عنوان الموضوع : ماليــزيــآ or النـــمسا ؟؟ التدريس الاماراتي
مقدم من طرف منتديات الضمير العربي

السلام عليكم و رحمة الله وبركاته


شحالكم خواتي عساكم بخير ..


هالايام نتشاور انا وريلي خاطرنا نسافر ونغير جو ونروح مكان جوه احلى عن هنيه لأن تدرون صيف بلادنا كيف :s


المدة الي اقترحناها 10 ايام او اسبوعين بالكثير ..

عدد الافراد

انا و ريلي و بنتي

عمرها 4 شهور

يعني ابا مكان ما اتلعوز وياها خصوصًا بنشل عربانتها ويانا ولانها ترضع طبيعي


شفت صور زيلامسي بصراحه روعه بس خايفه ما استانس عشان بنتي

واخاف ما يكون فيها عرب وبالنسبة للأكل ؟؟

وماليزيا معرووفة فيها كل شي و اخواني سايرين لها يعني تقريبًا اعرف كل شي عن الاماكن الي بسيرها فيها ..



ف ياليت الي عندها خبره فالسفر و سايره هالاماكن تخبرني شو المكان الي يناسبنا

او تقترحون علي اماكن ثانية ...


يزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
سرت الدولتين


النمسا اجمل
وجوها احلى بوايد

ماليزيا حر ورطوبة
واحتمال حت بنتكم تلعوزكم

بتم ضايقة من الحر

اما النمسا الاماكن السياحية اجمل
والجو احلى
وتقريبا نفس التكلفة


اقري وايد عن النمسا
وبتعرفين

__________________________________________________ __________

>>>> الرد الثاني :
مرحبا الغالية انا من اسبوع راده من النمسا

رحت سالزبورج وفيينا و زيلامسي الجووو بااارد ومرات مطر شي عرب هناك ممم عندهم مطعم هندي وواحد ايطالي انا هاذيلا اللي كلت عندهم .... طبعا لا تاخذين شنط وايد وكبار اذا بتسيرين بالقطار ... لانه القطار لازم تغيريينه وبتاخذين حوالي 3 ساعات تقريبا ومرات اذا ما وقفوا في محطات وايدة ساعتين وخمسة واربعين دقيقة ... اما اذا بتروحين بسيارة بيكون غير...



مممممممممم ما اعرف اذا عندج اس سؤال ثاني انا حاضرة

__________________________________________________ __________

>>>> الرد الثالث :
قبل كل شي بقولج زيلامسي كلها عرب فالصيف .. اكثر عن اهل القرية نفسهم

و الاكل بتحصلين كل شي عند السوبرماركت التركي من الخبز لين المعلبات و اللحوم الحلال و التمر .. الخ

اممم انا سايره ماليزيا كم مره و سايره النمسا وايد و بخبرج الفرق بينهم =)

ماليزيا الحلو فيها حدايقها و فنادقها راقية و الاماكن الترفيهية و المولات لكن الجو حار و رطووبة لانها دولة استوائية (يعني درجة الحرارة تكون فالثلاثينات فالنهار و مع الرطوبة تتضايجين و ما تقدرين تستمتعين في الاماكن المفتوحة) .. يعني اذا تبغين البرااد و الطبيعية ما انصحج لكن اذا تحبين الوناسة و المولات و الاكشن بتستانسن

اما النمسا طبيعتها تجنن احلى عن ماليزيا و الاجواء تكون باارده فالصيف .. خاصه زيلامسي توصل فيها درجة الحرارة اقل عن 15 يعني برااد و طبيعة حلوة و شلالات و جبال و بحيرات و مناظر ترد الرووح .. يعني حلاتها حق الريلاكس و الاسترخاء و تجديد النفسية بعد سنة كامله من التعب و الدوام و الكراف لكن مافيها مولات و منتجعات راقية و ربشه شرات ماليزيا

و عن الصغيرونه فديتها عادي ما بتفرق وياج لان بعدها رضيعه و ما تفهم شي و ما تتحرك و معظم الوقت راقده فالعربانه يعني ما بتتعبين وياها

__________________________________________________ __________

>>>> الرد الرابع :
زيلامممممممسيييييي وبس لوووول


ولا تخاافين على سالفت العرب والاكل

اول شي العرب في زيلامسي ي الصيف كثااااااااااااااار

ثاني شي على الاكل في مطعم عربي

__________________________________________________ __________

>>>> الرد الخامس :
اناا اتفق مع كلام اختي الغر الحشيم 100%