عنوان الموضوع : ولد اختي .... لتربية طفلك
مقدم من طرف منتديات الضمير العربي
السلام عليكم ورحمة الله وبركاته
مرحبا خواتي,, ان شاء الله اتساعدوني في حل مشكلة ولد اختي الصغير عمره 7 سنوات
والمشكله انه واااايد خواف وصياح ومايعرف يتصرف دايما يعتمد على اخته اللي اكبر عنه وعمرها 8 سنوات وهي ماشاء الله عليها تعرف تتصرف و واايد اجتماعيه
بس هو ماعرف شو مشكلته حتى فالمدرسه ماعنده اصدقاء دايما يسير عند اخته وهي مع صديقاتها.. ويصيح عندها يقول فلان ضربني ومايحب يلعب مع الاولاد !
احس انه يتصرف مثل البنات لأنه دايما مع اخته وهي مسيطره عليه كأنها الولد وهو البنت !
وانا دايما اقول حق اخوي شله معاك لاتخليه فالبيت لأنه البيت كله بنات وهو متعود علينا ومب متعود يختلط مع الرياييل ويستحي منهم ! بس بعد الولد يصيح ومايحب يطلع مع خاله..
و لأنه اختي متطلقه وماعندها غير هالولد والبنت ابوهم مب مفتكر فيهم !
اختي شوي وبتصيح على ولدها !
شورن علي عطوني حل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خله يتعود على اخواله احسن له حاولوا وياه مرة و مرتين.
__________________________________________________ __________
>>>> الرد الثاني :
خلي امه ترمس واياه وتفهمه انه هو الريال الكبير وان الريال مايصيح ومايخلي حد يضربه والريال يلس مع الريايل مب مع الحريم ولو عندكم في العايله اولاد خلي يلس واياهم او اولاد اليران المهم امه لاتخلي وتحاول تقوي شخصيته وثقته في نفسه ولو اتعلم اسير اصلي في المسيد لو حذالكم مسيد قريب من البيت يكون احسن
__________________________________________________ __________
>>>> الرد الثالث :
لازم يكزن في البيت حد منالأولاد عشان يكلمه و يلعب معاه و بعد الاب له دور وايد كبير خليه ياخذه معاه يوم بسير أي مكان عشان يتعود علة الناس والطلعة و يعرف كيف يتصرف
__________________________________________________ __________
>>>> الرد الرابع :
المشاركة الأصلية كتبت بواسطة حزن قلبي
خله يتعود على اخواله احسن له حاولوا وياه مرة و مرتين.
تسلمين اختي
حاولنا وياه لكن ماشي فايده يتم يصيح ...
__________________________________________________ __________
>>>> الرد الخامس :
خلي امه ترمس واياه وتفهمه انه هو الريال الكبير وان الريال مايصيح ومايخلي حد يضربه والريال يلس مع الريايل مب مع الحريم ولو عندكم في العايله اولاد خلي يلس واياهم او اولاد اليران المهم امه لاتخلي وتحاول تقوي شخصيته وثقته في نفسه ولو اتعلم اسير اصلي في المسيد لو حذالكم مسيد قريب من البيت يكون احسن
بنتعامل وياه بهالطريقه ان شاء الله تفيد
مشكوره حبوبه
رد مع اقتباس
