عنوان الموضوع : كنت محتاره بخصوص الروضة تعليم الامارات
مقدم من طرف منتديات الضمير العربي

مرحبا خواتي

حابه اخبركم عن سالفة الروضة اللي تعبتني نفسيا

المهم بنتي الله يحفظها بدش الروضة السنه اليايه
وكنت في حيره ادخلها روضة خاصة و الا حكوميه
وقررنا انا و زوجي نروحي بنفسنا و نشوف الموجود
رحت روضة دبي الوطنية : عجبتني انهم يدسون العربي و الانجليزي
وخذت جولة في المدرسة و كانت داخلة خاطري و رافضة اني ادخل بنتي
روضة حكومية لانهم ما يدرسون عدل ( من كثر ما سمعت)
المهم زوجي قالي الا اترحين روضة حكوميه وتشوفين بنفسج وما تحكمين على كلام الناس
رحت روضة الانوار : بصراحة والله اندهشت استقبلوني بطريقة حلوه ويوم شافوني وايد
اسأأل يابولي المسؤولة اللي عطتني كل التفاصيل

النتيجة : اني فضلت روضة الانوار على المدرسة الخاصه للاسباب التالية
المدرسة الخاصة كلها حشو و يهرون الطالب بالكتابه
المدرسة الحكومية ينمون شخصية الطفل و يعودونة على ان يعتمد على نفسه
ولازم اهتمام من الأهل في كل الاحوال سواء الخاصة او الحكومية

وبالنسبة للانجليزي بعلمها بنفسي


شو رايكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بس بعد أنا أيد الروضة الخاصة علشان صدج فيها مهارات تختلف بوايد عن الحكومة المهم الكتابة والقراءة من الصغر بعكس الحكومية صح انه مهارات بس لما يطلعوا من الحضانة ولا كأنهم فاهمين شي شو فايدت المهارات بدون الكتابة والقراءة العلم في الصغر كالنقش على الحجر صدجيني أختي

__________________________________________________ __________

>>>> الرد الثاني :
انا بعد محتاره ادخل بنتي الروضه ولا لا

لانها شهر 9 هالسنه بتكمل ثلاث سنوات ..

واذا بسجلها ما اعرف اي روضه ممكن ادخلها والله محتاره ؟؟

__________________________________________________ __________

>>>> الرد الثالث :
انصحج دخلي بنتج روضة حكومية لأن فيها كل ما يطلب حاجات الطفل الاساسية في التعلم لكن الروضة الخاصة تعلم الطفل يتركز على الكتابة وعدم اكتساب الطفل مهارات اخرى سواء كانت اجتماعية وعقلية تنمي مواهب الطفل . بصراحة هذا اللي عندي .والباجي شي راجع لج

__________________________________________________ __________

>>>> الرد الرابع :
انا مع الأخت هنوووودي
وهذا اللي لاحظته
وعلى فكره روضة لأنوار مسوين مجهود خاص بالمدرسه يركزون فيه على الكتابه
وهذا اانا شفته بعيني عشان جذي ارتحت
والحمد لله في البيت العيال لاقين اهتمام وبنتي الله يحفظها اللي يشوفها
يحراها طالبه في المدرسة مب توها بدش الروضة

وعلى فكره سمعت ان اللغة الانجليزية بتطبق في الروضة قريب
خصوصا بعد ما تكلم شيخنا الله يطول بعمره عن استراتيجية الدولة
واللي شدد فيها على اهمية مخرجات التعليم

__________________________________________________ __________

>>>> الرد الخامس :