عنوان الموضوع : انا خاايفة ع بنتي............ لعشاق السياحة
مقدم من طرف منتديات الضمير العربي




اشحالكن خواتي

ضروري تردن عليه


من يومين بنتي تعبانه وعندها امساك وعمرها 6شهور

بس الله لا يراويكم امساك جااف

وفديتها تتويع وما تقدر تتحمله

وبطنها ما يمشيها خير شر

المهم سرت بها العيادة وحوولووني المستشفى

المشكلة اني خايفة وموب قادرة ءأكلها اي شي الحين بس ابا اعطيها سوائل وموب عارفة شو بالضبط...

وما ادري عيزت ويااها شو اعطيها عطني حل دخيلكن..........

انا كنت اعطيها الصبح بس حليب ومرات وياه تفاح
والظهر عيش مع خضرة((بطاط او جزر او بازلاء))
والعصر موز معلب او كمثرى او عصير..>>وحليب
والليل فواكه بعد..>> وحليب

عطني تجاربكن شو اسوي والله خايفة عشت ها اليومين رعب وياها نحن الكبار ما نتحمل كيييييييف الصغاااار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


؟؟؟؟؟؟؟؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغلا ...شربيها حليب معاه زيت خروع

و استشيري الدكتوره قبل كل شي تسوينه

و عطيها عصير برتقال فرش

و دووري في جوجل عن الفواكه المسهله واااايد بتلقين
و الله يشفي بنتج ان شاء الله

__________________________________________________ __________

>>>> الرد الثاني :
إختي حاولي كثر نا تقدرين إنج ترضعينها طبيعي ..

عطيها عصير برتقال ولازم يكون مخفف بماي لأنه حار على معدة اليهال ..

لا تعطينها لا موز ولا بطاطا لأنه بيزيد الإمساك ..

حاولي تسلقين العيش وتشربينها الماي ماله بعد ما تصفين العيش منه ..

وربي يشفي كتكوتتج إن شاء الله ويحفظها لج ..

طمنينا عنها حبيبتي ^_^

__________________________________________________ __________

>>>> الرد الثالث :
اختي ااى حليب تعطينها؟

__________________________________________________ __________

>>>> الرد الرابع :
عصير برتقال مخفف ومحلى بالسكر الأسمر

__________________________________________________ __________

>>>> الرد الخامس :
المــــــــــــــــــــــوز يسبب الامسااااااااك
اتحملي لاتعطينها موز ===> عن تجربه

وثاني شي بنتج قد بنتي ===> من بدت تظهر لها اسنان ياها إمساك
فاحتمال تظهر لبنتج أسنان