عنوان الموضوع : المدرسه الأستراليه في خليفه ب في الامارات
مقدم من طرف منتديات الضمير العربي
خواتي منو سمعت عن المدرسه الأستراليه الخاصه في خليفه ب ومين تدرس عيالها ،،،،ممكن تفيدنا
وعن رسوم المدرسه ،،،وأهتماماتهم ومدرسينهم ،،،،،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا تعبت من كثر مااسالهم عن هالمدرسه ومحد يرد
مره وحده مدحتلي اياها مااذكر اسمها قالتلي وايد اوكي وعندها 3 من عيالها يدرسون هناك ويهتمون بالعربي والدين
مدرسينهم في استرالييين وفي اظن هنديات يعني الاغلبيه اجانب الا مدرسين العربي والدين طبعا
بعد ماتعبت من اللف عاالمدارس سجلت بنتي توني من اسبوع
حسيتها اغلى عن الامارات الوطنيه وعن الاتحاد
رسوم التسجيل 500
رسوم الدراسه 21 الف
المواصلات 3800
الاكل اذا تبين 3500
هاذا لل kg
بصراحه ماحصلت بديل وتوكلت على الله والله يوفقها
__________________________________________________ __________
>>>> الرد الثاني :
المشاركة الأصلية كتبت بواسطة رحباويه
انا تعبت من كثر مااسالهم عن هالمدرسه ومحد يرد
مره وحده مدحتلي اياها مااذكر اسمها قالتلي وايد اوكي وعندها 3 من عيالها يدرسون هناك ويهتمون بالعربي والدين
مدرسينهم في استرالييين وفي اظن هنديات يعني الاغلبيه اجانب الا مدرسين العربي والدين طبعا
بعد ماتعبت من اللف عاالمدارس سجلت بنتي توني من اسبوع
حسيتها اغلى عن الامارات الوطنيه وعن الاتحاد
رسوم التسجيل 500
رسوم الدراسه 21 الف
المواصلات 3800
الاكل اذا تبين 3500
هاذا لل kg
بصراحه ماحصلت بديل وتوكلت على الله والله يوفقها
بصراحه وايد أسعارها،،،بالنسبه للمدارس الوطنيه ،،،وحلو أنها وايد قريبه ،،،أنا بعد توني متصله وكلمتهم بحاول ،أسجلها باجر ،،،،بس بسألج مدرسه الأمارات الوطنيه في محمد بن زايد ليش ما سجلتي بنتج عندهم أنا سمعت التسجيل 25/4 بس أخاف يقولون ما في شاغر،،،،،،،،شو رايج أنتظرهم ولا ،،أسجل في الأستراليه ،،،،،أبا بنتي تحب المدرسه وتم على طول لين تتخرج ،،،وبعد أتصلت بالأتحاد ،،ماشي شاغر ،،أونه 4/4 بيقبلون أو لا على حسب لأنه الأولويه للي عندهم أخوان
الصراحه الخاصه أول ما يصدقون حد يسجل ،،،،،،،،،إلحين بفلوس ومذله ،
__________________________________________________ __________
>>>> الرد الثالث :
الله ييسر اموركم يارب و يوفقكم يارب
بحاول اشوف لكم الملف اللي فيه اراء الأمهات في المدرسه بس اشويه اراءهم قديمه, لكن هذا ما يمنع انها مفيده
__________________________________________________ __________
>>>> الرد الرابع :
مدرسة أبو ظبي الأسترالية
قيل عنها" هب مدرسة هاي اكاديمية واللي تنافس في قوتها اعتى مدارس استراليا .مديرتها اعتنقت الاسلام قريب انسانه خلوقه ومتفهمة.اسعارهم غاليه لكن منهجهم قوي
واللي يتخرج منها كل جامعات العالم سواء في استراليا او خارجها ترحب فيه وتقبله
عندهم اسلوب حلو في التدريس وعنده في كل اسبوع عمل تطوعي
الصلاة اجباريه في المدرسة ومادة الدراسات الاسلامية بعد
ويعتمدون على نظام التحفيز وحث الطالب على الابداع والمشاركة وليس الحشو والتلقين
هذا اللي اعرفه من تجربه ناس دخلوا عيالهم وناس ثانيين السنة سجلوا عيالهم فيها"
قيل ايضا: ولدي صف ثاني ابتدائي كان منقول من مدرسة باكستانيه ومستواه مش قوي ...سجلناه في الاسترالية خاصه بعد ما فتحوا في مدينة خليفه ب ..الظاهر انه المدرسة قبلت طلاب كثير بدون تحديد للمستوى مما خلاهم يظطرون انهم يقسمون الصف نفسه الى مجموعات a--b--2b على حسب تحديد مستوى المدرسة لهم ..طبعا انا ولدي كان 2b لانه مستواه ضعيف المهم كان فيه دايما كل فتره اجتماعات مسائيه مع اولياء الامور للنقاشات ففيه الكثير من الناس كانوا زعلانين انه المدرسة ليش تقبل طلاب ضعفاء في الانجليزيه خاصه الناس الي عيالهم من مدارس اجنبية او انجليزيتها قويه ....كان رد المدرسة انه هذي مسؤلية ابوظبي الاسترالية الي لها سياسه معينه لتطوير هاذيلا الطلاب من خلال برامج سموها els حسب المجموعات الي حدودها مسبقا وكان فيه وعد من المدرسة انه مع نهايه العام بايتغير مستوى الطلاب 180 درجه .........وصراحة هذا الي لاحظته انا ولدي في الانجليزي ماشاءالله غدا ممتاز حتى ممكن يقرا اي شي يشوفه .......والصراحه مثل ماقالت وحده من الاخوات هم مايعتمدون على الحشو ويحبون انه الطفل يطلع الي عنده حتى البحوث الي يسوونها يبون الطفل يسويها حتى لو كانت خربطه مش مفهومه ويخلون الطفل يسوي prezentaion .....والصراحه بعد وايد المدرسه تعطي الطلاب هدايا ومكافاءات وتشجيع الصراحه ....انا من بداية السنه الى اليوم كل يوم ولدي ييني البيت مستانس ولا قد مره قالي باغيب
هذا اللي مكتوب بالملف خواتي و ان شاءالله يفيدكم يارب
__________________________________________________ __________
>>>> الرد الخامس :
الغاليه انا قايليلي 25/4 وكل يوم اتصل فيهم بس احس اني فقدت الامل لانه البعض يقول اصلن مخلص التجيل خوان الطلبه ماكفاهم فقلت اخاف تتصكر علينا كل الابواب خلي شي في الايد عالاقل
بعدين بصراحه انا سجلتها في الاستراليه على اساس انها احتياط وقلت ماعليه بخسر 500 بس مب مشكله لانه الوطنيه ارخص شوي وبشوفهم في 25/4 اذا ماقبلوها تراني خلاص مسجلتنها يعني مابتضيع سنه عليها بس اتفاجأت اول البارحه الاستراليه داقيلي ادفع الفين تاكيد تسجيل طبعا هاذا من رسوم الدراسه مب زياده فقلت خلاص بتوكل على الله وبأكد تسجيل في الاستراليه يمدحونها بعد
واقساطهم مريحه على 3 دفعات
رد مع اقتباس
