عنوان الموضوع : حد عنده عيال عمارهم سنتين ونص!! للساحة الامارات
مقدم من طرف منتديات الضمير العربي
شو نظام المرضعه معاهم !!!!!!!!!!!!!!
يعني كم مره
متلعوزه ويا المرضعه ؟؟؟؟؟؟؟؟؟؟؟؟؟؟؟؟؟
بديت اشلها عنه
اعطيه وقت نومه الظهر ووقت نومه المسا بس!
ونطلع ونشله معانا بدون مرضعه عسب يبدأ يتعود بدونها الا حزة نومه مخليتنها !!
بليز الي بدا يخبرني
شليت معايه دبة ام مصاص فبيت امي وحطيتله ماي ووحدة عصير وتميت اعطيه وتجاوب معايه وبدا يشرب عادي
بس صاير عصبي ويصيح على اتفه الامور ويطلب امور غريبه ماكان يطلبها
امي تقولي عادي
هذا تاثير الفطام لانه نفس فطام الصدر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبوبة ولدي من ثلاث ايام كمل السنتين........ العمر كله ان شاءالله
وانا قاطعة المرضعة عنه من زمااااااااان عشان يتعود
وخذيت له الكوب ماااال البيبيات من بيبي شوب واستانس عليه
صج انه يوم ايشوف المرضعة عند حد يحاول يآخذها بس من اتقولين له اخ هذه وصاخة يهدها
حاااااولي انج تقطعينها مولية عشان مايشوفها ويحن لها وخليه على الكوب احسن
\
وعطيه الحليب قبل النوم يعني مع العشا وعوديه على هالشي اريحلج
__________________________________________________ __________
>>>> الرد الثاني :
وعطيه الحليب قبل النوم يعني مع العشا وعوديه على هالشي اريحلج
معاج اختي صح اريح بس بعده يباها وقت النوم ولدي لحووووووووووووووح
بخليه عرضعة الليل لمدة شهر وعقبها خلاص
مع العشا
لاني بديت من 4 ايام معاه الحين
بس رضعه وقت نوم الظهر ورضعه وقت نوم المسا
__________________________________________________ __________
>>>> الرد الثالث :
يا حبيبتي حاااااااولي كثر ما تقدرين انج تقطعينها عنه بأي طريقه ...
ولا تقولين بس هالشهر والا بس هالاسبوع ولا حتى هاليوم ..
قولي ببدأ من الحين وبقطعها و خلج حااااازمه وصبووووره ..
ترى كل اليهال يتعلقون في المرضعه و خاصه وقت النووووووم ...
انا الحمدالله قطعتها عن ولدي قبل لا يكمل سنتين بشوي ....
واحين عمره سنتين واربع شهور ...
في البدايه طبعا طفربي وكله يتم يصيح وخاااصه حزة النوووم ..
يعاند بس يبا المرضعه ... وكنت ماخذتله الاكواب اللي فيها بيبات من بيبي شوب هااااي صج تفتح نفس اليهال وتخلييهم يتعودون على الاكواب بطريقه صحيحه .. وصج هاي اللي ساعدتني اني اودر المرضعه ...
بس كان وقت النوم يعاند وما يباها بعد ..
تدرين شو سويت فيه علشان تلوع جبده من المراضع ماله ...
قمت كل مرضعه احط له فيها حليب ويشربه اخليها مثل ما هي وما اغسلها لاني اصلا خلاااص بفرها بالزباااله ...
بس المهم خليتهم لين خلاص صاروا كلهم وسخين ...
وكل ما يقول حقي انه يبا المرضعه اقوله سير شوف المرضعه كيف وسخـــــــه وعععع وساااخه واسوي عمري اني لايعه جبدي وهو بعد من النوع اللي تلوع جبده من الوساخه واااايد ...
فكان يستسلم ويشرب بالكوب و اشوي اشوي تعود على الاكواب وعقيت المراضع في الزباله بمساعدته بعد خخخخ
وعلشان انفخ ريشه واخليه يستانس على عمره قمت أمدحه واقوله انت احين صرت كبير تشرب الكوب نفس ماما وبابا .. عاد هو صدق عمره انه صار كبير واحين من يشوف حد ماسك مرضعه يضحك عليه ويقول ماما شوفي هذا مب شاطر هذا نونو يشرب بالمرضعه هههههه فديته والله
توكلي على الله وابدي من الآآآآآن
وربي يحفظ لج ولدج من كل شر
وللعلم انا اعطي ولدي كوبين في اليوم .. واحد الصبح يوم يقوم
و الثاني العصر .... بعد المغرب اقلل السوائل كثر ما اقدر علشان ما يسويها على عمره وهو نايم
وان شاء الله تكوني بديتي مع ولدج انج تقطعين البامبرز لانه خلاااص كبر
وربي يحفظ لج اياه
__________________________________________________ __________
>>>> الرد الرابع :
بعدني مع البامبرز افففففففففففففففففففففففففففففف والله خاطري اقطعه عنه لاني فاجازة سنويه وبداوم 17-8 خلاص وهو داش الحضانه فاول شهر 9
وانا ابا اغيره قبل هالوقت
__________________________________________________ __________
>>>> الرد الخامس :
انا ولدي مكمل سنتين وشهر مشكلته مايطييع ياكل شي عايش عالحليب مادري شسويله
يعني السموحه مابقدر افيدج
رد مع اقتباس
