عنوان الموضوع : ساعدوني بخصوص الخمار جزاكم الله خيرا لفتات الامارات
مقدم من طرف منتديات الضمير العربي
السلام عليكم ورحمة الله وبركاته
اخواتي احتاجكم بمساعدة يا ريت لا تفشلوني و تساعدوني , انا ولله الحمد والمنة ربي هداني للباس الشرعي بعد ما كنت متبرجة ( الله يعفو عني ) و الحمدالله اتدرجت شوي شوي باللباس الشرعي وحاليا البس عباية سودا واسعة ( البحريني ) و شيلة سودا , بس انا حابة ازيد من الستر و الحشمة وقررت اني البس خمار الراس من دون نقاب يعني اقصد هذه القطعة الي يلبسوها المنقبات عالراس الي مثل الطرحة بتكون طبقات من الخلف تغطي الكتاف و الظهر و شوية من الصدر ( هذه غير الخمار المصري الي يجي مثل توب الصلاة) بس انا بلبسها من دون نقاب لان حاليا صعب البس النقاب لاني موظفة ومارح يقبلو اني اتنقب و انا محتاجة العمل
بس ان شاء الله انا حابة انا انتقب في المستقبل القريب بس اترك الشغل او احصل شغل يقبلو النقاب , المهم يا بنات سوالي عادي لو انا لبست هذه الخمار من دون نقاب ؟؟ ما بيكون شكلي غلط ؟ وممكن تخبروني وين احصل هذه القطعة في الشارقة ؟ وهل بتكون هذه القطعة لوحدها من دون خمار الوجه ؟
اتمنى لا تطنشوني محتاجك نصايحكم الله يخليكم و يستر غليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عادي تلبسينها بدون نقاب
بس شرايج فالدوام مدام انج مضطره ماتلبسينه ف من توصلين الدوام شيلي النقاب
و برع الدوام نقاب وخمار عادي احس و يمكن حد من الدوام ربي يهديه ويوم يجوفج بهالالتزام يوافقون على لبسج للنقاب فالدوام
و من تطلعين برع للسوق وغيره البسي نقاب عادي محد بيلومج لانج ماتلبسينه فالدوام
مدام ان خاطرج بهالشي
ربي يهدينا جميعاً
__________________________________________________ __________
>>>> الرد الثاني :
انا مع كلام العشق الطاهر
والله يثبتج يارب
أإنا حصلت مثله في القريه العالميه لكن برع ماحصلت
فصليلج واحد
__________________________________________________ __________
>>>> الرد الثالث :
وعليكم السلام ورحمة الله وبركاته
انا في بداياتي كنت ألبس الغشوة بس من دون النقاب ... وشوي اشوي لبست النقاب واتعودت عليه
وانا الغشوة افصلها ما اخذها جاهزة في محل عندنا في دبي ماعرف محلات في الشارجة
ربي يوفقج ان شاء الله
__________________________________________________ __________
>>>> الرد الرابع :
هلا والله أشوف انه عااااااادي جي أنا ألبس الحين نقاب مع عبايه عاديه بس خاطري ألبس إلي فوق الرأس بس متتردده اشوي و ما عارفه كيف ألبسها بس أشوفها حلوووه وااااايد و ساتره
__________________________________________________ __________
>>>> الرد الخامس :
المشاركة الأصلية كتبت بواسطة عشق طاهر
عادي تلبسينها بدون نقاب
بس شرايج فالدوام مدام انج مضطره ماتلبسينه ف من توصلين الدوام شيلي النقاب
و برع الدوام نقاب وخمار عادي احس و يمكن حد من الدوام ربي يهديه ويوم يجوفج بهالالتزام يوافقون على لبسج للنقاب فالدوام
و من تطلعين برع للسوق وغيره البسي نقاب عادي محد بيلومج لانج ماتلبسينه فالدوام
مدام ان خاطرج بهالشي
ربي يهدينا جميعاً
مشكورة حبيبتي عالرد , بس انا احس انو مش حلوة ساعة حد يشوفني لابسة نقاب و ساعة مش لابسة احس انو مسؤولية ولازم التزم فيه ,, انا قلت لعل هذه الغشوة تكون درب للنقاب ان شاء الله
رد مع اقتباس
