عنوان الموضوع : شو أسوي وياه
مقدم من طرف منتديات الضمير العربي

انا بصراحة تعبت وياه ريلي..... فيه كم موضوع مب رايمة عليه :-
أولا :- موضوع السواقة ... مب طايع اتعلم السواقة مع اني اشتغل وأحتاج اسوق ... اونه يخاف عليا.... احين عمي يوديني المدرسة ويردني ... هو حاول ييب سواقة بس ما مشي الحال....
ثانيا:- موضوع انا نبات برع ف فندق أو شاليه ... انا ساكنه ويا أهله ف غرفة وصاله صغيرة... و اضييج وهو طووول الأسبوع ف بوظبي عشان دوامه... خوانه يودووون حريمهم يباتووون برع إلا أنا ... أونه ما يحب .....
و هو يعرف انه هالشي بخاطري بس ماشئ فايدة

شو اسوي وياااه حاولت أكلمه بالمنطق و العقل ما طاع .... تغليت عليه ... نفس الشئ ... شو الحل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله فديتج ما عندي حل لج

بس ان شاء الله الله يهديه

وربي يسعدكم ويخليكم لبعض ان شاء الله

__________________________________________________ __________

>>>> الرد الثاني :
انا بعد ماعندي حل
يعني في اشيا ماتتغير الا بعد وقت وجهد
حاولي وياه مره مرتين ثلاث..
مارضى خلاص..ريلج يبا جي.. خلج جي
ربي يوفقج الغلالالالالالالالالالالا

__________________________________________________ __________

>>>> الرد الثالث :
الله يوفق بينكم


عن السواقه فديتج حاولي انه اييب لج سواقه .. مو لازم اتسوقين استانسي يخاف عليج في احلى عن جذه ؟؟!!

..

و عن الفندق. .
اتعازمو ان كلكن اتروحون يعني حريم اخوانه خبريهم يقولون لاخوانه ان يعزموه و بتسيرون يميع
يمكن يوافق .. بس لا يعرف ان انتي اللي قايله ..

او ان مره من المرات ف يوم زواجكم انتي احجزي و سيروا لو هو عادي عنده انج تحجزين ..
في ما يحبون ..

__________________________________________________ __________

>>>> الرد الرابع :
الله يهدي ان شاااء الله..

__________________________________________________ __________

>>>> الرد الخامس :
احمدي ربج انه هاذا العيب بس في ريلج ولا تقارنين نفسج بغيرج بس دايما ابن ادم طماع ولا يحمد الله على النعمه الي الله عاطنه اياها.واحمدي ربج الف مره والله سبحانه وتعالى قال وان حمدتم وشكرتم لازيدنكم.