عنوان الموضوع : نصيحة من أخت لخواتها الأمهات اللي بيدخلون عيالهم كي جي 1 قربن شوي
مقدم من طرف منتديات الضمير العربي

السلام عليكم ورحمة الله وبركاته
اللي خلاني أكتب هالموضوع من تجربة مريت فيها ولا يمكن أعيدها والله يسامحني على كل شي سويته لولدي سببله ألم فنفسه
نصيحتي وكلامي أوجه للامهات اللي ناويات يدخلن عيالهن كي جي 1 الستة الياية وهم بعدهم مب مكملين سن الأربع سنوات يعني ثلاث سنين وشي على شو مستعيلة كل سن وله مقدرته الأستيعابية وهذا مب كلامي هذا كلام المسات والخبيرات فالكي جي حتى لو تقولين شاطر وفاهم يوم يكبر ويوصل مرحلة لجريد بتحسيبه تعبان من المنهج هو صغير والمنهج مب فاهمنه وهذا اللي صار وياي دخلت ولدي الكي جي وهو 3 سنين وشوي تعبت وياه والله وتعبته وياي كنت اهزبه عشان يفهم ويحفظ وتوبت أعيدها خوانه اللي عقبه خليتهم يكملون الاربع سنين وعقب سجلتهم واللي يشوفه يعطيه كي جي 2 وهو ألحين جريد 2 دوم يصيح من راسه ماماه تعبت ماماه راسي يعورني من لمذاكرة آآآآآآآآآآآآه كل ما أتذكر كيف عانيت من هالشي أكره عمري
لاتستعيلون عليهم يوم يكمل الاربع سنين سجلوهم العمر جدامهم ربي يحفظهم
وطبعا اللي عمره ثلاث و عشر أو تسع شهور عادي يكون قرب الاربع أنا اقصد الصغار
حبيت أنصحكم يوم شفت اليهال كيف صغار والامهات يايات يسجلن عيالهم عورني قلبي والمديرة بكبرها قامت تنصحهم وتقولهم حرام على شو مستعيلة عليه
والسموحة منكم طولت عليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكورة اختي على هذي النصيحة

وجزاك الله الف خير

__________________________________________________ __________

>>>> الرد الثاني :
والله صادقه انا عندي اختي بتدخل ولدها وعمره 3 ونص وكلهم اقنعوها تخليه للسنه اليايه واخيرا اقتنعت والحمدلله

__________________________________________________ __________

>>>> الرد الثالث :
ربي يكتبلج الخيــــــــــــر ع النصائح الطيبه اختي

__________________________________________________ __________

>>>> الرد الرابع :
أنا ولدي ليكمل الأربع مع بدايه السنه اليد يده بس أحسه ما يستوعب عدل وحفظه مب هاك الزود وما ادري شسوي

__________________________________________________ __________

>>>> الرد الخامس :
شكرا على النصيحة
بارك الله فيك