عنوان الموضوع : شو تحبين تكون الانشطة في مدرسة عيالج التدريس الاماراتي
مقدم من طرف منتديات الضمير العربي
السلالالالام عليكم ورحمة الله بركاته
مرحبا بنااات ..
حبيت اني ف هالموضوورع أعرف شو الاشياء الي تحبووون انهااا تكون ف مدرسه عيالكم
من ناحية الانشطة الي تكون خارج نظاق الدراسه والكتب ..وارجو
من الجميع انهم يساعدوني لاني منسقه للانشطه في أحد مدارس العين الخاصه وهي مدرسه الاتحاد الوطنية وحابه افعل دوووري ......وطبعا الكل ممكن يشارك مش شرط ب ووليات الامر في مدرسه الاتحاد
بالجواب ع هالاسئله ..
1 هل تفضلين الانشطه للطلاب الي تكون خارج الدراسه ووالمنهج ؟؟
2 هل تحسين ان هالشي مفيد للعيال ؟؟
3 شو ممكن تكون نوعيه هالانشطه؟؟
4 هل تفضلين الانشطه التي يشارك فيها الاهل مع الطالب او الطالبه ؟؟
5 هل لو المدرسه سوت دورات عن اشياء لها علاقه بالطالب والاهل والمدرسه مثلا
ك دوره يقدمها احد الدكاتره عن كيفيه التعامل مع الطالب المراهق ؟؟ او كيفية استذكار الدروس للطال ؟؟ هل راح تشاركين ؟؟؟ وشو الوقت الماسب لهااا الصبح ام المسا ..((اقصد للدوات
اتمنى من الجميع التجاوب ...................
ومشكورين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وينكم بنااات ؟؟
__________________________________________________ __________
>>>> الرد الثاني :
للرفع ..............
__________________________________________________ __________
>>>> الرد الثالث :
مشكووره اختي لللرد
__________________________________________________ __________
>>>> الرد الرابع :
1 هل تفضلين الانشطه للطلاب الي تكون خارج الدراسه ووالمنهج ؟؟
ايه افضل جذي, علشان ما تكون المدرسه مثل معتقل لأغلب الطلاب بس مكان للدراسه مو اكثر, حلو انها تكون مكان لممارسة الرياضه او الرسم او اي هواية اخرى كلعب الشطرنج و الشعر.
و بجذي الطلبه يحبون مدارسهم اكثر.
2 هل تحسين ان هالشي مفيد للعيال ؟؟
اكيد مفيد, لأنه اعيالي مشركتهم في نادي خارجي كاراتيه و ايس سكيتنج, و عن جد مستانسين و يحبون يروحون. فلما يكون الشي هذا بالمدرسه مع رباعتهم اكيد راح تكون وناستهم اكثر و بنفس الوقت يرتبطون نفسيا بالمدرسه.
3 شو ممكن تكون نوعيه هالانشطه؟؟
وايد اشياء احبها تكون موجوده بمدرسه اعيالي, اغلبها موجود بس اخاف اوديهم لأنهم بعدهم صغار, من يكبرون اشويه و يعتمدون على نفسهم راح اوديهم مدرستهم طبعا.
و الأنشطه اهي
سباحه, كاراتيه, رسم بأنواعه , كمبيوتر, شطرنج, كرة قدم, سله, باليه, فروسيه, سلاح الشيش, شعر, مسابقات بأنواعها و منح جوائز لتشجيع الطلبه على المشاركة في الأنشطه المختلفه, الزراعه, الموسيقى.
4 هل تفضلين الانشطه التي يشارك فيها الاهل مع الطالب او الطالبه ؟؟
حلو انه الأهل يشاركون اعيالهم بالمدرسه و الأنشطه لكن بحدود, لأنه هدفي من اشراك اعيالي بالأنشطه انهم يعتمدون على نفسهم مو على و على مشاركتي.
ممكن مثلا نحدد مره بالشهر لمشاركة الأهل. الأنشطه عموما تكون يوم واحد بالاسبوع و اهو السبت ( اعيالي بالشويفات يوم السبت) فتصير مشاركة الأهل ممكن كل 3 اسابيع او 4 اسابيع و بجذي اليهال معتمدين على نفسهم و براحتهم مع ربعهم.
5 هل لو المدرسه سوت دورات عن اشياء لها علاقه بالطالب والاهل والمدرسه مثلا
ك دوره يقدمها احد الدكاتره عن كيفيه التعامل مع الطالب المراهق ؟؟ او كيفية استذكار الدروس للطال ؟؟ هل راح تشاركين ؟؟؟ وشو الوقت الماسب لهااا الصبح ام المسا ..((اقصد للدوات
اكيد راح اشارك لأنه محتاجه الشغلات هذي, و محتاجه اتعلم اشلون اتعامل مع اعيالي خصوصا اني بروحي اللي مجابلتهم, ابوهم اللي يحفظه دوامه في ابوظبي و ما يرجع لنا الا نهاية الاسبوع .
و بالنسبة لي بحكم اني بطالية افضل فترة الصبح, لكن في اهل لأنهم يشتغلون راح يفضلون العصر.
و الله يوفق الجميع يارب و يحفظ اعيالنا و يصلحهم يارب
__________________________________________________ __________
>>>> الرد الخامس :
هل تفضلين الانشطه للطلاب الي تكون خارج الدراسه ووالمنهج ؟؟
أكيييييييييييييييييييييد
2 هل تحسين ان هالشي مفيد للعيال ؟؟
أكيد:يحببهم في المدرسة ويبعد الفتور والملل ويشجع التنافس وتكون المدرسة بيئة مرح ونشاط مب جدية واكتئاب وكرف.
3 شو ممكن تكون نوعيه هالانشطه؟؟
الرياضية ويوم المواهب وا لتبرعات والانشطة الخيرية............وكل شي.........
4 هل تفضلين الانشطه التي يشارك فيها الاهل مع الطالب او الطالبه ؟؟
لأ ماأفضل وصارت مرة لولدي اللي بالكيجي يوم مسابقات مع العايلة كلها وانقهر لاني ماحضرت كانت عندي ظروف..........فاحسن من دون الاهل لان يتمون الاطفال يتحسسون ليش ربيعي فلان اهله شاركوا وانتو لأ........ومب كل الاهالي فاضيين............فاحسن بدون............
5 هل لو المدرسه سوت دورات عن اشياء لها علاقه بالطالب والاهل والمدرسه مثلا
ك دوره يقدمها احد الدكاتره عن كيفيه التعامل مع الطالب المراهق ؟؟ او كيفية استذكار الدروس للطال ؟؟ هل راح تشاركين ؟؟؟ وشو الوقت الماسب لهااا الصبح ام المسا ..((اقصد للدوات
اموت على هالنوعية من الدورات..............اكيد الصباح............لان المساء وقت مذاكرة العيال ووجودهم بالبيت وترجع لظروف كل ام اذا موظفة ولالأ...........
وبس
شكرا عالموضوع الحلو
رد مع اقتباس
