عنوان الموضوع : أخواتي المدرساااااااات اتفضلوا سؤال ضروري تعليم الامارات
مقدم من طرف منتديات الضمير العربي

السلام عليكم ورحمة الله وبركاته

اخواتي العزيزات اريد اسألكم بالنسبة للمعلمة في ابوظبي
كم الليمت اللي تعطيه التربية حق المعلمة عشااان تستأجر بيت او فيلا


أتمنى تردووون علي بسرعة ضروووووري

ولكم فائق الشكر والامتنان

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الغالية أنا يالسة أسوي أوراقي عشان أستاجر على حساب التربية حاليا
بالنسبة لي أنا من العين يعطوني لميت : 40000 درهم بدل سكن طبعا بينقص عنج بدل السكن بمجرد ما تخلصين أوراقج
وبيعطونج شيك بدل اثاث 30000 درهم يستهلك خلال أربع سنوات يعني إذا ما جددت الايجار لمدة اربع سنوات ترجعين للتربية باقي ال30000 .
بس اللي اعرفه انه في بوظبي الايجارات أغلى عشان جذيه بيعطونج لميت أكثر
وعشان تاخذين تفاصيل أكثر ،اتصلي تربية بوظبي وقوليلهم حولوني على العلاوات أو الاسكان واستفسري عن اللي تبينه وبيفيدونج خوان شما ، الصراحة ما يقصرون وخصصوصن المدير ، ريال فنان وذوق ..
هاكل اللي عندي وبالتوفيق إنشالله !

__________________________________________________ __________

>>>> الرد الثاني :
مشكوووووورة الغالية ام البنات

اتمنى من معلمات ابوظبي يردون علي

__________________________________________________ __________

>>>> الرد الثالث :
الله يعينج الايجارات غالية والتربية ما تعطي اكثر من 60 ألف فقط وفي الحالات الخاصة تعطي 5الف زايده في ابوظبي

__________________________________________________ __________

>>>> الرد الرابع :
مشكورة لمسة صدق
وانا كنت متوقعه أن التربية ما راح تعطي وايد بس 60 ألف يعني لازم أستأجر ملحق وبرا بوظبي بعد !!!

__________________________________________________ __________

>>>> الرد الخامس :
هيه صح الاجارات في ابوظبي وايد غاليه


وبعد يزيد السكن على حسب عدد العيال وعمرهم

كل ماكانو كبار زارد اما اذا صغار فمايزيد شي يعني اذا انت وريلج وعندج 2 يعطونج غرفتين وصاله


بس اذا حابه ممكن تستأجرين نص بيت في الشامخه او بني ياس او ا***به يكون احسن لج