عنوان الموضوع : شغاله لطفل من الاحتياجات الخاصه ؟؟؟؟؟؟ لعشاق السياحة
مقدم من طرف منتديات الضمير العربي

سلام عليكم خواتي

انا عندي طفل متاخر في النمو يعني في الكلام والتواصل يعتبر من فئة الاحتياجات الخاصه بس الحمدلله على كل حال
المهم انا ابا اييب خدامه له في نفس الوقت عندي مسؤليات البيت طبخ وتنظيف وعيال غيره المهم
شو تنصحوني اسوي ايب خدامه عاديه يعني الي تكوي وتغسل وتطبخ ولا اييب وحده متخصصه له واذا وحده متخصصه كيف اعرف انها زينه يوم بتتعامل وياه اخاف تضربه ولا شي وهو ما يعرف يعبر بس يصيح ويضرب اذا حد ازعجه
اخاف ايب خدامه عاديه ما تعرف له والمتخصصه من وين ايبها انا متابعه وياه جلسات ويروح مركز بس في البيت يبا حد وياه يكلمه يفهمه ويتابعه
انا اسوي قد ما اقدر لكن عندي مسؤوليات ثانيه ومن كثر ما افكر فيه يضربني احباط واتم اطالعه وافكر يعني بدال ما افهمه اكتئب عشانه

نصحوني شو مواصفات الشغاله الزينه لمثل هذا الطفل
خواتي نصايحكن غاليه وجزاكن الله كل خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ممكن تروحين مكاتب العماله وتطلبون نيرس فلبينيه له صح انه راتبها بيكون اغلى من الخدامات بس المهم في الموضوع ولدج وراح تتابع معه الجلسات اذا كان يأخذ جلسات مساج وراح تعرف كيف تتعامل معاه وقبل ما تكملين إجرائه الكفاله اطلبي من المكتب يعطيج رقمها وتكلمي معها وقولي لها كيف الوضع واذا تقدر ووافقت على شروطج يبيها واذا لا دوري غيرها
وربي يعطيج العافيه ويصبرج يارب ويعينج في تربيته

__________________________________________________ __________

>>>> الرد الثاني :
اختي الغاليه

عندي طفلين من الحتياجات الخاصه

ويبتلهم خدامه عاديه فلبينيه بس انا رتبت الها وقتها

الصبح لما يكونون نايمي تخلص الغسيل والكوي

وتجهز ريوقهم وادويتهم والعابهم والغرفه الي يقعدون

بس نصيحه لاتعطينها غير الغسيل والكوي وتنظيف بس

لانها مابتلحق

__________________________________________________ __________

>>>> الرد الثالث :
الله يعينا على تربية عيالنا خاصه يوم يكونون من هالفئة
والله حبيبتي انا أم لتوأم ثلاثي وواحد منهم بعد يباله رعايه خاصه لأنه متأخر عن أخوانه فكل شي
يبت خدامه عاديه وعلمتها من اول ما تصحه كله بس تشوف عيالي الأثنين الي صحتهم اوكي ويوم يرقدون الظهر تنظف وتغسل الملابس
وانا مجابله ولدي الي يحتاج رعايه خاصه والطبخ علي بعد
انتي لازم تسويين نظام للبيت وللشغاله عشان تمشي عليه أنا تميت فتره لين ما استقرينا على هالروتين لأنه شفته أنسب شي عشان تمشي الأمور بسهوله
والله يوفقج

__________________________________________________ __________

>>>> الرد الرابع :
الله يعينج أختي علي تربيته اذا بتبيين ممرضه فلبينيه حقه أنا أنصحج قبل لا تيبينها اتصلي فيها هالكلام عن تجربه وخبريها عن طبيعه الشغل اللي انتي بتيبينها حقه وتأكدى منها انها تعرف تعطي الادويه وتعرف تعطي الإبر في حال احتجتي لا قدر الله لأنهم الأغلبيه اللي ايبونهم المكاتب كممرضات ما يعرفون غير انهم يأخذون الضغط والحرارة حتي الادويه ما يعرفولها مع انهم يطرشون شهاداتهم انهم دارسين تمريض

__________________________________________________ __________

>>>> الرد الخامس :
اعرف كذا وحدة عندهم عيال من ذوي الاحتياجات الخاصة، واييبون لهم خدم عاديين ويعلموونهم ويشرحونلهم المهام

شخصيا اشوف احسن اتييبين وحدة متعلمة تعرف القراية والكتابة ومثقفة، تنفعج ويا الادوية وتكون على قدر من الذكاء!