عنوان الموضوع : ساعدوني ولدي يفشلني من كثر شغبه للساحة الامارات
مقدم من طرف منتديات الضمير العربي
عندي ولد عمره سنتين ونص هو اول طفل لي مشكلته انه يضرب عيال الناس اللي ايلس وياهم
ويطيحهم على الارض واذا في ايديهم شي يآخذه ويكبه ف الارض
وفي مشكلة ثانية يوم يشوفني اصلي يستغل الفرصة ويسوي مصايب اكبر
يدخل المطبخ يفتح مثلا الطحين ويلعب فيه ويكبه ف الارض او يلعب بالفكس ويدهن وجهه والتسريحة والارض ومن هالتصرفات وااااايد...........الخ
سويت له كل شي يبت له اقلام والوان وكل الالعاب التعليمية والترفيهية والفيديو والاناشيد
والله احترت ما اعرف شو اسوي وياه
يحب يكسر يخرب يضرب ما اعرف كيف اتصرف وياه ؟؟؟؟
صرت افتشل من الناس ما اروح مكان ولا عزايم خوف انه يضرب عيالهم ويحرجني
مااااااااااذا افعل له ؟؟؟؟؟؟؟؟؟؟؟؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتى سايسيه ولا تتخذى معه اسلوب التخويف لان هالنوع عنييييييد
حاولى تسايسيه وقوليله انك بتمنعيه من اى شئ يحبه لو سوى مثل هالحركات وقوليله بخاصمك وازعل منك
حاولى تحببيه فيكى اكثر من اى شئ ليطيعك ويسمع كلامك
ارجو انى اكون افدتك ويارب يهدى لك ولدك
__________________________________________________ __________
>>>> الرد الثاني :
مادري والله كيف انصج...
بس الي اعرفه مع الوقت يهدون...يعني كل ما بيكبر بيهدى شوي...
حاولي معاه باسلوب مختلف...
انا قبل كنت اتابع برنامج سوبر ناني لتربيه الاطفال...فهي وايد اتعاملت مع هالحالات...
كانت تنصح الاهل اهم شي انهم ما ايدلعون اليهال...واتخصص لهم غرفه للعقاب...واهم من هذا كله انهم لاااازم ايعاقبونه عقاب جدي وما ايردون في كلامهم...عقاب يعني عقاب...
مثلا...اذا شفتيه خبص الدنيااا...على طول اسحبيه غرفه العقاب...ولا اتعبرينه...ولا اتسويله الي يباه...
شوي شوي مع الوقت بيصطلب...
وكل ما خبص على طول لازم اتعقابينه...اهم شي لازم اتحسسينه اي غلطه بيسويها...على طول السالفه فيها عقاب...
ان شاءالله قدرت اوصلج المعلومه؟؟؟
__________________________________________________ __________
>>>> الرد الثالث :
شوفي فديته ولدج ربي يحفظه عنده نشاط زايد
وبعدين الولد خلاص بهالسن تقريبا بيبدا يفهم الامور في البيت يعني الصح من الغلط والمسموح من
الممنوع ولازم يتعلم القوانين ويبالهم شوي شده وحزم في المعامله بس بدون ضرب وتخويف ...
سويله كرسي العقاب وهالكرسي يكون بعيد عن اي شي يحبه ويسليه وخليه يصيح لين يعتذر حتى لو
بصوت مب واضح وفهميه سبب العقاب ... يعني خليه تقريبا دقيقتين ثلاث لين يحس انه الي يسويه
غلط ولا يحن قلبج عليه يوم يصيح تعاملي شوي بصلابه عشان يتفهم الامور ويبدا يمشي على نظام
انتي تسوينه.... ومن غير هذا استخدمي بعد اسلوب التشجيع والتحفيز وربي يحفظه لج ان شاء الله.....
__________________________________________________ __________
>>>> الرد الرابع :
سبحان الله كانج تتكلمين عن ولدي الله يعينا يارب
__________________________________________________ __________
>>>> الرد الخامس :
اشكر كل اللي رد علي
وعيبتني وايد فكرة كرسي العقاب بحاول اطبقها من باجر
والله يعينا على تربية عيال هالزمن والله صعبين ومتعبين
رد مع اقتباس
