عنوان الموضوع : كره الاطفال للروضه..
مقدم من طرف منتديات الضمير العربي

هلا خواتي شحالكن ان شاء بخير حبيت ادور لحل عن مشكلتي
اخوي الصغير في ثاني رووضه اول السنه كان اوكي يصحها برووحه ويلبس ويكشخ ويركب الباص بدون صياح ومن بدا الكورس الثاني يقووم بصعووبه ويقعد يصيح ولا يلبس الا بضرابه ونركبه الباص غصب عنه ويقعد يصارخ في الباص ومعلمته تقول يقعد مثل الطاوله لا يفهم ولا يشارك ولا يحل شو الحل؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
غريبه
ليكون حد مخوفنه او ضاربنه أسألو معلمته ليش تغير الولد هل حد ضربه من الاولاد

__________________________________________________ __________

>>>> الرد الثاني :
مرحباً الغاليه

الغاليه اول شي المفروض تسونه أنكم تحلون المشكله قبل لا تطور اكثر فاكثر وبعدها يصعب حلها

تواصلي مع المشرف او المعلمه لمعرفة المشكله حتى يسهل حل مشكلته

حاوري وناقشي اخوج وعطيه الفرصه ان يتكلم عن المدرسه و مشكلته معاها حتى تعرفين سبب وتحليننها له

سيري زياره للمدرسه شوفي سلوب التعليم ممكن هالسلوب مايناسب الطفل . والصراحة في مدارس اسلوب التعليم مب مطور من ناحية الإبداع و التلوين و الحركات الجسدييه و المعلمه تلعب دور في حب الطالب للمدرسه

__________________________________________________ __________

>>>> الرد الثالث :
والله يا خواتي سارت امي روضته ما فيها شي ولا حد يضاربه وكل ما نسأله ليش ما تسير الروضه وتقعد تصيح يبرطم ويقول ما اكلم ما احبكم ويشغل دمووعه

__________________________________________________ __________

>>>> الرد الرابع :

__________________________________________________ __________

>>>> الرد الخامس :
بعض اليهال تييهم فتره انقلاب و صارت عندي مع ولدي ..
بس ولدي كان السبب انه في أولاد من صف ثاني بوقت الفسحه يضاربونه وما يروم يدافع عن عمره لانهم اقوى منه واطول فيخاف ..

الحل انكم لازم تعرفون شو المشكله علشان تحلونها ...

ييبوله شنطه ايديده او لانج بوكس باج يديده و اشتروله وجبات خاصه بالروضه بس ما ياكلها في البيت ممنوع بس للروضه مثلا الحين اشكال البسكويتات الكرتونيه مثل السنافر وسبونج بوب و هلوكاتي و بن 10 متوفره في الجمعيات خذوله منها و قولوله هذا بس للروضه و اشتروله عصير خاص بشكل حلو وقولوله هذا للروضه لانه بس للشطار و جي يعني و حاولوا تحببونه بالروضه واحكوله عن ايامكم ولو تأليف المهم تسووله فلم عن سوالف حلوه تستوي في الروضه عسب يحبها ...

والله يهديههم يا رب و يحفظهم وأزمه وتعدي ان شاء الله ...