عنوان الموضوع : طمـوح , تحـدي , إصـرار , مثابـرة التدريس الاماراتي
مقدم من طرف منتديات الضمير العربي




السلام عليكم ورحمة الله وبركاته
شحالكن خواتي ؟


بداية أحب أهنيكم بشهر رمضان المبارك
وثانياً : من موضوعي هذا حبيت أدعم وأشجع الطالبات وأشجع نفسي بعد =)

وهالموضوع بنخليه للتشجيع , النصايح , جداول الطالبات , ملخصات , أوراق عمل , ديل التقويم , أوراق إمتحانات ... إلخ


ممم بهذرب شويه وإن شآء الله تستفيدون

1) أول شي من الحينه قاعده أجهز حق بحوثي وتقاريري ومشاريعي , بتقولون كيف
( من الحينه أسأل أستفسر وأشوف كتب غيري وشوه من الدروس , وأشوف تقارير وبحو ومشاريع الغير )

2) ثاني شي أنا محطيه فبالي أييب 95 وفوق " كيف " أثق بإني أنا بقدر أييب هالنسبه وثقتي بالله كبيره وواثقه إن الله مايضع تعب عباده , والله قال : إسعى ياعبدي وأنا أسعى معك , وأنا بسعى لهالشي

3) فوق كل كتاب بحط النسبه إللي أطمح لها
مثال :


4) باخذ لي دفتر للمراجعه , مثال : كل درس آخذه ألخصه وأكتبه فهالدفتر , ليسهل لي عملية المذاكره
ولو بغيت أراجع مراجعه سريعه , أراجع من الدفتر , وأكتب الأشيا المهمه وأحط أسئله للدرس ونماذج

5) الإقتصاد , علم النفس , التاريخ , الأحيا , الرياضيات , التاريخ , الجغرافيا
فهالمواد ضامنه 90 وفوق
لكن الدين+عربي+إنجليزي هه مشكله وخاصة الإنجليزي

6) لكل ماده باخذ لي مذكرة , لأنه المذكرات وآيد تفيد وتساعد بس مانعتمد عليها إعتماد كلي

7) طبعاً بحوثي , تقاريري , مشاريعي , وآجباتي كل شي أول بأول

8) بحاول كل ويك إند أدرس للسيبا

9) بحاول أقوي من لغتي


*حالياً هالأمور خططت لها وإن شآء الله أييب 95 وفوق ( إدعولي )

# حابه أعطيكم نصايح مهمه

1) لا تنسون تشربون ماي وإنتوا تذاكرون لأنه يقلل من نسبة التوتر , وقللوا من الجاهي والقهوه
لأنه الكثره تضركم وإنتوا تذاكرون

2) الأقلام الفسفوريه مهمه جداّ جداّ جداّ ( عقب بقولكم ليش )

3) وإنتوا تذاكرون لا تقولون صعب ومانقدر وشوه هاه وأرففف ( لأنه المخ يتبرمج ) إحذروا


( حالياً هالنصايح إللي أقدر أفيدكم فيها )

وأهم شيييييييييي الصلاة فوقتها والأذكار والأدعيه وثقتكم بربكم






يلا نكست =)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شاء الله عليج ربي يوفقج ^^

__________________________________________________ __________

>>>> الرد الثاني :
ليش الأقلام الفسفورية وايد مهمة


نصايحج للأسف ما تنفعلي لأني اذا خططت بالأفلام الفسفورية ما ارضى اذاكره >> احب الصفحة تكون فاضية بدون شي

واذا قلت المادة سهلة بفر الكتاب وما بذاكر =(

اما عن المواد تراني مثلج خيفانة من العربي والانجليزي بس الانجليزي اكثر =(

ان شاء الله نييب فوق الخمس وتسعين =)

__________________________________________________ __________

>>>> الرد الثالث :

المشاركة الأصلية كتبت بواسطة
مكآنيٍُ,.



ليُ بــآك

__________________________________________________ __________

>>>> الرد الرابع :

المشاركة الأصلية كتبت بواسطة @مبدعه@
ما شاء الله عليج ربي يوفقج ^^



آمين يآربي
منوره =)

__________________________________________________ __________

>>>> الرد الخامس :

المشاركة الأصلية كتبت بواسطة بنت آدم وحواء
ليش الأقلام الفسفورية وايد مهمة


نصايحج للأسف ما تنفعلي لأني اذا خططت بالأفلام الفسفورية ما ارضى اذاكره >> احب الصفحة تكون فاضية بدون شي

واذا قلت المادة سهلة بفر الكتاب وما بذاكر =(

اما عن المواد تراني مثلج خيفانة من العربي والانجليزي بس الانجليزي اكثر =(

ان شاء الله نييب فوق الخمس وتسعين =)




هه حبيبتي مب بس أنا إللي أقول
الكل يقول

وأنا حضرت محاضرة التفوق والدكتور قالنا بهالعلومة
تبين تعرفين ليش !!

لأنه الجانب الأيسر من المخ يهتم فالمسائل والحسابات
والجانب الأيمن يهتم فالألوان والأشكال
فإنتي لازم تربطين هالجانبين
فهمتي ؟