عنوان الموضوع : يا جماعة الخير,,عطوني نصيحة ..ساعدوني ساعدوني دخيلكم
مقدم من طرف منتديات الضمير العربي

انا متزوجة وعايشة في بيت اهل زوجي من 6 سنين...وعندي بنت وحدة....عمرها 4 سنين......حصل بيني وبين اخت زوجي مشكله بسيطة بس هي كبيرتها....المشكله ان في موضوع قتلت لزوجي عتها ...وزوجي بالغلط قال الموضوع جدامها...وهي انصدمت وقالت امنو ياللي قالك ...وزوجي سكت....انا ما كنت قاصدة اني اظلمها او اقول لزوجي عن تصرفاتها...هي متزوجة وعندها ولد صغير...وكانت ما ترضى ان بنتي تلعب مع ولدها لان بنتي كانت اشوي تعبانة....المهم انا قلت لزوجي ......وبالغلط قال لها.....المهم عقب فترة عرفت انها مضايجة مني وايد ....ورحت اعتذرها ..بس هي ما اتقبلت الأسف مني.,,وقالتلي خليج بعيدة عنا ...لان وايد مواقف استوت خلتهم بيتعدوني مني........وما قالتلي ليش,,,,,,,وقلتلها خلنا نفتح صفحه حديدة مع بعض مارضت ابدا....والسالفة تقريبا من سنة ....ولين الحين تصرف معاي تصرفات غريبة ...ومب حابتني...لانها ما تتكلم وياي...حتى ساعات تجي البيت عندنا وما تسلم علي ....ودومهت اتفر علي نغزات وانا ساكته واسوي عمري ما اسمع لاني ما ابي مشاكل معاها...هي انسانة وايد عصبية واصغر عني....ومب راضية تبلعني....وانا احاول ابتسم وياها بس هي مب راضيه تماما....رافضتني....شو الحل معاها.......حاولت معاها بشتى الطرق اني ارضيها بس هي مب راضية...اتصلت وما اترد..شو الحل معاها ..............عطوني حل يا جماعة الخير ,,,,,,,,,,,,,,,ما ابي اقاطعها لان هالشي حرام...ابيها ترجعلي مثل الأول واحسن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي اول شي انتي بتاخدين اجر لانج حاولتي تكلمينها بس مارضت والمفروض هديلا يهال مايناخدعليهم
ادعي الله يحنن قابها وترضى

__________________________________________________ __________

>>>> الرد الثاني :
قعدي وياها و كلميها بالمنطق و ردي المياه لمجاريها و ان ما بغت مب غصب برايها و سكتي عنها

__________________________________________________ __________

>>>> الرد الثالث :
لي عودة ان شاء الله

__________________________________________________ __________

>>>> الرد الرابع :
طرشيلها مسج وسايط فيه ايه قرانيه بصوت احد الشيوخ المؤثرين مثل العجمي وكتبي اي كلام ديني يدل على حكم من يقطع اهله ومن لا يسامح ويغفر خطيئة الغير ..

انا مجربه هالحركه والحمدالله فادت وردت المياه لمجاريها

__________________________________________________ __________

>>>> الرد الخامس :
جي انتي شو سويتي جريمة يعني

هاي سوالف تستوي ف كل بيت .. ولازم تتحمل

وسرتي تراضينها وما رضت

اتصلتي فيها وما ردت

شو بتسوين غير ..... طنشيييييييييييييييييها

انا ما اقول لج قاطعيها بالعكس.. سلمي عليها وابتسمي لها وعامليها عادي

بس لا تعقين عمرج عليها .. مع الايام بتعرف قدرج وطيبة قلبج

وهذا احسن حل برايي وعن تجربة