عنوان الموضوع : محتاجه حضانه حق ولدي يتعلم فيها كيف يتكلم وكيف يتعامل مع الاطفال في الامارات
مقدم من طرف منتديات الضمير العربي
السلام عليكم ورحمة الله وبركاته
مرحبا خواتي
الموضوع واضح من عنوانه
عندي ولدي عمره سنه و10 شهور،،لى الحين ما يرمس لا يقول بابا ولا ماما،،ولما ارمسه ما يلتفت لي،،يمكن يعرف بس يطنش او انه صدق مش فاهم،،ايلس بالساعات وياه اعلمه هذا بابا انا ماما،،وين بابا؟؟نسير الحمام؟؟ووايد اشياء ،،بس ما يردد شي بالمره
وخذيت له موعد ف مستشفى الوصل لتأخر النطق والكلام ع تاريخ 10/8
ان شاء الله،،وان شاء الله ما يكون فيه شي
بس سمعت نصايح صديقاتي انه بعضهن عنده نفس المشكله
ولما ساروا للدكتور نصحهم انهم يدخلون عيالهم لحضانه عشان يتعلمون يرمسون ويلعبون مع الاطفال
خص انه ولدي هو وحيدي البكر وما عنده حد يلعب وياه،،،مع اني ضد فكرة الحضانات بس عشان ولدي مضطره
بس بالاول ابغي نصايحكم شو احسن حضانه في راس الخيمة؟؟
ومتى اقدر ادخله؟؟
وشو يعلمونهم بالضبط؟؟وشو انشطتهم؟؟ومن الساعه كم للساعه كم؟؟وكم الرسوم؟؟
ومن تجاربكم هل استفادوا عيالكم قوم بو سنه و10 شهور الى ال 3 سنوات؟؟
ومن اي جنسيه المعلمات؟؟
ويزاكم الله خير مسبقا؟؟ودعواتكم لولدي ربي يحفظه ويحميه ويشفيه لي يا رب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي نصيحه مني ودي ولدج عند دكتور اذن وحنجره وخلي يكشف على اذنه لانه مرات في اطفال يكون شمع او ماي
فاذنهم وهذا ياثر وايد عالسمع وان شاء الله ما فيه الا العافيه بس وديه احسن حتى تطمنين
__________________________________________________ __________
>>>> الرد الثاني :
اختي انا صار معي نفس الشي ولما وديت ولدي حق دكتور اذن وانف وحنجره طلع في ماي في اذنه ولمن تخلصتا من المشكله الولد صار يسمع ويتكلم الحمدلله
__________________________________________________ __________
>>>> الرد الثالث :
المشاركة الأصلية كتبت بواسطة @مبدعه@
اختي نصيحه مني ودي ولدج عند دكتور اذن وحنجره وخلي يكشف على اذنه لانه مرات في اطفال يكون شمع او ماي
فاذنهم وهذا ياثر وايد عالسمع وان شاء الله ما فيه الا العافيه بس وديه احسن حتى تطمنين
يزاج الله خير اختي ع النصيحه،،وتراني ماخذتله موعد عشان تحليل السمع ف مستشفى الوصل بس بعده
ومع ذلك بعد ادور له حضانه عشان يكتسب فيها مهارات جديده ويقدر يتكلم ويتعامل مع بقية الاطفال
__________________________________________________ __________
>>>> الرد الرابع :
والله ماعندي اي فكره بس ماحبيت ادخل ومارد ..
الله يعافيه و ماعليه الا العافيه يارب .. لاتخافين
امين يا رب العالمين ويزاج الله خير ع المرورالكريم والدعوه الطيبه
__________________________________________________ __________
>>>> الرد الخامس :
اختي انا صار معي نفس الشي ولما وديت ولدي حق دكتور اذن وانف وحنجره طلع في ماي في اذنه ولمن تخلصتا من المشكله الولد صار يسمع ويتكلم الحمدلله
لا حول ولا قوة الا بالله ،،الحمد لله على كل حال
بس اختي شو كان علاجه؟؟
وتستاهلين سلامته وما يشوف شر ان شاء الله
رد مع اقتباس
