عنوان الموضوع : الفزعه يا خواتي المومة و الطفل
مقدم من طرف منتديات الضمير العربي

السلام عليكم ورحمة الله

يزاكم الله خير خواتي ابا مشورتكم الي ما استغنى عنها


انا وحده بعدني ما عرست عمري 34 انخطبت وااااااايد بس كل مره ما يصير نصيب يا مني او منهم

واللحين انا كبرت خلاص واااايد


ومووووووووووووتي اني اخذ متزوج خبركم بعمري ما احد تم ماعرس يعني فرصتي اخذ عزابي وايد بسيط الله لا يقول اني اخذ معرس قولو امين

الحمدلله على كل حال
ابا اتزوج واعف نفسي ويصير عندي بيبي احب اليهال بس للاسف ما صار نصيب

الا من قريب ياني مطلق بس واااايد خايفه ومب مرتاحه خاصه انه مطلق من جريب وايد وخاف انه يرد الاولى عقب وانا بروحي مما ابا ابتلش بمتزوج
وانا عرفت عنه اطباع هو عصبي شوي ومتسرع والدليل ان طلق حرمته وهي كانت حامل وعقت عقبها بشهر وفي امور ثانيه ما ابي ارمس عنها بس عرفت من مصادري الخاصه ان فيه هاي الصفات واخاف من غروره شكله مغرور وانا وحده على نياتي ولا احب هالسوالف ولا لي خص فيها
بعدين طلييقته هي بنت عمه وعنده 3 وهمه اهل ومن جبيله غير جبيلتنا تماما يعني خوفي بكره او حتى بعد سنين يردها او ان عمه او ابوه يلزم عليه ان يردها

ابا اعرس وارتاااااح من هم الشغل وبلاويه ومن مشاكل الي تارسه حياتي ابي اعرس عشان يفتح لي بيت بروحي ابي اعوض كل الي شفته بحياتي وشقاي

لاني صبرت وااااااااااااااااااااااااااااااااااااااااااااااااا ايد بالاخير ما ابي اصوم واصوم وافطر على بصله




ادعووووو لي خواتي اني اعرس جريب بالي فيه خيره لي ويااااارب ما يكون معرس ويارب مثل ما ابا واتمنى لاني صدق صدق خلاااااااااااااااااص وصلت حدى

الحمدلله على كل لك يارب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله شو أقولج...؟؟

أنتي أستخيري.. والله يرزقج .

__________________________________________________ __________

>>>> الرد الثاني :
والله الغاليه ما في شيء احسن من الاستخاره و ما عندي اي حل ثاني
و مــــــــــــــا خـــــــــــــــاب مــــــن استخــــــــــــــــــــــــــــــــــــــــــــــ ار

__________________________________________________ __________

>>>> الرد الثالث :
ربي يرزقج الريااال إلي ف بااالج يااارب..::

__________________________________________________ __________

>>>> الرد الرابع :
ربي يرزقج الريل الي في بالج والله يوفقج الغاليه

__________________________________________________ __________

>>>> الرد الخامس :
الله يجدم اللي فيه الخير حبيبتي ..~