عنوان الموضوع : مدارس الفلاح في الامارات
مقدم من طرف منتديات الضمير العربي
السلام عليكم
انا عيالي في مدارس في ابوظبي مدرسة الصقور ومدرسة الآفاق ومدرسة الدانه وباننتقل لمنطقة الفلاح وخايفه من فكرة نقل عيالي من مدارسهم لأن عندي فكره ان المدارس الجديده خارج ابوظبي دايما تكون مب مستقره ولا عندهم مستوى قوي اتمنى اي حد عنده فكره عن مدارس تخدم منطقة الفلاح يفيدني واااايد محتاره
ابى مدارس حلقه اولى وحلقه ثانيه بنات ومدارس حلقه ثانيه اولاد
انا فكرت بعد اييب دريوله على كفالتي بس سعر المكتب 12 الف والين ما تاخذ ليسن الامارات يبي لها وقت ... الله المستعان
اللهم أختر لنا ولا تخيرنا فإن الخيره فيما أخترته لنا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
اختي انا اسكن بالفلاح
بالنسبة للحلقة الاولى بنات في مدرسة المها بالفلاح
والاولاد مدرسة التفوق بالشامخة
اما الحلقة الثانية اولاد في الفلاح مدرسة جرن يافور مستواه مش اوكيه
لو تخلي اولاد في ابوظبي احسنلك يا اختي
بس اقولك نصيحة اهم حاجه الطالب ومتابعتك له في البيت
__________________________________________________ __________
>>>> الرد الثالث :
الموضوع جا في وقته للررفع
__________________________________________________ __________
>>>> الرد الرابع :
امبراطورة بوظبي كتبت لج رد وماطاع يرسل لان صندوق بريدج ممتليء
__________________________________________________ __________
>>>> الرد الخامس :
في باص خاص يوصل من الشامخه لمدرسة الصقور بس قال لي لازم يكون اكثر من ولد في الفلاح يبونه يوصلهم عشان يوصله
رد مع اقتباس
