عنوان الموضوع : كيف تكون الرقيه الشرعيه؟ وكيف أحصن زوجي واولادي؟ ابغي الطريقه الصح الفتاة المسلمة
مقدم من طرف منتديات الضمير العربي

السلاااام عليكم أخواتي...

نعاني من مشاكل وايد ودائما افكر في تحصين بيتي وريلي وعيالي وحتى نفسي،

وايد اسمع عن العين والسوا والحسد ووو

فآبغي احفظ اغلى الناس عندي من شر الناس اللي ما ترحم.

فعندي كذا سؤال:

1) كيف تكون الرقيه والتحصين؟
2) هل يجب ان اكون طاهره علشان احصن ريلي وعيالي ونفسي؟
المقصود في حال الحيض..؟
3) هل أضع يدي على راس او جزء معين علشان اقرأ عليهم.
4) او ينفع اقرأ كل يوم الصبح وقبل النوم..


ابغي اعرف لان وااايد يوصلني برودكاست وما اعرف اذا كل اللي ينرسل ينفع للتحصين او للرقيه...


وشكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي جزاك الله خيرا

هناك كتيبات للرقية الشرعية تباع في المكتبات الاسلامية اشتري منهم واتبعي الطريقة الصحيحة

وبامكانك الدخول على مواقع الشيوخ الثقة والقراءة عن ذلك

__________________________________________________ __________

>>>> الرد الثاني :
•انا اشغل سورة البقره في البيت يومياً بحكم اني سمعت تطرد الشياطين وتطرح البركه

• ولدي اقرا عليه رقية الاطفال صبح ومسا واذا كان نايم حطيت ايدي ع راسه وقريت الرقيه
عن رقية الاطفال ريلي سال شيخ ودله عليها

•انا وريلي نقرا سورة البقره بهدف التحصين ونقرا الاوراد اليوميه يومياً سمعت الشيخ محمد*العريفي يقول ان الاذكار تكفي
الانسان وتحميه باذن الله


•زوجج اذا نايم ممكن تحطين ايدج ع راسه وتقرين من الرقيه وتمسحين شعره وماتيسر*
انا اقرا الرقيه من كتيب اوراد اهل السنه والجماعه *

•في موقع اسمه تسجيلات منتدى الخير للرقيه
فيه رقى ممكن تشغلينها وتسمعينها



طبعاً هاي مب فتوى هذا بعض اللي*
سمعته وطبقته واستفدت

__________________________________________________ __________

>>>> الرد الثالث :
يزاج الله خير شمسة المرر و ان بعد كنت ابا اعرف كيف اتحصن و ما قصرتي

__________________________________________________ __________

>>>> الرد الرابع :
مشكورااااات خواتي مشكوراااات افدتونا شاء الله

في ميزان حسناتكم إن شاء الله

__________________________________________________ __________

>>>> الرد الخامس :
انا بعد ابا اعرف

شمسه استفدت من كلامج

حاولت ادورف النت اكثر

ولقيت انه لازم البيت يكون خالي من الدبابيب والصور.......؟؟؟؟؟

امممم

احس مافي بيت يخلو من هلامور خاصه حق اليهال..ِ؟