عنوان الموضوع : استفسار بسيط...!!!! للساحة الامارات
مقدم من طرف منتديات الضمير العربي

السلام عليكم ورحمة الله وبركاته
اخباركم اخواتي عساكم بخير
بدخل عالموضوع علطول ..
عندي استفسار بسيط
انا ولدي كمل سنة ويرضع مني لين الحين
ومن رضعته ضعفت وااايد كل شي فيني ضعف ..ضعفت ضعف مب طبيعي الكل ﻻحظ علي هالضعف حتى عمي ﻻحظ عليه والمشكله اني اكل وايد بس ماييبين ابداا
لدرجه ان جسمي احسه تعباان وعظامي رايحهه فيها احس الرضاعه دمرتني وﻻ قدرت افطمة كل الانواع اشتريتها له بس مايبا تعبت وربي وادرس الحين ..
بس ماعرفت شو سبب هالضعف اللي انا فيه الكل يسالني شوفيج مهمومة بالعكس الحمدالله حياتي حلوة ومرتاحه لك الحمدالله بس احاتي دراستي و افكر فيها وانا قلت يمكن الرضاعه ..حد عندة خبرة بالموضوع
وجزاكم ربي كل خير ..دعوواااتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح الرضاعه تضعف ويمكن من التفكير بعد ﻷنج واايد تفكرين ..
عادي فديتج كملي فديته ولدج ف عمر انه ياكل شبعيه وقت جامعتج ويوم بتكونين فالبيت بعد خلي اعتماده كله عاﻷكل .. عسب يتقوى أكثر وياخذ أنواع الفيتامينات من أكله والرضاعه بتكون أغلب الوقت وقت النوم عسب يتخدر وينام
وانتي انتبهي لصحتج وخذي فيتامينات للرضاعه اذا ما كنتي تاخذين .. وربي يوفقج للي فيه خير لج .. انتي أم وكله بأجره ان شاء الله .. والرضاعه زينة لج ولولدج ..

__________________________________________________ __________

>>>> الرد الثاني :
الله يوفقج اختي وتردين نفس قبل واحسن
ماعرف الصراحه بس حبيت ادعيلج ان شاء الله الخوات يفيدونج

__________________________________________________ __________

>>>> الرد الثالث :
ماتقصرون والله جزاكن ربي كل خير مشكورات حبايبي

__________________________________________________ __________

>>>> الرد الرابع :
نفس حالاي يوم كنت أرضع والله نزلت يمكن ثمانية كيلو والكل لاحظ علي حتى خدودي دخلت ع داخل . مع اني أكل وكل ما أكل أحس فيوم فضيع . اختي حاولي تسوي تحاليل يمكن عندج نقص فيتامين دال اذا عظمج يعورج .

__________________________________________________ __________

>>>> الرد الخامس :
اختي لازم تاخذي فيتامينات وكالسيوم وحديد على شكل اقراص
الطعام وحده ما يكفي
انا ارضع وآكل زين وآخذ حبوب,يوم بوقف الحبوب بشعر بصداع نتيجة نقص الحديد,وبآلام بالعظام لنقص الكالسيوم,مع اني يوميا آكل أجبان واشرب حليب
وعموما شوفي طبيبة اشرحيلها الحاله وتوصفلك فيتامينات تناسبك او العلاج المناسب