عنوان الموضوع : بصراااحة.. إلى أي حد تصل غيرتج على زوجج؟؟(دعوة للمشاركة) رعاية الاطفال
مقدم من طرف منتديات الضمير العربي
الغيرة يا اختي خصلة طبيعية في الانسان سواء كان رجل أو امرأه يعني الحرمة مثلا
تغار من اي شي واي مخلوق يشغل ريلها عنها الحرمة دايما تبا انها اتكون محط اهتمام
ريلها هي الاحلى هي الالطف هي الاهم فان انشغل بشي او بحد غيرها اشتعلت الغيرة في قلبها
فيه حريم يغارن من اهله من شغله من هواياته من ربعه من عيونه لي تطالع الحريم
والريال نفس الشي يغار من هالاشيا من اهتمامها باهلها بشغلها بهوايتها بعيون الرياييل لي
يطالعونها
عن نفسي من شو اغار بصراحة ريلي موليني اهتمامه وما يحاول يثير غيرتي من شي
بقصد او دون قصد ولله الحمد ومثل ما هو مهتم باهلي انا بعد احاول ابر اهله بما يرضي الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كلنا نغار وغيره غير طبيعيه
لان الحرمه تحب كل شي يكون الها قبل كل حد...>> تكون الاولى من كل النواحي في الاهتمام والحب
__________________________________________________ __________
>>>> الرد الثاني :
الصراحه ما ألحق أغار ما عندي وقت هو مب عندنا من أسبوع لين أسبوع قوليلي متى أغار ويوم إيي ما يطلع من البيت إلا للصلاه وساعات يطلع العيال وأنا دايما إستاند باي لسبب وجوده لازم كل شي يكون تمام البيت العيال الأكل والثياب ولبسي واهتمامي بنفسي ومن يروح أكسر أكبر إيحله والا خرس وراه أرتاح شوي وأحس اني في الجيش
تمام سيدي
__________________________________________________ __________
>>>> الرد الثالث :
بسم الله الرحمن الرحيم
إلى أي حد تصل غيرتج على زوجج
تغارين من البنات؟؟
هيه اكيد ما يعيبني يوم انسير المولات و اشوف بنات يلفتن النظر و كنهن سايرات عرس، انا اتم اطالعهم و عشان جي اعذر ريلي لانهن صدج ملفتات للنظر.
من ربعه؟؟
واااااااااااااااااااااااااايد، لانهم يخربون عليي وايد، و خاصة في الليل يوم يسهر وياهم.
من البشكارة؟؟
الحمدلله ما عندنا شغالة.
أمه؟؟
لأ ابدا بالعكس احببه في امه
خواته؟؟
لأ
خواتج؟؟
للاسف وحدة من خواتي اللي اكبر مني لانها وايد ماخذة راحتها وياه و ما يعيبني.
صديقاتج؟؟
لأ
بنات خالاتج وعماتج؟؟
لأ
وشو الي يخليج تغارين؟؟جمالهم؟؟ اهتمامه فيهم؟؟ حبه لهم؟؟...إلخ
يرجى تفاعل
وشكــــــــــرا
__________________________________________________ __________
>>>> الرد الرابع :
اغار وايد واايد
وهالشي مضايجني وايد لكن هو يستانس عليه احياناً يوم تزيد غيرتي عن حدها يتضااايج
اغاار اكثر شي من ربعه لأنهم دووم وياااه وايد يرمس عنهم ..
احياناً اغار من اهتمام اخته فيه بس اعزها الله يخليلها مول مابين هالشي
ماغااااااار عليه من خواتي مول ..
يعني سبب غيرتي هوو اهتمااامهم الزايد فيه .. واهتمامه هو فيهم .. طماااعه بس ابا حقي
والسموحه
__________________________________________________ __________
>>>> الرد الخامس :
المشاركة الأصلية كتبت بواسطة shama07
!!!
رد مع اقتباس
