عنوان الموضوع : ريلي يخونني!!!ليش؟!! لتربية الطفل
مقدم من طرف منتديات الضمير العربي

السلام عليكم ورحمة الله وبركاااته

بدخل في الموضوع على طول لأني ما اعرف اكتب مقدمات ..

بصراااااحه أغلب المشاكل الزوجية اللي قريتها هنيي في القسم عن خيانة الرياييل

حطمتووني الصراحه يعني حسستووني أن كل الرياييل المعرسيين خوونه !!

قمت اشووف الريااييل اللي في عايلتنا واشك فيهم اقول يا ترى هذا يخون حرمته والا هههههههههه والله عقدتووني الصرااحه

أدري بتقولون شو دخلج القسم والا هالمواضيع .. بس بقولكم احوووس بالمنتدى وغصبن عني ادخل القسم .. بس جد مشكلة الخيانه الزوجيه صايره مب طبيعيه

وبس ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اناا وياج ختيــــــــــه

اكثر مشاكل عن الخيــــــآنه

الحمدلله عمري ماسمعت حد من حريم العايله رياييلهن يخونونهن

__________________________________________________ __________

>>>> الرد الثاني :
الله المستعان

__________________________________________________ __________

>>>> الرد الثالث :
مب كل الريايل مثل بعض في ريايل ماشاء الله صاينين بيتهم وحريمهم وعيالهم

وماله داعي تتعقدي الموضوع مب مستاهل وأصابع ايدج مب كلهم متساويه

^_^

__________________________________________________ __________

>>>> الرد الرابع :
حليلهن يفضفضن لنا نحن خواتهن .. و
هب شرط كله هم و حزن شي اكثر من ٤ مواضيع ممتازه

و لنه علاقات زوجيه ف تلقين الي يعاني دوم يتشكى ..والي مستانس يكتم
ربي يفرج هموهم و يزيد فرحهم ..

__________________________________________________ __________

>>>> الرد الخامس :
حبوبة بخبرج ..

الريال في كل الاحوال مفطور على حب النساء.. وأساسا هالشيء ثاااابت في السنة النبوية وفي تعاليم الاسلام

وتخيلي هالزمن والمغريات اللي فيه .. ما أرمس عن الحرام طبعا .. بس أرمس عن اللي نشوفه في التلفزيون والمجلات، أرمس عن البنات اللي في المولات .. حتى اللي حاشمات عمارهن .. نمط الحياة يا حبيبتي تغير .. الاول كان الريال ما يشوف حريم في السوق غير المتزوجات .. وغالبا أسود في أسود ,. اليوم صار يشوف حريم في كل مكان ..

هالشيء صار يشجعه على إنه يتبع هوى نفسه ..
غير جيه النظرة السئية جدا جدا للزوجة الثانية والزواج الثاني ..
ومع إنه حلال .. بس تلاقين الحرمة تعتبره خيانة !! والمجتمع يعتبره خيانة !! وبهالطريقة يميل الزوج لخيار الخيانة الشرعية المحرمة على اعتبار إنها أخف وطأة على بيته من الزواج الثاني ..
وهو يبلي نفسه بالحرام وانه ينشوي في جهنم علشان راحة زوجته اللي أساسا في الغالب ما تكون معطتنه كل حقوقه ...

كيف ما تبين الخيانة تشيع .. الاول كان الريال ما يسمع صوت حرمة غير امه وخواته .. واليوم في أي مكان ممكن تقابله حرمة وتتودد له ..

الأول الرياييل يحافظون على الفجر في المسيد مثل ما يحافظون على عيونهم .. الحينه يالله يالله يصليها قبل لا يسير الدوام في غرفة نومة جنه حرمة !!
وين هالنوع من الرياييل الله بيرزقهم الصون والعفة ؟؟

كيف بتنهاه صلاته عن الفحشاء .. وأغلب الرياييل يصلون من الجمعة للجمعة في المسيد .. وفيه منهم يرقدون ولا يصلون


نمط الحياة تغير .. وطريقة التربية تغيرت .. وأحس كل ماكانوا الأهل أونهم متعلمين ويربون بالطريقة الحديثة كلما فسدت تربية عيالهم أكثر وأكثر ..
وهالعيال هم اللي يوم يكبرون يستوون أزواج !! وطبعا التربية عنده مجرد إرشادات مالها علاقة بالحلال والحرام والسنع والمعروف والمذهب والذمة

وهالامور ضاعت عند أغلب رجال اليوم .. بسبب التربية الحديثة .. الللي أونه علشان تعلمين ولدج الادب لازم تسولفين وياه!!
وآخرة هالسوالف جيل من الرجال للأسف ما تحدهم حدود المجتمع ولا الدين ولا عندهم وازع نفسي .. يخافون من الحرمة أكثر مما يخافون من رب العالمين


أحس اني تفلسفت .. بس الخلاصة .. خيانة الرجال مسؤولية مجتمع كامل .. خلط الحرام بالحلال .. وأحل العلاقات الغير شرعية وحرم الزواج الثاني ..
بدليل إن الوحدة لو تكتشف خيانة زوجها بتقول نزوة وبتسامحه .. ولو خانها مرة ثانية بترجع بتسامحه ولو عادها مرة ثالثة هي بعد بتسامحه

بس لو قال انه خاطب بتشل سامانها وبتروح بيت ابوها .. وبتتفنن في طريقة تعذيبه في المحكمة .. ولو عرفت انه متزوج بتلاحقه سنين علشان تنتقم لنفسها!! .. يعني يوم سوى الحرام سامحت ويوم راح للحلال انتقمت .. عجبي!!