عنوان الموضوع : أحس إنه ؟؟؟؟ .. حد سمع عن هالشركة تعليم الامارات
مقدم من طرف منتديات الضمير العربي

بسم الله الرحمن الرحيم

بنات سلام عليكن..
حبيت أسأل من فيكم يعرف أو عنده فكره عن شركة الأمراء لبطاقات التسهيلات؟
أو عن بطاقة الخصومات ISP

بصراحة حيل مستغربة من هاي الشركة اتصلوا فيني وعرضوا علي شراء هاي البطاقة بـ 895 درهم ومن خلال أحصل على عروض وخصومات بين30% لين 60% على جميع تذاكر الطيران ما عدى العربية وفلاي دبيوبالإضافة إلى فنادق داخل الدولة,, ما أدري بس ما ارتحت رغم إنه الحرمة تتكلم بثقة وبلهجة إماراتية...
المهم قلت لها طرشي مندوبكم .. ووصل المندوب ثاني يوم.. وأول ما وصل فتح لي دفتر الفواتير.. وين وين صبر أنا أريد أفهم شو هالبطاقة وشو مميزاتها ووين البروشور مالكم وشو موقعكم وأريد أسوي بحث في النت.. المندوب مو جايب معاه غير دفتر الفواتير باسم الشركة وورقة العقد الي جنها ورقة منسوخة بفاكس حتى مو مطبوعة مثل العالم على ورق مرتب ولا شي.. وأونة يقول إنه إذا البطاقة ما فادتني بشي ممكن أرجعها لهم واستلم فلوسي؟؟

يعني آني مو غبية وهبلة خذيت منه منه موقع الشركة وما فتح معاي.. رح المندوب اتصل عالحرمة قالت لي انه الموقع اونه يسوي (أبديت) يعن يتحديث لبيانات الفنادق اللي يتعاملون معاها..

الخلاصة إني قلت لها أنا أجيكم المكتب بنفسي وأتأكد من رقم رخصتكم عند غرفة وتجارة أبوظبي وأشوف كلامكم صح وإلا تخريط.. لأني بصراحة أحب السفر وأريد خصومات على تذاكر طيران الإمارات بأي طريقة..

اللي عندها خبر أو تجربة مشابه لموضوعي تشاركنا ومشكورين يا حلوات..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما قد سمعت عنهم...بس انتبهي منهم..لا تغامرين دامج حسيتي في شي موب واضح...احس طريقة اعرفها في بطاقة تاخذينها من مكاتب الطيران المعروفة...وكل ما تسافرين يحطونلج نقاط...ومن هاي النقاط تتطلعلج رحلات فري

__________________________________________________ __________

>>>> الرد الثاني :

__________________________________________________ __________

>>>> الرد الثالث :
احتمال كبير كلامها صحيح في كتير مكاتب بتعمل ها العروض
بس مادامك حسيتي شي لا تغامري واتاكدي قبل

__________________________________________________ __________

>>>> الرد الرابع :
أتأكدي لأن النصب يقتبس أساليب تشعرك بالثقة فيه وتكون عنده دراية كافية بباقي العروض ليماثلها

__________________________________________________ __________

>>>> الرد الخامس :
أنا كنت أدور في النت بصراحة تعبت عيوني وما حصلت شي.. قلت يمكن حد مثلي يسوي بحث في قوقل ويشوف موضوعي عل وعسى نستفيد من بعض.. خاصة انها قالت لي إنه طيران الغمارات يسوون عليه خصم 30% يعني خصم رهيب خاصة للي تسافر أوربا وأمريكا..
وعلى فكرة للآن يتصلون علي هواية بس ما رديت عالخط وحطيت رقم بالبلوك ليست.. قلت رح اروح لمكتبهم على طول وفجأة وأشوف هل هم فعلاً شركة موثوقة وإلا تنصب على المساكين.. وبخبركم للفائدة..
مشكورات الغاليات عالمرور ما قصرتن..