عنوان الموضوع : منوا بوظبي وطلع تعيينها في الغربيه في الامارات
مقدم من طرف منتديات الضمير العربي

السلام عليكم ورحمة الله وبركاته

اشحالكم بنات ان شاء الله اتكونون ابخير وسهاله


صراحه اتردت وايد في كتابة الموضوع بس أخيرا إجرأت

والله اتعلوزت وايد من التربيه من كمن سنه خريجه وكل سنه مقابلات وأخرتها يا في الزباله أو على

الرف ...

معنه سبحان الله ايقولون في بوظبي في شواغر لكن وين ياحسره

المهم قررت أجرب حظي في الغربيه والحمدالله الله وفقني وطلع اسمي في مدرسة المرفأ لتعليم

الاساسي بنات

بس صراحه وايد خايفه من التجربه خص انها بعيده ومتخوفه وايد من فكرة سكن المدرسات

معنه شي وايد بنات من بوظبي متعينات في الغربيه وفي منهن يروحن وايردن يوميا

بس ما أقول غير الله المستعان

ياريت إللي ادش الموضوع تنصحني نصحيه أو تدعيلي دعوه حلوه من خاطرها وإللي شرات حالتي

اتخبري كيف اتصرف وكيف كان الوضع معاها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي

المرفأ قريبه على بوظبي فديتج يعني مب بعيده واااايد روحي وردي يومياً اذا متخوفه

من السكن...

واذا تعب عليج تمي في السكن شو تسوين بعد هذا المكتوب والله يعينج...

والله يوفقج ان شاء الله

^_^

__________________________________________________ __________

>>>> الرد الثاني :
والله صدج فديتج أنا ^_^

يمكن أنا مستصعبه الفكره

وين مب بعيده تقريبا ساعه ونص من الشامخه للمرفأ

بس الله كريم وان شاءالله ربي ايسهل أمري

مشكووووووووره غناتي على ردج

__________________________________________________ __________

>>>> الرد الثالث :
ليش خواتي طلع التعيين أي مدرسة أنا يوم سألت قالي لي انتظري 19/8

__________________________________________________ __________

>>>> الرد الرابع :
الغالية مافي خوف من بوظبي للمرفأ ساعة الا ربع
وموفقة ان شاء الله

__________________________________________________ __________

>>>> الرد الخامس :
الغالية ليش ماتستخيرين عشان تريحين ضميرج