عنوان الموضوع : عندي مشكلهـ صغيرهـ ويا ريلي !!
مقدم من طرف منتديات الضمير العربي

ما اعرف شو اقولكمـ ..

مشكلتي صغيرهـ ويمكن تافههـ بس ما اعرف شو اسوي ..!

السالفهـ بإختصار انا مالجهـ ..

انا من طبع اذا شفت واحد جميل أقول اوهـ كتكوت ما شاء اللهـ عليهـ ع لساني ،، او اذا واحد خسف والناس تمدحهـ اقول ما عيبني .. !

المهم مرهـ قالت لي بنت عمي ريلج بيحرج اذا قلتي جدامهـ ها كتكوت قتلهـ ما ادريّ! بس انا ما اقصد شي فيها ..


البارحهـ كان عندي وكان يشوف مسلسل نورً وانا ما قد شفتهـ دوم اسمع مهند جميل وجي ..

اول ما شفت مهند قتلهـ هذا مهند مول مب حلووو ليش يقولون عنهـ حلو !!
قالي ما دري ..
وعقب شقت واحد ثاني في المسلسل قلتله هذا احلى ..



المهم عقب طلع واحد بالصدفه او بالغلط قلت كتكوت ما شاء اللهـ عليهـ ..
جان يطالعني عقب صد ع التلفزيون عادي !


* جان اوني بدارك الموقف قتلهـ انتهـ تزعل لو قلت عن حد حلوو ..
قالي لا تعودت !!
قتلهـ حرام عليك انا اقولها الا جي من دون مغزى , يعني انا مب من النوع الي يشدني الشكل بس جي تعليقات تطلع //
قالي عادي عادي وغير الموضوع ..


اليوم خفت يكون زعلان طرشتلهـ مسج

محد يسواك عندي وانا خلاص ما يخصني اقول تعليقات جي بدون مغزى ولا حد حلو ولا حد مب حلو !!

رد قالي

" يرضيج انا اقول عن وحده حلوه جدامج ولا جدام حد من ربعي " ..!؟

قتلهـ لا وعشان جي طرشت هالمسج


تعرفون شو قااال !!

ما تفرق تعودت على هالوقاحه !!!!!!


طرشتله
وقاحهـ !ّ

اسفهـ

وسكت


قالي ماله داعي تعتذرين !!!!




وانا الحين مغتبنه وقلبي مقبوووض واااايد ><
ما اعرف شو اسوي
بس جد ووايد ضااايقه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعليه ردي واعتذريله ما فيها شي الريال بطبيعته زعول اذا الوحده بتطريله ان غيره حليو او وسيم.....او....
بعكسنا احنا الحريم غيورات......بس لاتحاولين اتكررينها جدامه....هذا يقلل من نظرته لج.....والله يجمعكم ع خير

__________________________________________________ __________

>>>> الرد الثاني :
أحس مب قادرهـ ارمسهـ
ومالي نفس اقولهـ شي ولا اكتبلهـ مسج .. !

أحس وقحهـ كلمهـ كبيرهـ وما ابا يضرى عليها خصهـ ونحن توهـ مالجين !!!!

__________________________________________________ __________

>>>> الرد الثالث :
شوفي أختي أنا ما بزيد همج بس بقول لج إياها كلمة واحفظيها
عدل بتنفعج وايد في حياتج بعدين . . اللي ما ترضين ريلج يسويه لا
ترضينه عليه !
يعني حافظي على حقوقه عشان يحافظ على حقوقج
بس هذا مب مبرر لريلج إنه يقول كلمة (وقاحة) ،
يمكن قالها من القهر اللي حس به ، ضيفي لهذا إن الرياييل
يعقون الكلمة وفوقها طنين دفاشة كم يوم جيه وبيهدى
الموضوع ولا كأن في شي ، وإذا فتحه مرة ثانية قولي له :
أنا اعتذرت وخلاص غيّر الموضوع

__________________________________________________ __________

>>>> الرد الرابع :
مريهـ كلامج صح وانا عارفهـ هالشي
وها الي خلاني ارد اطرشلهـ مسج , عشان اقولهـ انهـ ما بسوي ولا بقول هالشي !!!


بس الحينه عاقهـ تلفوني وادري انه بيطرش بس ما ابا اشوفهـ وما ابا أكلمهـ الحينه صدق مالي خاااطر

__________________________________________________ __________

>>>> الرد الخامس :
امممممممم انتي الحين لا ترمسين وياه في الموضوع يوم انج متضايقه
لان اكيدما بترومين و اذا جبرتي عمرج يمكن بعد تعقين كلام او يمكن تتاثرين بسرعه باي كلام يقوله

هو اكيد قال هالكلام لانه مقهور و ما اظن يقصدها ..
تريي و شوفي شو يصير .. انتي باعتقادي سويتي اللي عليج و اعتذرتي بعد .. و تعلمي من اللي صار درس
شرات ما قالت الاخت مرّية ..
و الله اييسر الامور و يفرحكم ^^