عنوان الموضوع : زوجه وأم وتشتغلين بعد عيل دشي المومة و الطفل
مقدم من طرف منتديات الضمير العربي
الموضوع مبين من عنوانه
بالنسبه للامهات العاملات كيف تنظمون وقتكم بين البيت والشغل ومسؤولياتج تجاه زوجك وعيالك
هل قادره توفقين بين الشغل والبيت ولا مقصره في واحد منهم
هل مهتمه في عيالك ولا معتمده على الشغاله في تربيتهم
وقت الدوام يكونون العيال في البيت ويا الشغاله ولا تحطينهم عند اهلج ولا تودينهم حضانه يتسلون ويتعلمون احسن
خلون نناقش هالموضوع و نستفيد من بعض
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحمد الله ما اشتغل بس داخله رزه والله يوفق الجميع يارب
__________________________________________________ __________
>>>> الرد الثاني :
انا اداوم و اشتغل و حامل ، بعدني ما جربت تربية اليهال، انا الحين مب قادرة أخلص كل اشغالي الله يعيني بعدين.
__________________________________________________ __________
>>>> الرد الثالث :
الغاليات انا عن نفسي لاحد يزعل ولاياخذ موقف
محد يربي العيال الا امهم مثلا كيف تخلين عيالج عند امج ولا عمتج ولاخلاتهم ولاعماتهم
اول شي تخف بينكم رابطه الامومه وثاني شي مابيحترمون وجودكم وانتي شعرفج في راي الناس الي مخليه عيالج عندهم اكيد يرمسون محد يخدم حد
الحلو يوم تنش بنتج مصبحه عليج واول ماترد تشوفج تسالين عنها وانتي تسحينها وتسبحينها وتاكلينها وقلبج بس معاها
وحتى الريل كيف تخلينه من يصبح ويمسي ويتغدى روحه
انا ماحب اكون بعيده عن ريلي
وسموحه
__________________________________________________ __________
>>>> الرد الرابع :
انا زوجه وام لبنتين واشتغل
بالنسبه لي بنتي العوده تروح الروضه وانا وريلي اللي نوصلها وطبعا انش من الفير (تكون سابحه بالليل) اغسل ويهها واسنانها والبسها واسحيلها شعرها...والشغاله تسويلها الريوق وساعتها اسير اتلبس انا وريلي ونوصلها الروضه
بنتي الصغنونه اشلها وياي في الحضانه اللي تابعه لشغلي..وتم هناك ويا اليهال وكل شويه اسير اشوفها واتطمن عليها...
ددوامي يخلص قبل ريلي ..ايني اخويه(فديت روحه) طبعا تكون بنتي الصغنونه ويايه..واسير لبنتي اللي في الروضه (كيه جي ون) ونروح البيت...طبعا الغدا يكون جاهزانا اغير لبناتي واغير ملابسي ونتريا بو الشباب...
قبل يوم كانت عندي بنت وحده كنت انام الظهر..الحينه ويا البنتين الله يحفظهم لغيت رقاد الظهر..اقعد وياهم واجابلهم لين ينش ابوهم ويقعد ويانا وعلى هالحال
الحمدلله اشتغل بس مب مقصره ويا بناتي ابدا...ويوم احس اني انشغلت خصوصا عن الاولى ازيدلها جرعه الحنان
__________________________________________________ __________
>>>> الرد الخامس :
المشاركة الأصلية كتبت بواسطة عروسه دبي
الغاليات انا عن نفسي لاحد يزعل ولاياخذ موقف
محد يربي العيال الا امهم مثلا كيف تخلين عيالج عند امج ولا عمتج ولاخلاتهم ولاعماتهم
اول شي تخف بينكم رابطه الامومه وثاني شي مابيحترمون وجودكم وانتي شعرفج في راي الناس الي مخليه عيالج عندهم اكيد يرمسون محد يخدم حد
الحلو يوم تنش بنتج مصبحه عليج واول ماترد تشوفج تسالين عنها وانتي تسحينها وتسبحينها وتاكلينها وقلبج بس معاها
وحتى الريل كيف تخلينه من يصبح ويمسي ويتغدى روحه
انا ماحب اكون بعيده عن ريلي
وسموحه
اولا امج ولا اختج ولا عمتج هاذولا اهلج وعارفين ظروفج وما بيرمسون عنج الا اذا اختي ها الشي عندج انت يعني عفوا مهب واثقة في اهلج
الحرمة ساعات تنجبر تشتغل ويكون اتفاق بين الزوجين متوافقين عليه وتراها الحرمة موجودة في البيت يعني تصبح على ريلها الصبح وتمسي معاه ليش هي الحرمة يوم تشتغل تنام في غرفة بروحها ولا ما اتي البيت الا في الويكند؟؟؟
وانا وايد اقدر الحرمة اللي تجتهد وتشتغل وام في نفس الوقت كل ها بس عسب تسعد ريلها وعيالها وهاذي تسمى تضحية
يعني هي بتدرس او انها بتشتغل مدى الحياه لازم بتي فترة وتعدي وبتقعد في البيت
وعلى فكرة ها الزمن معظم الرياييل يبون حريم يشتغلون يساعدونهم في امور البيت
رد مع اقتباس
