عنوان الموضوع : أخـــتـــي بــتــتـــخـــبــــل ... لــحـــقـــوا عـــلـــيـــهـــا التدريس الاماراتي
مقدم من طرف منتديات الضمير العربي
السلام عليكم والرحمه
شحالكم خواتي ... عساكم بخير ؟؟؟
بدش في الموضوع سيده
الله يسلمكم أختي العوده أكبر عيالها بنت دشت الروضه هالسنه ... المهم ... بنت أختي كانت مستانسه أنها تسير الروضه وأول أسبوع مر على خير ..
الأسبوع الثاني .. يوم كانوا يلعبون في الساحه .. قام ولد من الأولاد .. وجب تراااب على بنت أختي... البنت تخبلت ... وقامت تصيح .. لأنها كله ولا نظافتها وأغراضها .. فديتها والله
ومن يووومها ((5 أسااابيع)) ... وهي تسوي مناااحه ما تبغي تسير الروضه علشان على قولتها " الأولاد بيجبون على راسي تراب وبيخيسووون ثيابي" ... وأمها حاامل وتعباااانه .. ومالها مزاااج على صياااحها ...
بــــــــلــــــــيـــــــــــــــز ... ساعدوا أختي ... واللي عندها حل ... يا ريت ما تبخل علينا به
والسموووحه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
من راي تروح وياها الروضة واونه تكلم الولد الي جب عليها الترااااااااااااااااب واونه تنازعه (لانه اذا هزبته الثاني بعد الام بتبتلج وياه) وطبعا اهي تكون بعيد وتقول لها خلاص ما بيجب عليج مرة ثانية وان هزبته وبخبر امه ...
جيه البنت بتضمن انه ما يقدر يعيدها .............. وان شالله خير
__________________________________________________ __________
>>>> الرد الثاني :
ههههههههههه.. وحليلها والله.. هاي مشكله الأولاد يلعبون بدفاشه مب شرات البنوتات الرقيقات.. المهم أنا من رايي ترمسين معلمه الصف وتخلينها تنتبه لهم وترمس الولد بهداوه وعلى جنب.. يعني مب جدام الكل.. وإن شاء الله ما يتكرر هالشي ..وانتو من ناحيتكم حاولوا تحببونها بالروضه.. والله المستعان
__________________________________________________ __________
>>>> الرد الثالث :
يا ويلي على دلع البنات!
بنتي تعرضت لنفس الموقف وأنا بعد كنت حامل ومالي باااااارض لهالمواقف..
رحت لين الصف مع أنه مب مسموح أكلم العيال بعنف.. بس هددت الولد..
ثاني يوم يتني وتريييييب رمل على راسها!
لجأت للسياسه واشتريت للولد حلاوه على شكل سيارات وقلت لها عطيه هالولد وقوليله ماماتي تقول اذا ما ضايقتني بتيب لك هديه دايماً!
نفعت الخطه وعدت السنه على خير!
بس للأسف ما قدرت أقنعها تكمل في المدرسه وقالت ما احب الأولاد.. فغصبتني انقلها مدرسة نموذجيه.. والحين مرتاحه وايد مع البنات وافتكت من الأولاد!
__________________________________________________ __________
>>>> الرد الرابع :
خواتي هؤلاء اطفال مايصير تروحون مباشره تهاوشونهم تري بزيدون او بصيدهم رده فعل وبخافون هم ايضا بيرفضون الذاهب الي الحضانه
اخذوهم مثل ما نقول بالسياسه...
انا بنتي لما كانت بالاول جاءت الي المدرسه بنت جديده وكانت شوي خشنه وشاده عن بقيه الصف واحتكت مع بنتي ولما خبرتني بنتي ولما ذهبت الي المدرسه وانا كل يوم مطيحه هناك لان ما عندي غير هالبنت .. رحت الصف وقلت وينها البنت الحلوه وقلت اسمها وهي تفاجات وكانت تفكر اني بهاوشها بالعكس قلت لها بنتي كثير تحبك وتخبرني عنك انك حلوه وشاطره ومأذبه وفي اليوم الثاني كنت ابعث مع ابنتي بالهدايا البسيطه لها مثل الحلويات والاقلام وهكذا وصارت هي بعد تهدي بنتي بعض الاشياء والله العظيم انهم صاروا اصدقاء والان هم في الصف السابع وما زالوا حبايب ما شاء الله ..ولما تشوفني تركض اتجي تسلم علي وتسميني خاله
تذكروا دائما انهم اطفال.. بعد دقايق ينسون ويلعبون مع بعض كان شي ما صار
يوم تجي بنتك او ولدك يشتكون من زملائهم لا تشدين ولا تتحازلين بل حاولي تبسطين المشكله وتضحكين حتي الاولاد يعتبرون هذا شي عادي
وتذكروا دائما انهم اطفال
__________________________________________________ __________
>>>> الرد الخامس :
عيل كل شي ولا بنت عمي الله
ياولد ورشها ماي شويه على ثيابها سكتت عنه وقامت و بعد شوي الا هي جايه من وراه و فالعتنه بلعبه من الزين براسه و راحوا اهل الولد و سوا معانا سالفه ههههههههههه آخرتها ضحكتني ام الولد تقول ما تنلامون شحوح ههههههههههههههههه فديتنا حتى بناتنا حارات
رد مع اقتباس
