عنوان الموضوع : لو سمحتوا دقيقة من وقتكم .. [مراكز تحفيظ القرآن في العين]
مقدم من طرف منتديات الضمير العربي

السلام عليكم و رحمة الله و بركاته


بنات يزاكم الله خير .. اللي تعرف ترد علي ..


قبل شوي داخلة موقع الأوقاف و لقيت كم مركز تحفيظ في العين ودي أسجل فيهم بس ما عارفة
عنهم .. فـ بليز اللي تعرف عنهم شي تقول..أنا سبق و ان سجلت في مركز موزة بنت بطي بس
تقريباً مودرتنهم من سنتين مع انه مركز وايد قوي.. بس الحين ودي أسجل في مركز ثاني ..


فهاي المراكز أحسها أنسب حقي
1 - مركز البر النسائي / المرخانية
2 - مركز ابوبكر الصديق / المرخانية
3 - مركز الفرقان/ اليحر
4 - مركز تحفيظ القرآن وعلومة ... هذا ما اعرفه وين
5 - مركز الإستقامة


فاللي تعرف عنهم شي يا ليت ترد علي و يزاها الله كل خير


=)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
السلام عليكم
حبيبتي انا مسجله في مركز الاستقامه
ابصراحه وايد مستانسه عندهم وكل شي هين وسهل
اداوم من شهر 9 الحين واصلين جزءتبارك يعني كل سنه نخلص جزئين في بدايه السنه القادمه بنسرع اكثر- التاخير عشان التجويد-
بس ماشاء الله عليهم متعاونين والمدرسات عسل ما فيه منهم ما يملون منج وايصلحون لج ميتين الف مره وهم يظحكون بعد, يعني ابصراحه استويت اليوم اللي ما اداوم فيه احس انه ضاع وما سويت شي فيه حق آخرتي.
وفي النهايه الله يوفقج وين ما تكونين ويرزقنا واياكم حفظ كتابه

__________________________________________________ __________

>>>> الرد الثاني :
شكراً أختي ام البنات
انزين أختي كم صف أو حلقة فاتحين .. و خلص التسجيل و إلا بعده .. و كم يوم تداومون في الأسبوع؟؟

أتمنى ما اكون ثقلت عليج

__________________________________________________ __________

>>>> الرد الثالث :
السلام عليكم

اختي انا مسجلة فجمعية المراة الظبيانية واذا نتي من منطقة بعيدة عندهم باصات وكان صف واحد ومع زيادة العدد ماشاء الله فتحو صف ثاني ........... وصلنا بالحفظ للجزء الثاني من سورة البقرة ............ اذا تبغين رقمهم اطرشه عالخاص واستفسري منهم والله يوفقك اختي

__________________________________________________ __________

>>>> الرد الرابع :
وحدة من أهلي من زمان تحفظ في مركز الاستقامة .. وحيل تمدحه


الله يوفقج يارب


أم كتاكيتي

__________________________________________________ __________

>>>> الرد الخامس :
يزاكن الله خير خواتي زوزو1 و أم كتاكيتي

ربي يعطيكم العافية على الردود

..
و أتمنى أسمع المزيد من الآراء

=)