عنوان الموضوع : عندكم حد يدرس في مدرسة Pearl School ..؟؟ للطلاب
مقدم من طرف منتديات الضمير العربي
السلام عليكم ورحمة الله وبركاته ..
لو سمحتن خاواتي ..
إذا عندكن حد من عيالكن أو عيال معارفكن يدرس في مدرسة Pearl ..
أريد أعرف عن مستوى التعليم فيها خاصة الروضة ..
وشو مستوى إهتمام المعلمات والإدارة بالطلاب والطالبات ..
لو بغينا نستفسر عن أي مدرسة ..
لازم نسأل أولياء الأمور اللي عنده حدي يدرس في المدرسة اللي نبا معلومات عنها ..
وحتى نسأل الطلاب اللي يدرسون فيها ..
أما أني اسير واسأل الإدارة عن مستواهم ..
أو أكتفي بمطالعة موقعهم على الشبكة ..
أكييييييييد أني بسمع المديح والتميز ومن هالنوع من الفقاعات ..
أريد اعرف معلومات من أي حد عنده طلاب يدرسون في مدرسة Pearl
اللي في بوظبي شارع الدفاع على ما أظن ..
بلييييييييييييييييييييز ..
I need your help my dear sisters
..!!..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أنا سمعت انها صارلها فتره بسيطه فاتحه
و رسومها وايد غالية
__________________________________________________ __________
>>>> الرد الثاني :
أختي انا طالبه تربيه واتدربت في هاي المدرسه من اسبوعين
كان تدريبي ويا Foundation Stage 1
لي هو كي جي 1 في المدارس الثانيه او بري كي جي
اليهال الي تعاملت وياهم كانت اعمارهم من 3-4 سنين
انا اشووف انه المدرسه فيها ايجابيات وسلبياات
الكلاس فيه تقريبا 24 طالب بالكثيير
الكلاس الي كنت فيه كانو فيه بس 7 عرب والباقيين اجانب
يعني لغه التواصل انجليزي × انجليزي
الكلاس للكي جي 1 فيه معلمه ومساعدتين وللكي جي 2 فيه معلمه ومساعده
الدراسه قويه بس يعاملون الولد العربي كأنه انجليزي
يعني عندهم في الكي جي ون يدرسون الحروف اخر شي كدراسه لانهم يكونون حاطين في بالهم انه الاولاد انجليز وبيتعلمونها بسهوله
والاولاد يكون اوردي عندهم خلفيه عن الحروف
كي جي 2 يكونون يعرفون يقرون ويكتبون بس شوي يعني
صف اول درااسه درااسه من الخااااااااطر احس مال اعداديه في مدارس ثانيه
بشكل عام المدرسه قويه جدا من ناحيه الدراسه
وصح نسيت اقولج انه للكي جي ماشي حصص تربيه اسلاميه بس عندهم عربي حق العرب مرتين في الاسبوع
وبعدين اظن يدرسون مال منهج الحكومه لاني شفت الكتب مال الحكومه
ومن ناحيه السلبيات:
مثل ما قلت الصف اغلبهم مب عرب ولا مسلمين
وقت السناك تايم عادي يكون الي يالس عدال ولدج ياكل خنزير وهالشي شفته بعيني
والعيال العرب هناك احسهم وايد ماخذين عادات ربعهم الانجليز حتى ما يطيعون يرمسون عربي بعضهم حتى يوم اييون اهلهم اشوفهم يرمسون انجليزي وما يطيعون عربي وبعد ويا مس العربي يرمسون انجليزي
واذا تبين اي استفسار انا حاظره
وعندي بعد صور اذا تبين
__________________________________________________ __________
>>>> الرد الثالث :
السلام عليكم ورحمة الله وبركاته ..
أختي / كو كو شانيل .. أشكر لج مرورج على الموضوع وردج ..
,،
أختي / Laris.MD .. يزاج الله خير ..
إذا كانت جذيه بيئتهم .. فـ هي ما تناسب عيالي ابداً ..
حتى لو أن مستواها التعليمي عالي .. شو بينفعني إذا عيالي خالفوني باجر ..
ربي يجزيك كل خير عزيزتي ..
__________________________________________________ __________
>>>> الرد الرابع :
ونعم الام اختي ام عفاؤي
الصراحه ايام التدريب كانو اييون حريم مواطنات ويسألوني شو رايج في المدرسه
كنت اقولهم الدراسه قويه بس ماشي اهتمام في العربي والدين
وكانو يقولون ايييه بس المهم الدراسه قويه؟ خلي العربي والدين اصلا كل المدارس جي !!!!!!!!
كنت وايد استغرب والله من ردت فعلهم لهادرجه مب هامنهم العربي والدين؟!!!!
__________________________________________________ __________
>>>> الرد الخامس :
اختى laris.md اريد اعرف شو عرفج ان اليهال ياكلون لحم خنزير بالنسبه مدرسه الشويفات ما سمعنا ولا مدرسه الخبيرات معنهم وايد قويه بالنسبه للدراسه اعرف ناس حاطين عيالهم فيها وايد يمدحولى اياها وهى صح انجليزى فى انجليزى بالنسبه العربى حطى فى البيت مدرسه عربى حق الدراسة الياهل شوفى كل الجامعات انجليزى شو انسوى طلعت بلادنا ؟؟؟؟؟؟؟؟؟؟؟؟؟؟؟؟
رد مع اقتباس
