عنوان الموضوع : تعبت من معاملة زوجي لتربية الطفل
مقدم من طرف منتديات الضمير العربي

السلام عليكم ورحمة الله وبركاته

اشحالكم ياحريم ان شالله أنكم بخير وسهاله
من كثر ماقريت سوالف الحريم وردود البنات عليهم حسيت ان الكل على قلب واحد واكثر من خوات عشان جي قلت افضفض شوي مع خواتي يمكن احصل الحل عندكم وارتاح
أنا مزوجه من 16 سنه تقريبا وماخذين بعضهن حب وكانت حياتنا حلوه الحمدالله وعشنا حياتنا كانت تمر علينا مشاكل مثل اي حياه زوجيه ونحلها الحمدالله بس هالسنه تغير ريلي وايد عليه من خذ هالبلاك بيري واكتشفت خيانته لي وانصدمت وبغيت أموت بس حس بغلطته اتاسفلي وحسيت انه صدق ندم على اللي سواه عشان جي سامحته
بس ريلي من النوع اللي مايحب يقعد في البيت ويوم يطلع مب من النوع اللي يتصل عليه ويطمن وجي لا من يطلع خلاص ينساني حتى يوم اروح بيت اهلي مايتصل عليه أنا اتصل واكلمه ومرات يطلع مع ربعه ويتأخر فليل مايطمني عليه ويوم اتصل اقوله ليش ماقلتلي انك بتتاخر يزعل ويقولي مب لازم أقولج خلاص انتي تعرفين اني بتاخر
والله ما اعرف كيف أتعامل معاه تعبت منه والله ياحريم ماقصرت وياه في شي اتلبس واتعدل واسويله جو رومانسي واسويله اللي يباه كيف اخليه ينسى ربعه وعلى فكره نسيت اخبركم قلبه وايد قاسي عليه يشوفني ويسمعني أصيح مايهون عليه يكلمني يحط راسه ويرقد كيف احنن قلبه عليه خبروني ياحريم لا طنشوني *

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يوفقج أختي

وانتي عشتي مع ريلج ماشاء الله 16 سنة

وعارفة شخصيته عدل أختي فلازم تتقبلينه مثل ما هو ^__^

هاي شخصية ومب لؤم وشر منه

لإنه اذا ما يبغاج ترى الرياييل صدقيني ما يسوون سالفـة ^^!!!!

بس هو وياج وأكيد انتي الغالية والعزيزة على قلبه

بس هو جي طبعه ,, وما يستوي تنسينه ربعه هذا جزء لا يتجزأ من حياته ..

وصدقيني اذا ودرهم واستوى يقعد بالبيت بيتغير وايد من صوبج بتستوي كل الضغوطات تطلع عليج !

فخليه يريح مع ربعه

وحاولو تسوون نظام في نهاية الاسبوع ان يوم كامل تقضونه مع بعض كنوع من التجديد

والباقي خليه على الروتين الي يناسبه

وانتي بعد زوري ربيعاتج وشوفي أهلج واستانسي بالحياة تراها حلوة ^^

لا تخلينه محور حياتج بتتعبين

وانما استفيدي من حياتج بما يرضي الله

وتعلمي ومارسي هوايات وسوي لج نشاط خيري ما توقف الحياة عند الريل أختي ..





في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

__________________________________________________ __________

>>>> الرد الثاني :
آلُـُلٍْـُہ يوفقج

__________________________________________________ __________

>>>> الرد الثالث :
يالغالية انا ما ابي اخوفج بس... اختي فالبداية كانت مشكلتها شرات مشكلتج ... وعقب فتره طلع ريلها يطلع مع بنات للشقق وعذره اني عند ربعي و بتأخر ... لين ما الله فضحه وطلع كل الفواحش اللي كان يسويها... بس اسأل الله انه ما يصير لج مثل ما صار لأختي... والله يحفظ لج ريلج .. والجميع ان شاء الله...

__________________________________________________ __________

>>>> الرد الرابع :
عندي نصيحه حق الكل المتزوجات

انا مب معرسه ولا مخطوبه ولا شي

بس حاسه فيكم وايد

الكلمه اللي ابا اقولها لكم
كل شخص له وايد اعمده في حياته
اول عمود اهله
العمود الثاني ربعه
الثالث شهادته
الرابع وظيفته

النجاح في الحياه مب بس ريل وبيت في اشياء ثانيه

ونحن عدنا البنت من تعرس تتخلى عن كل الاعمده اللي في حياتها وتخلي عمود واحد يديد اللي هو الريل

وفي حال هالعمود انكسر تنهدم حياتها

بس لو كانوا الاعمده الثانيه موجوده فمارح يأثر وينهدم

ابنيلج مملكتج الخاصه اللي انتي تكونين اميره فيها

دوري النجاح داخلج والسعاده بعد

لا تعتمدين على غيرج داخل مملكتج
اتعدلي حق نفسج
اهتمي في البيت لانه القصر اللي انتي فيه
اطلعي ويا ربيعاتج لانهم عمود في حياتج

عندي وايد كلام بعد بس احسني واايد تكلمت

الله يوفقج في حياتج

باب النقد مفتوح على كلامي

__________________________________________________ __________

>>>> الرد الخامس :
للرفع