسر:بس خلاااااص لا تكملي ليه توك جايه عندي
ندى بصوت محزن:خالد اسمعني من الاول وصدقني لو كنت بمكاني بتسوي نفس الشيء
خالد:مابي اسمع شيء خلااااص انا تزوجت اتركيني بحالي ولا تقربي من زوجتي
ندى بصدمة:ت..تزز..وجت
خالد ببرود:ايه ويلا فمان الله
راح عنها وما درا عن الشخص الي يراقبه من بعيد ماسك بيده مسدس اول ماراح توجه لعندها
....:واخيييرا لقيتك وش جالسه تسوي مع حبيب القلب
ندى وقفت بتهرب ركضت وهو يركض وراهاا
...:هييييييين يا ندى راح امسكك وبوريك حساب عسييير
ركضت وتخالطت مع الناس ودخلت محل للملابس وتنهدت تنهيدة راحة بعد ما خلصت منه
**
بالشركة بغرفة ابو خالد دق عليه السكرتير الباب
ابوخالد:تفضل..
احمد:طال عمرك في شركة تبي تسوي عقد بينها وبين شركتنا وتبي موافقتك
ابوخالد:وش اسم الشركة
احمد:شركة هادي ال....
ابوخالد:اممم قول لهم بنفكر
احمد:اظن يابوخالد لو توافق يكون احسن لانه فقدنا خسااير لانه البضاييع تنباع بقلة بالسوق
ابوخالد:طيب بفكر
**
بالمطار وصلو وئام واحمد وجوو البودي قارد حق احمد اخذوا الشنط وحطوها بالسيارة ودخلت وئام وراا واحمد جنبها
وئام:احمد ممكن اروح بيت اهلي
احمد:طيب بس لا تتأخرين عشان تسلمين على اهلي
وئام:ليه انت ما بتنزل معي
احمد:لا عندي شغل لما اجي اخذك بسلم على اهلك
وئام:انشاءالله
وصلوا ووئام نزلت واخذت شنطة الهدايا ودخلت للبيت
اول ما شافت امها باست راسها وضمتها:هلا بنتي كيفك شخبارك؟
وئام:الحمدالله وانتي ياالغالية
ام راكان:بخير بشوفتك
نزلت اسماء بالدرج وهي لابسة العباية واول ما شافت وئام جات عندها وكأنه عادي يعني مو كأنها توها راجعه من سفر سلمت عليها ببرود
أسماء:يمه السواق براا صح
ام راكان:ايه انتي وين رايحة
أسماء تدور لها على كذبه:ااا...بروح بيت صاحبتي
ام راكان:طيب لا تتأخري
أسماء دخلت السيارة وطلبت من السواق يتوجه لبيت صاحبتها سوت نفسها تدق الجرس وراح السواق وبسرعه اتصلت على فهد واعطته العنوان عشان يجي ياخذها
**
بالقصر بالصالة الي فوق متسدحة بالكنب تقلب بين القنوات بملل جاء اتصال من وئام ردت بسرعه
وئام:يلا اطلبي من الخدامات يفتحون الباب
فتون:جيتيييي
وئام:ايوووة يلا بسرعه
فتون اغلقت الجوال واتصلت للخدامه تفتح الباب دخلت وهي ماسكة كيس الهدايا
اول ما شافتها فتون حضنتها:اااه وحشتييييييينيييييي يالدوووبه
وئام:وانتي اكثر
دخلوا للصالون الي فوق وسلمت على ام خالد ودخلو للصالة وجلسوا بالكنب
فتون:ايه وش سويتوا
وئام:رحنا ديزني لاند مرااا كاان احلى شيء بالسفره هاذي
فتون:زيين وش صار بعد
وئام:بس ما صار شيء
فتون بخبث:طيب صار شيء بينكم وانتي فاهمة قصدي
وئام احمرت خدودها:ايه مرة وحده
فتون بصوت مضحك:يالبى الي يستحون
وئام رمت المخده بوجهها:انقلعي
فتون:هههههه
وئام طلعت علبتين من كيس الهدايا :اخذي هاذي لك ولهديل
فتون:شكراااا تعبتي نفسك
وئام:أي تعب تستاهلون لانه ما سوينا لكم حفل تخرج
كانت الهدية عبارة عن كورة حجمها وسط لما تهزيها يصير ثلج ابيض وبالنص برج ايفل باريس
**
بلندن بغرفة هديل اخذت جوالها من الشنطة وجلست تلعب فن رن وطفشت وفتحت الواتس اب تكلم فتون
**
بمكان قريب كانت بالشقه خائفة جاءت اليها صديقتها وهي ممسكة بإيديها صحن من الطعام:ندى خلاص اهدي قلت لك كم مرة لا تطلعين من البيت لانه بيلاحقك وهو الحين مراقبك
ندى:اففف منه لمتى بيلاحقني
قصة ندى كانت تدرس برا بلندن وخالد كان يدرس معها وبدأ خالد ينعجب فيها وصارت علاقه صدااقه قوية بينهم حتى تحولت لحب بس اهل ندى غصبوها على الزواج بولد عمها بليلة الملكة هربت بمساعدة من صديقتها للندن وولد عمها مستمر يلاحقها ويراقب تحركاتها وكل هذا صار بأخر سنة له بالجامعه وخلاص نسي حبه لندى ..
**
بالاستراحة دخلت أسماء وفهد وما كانت خايفه كان الوضع عندها عادي وشكل الاستراحة كان مقرف يدل على انه صاحبها يستخدم مخدرات وخمر
ودخلها غرفة بمكتب :اجلس هنا بروح شوي وبرجع
وطلع وشغل الكاميرا ورجع لها:اكشفي وجهك
كشفته والوضع عندها عادي:هااا وشوفت شكلي يلا برجع البيت
وجات بتقوم بس فهد مسكها وجلسها بالكرسي:انتظري شوي بروح اجيب عصير اشربيه وبعدها ارجعي البيت اعتبريه ضيافه مني
أسماء:اوكيه
راح فهد للمطبخ طلع كوبين والكوب الثاني حط فيه حبة تخليها انسانة ثانية و....
انتهى البارت