السلام عليكم خواتي
عمري ما اتخيلت اقول لكم ادعولي بشيء ... بس هالمرة مالي غير دعاءكم ,,,
احس قلبي بينفجر ,, من امس ما نمت ,, تعبانة صدق ,,
إنا لله وإنا إليه راجعون ,,
اللهم آجرنا في مصيبتنا واخلفنا خيرا منها
بنات عندي اخت معرسة من سنة ,, شهر 11 اللي طاف ... والحين هي
حامل في الشهر السادس
امس خبرتني إنها سوت اشعة تلفزيونية ,, وطلع الجنين عنده تضخم في الراس والعمود الفقري ماله أطول من المعدل المعتاد لجنين عمره 6 شهور ,,
هي حامل ببنت ,, وريلها يتمنى تحمل من يوم ما زفها ,, ويتحلم واعليه بها البنية ...
هي اتقول انها موب واثقة بالرمسة هذي وتبا تسوي اشعة ملونة في مكان ثاني ,,,,
يا بنات قلبي طايح بين ضلوعي من الخوف على البيبي ,, والله قاعدة ادعي لها ربي يرزقها بطفل تام الخلق والخلقة ,,
بنات فديتكم ,, اللي تقرا تدعي لها موب شرط تكتب ,, ادعولها في قلوبكم .. واللي تذكر الموضوع أي وقت تدعي لها ,,
ما بايدي غير ادعي لها واتصدق عن البيبي ,,, ونذر علي والله لأصوم لوجه الله وأوزع ذبيحة ع المحتاجين إن يا البيبي بخير وعافية
ما بايدي غير هالشيء ,, فديتكم أنا دايما أكون وياكم فديتكم لا تحرموني من الدعوة الصادقة في ظهر الغيب موب شرط والله تكتبونها ,, أي وقت تذكروني ادعو لأختي الله يرزقها الطفل المعافى السليم الجسم والعقل .... ويقومها بالسلامة هي والبيبي ,,
والله يبعد السوء عنكم وعن عيال المسلمين