عنوان الموضوع : محتارة .. و لازم أقرر بأسرع وقت للطلاب
مقدم من طرف منتديات الضمير العربي

السلام عليكم

خواتي بغيت مساعدكم و شوركم علي .. بسرعة ما في وقت ... محتارة وين أودي بنتي في أي مدرسة ؟؟ كانت السنة الماضية kg1 في الامارات الوطنية ألي في بوظبي ( مدينة خليفة ).. الصراحة المدرسة ما عليها كلام و إلي عايبني فيها أكثر أنهم مهتمين بالتربية الاسلامية و اللغة العربية ..لكن عيبها أنها بعيده عن البيت .. و بعد ربعي قالولي أن kg2 ما اتأهل الطفل للصف الأول ... يعني تركيز على الأنشطة أكثر من المادة العلمية .. و هذا الشيء وايد مخوفني ...

و بنفس الوقت سجلتها في مدرسة النجاح إلي على شارع الخليج العربي ..مدرسة قوية .. و معروفة .. لكن مشكلتها فيلا صغيرة و 25طالب في الصف الواحد و الساحة صغيرة جدا ....مكان الالعاب بعد داخل الفيلا و أحس المكان في كتمه ... و بعد ما في تركيز على الدين و اللغة العربية

و الله مب عارفة اخليها في مدرستها على الرغم من الكلام إلي سمعته .. و إلا أوديها النجاح و اتنازل عن الاهتمام بالدين و اللغة العربية و رقي المكان مقارنه بالامارات الوطنية مقابل التركيز على الناحية المعرفية ...!!


صليت استخارة و بعدي محتارة ..
أبغي شوركم ؟؟ ساعدوني .. هذا الاسبوع لازم أقرر بسرعة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا من رأيي خليها في مدرس الإمارات الوطنية أنا سمعت عنها انها ممتازة وتطمأنين على عيالج فيها

__________________________________________________ __________

>>>> الرد الثاني :
يزاج الله خير أختي .. و فعلا الواحد يحط اعياله معاهم و هو مطمن عليهم .. لان عندهم اهتمام باليهال بشكل كبير

__________________________________________________ __________

>>>> الرد الثالث :
الله ايوفقج الغلا ^_^

__________________________________________________ __________

>>>> الرد الرابع :

المشاركة الأصلية كتبت بواسطة شما المحيربي
الله ايوفقج الغلا ^_^



تسلمين الغالية على مشاركتج الطيبة

__________________________________________________ __________

>>>> الرد الخامس :
أختي أنا من رايي أنج تخلينها في مدرستا دامها زينه وأنت مرتاحه من ناحية الدراسه ....

وإن جان عن البعد أغلبيه الناس تعاني من هالشي ويا العيال ....

أنا عن نفسي مدرسة عيالي بعيده عنا ب30 كيلو جان مب أكثر بس شو نسوي

وبيني وبينج العيال وااااااايد يتأثرون يوم ننقلهم من مدرسه لين مدرسه نفسيتا بتتعب تغير المكان والصف وغيره
والسموحه على الأطاله .....