عنوان الموضوع : معلمة قران .........؟ عطوني افكار مسلمة الامارات
مقدم من طرف منتديات الضمير العربي

السلام عليكم ابا استوي معلمه قران في البيت بس كيف ? يعني ابا اييون عندي الاطفال بس في نفس الوقت ابا احببهم للقران ممكن تعطوني افكار وطرق للتدريس اللي عنده فكره ما يبخل علي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فووووووووووووق

__________________________________________________ __________

>>>> الرد الثاني :
الله يوفقج انشاءالله
الي اعرفة ان فيه مراكز للتحفيظ القران حكومية واكيد الناس بتروح اتسجل فيه لان فيه شهادات معتمدة
يعني مثلا يدرسونهم التجويد
وشرح السور
سبب نزولها وكل شي يخص القران الكريم

ولكن فكرتج حلوه
انزين ليش ما تشتغلين في مركز للتحفيظ ؟؟؟ حاولي الغالية الله يرزقج على نيتج
موفقه يااارب

__________________________________________________ __________

>>>> الرد الثالث :

__________________________________________________ __________

>>>> الرد الرابع :
اللهم اغننا بحلالك عن حرامك

واغننا بفضلك عمن سواك


__________________________________________________ __________

>>>> الرد الخامس :
ربي ييسرلج الخير أختي
قبل كل شي أختي لازم تكونين متقنه لأحكام التجويد والأفضل لو عندج تصريح من الأوقاف
لأن هالأطفال أمانه ولازم يتلقون القرآن بالطريقة الصحيحة ولازم تحطين فبالج أنه شغلج هذا لله أولا قبل كل شي

وإذا كنتي من أهل الاتقان ممكن تحفظين الأطفال ، وابدي وياهم بقصار السور
وأنواع التحفيز وايد ( الياهل حبة الحلاوة والا المصاص اتفرحة )
وممكن تسوين حصاد النجوم ( مثلا نجمة للي احكامها ممتازة ونجمة للي حفظها ممتاز ونجمة للي تداوم وما تغيب ) والي تجمع اكبر عدد من النجوم إلها جايزة ( يعني سوي أسماؤهم على الكمبيوتر في جدول وتحت كل اسم بتكون النجوم ) وكبري هاي اللوحه في المكتبة
وعلميهم الاحكام حكم حكم وكل مرة ركزي على حكم ومن تشوفينهم اتقنوه ابدي في الحكم الي بعده ومب شرط بشرح الأحكام بشكل مفصل إذا كانوا صغار وايد ( ركزي على طريقة النطق السليم ) مثل الغنة في النون والميم المشددتين

ممكن بعد تسويلهم بطاقات تميز شهرية والي تحصل على البطاقة كل شهر تكافئينها بهدية رمزية
وممكن بعد تسوين خطابات للأهل تشيدين فيها بالطالبة المتميزة منها تفرحين الياهل ومنها تفرحين الاهل

وغير جذي حاولي كل ما يوج البيت تعلمينهم سنة من سنن الرسول صلى الله عليه وسلم مثلا سنة التصافح ، أنه كل ما ايوون يتصافحون بالايادي وتشرحيلهم شو فضل التصافح ويوم عن يوم بتستوي عندهم عادة وبتاخذين أجر السنة الي علمتيها إلهم وتعتبر مثل أجر الصدقة الجارية لج ، ومثال بعد التبسم ف ويوه بعض وأجر الابتسامه ، يعني الأمور البسيطة
وبعد تحثينهم ع الصلاة وممكن تتابعينهم ويا الاهل بجدول شهري إذا التزم الطالب بكل الصلوات او فرط في الفروض

وربي ييسرلج الخير