عنوان الموضوع : تعالي بخبركن سالفة صارت لي عالم الامومة
مقدم من طرف منتديات الضمير العربي

بنات

ابا اقولكن شي توه صار لي

انا كنت ارمس ريلي توني
طبعا انا ف الجامعة وهو ف الدوام وما ننزل الا كل ويك اند انا وهو

بس توه وهو يرمسني قالي اتصدقين ابا ارجع البيت مشتاق للبيت عاد
هنا انا استانست قلت الحين الريال مشتاق لي انا يعني

شوي ويقول ترا اخواني ف البيت وحشوني وااايد احس اني مشتاق لهم خاطري ارد البيت

حسيت اني تظايقت

يعني احس بدل ما يقول لي انه مشتاق لي انا قال وحشوني اخواني وايد

مع انه انا وياه ما نتلاقى الا ف الويك اند يعني المفروظ انه يشتاق لي انا

تميت ساكته وعقب قلت له بس مشتاق لخوانك
سكت وعقب حس انه ظايقني قالي لا حتى انتي

عقب عاد انا حز ف خاطري وسكتت

قالي شو اتغارين من اخواني
قلت له ل ا السالفة مب سالفة غيرة

يعني مستحيل اني اغار من اخوانك

بس ،،،،،،،،وسكتت

يعني كنت ابا افهمه انه حز ف خاطري ما قالي اول شي انه مشتاق لي انا

مع اني والله اني مشتااااقة له وااااااااااايد
احس اني احبه واايد بس هو ما يبادلني نفس الحب

يقول لي احبج بس ما يحسسني انه يحبني مب لما انا احبه

اقل موقف يبين لي انه يحبني هالموقف
يوم يوق انه مشتاق للبيت
احس

ما ادري
احس اني متظايقة من موقف

وقلت له عيل برايك بسكر الحين قالي اهااا الحين بتريا المسج

عاد على باله اني بطرش له مسج بعد ما اسكر باني اعلق على الموقف

لاني دوم اسوي جي اذا صار بينا مواقف
اسكر وارد اطرش مسج يبين اني زعلانة

قلت له لا هذا مال يهال نحن كبرنا على هالسوالف مسجات مال اول
وعقب سكرت

شو اسوي
احس اني متظايقة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا حبوبه اقولج لاتزعلين ولا تحطين في خاطرج اكيد هو يسوي وياج سوالف او يبا يشوف ردت فعلج اكيد يشتاقلج بس نحن الحريم نحب ان الريال دوم يقول هالكلام 000وبعدين حلو الواحد يشتاق حق اهله ويسال عنهم ترا اللي ماله خير في هله ماله خير في حرمته وعياله بس انتي لا تتحسسين
والسموحه حبوبه

__________________________________________________ __________

>>>> الرد الثاني :
وانا رايي من راي الخت

موفقه حبيبتي

__________________________________________________ __________

>>>> الرد الثالث :
يالله عاد حبوبه عن الدلع ههههههههه

اكيد قصده مشتاق لج لا تحاتين بس الرياييل ما يعرفون يعبرون صدقيني

تدرين تبينه يشتاق لج الحينه ويحس فيج بدال ما تطرشين له مسج عتاب طرشي له مسج حب وشوق وشوفي النتيجه

واذكري الله دوم الغاليه واستغفري ترا ماشي مثل العباده تخلى الحياة سعيده والاستغفار

__________________________________________________ __________

>>>> الرد الرابع :
ما عليه حبوبة لا تزعلين و لا تظايجين وسعي صدرج الموقف الحمد لله بسيط
و في مواقف أصعب من هذا
الله يجمع بينكم على خير
طرشي حق ريلج مسج حلو و فاجئيه و إن شاء الله بيستانس إنج مب زعلانة منه

__________________________________________________ __________

>>>> الرد الخامس :
احسن انج مكبره السالفه وايد
هونيها و تهون

في ريايييل ما يحبون يبينون مشاعرهم

ويمكن ريلج من النوع هذا